ꤘꤣ ꤔꤣꤧ꤬ꤋꤢꤩ꤭ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤘꤢꤪꤥꤘꤢꤪꤙꤤ ꤚꤣꤧꤘꤢꤦ꤬ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ꤣꤧ꤭꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ꤘꤢꤪꤥꤘꤢꤪꤙꤤ ꤣꤧ꤭ꤔꤣꤧ꤬ ꤢ꤬ ꤥ꤬ꤜꤥ꤭ꤓꤢꤧ꤬ ꤟꤣꤧ꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤙꤢꤗꤥ꤭ꤚꤣꤧ ꤕ꤫ꤢꤩ꤬ ꤕꤢꤩ꤬ꤊꤜꤢꤧ ꤘꤣ ꤕꤢꤩ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤚꤣꤧ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤚꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤘꤣ ꤕꤢꤩ꤬ꤑꤢꤩ꤭ ꤔꤤ꤮꤯ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ꤗꤢ꤬ ꤒꤢꤩ꤬ꤘꤢꤪꤥ ꤣꤧ꤭ꤔꤣꤧ꤬, ꤢ꤬ ꤥ꤬ꤜꤥ꤭ꤓꤢꤧ꤬ ꤜꤢ꤭ꤟꤤꤒꤥ꤬, ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤥ꤬ꤜꤥ꤭ꤓꤢꤧ꤬ ꤟꤣꤧ꤯ ꤘꤣ ꤠꤢꤧ꤭ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤖꤢꤧ꤯
เอเฟซัส 6:19 - Eastern Kayah Shadaw Dialect19 ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔꤢꤪ꤭ꤟꤢꤩꤙꤢꤩ꤬ ꤠꤢꤧ꤭ ꤍ꤫ꤥ꤬ ꤘꤣ ꤢ꤬ ꤒꤥ꤭ꤙꤢꤩ꤬ ꤟꤢꤩꤙꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤙꤣꤧ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤢꤓꤢꤧ꤬ ꤟꤢꤩ ꤕ꤫ꤢꤩ꤬ ꤢꤨ꤭ ꤢ꤬ꤋꤢꤩ꤭, ꤊꤝꤤ꤭ꤡꤢꤪꤙꤢꤩ꤭ꤚꤣꤧ ꤕ꤫ꤢꤩ꤬ꤊꤣꤧ꤭ ꤘꤣ ꤠꤢꤧ꤭ꤑꤢꤩ꤭ ꤔꤤ꤮꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤟꤢ꤭ꤟꤢ꤭ ꤕ꤫ꤢꤩ꤬ꤊꤣꤧ꤭ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤥ꤬ꤥꤥ꤬ꤙꤤ ꤑꤢ꤭꤮ ꤜꤥ꤬ꤟꤣꤧꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤊꤝꤤ꤭ꤡꤢꤪꤙꤢꤩ꤭ꤚꤣꤧ ꤕ꤫ꤢꤩ꤬ꤊꤣꤧ꤭ ꤕ꤫ꤥ꤬ ꤘꤣ ꤠꤢꤧ꤭ꤑꤢꤩ꤭ ꤔꤤ꤮꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊19 แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋. အခန်းကိုကြည့်ပါ။ |
เอเฟซัส 6:19
34 ပူးပေါင်းရင်းမြစ်များ
ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤊꤢꤧ꤭ ꤞꤤ꤭ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤔꤢꤧ, ꤞꤢꤧꤟꤢꤨ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤊ꤫ꤢꤦ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤖꤚꤢꤧ꤭ꤖꤚꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤊꤣꤧ꤭ ꤘꤣ ꤕꤢꤩ꤬ꤑꤢꤩ꤭ ꤔꤤ꤮꤯ ꤓꤥ꤭ꤒꤥ꤬ ꤟꤢꤨ ꤞꤤ꤭ ꤖꤛꤢꤏꤢꤦ꤬ ꤓꤥ꤭ꤟꤣꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤔꤢꤧ ꤘꤣ ꤒꤢꤩ꤬ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ꤊꤢꤨ꤭ꤔꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤖꤛꤢꤏꤢꤦ꤬ ꤞꤢꤧꤊꤣꤧ꤭ꤘꤢꤦ꤬ ꤟꤢꤨ ꤞꤤ꤭ ꤖꤛꤢꤏꤢꤦ꤬ ꤣꤧ꤭ꤔꤣꤧ꤬ꤚꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤊꤣꤧ꤭ ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤕꤢꤩ꤬ꤑꤢꤩ꤭ ꤔꤤ꤮꤯
ꤟꤢꤨ ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧꤔꤣꤧ꤬ꤟꤣꤧ, ꤙꤣꤧ ꤕꤢꤩ꤬ ꤟꤢꤧ꤭ ꤒꤢꤧ꤬ꤊꤣꤧ꤭ꤜꤢ꤭ꤟꤤ ꤘꤣ ꤞꤤ꤭ ꤥ꤬ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤠꤤ꤭ꤖꤤꤜꤤ꤬ꤕꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤕꤢꤩ꤬, ꤓꤥ꤭ꤚꤣꤧ꤬ ꤗꤢꤩ꤬ꤞꤤꤒꤣꤧ꤬ꤚꤢꤩ꤭ ꤜꤢꤪ꤭ ꤕꤢꤩ꤬꤯ ꤢꤨ꤭ ꤗꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤡꤣꤧ ꤕꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤚꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤔꤣꤧ꤬ꤚꤣꤧ꤬, ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤟꤣꤧ ꤕꤢꤩ꤬ ꤒꤢꤩ꤬ꤋꤢꤦ꤭ꤟꤢ꤭ ꤟꤣꤧ꤯
ꤞꤤ꤭ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤡꤣꤧ꤯ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗꤢ꤬ ꤢ꤬ꤏꤢꤪ꤭, ꤞꤤ꤭ ꤟꤢꤩꤙꤢꤩ꤬ꤡ꤫ꤢꤧ꤬ ꤟꤢꤩꤙꤢꤩ꤬ꤕꤜꤥ꤭, ꤞꤤ꤭ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭, ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭, ꤓꤥ꤭ꤒꤥ꤬ ꤞꤤ꤭ ꤗꤥ꤬ꤔꤢꤧ꤬ꤡꤣꤧ ꤕꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤞꤤꤛ꤫ꤢꤦ꤬ ꤊꤣꤧ꤭ ꤕ꤫ꤥ꤬ ꤘꤣ ꤞꤤ꤭ ꤊ꤫ꤢꤦ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤒꤣꤧ꤬ꤟꤢꤩ꤬꤯
ꤞꤤ꤭ ꤒꤥ꤭ ꤘꤢꤧ꤬ ꤜꤢ꤭ꤋꤢꤧ꤭ ꤕꤢꤩ꤬ ꤟꤢꤨ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬꤯ ꤞꤤ꤭ ꤒꤥ꤭ ꤘꤢꤧ꤬ ꤜꤢ꤭ꤋꤢꤧ꤭ ꤕꤢꤩ꤬ ꤟꤢꤨ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤩꤏꤥ꤬ꤕꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤢꤨ꤭ ꤞꤤꤑꤢꤩ꤭ꤔꤢꤪ ꤜꤢ꤭ꤟꤤꤒꤥ꤬ ꤘꤣ ꤔꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ꤟꤣꤧ ꤕꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤣꤧ꤭ ꤢ꤬ꤑꤢꤩ꤭ ꤟꤣꤧ꤯
ꤓꤥ꤭ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤜꤢꤦ ꤟꤢꤩꤙꤢꤩ꤬ ꤋꤢꤦ꤭ꤟꤢ꤭ꤜꤣ ꤕ꤫ꤥ꤬ꤕ꤫ꤥ꤬ ꤡꤣꤧ, ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤕꤢꤩ꤬ ꤒꤥ꤭ꤙꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤚ꤫ꤣꤧ꤬ꤜꤣ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤕꤢꤩ꤬ ꤒꤢꤩ꤬ꤘꤥ꤬ꤔꤢꤧ꤭ ꤣꤧ꤭ꤔꤣꤧ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤘꤣꤧꤡꤢ꤭ꤜꤢꤧ꤬ ꤚꤣꤧꤘꤢꤦ꤬ ꤟꤣꤧ ꤞꤤꤔ꤫ꤢꤩ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤪ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤘꤢꤧ꤬ꤊꤢꤧ꤭ ꤞꤤ꤭ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯
ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ꤚꤣꤧ ꤛꤢꤩ꤬ꤞꤤ꤭ ꤚꤣꤧ꤬ ꤠꤢꤧ꤭ ꤗꤢꤩ꤬ꤟꤢꤨꤣꤧ꤭ ꤖꤢꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤊ꤫ꤢꤦ꤬ ꤡ꤫ꤢꤩ꤬ꤡꤢꤦ꤭ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤗꤥ꤬ ꤢ꤬ꤊꤢꤨ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤒꤢ꤭ꤒꤢꤩ꤬ꤜꤢꤪ꤭ ꤒꤢꤩ꤬ꤞꤤꤑꤢꤩ꤭, ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤕꤜꤥ꤭ꤟꤢꤧ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤘꤢꤧ꤬ ꤥ꤬ꤥꤥ꤬ꤙꤤ ꤗ꤫ꤢ꤬ꤟꤣꤧ ꤋꤚꤤ ꤣꤧ꤭ꤔꤣꤧ꤬ ꤚꤣꤧ꤬ ꤠꤢꤧ꤭ ꤢꤧꤡꤢꤦ ꤗꤢꤩ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤟꤢꤨꤔꤣꤧ꤬ ꤖꤢꤧ꤯
ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤞꤤꤔꤣꤧ꤭ ꤥ꤬ꤑꤢ꤭ ꤊꤢꤨꤜꤥ꤬ ꤙꤣꤧꤔꤣꤧ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤜꤢꤩ꤬ꤓꤢꤧ꤬ꤚꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤛꤢꤩ꤬ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤋꤢꤦ꤭ꤟꤢ꤭ ꤕ꤫ꤢꤩ꤬ ꤡꤣꤧ ꤢꤨ꤭꤯ ꤙꤢꤧ꤬ꤡꤢꤩ꤬ ꤘꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤗꤢꤩ꤬ꤡ꤫ꤢꤧ꤬ ꤒꤢꤩ꤬ꤒꤣꤧ꤬ꤕꤢ꤬ ꤋꤛꤢꤛꤢꤦ ꤞꤤ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤋꤥꤒꤣꤧ꤬ꤊꤜꤤ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤙꤢꤧ꤬ꤡꤢꤩ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤔꤢꤧ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤟꤢꤩꤏꤥ꤬ ꤕ꤫ꤢꤩ꤬ ꤢꤨ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ꤟꤣꤧ ꤔꤣꤧ꤬ꤖꤢꤧ꤯
ꤣꤧ꤭ꤒꤣ꤬ꤖꤥꤚꤣꤧ꤬ ꤋꤢꤨ꤭ꤙꤢ꤬ꤔꤢ꤬ꤙꤢ ꤗꤢꤩ꤬ꤡꤝ꤫ꤢ꤬ ꤜꤢꤨ꤭ ꤚꤣꤧ꤬ ꤢ꤬ ꤢꤩꤡꤝꤢ ꤜꤢꤨ꤭ ꤘꤣ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤚꤣꤧ꤬ ꤢ꤬ ꤘꤣꤧꤜꤥ꤭ ꤞꤤꤑꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤋꤢꤨ꤭ꤎꤢꤪꤜꤢꤨ ꤗꤢꤧꤓ꤫ꤣꤧ꤬ꤟꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤙꤣꤧ ꤢ꤬ ꤡꤝꤢ ꤘꤣ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤜꤢꤨ꤭ ꤔꤢꤧ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬꤯ ꤓꤥ꤭ꤒꤥ꤬ ꤋꤢꤨ꤭ꤙꤢ꤬ꤔꤢ꤬ꤙꤢ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ꤊꤣꤧ꤭ꤕ꤫ꤥ꤬ ꤛꤢꤩ꤬ꤞꤤ꤭ ꤔꤢꤧ ꤋꤢꤨ꤭ꤎꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤋꤢꤦ꤭ꤋꤢꤦ꤭ꤟꤢ꤭ꤟꤢ꤭ ꤡꤣꤧ ꤕ꤫ꤢꤩ꤬ ꤠꤤ꤭ꤘꤢ꤬ꤗꤢ꤬ꤎꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭꤯
ꤕꤢꤩ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ꤣꤧ꤭ ꤢ꤬ꤘꤢꤨ꤬ꤢ꤬ꤛꤢꤧ꤭ ꤡꤣꤧ ꤙꤢ꤮ ꤒꤢꤩ꤭ ꤙꤢ꤮ ꤒꤢꤩ꤭ꤔꤣꤧ꤬ ꤢꤨ꤭ ꤓꤢꤩꤙꤤꤊꤢꤧ꤭ ꤔ꤫ꤤ꤬ꤡ꤫ꤢꤧ꤬ ꤢ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤋꤚꤤ ꤥ꤬ꤜꤥ꤭ꤓꤢꤧ꤬ ꤟꤣꤧ ꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣ꤬ꤖꤚꤢꤩ꤬, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤋꤢꤧꤟꤢꤩꤏꤥ꤬ꤜꤥ꤭ ꤟꤣꤧ ꤒꤢꤩ꤬ ꤔꤢꤧ ꤋꤚꤤ ꤣꤧ꤭ꤔꤣꤧ꤬ ꤢ꤬ ꤗꤢꤩ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬, ꤚꤣꤧ꤬ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤟꤣꤧ ꤢ꤬꤯ ꤓꤥ꤭ꤚꤣꤧ꤬ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬, ꤢꤨ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤟꤣꤧ ꤢ꤬ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤟꤣꤧ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤟꤣꤧ ꤢ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤡꤢꤪ꤭ꤓꤢꤧ꤬ꤟꤣꤧ ꤢ꤬ ꤘꤣ ꤗꤢꤪꤋꤢꤨ꤬ ꤘꤣ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤢ꤬ꤊꤢꤨ꤭ꤟꤣꤧ꤯
ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤔꤢꤧ ꤒꤢꤩ꤬ꤟꤢꤨꤣꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤜ꤫ꤥ꤬ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ꤊꤣꤧ꤭ ꤕꤢꤩ꤬ ꤔꤢꤧ ꤞꤤ꤭ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭꤯ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤕꤢ꤭ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤞꤤ꤭ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤘꤣ ꤒꤢꤩ꤬ꤞꤣꤧ꤭ ꤔꤢꤧ ꤢ꤬ꤙꤝꤤꤘꤢꤨ꤬ ꤢ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤕꤢ꤭꤯
ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤘꤣ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬꤯ ꤘꤣꤔꤢꤨ꤬ꤘꤣꤞꤢ꤬ ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤜꤢ꤭ꤟꤤ ꤢꤨ꤭ ꤔꤢꤧ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯ ꤘꤣ꤮ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ ꤢ꤬ꤋꤢꤩ꤭ ꤕꤢ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯
ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤒꤢꤩ꤬ꤗꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ ꤚ꤫ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤠꤢꤧ꤭ ꤕꤢ꤭, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ꤓꤢꤧ꤬ ꤕ꤫ꤢꤩ꤬ꤊꤣꤧ꤭ ꤠꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤕ꤫ꤢꤩ꤬ꤊꤣꤧ꤭ ꤘꤣ ꤠꤢꤧ꤭ꤑꤢꤩ꤭ ꤕꤢ꤭ ꤔꤤ꤮꤯
ꤢ꤬ ꤡꤢꤓꤢꤧ꤬ ꤟꤢꤩꤙꤢꤩ꤬ꤋꤢꤦ꤭ꤟꤢ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤊꤢꤨ꤭꤯ ꤙꤣꤧ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ ꤔ꤫ꤤ꤬ꤟꤥ꤭ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤢꤩꤊꤢ꤬ ꤜꤢꤨ꤭ ꤘꤣ ꤢ꤬ꤟꤤ꤬꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤒꤢ꤭ꤒꤢꤩ꤬ ꤜꤣꤕ꤫ꤥ꤬ ꤔꤢꤧ ꤢ꤬ ꤜ꤫ꤢꤩ꤬ꤊꤜꤥ꤭ꤜꤣꤧ꤬ ꤣꤧ꤭ꤔꤣꤧ꤬ꤚꤣꤧ꤬, ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ ꤟꤢꤩꤜꤥ꤭ ꤕ꤫ꤢꤩ꤬ ꤕ꤫ꤥ꤬ ꤜꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤒꤣꤧ꤬ꤟꤢꤩ꤬꤯
ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ꤘꤢꤨ꤬ꤓꤝꤢ꤭ꤓꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤞꤤꤕꤜꤢꤪ꤬ꤋꤢꤦ꤭ꤟꤢ꤭ ꤚꤣꤧ꤬ ꤢ꤬ ꤞꤤꤑꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤡ꤫ꤢꤧ꤬ꤜꤤ꤬ꤡ꤫ꤢꤧ꤬ꤜꤢ꤭ ꤗ꤫ꤢ꤬ꤒꤥ꤬ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ꤖꤢꤨ ꤖꤢꤧ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤋꤛꤢꤛꤢꤦ ꤜꤢ꤭ꤋꤢꤧ꤭ ꤡꤣꤧ꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤕ꤫ꤥ꤬ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤙꤢꤧꤞꤝꤢ ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨ ꤒꤣꤧ꤬ꤟꤢꤩ꤬꤯
ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤏꤢꤪ꤭ꤓꤢꤧ꤬ꤙꤢꤩ ꤕ꤫ꤢꤩ꤬ ꤟꤣꤧ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤢ꤬ ꤕꤥ꤮꤯ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬, ꤢꤨ꤭ ꤘꤢꤧ꤬ꤥꤘꤢꤧ꤬ꤙꤤ ꤢ꤬ ꤑꤢ꤭ꤜꤥ꤬ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢꤨ꤭ ꤘꤣꤧꤜꤥ꤭ ꤓꤢꤧ꤬ꤟꤣꤧ ꤢ꤬ ꤟꤣꤧ꤯
ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤙꤢ꤭ꤟꤢꤧ꤭ ꤢ꤬ ꤒꤢꤩ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤒꤢꤩ꤬ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤣꤧ꤭ꤒꤣ꤬ꤡꤣ꤬ ꤟꤢꤨꤒꤢꤩ꤭ ꤕꤢ꤭ꤔꤣꤧ꤬, ꤢ꤬ ꤘꤣꤧꤒꤢ꤭ꤟꤣꤧ ꤠꤢꤧ꤭ ꤒꤢꤩ꤬ꤗꤢꤩ꤬ ꤘꤣ ꤠꤢꤧ꤭ ꤙꤢꤩ꤬ ꤡꤝꤢ ꤟꤢꤩꤏꤥ꤬ꤕꤜꤥ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤣꤧ꤭ꤔꤣꤧ꤬ ꤟꤣꤧ꤯ ꤔꤢ꤬ ꤘꤣ ꤢ꤬ ꤒꤣꤧ꤬ꤜꤝꤢ ꤓꤥ꤭ꤒꤣꤧ꤬ꤟꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤙꤢꤧꤜꤢꤧ꤬ ꤒꤢꤩ꤬ ꤜꤢꤪ꤭꤮ ꤕꤜꤤ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤣꤧ꤭ ꤜꤢ꤭ꤟꤤꤒꤥ꤬꤯
ကြော်ငြာတွေ