เอเฟซัส 6:24 - Eastern Kayah Shadaw Dialect

²⁴ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ꤘꤢꤦ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤥ꤬ ꤘꤣ ꤢ꤬ꤒꤣꤧ꤬ꤘꤢꤦ꤬ ꤡ꤫ꤢꤧ꤬ꤒꤥ꤬ ꤣꤧ꤭ꤔꤣꤧ꤬ ꤔꤤ꤮꤯

ลีเทส่อพ๊าอาเซ เร๊อ เห่ขุทวาลู๊

²⁴ จอแปแหร่ เก่ เด๊อะโล เป่ดื่อ อาบุ๊ยอาเตอเรอ เร๊อ แกแย เด๊อ อา โม แบ่เจ่ เหย่ซู่ครี๊ เนอเต๊เห่ เร๊อ อาเตโม เด๊อ อาตื๊อดื่อ แจ่โต่ เออเนอ นี๋.

เอเฟซัส 6:24 ပူးပေါင်းရင်းမြစ်များ

มัทธิว 22:37

ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤔꤢꤧ, “‘ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭, ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤢ꤬ ꤔꤢꤧ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤢꤪ꤭꤮ ꤕꤜꤤ꤭, ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤢ꤬ ꤔꤢꤧ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤜꤢꤪ꤭꤮ ꤕꤜꤤ꤭꤯’

โครินธ์ เนอบ่า ต๊าบ่า 8:12

ꤞꤤ꤭ ꤊꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤘꤣꤧ ꤚꤣꤧꤘꤢꤦ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤟꤢꤨꤔꤣꤧ꤬ ꤟꤣꤧ꤯ ꤞꤤ꤭ ꤘꤣꤧꤙꤢꤩ ꤙꤢ꤮ ꤒꤢꤩ꤭ ꤙꤢ꤮ ꤒꤢꤩ꤭ ꤔꤣꤧ꤬, ꤢ꤬ ꤜ꤫ꤥ꤬ꤘꤢꤨ꤬ ꤜꤢ꤭ ꤗ꤫ꤢ꤬ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤘꤣꤧ ꤞꤤ꤭ ꤙꤢ ꤞꤤ꤭ ꤘꤣꤧꤙꤢꤩ ꤔꤣꤧ꤬ꤖꤢꤧ꤯ ꤒꤢꤩ꤬ ꤘꤣ ꤞꤤ꤭ ꤘꤣꤧꤙꤢꤩꤒꤥ꤬ ꤔꤣꤧ꤬ ꤢ꤬ ꤊꤝꤤ꤭ ꤔꤢꤧ ꤞꤤ꤭ ꤒꤣꤧ꤬ꤊꤤ꤬꤮ ꤒꤥ꤬꤯

ꤒꤤꤒꤢꤨ 3:15

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤊꤣꤧ꤭ ꤔꤢꤧ ꤠꤢꤧ꤭ ꤜꤢꤪ꤭꤮ ꤕꤜꤤ꤭ ꤙꤣꤧꤣꤧ꤭ ꤒꤣꤧ꤬ꤟꤢꤩ꤬ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ꤊꤣꤧ꤭ ꤔꤢꤧ꤬ ꤢ꤬ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ꤯ ꤚꤣꤧ꤬ ꤞꤢꤨ꤭ꤡꤝꤢ ꤕ꤫ꤢꤩ꤬ꤊꤣꤧ꤭ ꤘꤤ꤭ꤒ꤫ꤢꤦ꤬ꤘꤢꤦ꤬ ꤕꤢꤩ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤔꤣꤧ꤬ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤗꤥ꤬ꤚꤣꤧ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤔꤤ꤮꤯ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤔꤤ꤮꤯

ꤒꤤꤒꤢꤨ 2:7

ꤔꤢꤧ꤬ ꤊꤣꤧ꤭ꤜꤢ꤭ꤒꤢꤩ꤬ꤚꤣꤧ꤬, ꤔꤢꤧ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤖꤚꤢꤩ꤬ꤋꤢꤨ꤭ ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤙꤢꤦ꤭ꤊꤣꤧ꤭ ꤔꤢꤧ꤬ꤔꤣꤧ꤬ ꤚꤣꤧ꤬, ꤗꤢꤩ꤬ ꤖꤢꤧ ꤒꤢꤩ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤙꤣꤧ ꤔꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤘꤢꤧ꤬ꤡꤢꤪꤡꤢꤦ ꤔꤢꤧ꤬ ꤞꤤꤕꤜꤢꤪ꤬ ꤓꤥ꤭ꤚꤣꤧ꤬ ꤢꤧ ꤏꤢ꤭ꤖꤚ꤫ꤢꤩ꤬ꤏꤢ꤭ꤗꤢꤧ꤬ ꤔꤢꤧ꤬ꤔ꤫ꤢꤩ꤬ ꤔꤤ꤮꤯

ทิโมธี เนอบ่า ต๊าบ่า 4:22

ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤔꤢꤧ꤬ ꤔꤤ꤮꤯ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤜꤢꤪ꤭꤮ ꤕꤜꤤ꤭ ꤔꤤ꤮꤯

โครินธ์ เนอบ่า ต๊าบ่า 13:14

ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭, ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤙꤢꤧꤞꤝꤢꤙꤢꤧꤜꤢ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ ꤊꤣꤧ꤭ ꤘꤢꤦ꤬ ꤔꤢꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯

โครินธ์ เนอบ่า ต๊าบ่า 8:8

ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤚꤣꤧ꤬ ꤠꤢꤧ꤭ ꤔꤢꤪ꤭ꤏꤝꤢ꤬ ꤞꤤ꤭ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤋꤚꤝꤢ꤭ꤗꤢꤧꤙꤢꤦ꤭ ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤔꤣꤧ꤬ꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤊꤣꤧ꤭ ꤞꤤ꤭ ꤟꤢꤨꤔꤣꤧ꤬ ꤖꤢꤧ꤯ ꤘꤣ ꤠꤢꤧ꤭ ꤘꤣꤧꤜꤥ꤭ ꤞꤤ꤭ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤗꤥ꤬ ꤗ꤫ꤢ꤬ꤔꤤꤔꤢꤧ꤬ ꤢꤨ꤭ ꤟꤢꤧ꤭? ꤞꤤ꤭ ꤗꤥ꤬ ꤗ꤫ꤢ꤬ꤒꤥ꤬ ꤟꤢꤧ꤭? ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤕꤢ꤭ ꤟꤢꤨꤔꤣꤧ꤬ ꤖꤢꤧ꤯

มัทธิว 28:20

ꤓꤥ꤭ꤚꤣꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤡꤢꤨ꤭ꤢꤩ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤜꤢꤪ꤭ ꤟꤢꤨ ꤠꤢꤧ꤭ ꤗ꤫ꤢ꤬ꤊꤢꤧ꤭ ꤞꤤ꤭ ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤠꤢꤧ꤭ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤕꤝꤢ꤭꤮ ꤖꤥ ꤡꤣꤧ ꤕꤢ꤭, ꤒ꤫ꤥ꤬ ꤡꤣꤧ ꤘꤣ ꤟꤢꤩ꤬ꤋꤢꤨ꤬ ꤒꤣꤧ꤬ꤘꤢꤦ꤬ꤊꤢꤧ꤭ ꤡꤣꤧꤕꤢ꤭ ꤙꤢꤩ꤬ꤙꤢꤩ꤬ ꤠꤢꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤕꤢ꤭꤯”

มัทธิว 6:13

ꤔꤢꤪ꤭ꤡꤝꤢꤔꤥ꤭ ꤒ꤫ꤢꤧ꤬ ꤕꤢꤩ꤬ ꤘꤣ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤢ꤬ꤊꤜꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤚꤣꤧ ꤕꤢꤩ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤊꤢꤨꤛꤢ꤭ꤊꤢꤨ꤭ ꤣꤧ꤭ꤔꤣꤧ꤬ ꤔꤤ꤮꤯ (ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤓꤣꤧ꤭ꤊ꤫ꤢꤩ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤙꤢꤩ꤬ꤙꤢꤩ꤬ ꤗ꤫ꤢ꤬ꤘꤢꤦ꤬ꤟꤣꤧ ꤔꤢꤧ꤬ꤒꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤟꤣꤧ꤯ ꤢ꤬ꤗꤢꤩ꤬꤯)’

ꤟꤤꤙꤚꤢꤨ 13:25

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤜꤢꤪ꤭ꤕꤜꤤ꤭ ꤔꤤ꤮꤯

โคโลสี 4:18

ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤔꤣꤧ꤬ꤗꤢ꤬, ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ ꤊꤢꤨꤋꤢꤨ꤬ ꤚꤣꤧꤘꤢꤦ꤬ ꤖꤢꤧ꤯ ꤠꤢꤧ꤭ ꤜꤢ꤭ ꤥ꤬ ꤘꤣ ꤢ꤬ ꤕꤥ꤬ꤊꤢꤨ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤏꤥ꤭ꤒꤣꤧ꤬ꤕꤢ꤬ ꤒ꤫ꤢꤧ꤬ ꤠꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤔꤤ꤮꤯

ꤚꤥꤗꤢꤩ꤬ 2:7

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗ꤫ꤢ꤬ꤔꤤꤔꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤚꤣꤧ ꤛꤢꤩ꤬ꤞꤤ꤭ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤛꤢꤩ꤬ꤞꤤ꤭ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤘꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ ꤞꤣꤧ꤭ꤡ꤫ꤢꤧ꤬ꤕꤢ꤬ꤒꤥ꤬ ꤣꤧ꤭ꤔꤣꤧ꤬ ꤕꤢ꤭ ꤢ꤬ ꤗꤢꤧꤏꤢꤦ꤭ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤢꤧꤡꤢꤦꤢꤧꤚꤢꤩ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤜꤢ꤭ꤋꤢꤧ꤭ ꤒꤢꤩ꤬ꤚꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

เอเฟซัส 6:23

ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤘꤣꤧꤘꤢꤦ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤔꤢꤧ ꤒꤢꤩ꤬ꤛ꤫ꤢꤦ꤬ꤢꤩ꤬ ꤋꤚꤤ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯

ฟีลิปปี 1:1

ꤕꤢꤩ꤬ ꤗꤢ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬꤯ ꤕꤢꤩ꤬ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ ꤣꤧ꤭ꤒꤣ꤬ꤙꤢ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤖꤤꤜꤤ꤬ꤕꤤ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤕꤢꤩ꤬ ꤚꤢ꤭ꤡꤝꤢꤕ꤫ꤢ꤬ꤒ꤫ꤣ꤬ ꤕ꤫ꤢꤩ꤬ꤊꤣꤧ꤭ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬꤯