เอเฟซัส 6:12 - Eastern Kayah Shadaw Dialect

¹² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤏꤢꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤔꤢꤧ ꤢ꤬ꤖꤢꤢ꤬ꤛꤢ꤬ ꤢ꤬ꤞꤝꤤ꤬ꤢ꤬ꤓꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤏꤢꤏꤢꤦ꤬ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤕꤣꤒꤢꤩ꤬ ꤒꤣꤧ꤬ꤟꤢꤩ꤬, ꤔꤢꤧ ꤜꤥ꤭ꤔꤢꤩ ꤘꤣ ꤢ꤬ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ ꤔꤢꤧ ꤜꤥ꤭ꤔꤢꤩ ꤏꤝꤢ꤬ꤏꤢꤪ꤭ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤜꤥ꤭ꤔꤢꤩ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹² เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.

เอเฟซัส 6:12 ပူးပေါင်းရင်းမြစ်များ

มัทธิว 16:17

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤖꤢꤩ꤭ꤡꤛꤥ꤬ꤔꤢ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤏꤛꤤꤗꤥ꤬, ꤡꤢꤪꤗꤣꤧ꤬ꤚꤢꤧ꤬ ꤏꤢꤪ꤭ꤚꤤ꤬ ꤟꤣꤧ ꤔꤢꤧ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤣꤧ꤭ꤗꤢ꤬ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤘꤣꤧꤞꤤꤑꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ ꤗ꤫ꤢ꤬ꤒꤥ꤬, ꤗ꤫ꤢ꤬ꤘꤢꤦ꤬ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤗꤢꤪꤋꤢꤨ꤬ ꤒꤣ꤬ꤖꤚꤢꤩ꤬ ꤘꤣꤧꤞꤤꤑꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ ꤖꤢꤧ꤯

ꤗꤢ꤬ꤊꤢꤨ 4:19

ꤛꤢꤩ꤬ꤞꤤ꤭ ꤜꤢ꤭ ꤙꤢꤩ꤬ꤊ꤫ꤢꤨ꤬ꤙꤢꤩ꤬ꤊꤢꤧ꤭ ꤚꤣꤧꤘꤢꤦ꤬ ꤔꤢꤧ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤓꤥ꤭ꤚꤣꤧ꤬ ꤢ꤬ ꤜꤢ꤭ ꤞꤤꤛ꤫ꤢꤦ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤜꤢ꤭ꤋꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤞꤤꤛ꤫ꤢꤦ꤬ ꤣꤧ꤭ꤔꤣꤧ꤬ ꤢ꤬ ꤜꤣꤧ꤬ꤟꤥ꤭ ꤚꤣꤧꤘꤢꤦ꤬ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤒꤢꤩ꤬ꤒꤣ꤬ꤡꤣ꤬ ꤓꤥ꤭ ꤒꤣ꤬ꤡꤣ꤬ ꤚꤣꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤋꤢꤧꤕꤜꤢꤦ꤬ꤙꤤꤊꤢꤧ꤭ ꤜꤢꤪ꤭ꤟꤣꤧ ꤜꤢꤨ꤭ ꤚꤣꤧ꤬ ꤢ꤬ꤞꤢꤩ꤬ꤢ꤬ꤖꤥ꤭ ꤓꤢꤩ꤬ꤙꤢꤩ ꤕꤢ꤬ꤒꤥ꤬ꤟꤣꤧ꤯

ꤜꤢꤨꤊꤢ꤬ 13:24

“ꤢꤧꤡꤢꤦ ꤡꤝꤢꤗꤢꤧꤕꤢꤨ꤭ꤔꤥ꤭ ꤜꤢ꤭ꤋꤢꤧ꤭ ꤘꤣ ꤊꤣꤧ꤬ꤘꤢ꤭ ꤢ꤬ꤤ꤬ ꤔꤣꤧ꤬ꤒꤣ꤬ꤊꤢꤨ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢꤧꤡꤢꤦ ꤡꤝꤢꤗꤢꤧꤕꤢꤨ꤭ꤔꤥ꤭ ꤚ꤫ꤥ꤬ꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤔꤥ꤭ꤙꤢꤩ ꤜꤢ꤭ꤋꤢꤧ꤭ ꤒꤥ꤬꤯

ꤜꤢꤨꤊꤢ꤬ 22:53

ꤠꤢꤧ꤭ ꤥ꤬ꤊꤣꤧ꤭ ꤔꤢꤧ ꤞꤤ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬ ꤕꤝꤢ꤭꤮ ꤒꤣ꤬ꤔꤣꤧ꤭ ꤡꤣꤧ ꤚꤣꤧ꤬ ꤞꤤ꤭ ꤕ꤫ꤢꤦ꤬ ꤠꤢꤧ꤭ ꤒꤥ꤬ꤒꤥ꤬, ꤗꤢ꤬ꤔꤢꤧꤚꤣꤧ꤬ ꤙꤣꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤕꤣꤒꤢꤩ꤬ ꤢ꤬ꤋꤢꤩ꤭ꤣꤧ꤭, ꤢ꤬ꤏꤣꤧꤋꤢꤩ꤭ ꤙꤢꤩ꤬ꤟꤣꤧ ꤘꤣ ꤞꤤ꤭ ꤙꤢꤩ꤬ ꤗꤢꤩ꤬ꤔꤢꤧ꤭ ꤟꤣꤧ ꤟꤢꤨꤣꤧ꤭ ꤟꤣꤧ꤯”

ꤛꤥ꤭ꤟꤢ꤬ 12:31

“ꤊꤢꤨꤔ꤫ꤢꤧ꤬ꤚꤣꤧ꤬ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤢꤨ꤭ ꤊ꤫ꤢꤦ꤬ ꤘꤣꤧꤡꤢ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤟꤣꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤢꤨ꤭ ꤊ꤫ꤢꤦ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤎꤢꤩ꤬ꤓꤣ꤬ ꤘꤣ ꤢ꤬ ꤕꤣ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤒꤥ꤬ ꤒꤣꤧ꤬ꤟꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤘꤥ꤭ ꤟꤣꤧ꤯

ꤛꤥ꤭ꤟꤢ꤬ 14:30

ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤑꤢ꤭ꤑꤢ꤭ ꤔꤢꤧ ꤞꤤ꤭ ꤔꤣꤧ꤬ꤗꤢ꤬ ꤢ꤬ꤏꤣꤧꤢ꤬ꤋꤢꤩ꤭ ꤥ꤬ ꤢꤩ ꤕꤢ꤬ꤒꤥ꤬ꤟꤣꤧ꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤎꤢꤩ꤬ꤓꤣ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬, ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤟꤣꤧ꤯ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤔꤣꤧ꤬, ꤢ꤬ ꤗꤢꤩ꤬ꤕ꤫ꤢꤩ꤬ ꤔꤢꤧ ꤠꤢꤧ꤭ ꤒꤥ꤬꤯

ꤛꤥ꤭ꤟꤢ꤬ 16:11

ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤟꤣꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤎꤢꤩ꤬ꤓꤣ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤘꤥ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧ ꤞꤤꤑꤢꤩ꤭ꤕꤜꤥ꤭ ꤕ꤫ꤢꤩ꤬ꤟꤣꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭ ꤟꤣꤧ꤯

เพรโด่แนพู๊ เต๊เห่ 26:18

ꤔꤢꤧ꤬ ꤙꤢꤩ꤬ ꤙꤢꤗꤥ꤭ꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ ꤕꤢ꤭, ꤓꤥ꤭ꤚꤣꤧ꤬ ꤔꤢꤧ꤬ ꤔꤢꤪ꤭ꤒꤣꤧ꤬ꤚꤤ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤘꤣ ꤒꤢꤩ꤬ꤋꤤꤒꤢꤩ꤬ꤒꤣꤧ꤬ꤕꤢ꤬ ꤢ꤬ꤜꤢꤩ꤭ ꤕꤢ꤭, ꤚꤣꤧ꤬ ꤔꤢꤧ꤬ ꤊ꤫ꤢꤦ꤬ ꤞꤢꤨ꤭ꤡꤝꤢ ꤛꤢꤩ꤬ꤞꤤ꤭ ꤘꤣ ꤒꤢꤩ꤬ꤜꤤ꤭ ꤕꤢ꤭, ꤓꤥ꤭ꤒꤥ꤬ ꤔꤢꤧ꤬ ꤊ꤫ꤢꤦ꤬ ꤞꤢꤨ꤭ꤡꤝꤢꤔꤥ꤭ ꤛꤢꤩ꤬ꤞꤤ꤭ ꤘꤣ ꤢ꤬ ꤥ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤢ꤬ꤜꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤜꤢꤩ꤭ ꤕꤢ꤭꤯ ꤘꤣ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤕꤢ꤭, ꤓꤥ꤭ꤒꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤚꤣꤧꤘꤢꤦ꤬ ꤢ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ꤥ꤬ ꤣꤧ꤭ꤔꤣꤧ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤚꤣꤧꤘꤢꤦ꤬ ꤕꤢ꤭,’” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 8:38

ꤒꤢꤩ꤬ꤞꤣꤧ꤭ ꤙꤢꤩ꤬ꤙꤢꤩ꤬, ꤒꤢꤩ꤬ꤞꤣꤧ꤭ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤙꤢꤩ꤬ꤙꤢꤩ꤬, ꤜꤥ꤭ꤔꤢꤩꤜꤥ꤭ꤔꤢ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤏꤢ꤮ ꤔꤥ꤬ꤕꤢ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤔꤢꤧ ꤢ꤬ ꤓꤢꤪꤕꤢꤩ꤭ꤊꤢꤧ꤭ꤡ꤫ꤢꤧ꤬ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤥ꤬ ꤒꤥ꤬꤯

โครินธ์ อาเหร่อเล๊อ ต๊าบ่า 15:50

ꤋꤥ꤭ꤙꤢꤧꤞꤝꤢ ꤞꤤ꤭꤮, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤕ꤫ꤢꤩ꤬ ꤞꤤ꤭ ꤔꤢꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤘꤣ ꤢ꤬ ꤥ꤬ ꤔꤢꤧ ꤞꤝꤤ꤬ ꤔꤢꤧ ꤓꤣꤧ꤭ ꤣꤧ꤭ꤔꤣꤧ꤬ ꤢ꤬ ꤡꤝꤢꤔꤥ꤭ ꤥ꤬ꤞꤣꤧ꤭ꤖꤚꤢꤩ꤬ꤡ꤫ꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤞꤢꤪ꤭ꤢ꤬ꤕꤛꤢꤊꤢꤧ꤭ ꤡ꤫ꤢꤧ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤢꤧ꤭ꤑꤢ꤭ꤙꤢꤩ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤥ꤬꤯

โครินธ์ เนอบ่า ต๊าบ่า 11:14

ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤚꤣꤧ꤬ ꤠꤢꤧ꤭ ꤋꤛꤢꤛꤢꤦ ꤔꤢꤧ ꤒꤣ꤬ꤡꤣ꤬꤮ ꤒꤥ꤬꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤊꤜꤝꤢ꤬ꤜꤣꤧ꤬ꤟꤥ꤭ ꤡꤣꤧ ꤢ꤬ꤔ꤫ꤢꤩ꤬ ꤟꤢꤨ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤗꤢ꤬꤮ ꤢ꤬ ꤗꤢꤩ꤬ꤡ꤫ꤢꤧ꤬ ꤖꤢꤧ꤯

โครินธ์ เนอบ่า ต๊าบ่า 4:4

ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤕꤣꤚꤣꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬, ꤢ꤬ ꤗꤢꤩ꤬ꤋꤤ ꤗꤢꤩ꤬ꤒꤣꤧ꤬ꤕꤢ꤬ꤊꤢꤧ꤭ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤊꤣꤧ꤭ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤒꤢꤩ꤬ꤜꤤ꤭ ꤣꤧ꤭ꤔꤣꤧ꤬ ꤒꤥ꤬꤯ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤒ꤫ꤢꤧ꤬ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤢ꤬ ꤗꤢꤩ꤬ꤒꤣꤧ꤬ꤕꤢ꤬ ꤢꤦꤢꤧꤊꤢꤧ꤭ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤘꤣꤧꤜꤥ꤭ ꤒꤢ꤭ꤒꤢꤩ꤬ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤋꤚꤤ ꤟꤣꤧ꤯

ꤊꤢ꤬ꤜꤢ꤬ꤒꤤ 1:16

ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭꤯ ꤙꤣꤧꤔꤣꤧ꤬ꤋꤢꤩ꤭, ꤠꤢꤧ꤭ ꤊꤝꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤘꤣꤧꤞꤤꤑꤢꤩ꤭ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤡꤝ꤫ꤢ꤬ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

เอเฟซัส 1:21

ꤜꤢꤪ꤭ ꤖꤚꤢꤩ꤬ꤕꤣꤒꤢꤩ꤬ ꤘꤣ ꤗꤢꤪꤋꤢꤨ꤬ ꤒꤣꤧ꤬ꤟꤢꤩ꤬, ꤜꤢꤪ꤭ ꤗꤢꤪꤋꤢꤨ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬, ꤜꤢꤪ꤭ ꤗꤢꤪꤋꤢꤨ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤗꤢꤪꤜꤢꤩ꤭ ꤢ꤬ꤙꤢꤧ꤬ꤡꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤭ ꤢ꤬ꤋꤢꤨ꤬ꤔꤣꤧ꤬, ꤋꤚꤤ ꤓꤝꤢ꤭ꤘꤢꤨ꤬ꤜꤣ ꤜꤢꤪ꤭꤮ ꤕꤜꤤ꤭ ꤘꤣ ꤛꤢꤩ꤬ꤞꤤ꤭ꤋꤢꤨ꤬ ꤟꤣꤧ꤯ ꤢ꤬ ꤗꤝꤤ꤭ꤘꤢꤨ꤬ꤗꤝꤤ꤭ꤓꤢꤨ꤭ ꤣꤧ꤭ꤔꤣꤧ꤬ ꤢ꤬ ꤓꤢꤧ꤬ꤜꤥ꤭ ꤜꤣ ꤡꤣꤧꤟꤣꤧ ꤔꤢꤧ ꤗꤝꤤ꤭ ꤘꤣ ꤢꤨ꤭ ꤊ꤫ꤢꤦ꤬ ꤕꤥꤓꤢꤧ꤬ ꤢ꤬ ꤣꤧ꤭ꤒꤣ꤬ꤓꤢꤦ꤭ ꤔꤣꤧ꤬ꤙꤢꤩ꤬ꤙꤢꤩ꤬, ꤘꤣꤋꤛꤢ꤭ꤒꤣ꤬ꤓꤢꤦ꤭ ꤕꤢ꤭ ꤔꤣꤧ꤬ꤙꤢꤩ꤬ꤙꤢꤩ꤬ ꤡꤣꤧ ꤟꤣꤧ꤯

เอเฟซัส 1:3

ꤕꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤚ꤫ꤥ꤬ꤜꤢꤨ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤕꤥ꤮꤯ ꤢ꤬ ꤘꤣꤧꤒꤢ꤭ꤟꤣꤧ ꤕꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤢ꤬ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤣꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕꤢꤩ꤬ ꤛ꤫ꤢꤧ꤬ꤛꤥ꤬ ꤢ꤬ꤒꤢꤩ꤬ꤜ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤙꤣꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤋꤚꤤ ꤓꤝꤢ꤭ꤓꤢꤧ꤬ ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤒꤢ꤭ ꤜꤢꤪ꤭ꤟꤣꤧ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เอเฟซัส 2:2

ꤙꤣꤧꤔꤣꤧ꤬ꤢ꤬ꤋꤢꤩ꤭, ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤊꤣꤧ꤭ ꤖꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤕꤣꤚꤣꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤗꤢꤪꤜꤢꤩ꤭ ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬, ꤢ꤬ ꤕꤣꤚꤣꤧꤕꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เอเฟซัส 3:10

ꤊꤢꤨꤔ꤫ꤢꤧ꤬ꤚꤣꤧ꤬ ꤞꤢꤧꤟꤢꤨ ꤖꤚꤢꤩ꤬ꤕꤣꤒꤢꤩ꤬ ꤘꤣ ꤗꤢꤪꤋꤢꤨ꤬ ꤔꤢꤧ ꤗꤢꤪꤋꤢꤨ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤔꤢꤧ ꤢ꤬ ꤒꤢꤩ꤬ꤡ꤫ꤢꤧ꤬ ꤙꤢ꤮ ꤒꤢꤩ꤭, ꤚꤣꤧ꤬ ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤗꤢꤩ꤬ꤓꤝꤢ꤭ ꤡ꤫ꤢꤩ꤬ꤡꤢꤦ꤭ ꤒ꤫ꤣ꤬ꤟꤣꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤚꤣꤧ꤬ ꤢ꤬ ꤓꤝꤢ꤭ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤗꤢꤩ꤬ꤓꤝꤢ꤭ꤟꤣꤧ ꤜꤢꤨ꤭ ꤒꤣ꤬ꤗꤢꤨ꤬ꤡꤢꤦ꤭ ꤟꤢꤨ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣ꤬ꤗꤢꤨ꤬ꤡꤢꤦ꤭ꤜꤢꤨ꤭ ꤔꤣꤧ꤬ꤟꤣꤧ꤯

โคโลสี 1:13

ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤒꤢꤩ꤬ꤏꤝꤢ꤬ꤒꤢꤩ꤬ꤏꤢꤪ꤭ ꤘꤣ ꤢ꤬ ꤕꤣꤚꤣꤧ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤣꤧ꤭ꤒꤣ꤬ꤘꤥ꤭ ꤢ꤬ꤜꤢꤩ꤭ ꤚꤣꤧ꤬ ꤢ꤬ ꤞꤢꤨ꤭ꤔꤥ꤭ ꤕꤢꤩ꤬ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ꤣꤧ꤭ ꤢ꤬ꤓꤣꤧ꤭ꤊ꤫ꤢꤩ꤬ꤊꤢꤨ꤭ ꤟꤣꤧ꤯

โคโลสี 2:15

ꤙꤣꤧ ꤛꤢꤩ꤬ꤏꤛꤢꤨ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤜꤢꤪ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤕ꤫ꤢꤦ꤬ꤖꤢꤩ꤬ꤊꤢꤧ꤭ ꤜꤢꤪ꤭ꤕꤜꤤ꤭ ꤟꤣꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ ꤟꤣꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤢ꤬ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

ทิโมธี เนอบ่า ต๊าบ่า 2:5

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤤꤡꤢꤩ꤭ ꤒꤢꤩ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤊꤢꤩ꤬ ꤢ꤬ ꤔ꤫ꤤ꤬ꤘꤢ꤭ ꤗꤢꤩ꤬ꤋꤚꤝꤢ꤭ꤊꤣꤧ꤭ ꤒꤢꤩ꤬ꤘꤤꤡꤢꤩ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤢ꤬ ꤔ꤫ꤤ꤬ꤙꤢꤩ꤬ꤡ꤫ꤢꤧ꤬ ꤊꤣꤧ꤭ꤢꤨ꤭ ꤒꤢꤩ꤬ꤘꤤꤡꤢꤩ꤭ ꤢ꤬ꤋꤝꤢꤢ꤬ꤊꤢꤩ꤬ ꤒꤥ꤬꤯

ꤟꤤꤙꤚꤢꤨ 12:1

ꤟꤢꤨꤔꤣꤧ꤬ꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤣꤧꤜꤥ꤭ꤚꤣꤧ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ ꤒꤣꤧ꤬ꤠꤢ꤬ꤕꤜꤢꤨ꤬ꤒꤣꤧ꤬ꤠꤢ꤬ꤖꤢꤩ꤬ ꤡꤣꤧ ꤔꤢꤧ ꤕꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤊꤢꤧ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤢ꤬ ꤗꤢꤩ꤬ ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤕꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤞꤢꤦ ꤘꤣ ꤢ꤬ ꤗꤢꤩ꤬ ꤒꤣ꤬ꤖꤥ꤬ ꤜꤣꤧ꤬ꤋꤢꤦꤊꤢꤧ꤭ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤥ꤮! ꤚꤣꤧ꤬ ꤕꤢꤩ꤬ ꤗꤢꤧꤚ꤫ꤥ꤬ꤜꤢꤨ꤭ ꤢꤨ꤭ ꤘꤣꤧ ꤕ꤫ꤢꤩ꤬ ꤕꤢꤩ꤬ ꤗꤢꤙꤥ꤭ ꤘꤣ ꤕꤢꤩ꤬ꤙꤢꤩꤑꤢꤩ꤭ ꤣꤧ꤭ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤊꤜꤢꤧ꤬ꤟꤢꤧ꤭ꤒ꤫ꤥ꤬ ꤘꤣ ꤢ꤬ ꤥ꤬ ꤔꤣꤧ꤬ ꤕꤥ꤮꤯

ꤟꤤꤙꤚꤢꤨ 12:4

ꤞꤤ꤭ ꤏꤢꤏꤢꤦ꤬ ꤔꤢꤧ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒ꤫ꤥ꤬ ꤡꤣꤧ ꤘꤣ ꤢꤨ꤭ ꤙꤢꤩ꤬ꤗꤢꤩ꤬ꤞꤣꤧ꤭ ꤞꤤ꤭ꤔꤣꤧ꤬, ꤢ꤬ ꤥ꤬ ꤜꤢ꤭ꤟꤤ ꤒꤣ꤬ꤖꤚꤢꤩ꤬꤮ ꤒꤥ꤬꤯

เปโตร อาเหร่อเล๊อ ต๊าบ่า 3:22

ꤛꤢꤩ꤬ꤏꤛꤢꤨꤋꤚꤤ ꤊꤢ꤬ ꤊꤣꤧ꤬ꤓꤢꤧ꤬ꤟꤣꤧ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤊꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤟꤣꤧ, ꤚꤣꤧ꤬ ꤢ꤬ ꤕꤣꤒꤣꤧ꤬ꤚꤤ꤬ ꤜꤢꤪ꤭ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯