เอเฟซัส 4:31 - Eastern Kayah Shadaw Dialect

³¹ ꤠꤤ꤭ꤊꤢꤧ꤭ ꤊꤢꤧ꤭ ꤒꤢꤩ꤬ꤞꤤꤕꤜꤢꤪ꤬ꤏꤢꤩ꤭, ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬, ꤒꤢꤩ꤬ꤊꤛꤢ ꤢꤩꤓꤥ꤭ꤢꤩꤗꤥ꤬ ꤜꤢꤨ꤭, ꤒꤢꤩ꤬ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬, ꤒꤢꤩ꤬ꤞꤤꤋꤢ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢꤨ꤭ ꤕꤝꤢ꤭ꤒꤣ꤬ꤡꤣ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯

ลีเทส่อพ๊าอาเซ เร๊อ เห่ขุทวาลู๊

³¹ วี๊แก แก เตซิปล่อเช, เตซิปล่อดุ, เตกย๊า เอ๊โทเอ๊โม ลู, เตแด๊เหมอะเทอโย, เตซิค๊า มู๊แหม่รีแจ่ อู ปว๊าเต๊อเจอะ เออเต๊เห่ นี๋.

เอเฟซัส 4:31 ပူးပေါင်းရင်းမြစ်များ

เพรโด่แนพู๊ เต๊เห่ 21:30

ꤚꤣꤧ꤬ ꤢ꤬ ꤞꤢꤨꤞꤢꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ ꤒꤣ꤬ꤠꤤ꤭ꤜꤢꤪ꤭ ꤡꤣꤧ꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤊꤜꤢꤧ꤬ꤟꤢꤧ꤭ ꤕꤜꤢꤨ꤬ꤜꤢꤪ꤭ ꤘꤣ ꤋꤢꤨ꤭ꤕꤢꤪꤜꤢꤨ ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤕ꤫ꤢꤦ꤬ ꤜꤢꤨ꤭ ꤚꤣꤧ꤬ ꤢ꤬ ꤡꤝꤤ꤬ꤓꤢꤩ꤬ ꤜꤢꤨ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ꤊꤜꤢꤪ꤭, ꤚꤣꤧ꤬ ꤒꤣ꤬ꤖꤥꤒꤥ꤬ ꤢꤨ꤭ ꤗꤢꤩ꤬ꤙꤤꤊꤢꤧ꤭ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤜꤥ꤬ꤊꤣꤧ꤬ꤘꤢ꤭ꤘꤢꤨ꤬ ꤒꤣꤧ꤬ꤟꤢꤩ꤬꤯

ꤚꤥꤗꤢꤩ꤬ 3:14

ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤤ꤬ꤏꤢꤪ꤭ꤤ꤬ꤙꤢ꤬꤯ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤏꤥ꤭ꤏꤢꤦ ꤍ꤫ꤥ꤬ ꤘꤣ ꤞꤤꤒꤣꤧ꤬ꤊꤜꤢꤩ꤭ ꤔ꤫ꤤ꤬ꤟꤥ꤭ ꤢ꤬ꤔꤣꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 14:20

ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ ꤟꤢꤨ ꤖꤢꤨꤡ꤫ꤢꤩ꤬ꤟꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤒꤢꤦꤖꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣ꤬ꤡꤣ꤬ ꤔꤣꤧ꤬ ꤖꤢꤧ ꤚꤣꤧ꤬ ꤓꤝꤢ꤭ꤓꤢꤧ꤬ ꤞꤢꤧ ꤜꤢ꤭ꤋꤢꤧ꤭ ꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤥ꤬ꤞꤢꤩ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ ꤘꤣ ꤠꤢꤧ꤭ ꤚꤢ꤭ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ꤘꤢꤨ꤬ꤖꤚ꤫ꤢꤩ꤬ ꤟꤣꤧ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤔꤣꤧ꤬꤯

โครินธ์ อาเหร่อเล๊อ ต๊าบ่า 5:8

ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤢꤩ꤬ꤥ꤭ ꤚ꤫ꤥ꤬ꤜꤢꤨ꤭ ꤒꤢꤩ꤬ꤡꤝꤢꤒꤣꤧ꤬ꤜꤝꤢꤕꤝꤢꤩ꤬ ꤣꤧ꤭ꤔꤣꤧ꤬ ꤕꤥ꤮꤯ ꤋꤢꤪꤗꤢꤨ꤭ ꤘꤣ ꤢ꤬ ꤥ꤬ꤏꤤ꤭ꤜꤢꤧ ꤒ꤫ꤣ꤬ ꤔꤢꤧ ꤟꤥ꤭ꤗꤢꤦ꤬ꤒꤣꤧ꤬ꤖꤥ꤬ ꤣꤧ꤭ꤔꤣꤧ꤬, ꤕꤢꤩ꤬ ꤒꤥ꤭ꤙꤢꤩ꤬ ꤢꤩ꤬ ꤢ꤬ ꤒꤥ꤬꤯ ꤟꤥ꤭ꤗꤢꤦ꤬ꤒꤣꤧ꤬ꤖꤥ꤬ ꤣꤧ꤭ꤔꤣꤧ꤬, ꤢ꤬ ꤗꤢꤩ꤬ ꤘꤢꤨ꤬ꤓꤢꤧ꤬ ꤢꤩꤓꤢꤧ꤬ ꤒꤢꤩ꤬ꤞꤢꤦ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤕꤢꤩ꤬ ꤊ꤫ꤢꤦ꤬ ꤢꤩ꤬ꤥ꤭ ꤚ꤫ꤥ꤬ꤜꤢꤨ꤭ ꤋꤢꤪꤗꤢꤨ꤭ ꤘꤣ ꤟꤥ꤭ꤗꤢꤦ꤬ꤒꤣꤧ꤬ꤖꤥ꤬ ꤥ꤬ꤒ꤫ꤣ꤬ꤏꤤ꤭ꤜꤢꤧ ꤒꤥ꤬ ꤣꤧ꤭ꤔꤣꤧ꤬, ꤔꤢꤧ ꤋꤢꤪꤗꤢꤨ꤭ ꤘꤣ ꤢ꤬ ꤕꤜꤤ꤭ꤖꤥ ꤣꤧ꤭ꤔꤣꤧ꤬ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤥ꤮!

โครินธ์ เนอบ่า ต๊าบ่า 12:20

ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ꤊꤣꤧ꤭ ꤘꤣ ꤞꤤ꤭ ꤥ꤬ ꤋꤢꤩ꤭ꤕꤢ꤭ꤔꤣꤧ꤬, ꤕꤢ꤭ꤗꤢ꤬ ꤠꤢꤧ꤭ ꤟꤢꤧ꤭ ꤗꤢꤧꤓ꤫ꤣꤧ꤬ ꤘꤢꤦ꤬ꤟꤣꤧ ꤞꤤ꤭ ꤒꤢꤩ꤬ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤟꤢꤨ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭ ꤟꤣꤧ, ꤓꤥ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤘꤢꤦ꤬ꤟꤣꤧ ꤠꤢꤧ꤭ ꤒꤢꤩ꤬ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤥꤘꤢꤦ꤬ ꤟꤢꤨ ꤞꤤ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤔꤣꤧ꤬ ꤕꤢ꤭ ꤟꤣꤧ, ꤠꤢꤧ꤭ ꤙꤢꤩ꤬ꤛꤢꤪ꤬ꤥ꤬ꤔꤢꤩ꤬ ꤟꤢꤨꤔꤣꤧ꤬꤯ ꤠꤢꤧ꤭ ꤙꤢꤩ꤬ꤛꤢꤪ꤬ ꤘꤢꤦ꤬ꤟꤣꤧ ꤔꤢꤧ ꤕꤢ꤭ꤗꤢ꤬ ꤠꤢꤧ꤭ ꤟꤢꤧ꤭ꤗꤢꤧꤓ꤫ꤣꤧ꤬ ꤞꤤ꤭ꤊꤛꤢꤞꤤ꤭ꤒꤣꤧ꤬ꤍꤢ꤭ ꤜꤢꤨ꤭, ꤞꤤ꤭ ꤞꤤꤋꤝꤢꤩꤋꤛꤢ꤭ꤜꤢꤨ꤭, ꤞꤤ꤭ ꤞꤤꤕꤜꤢꤪ꤬ꤘꤢꤨ꤬ ꤞꤥ꤬ꤓꤣꤧ꤭ꤓꤢꤨ꤭ ꤜꤢꤨ꤭, ꤞꤤ꤭ ꤥ꤬ꤋꤥꤜꤢꤨ꤭ ꤒꤣ꤬ꤗꤢꤨ꤬ ꤔꤢꤧ ꤒꤣ꤬ꤗꤢꤨ꤬, ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤢꤨ꤭, ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬ ꤢꤨ꤭, ꤖꤛꤢꤘꤢꤨ꤬ꤖꤛꤢꤓꤢꤧ꤬ꤜꤥ꤭ ꤔ꤫ꤢꤩ꤬, ꤗꤢꤩ꤬ꤞꤢꤨꤞꤢ ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ ꤒꤢꤩ꤬, ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 5:20

ꤢ꤬ ꤡꤢꤪꤙꤢꤩ꤭ ꤜꤢ꤭ꤋꤢꤧ꤭ ꤖꤚꤢꤩ꤬ꤛꤥ꤬ꤖꤚꤢꤩ꤬ꤊꤤ꤬, ꤢ꤬ ꤗꤢꤩ꤬ ꤜꤢ꤭ꤋꤢꤧ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬, ꤢ꤬ ꤞꤤꤓꤢꤩ꤬ꤞꤤꤟꤢ꤭ ꤚꤣꤧꤘꤢꤦ꤬ ꤜꤢꤨ꤭, ꤢ꤬ ꤋꤚꤢꤩꤋꤚ꤫ꤢꤧ꤬ ꤋꤛꤢ꤭ꤜꤢꤨ꤭, ꤞꤤꤋꤝꤢꤩ ꤋꤛꤢ꤭ꤜꤢꤨ꤭, ꤞꤤꤕꤜꤢꤪ꤬ꤘꤢꤨ꤬ꤋꤚꤢꤦ꤭ ꤜꤢꤨ꤭, ꤞꤤꤛ꤫ꤢꤦ꤬ ꤗꤝꤤ꤭ ꤜꤥ꤭ꤓꤣꤧ꤭ꤜꤥ꤭ꤊ꤫ꤢꤩ꤬, ꤞꤤꤕꤜꤢꤪ꤬ ꤔꤥ꤭ꤊꤢꤨ꤭ ꤜꤢꤨ꤭ ꤒꤥ꤬, ꤞꤤꤒꤣꤧ꤬ꤋꤥ꤭ꤊꤢꤧ꤭ ꤋꤚꤤꤖꤢꤨ ꤢ꤬ꤕꤜꤢꤪꤢ꤬ꤗꤢꤨ꤬ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬꤯

เอเฟซัส 4:22

ꤢꤨ꤭ ꤤ꤬ꤞꤝꤢꤟꤣꤧ ꤞꤤ꤭ ꤔꤢꤧ ꤞꤤ꤭ ꤒꤥ꤭ꤙꤢꤩ꤬ ꤕꤜꤥꤒꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤒꤣꤧ꤬ꤟꤢꤩ꤬꤯ ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤊꤢꤨ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤢꤩꤜꤢ꤬ꤕꤛꤢꤢꤩꤜꤢ꤬ꤜ꤫ꤢꤨ꤬ ꤞꤤ꤭ ꤚꤣꤧ꤬ ꤢ꤬ ꤗꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤜꤢꤪ꤭ ꤞꤤ꤭ ꤞꤤꤕꤜꤢꤪ꤬꤯

เอเฟซัส 4:25

ꤟꤢꤨꤔꤣꤧ꤬ꤚꤣꤧ꤬ ꤜꤣꤧ꤬ꤟꤥ꤭ ꤕꤢ꤬ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤟꤢꤩꤙꤢꤩ꤬ꤡꤢꤪꤟꤢꤩꤙꤢꤩ꤬ꤒꤢꤩ꤬ ꤜꤢ꤭ꤋꤢꤧ꤭ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤗꤢ꤬ ꤢ꤬ꤞꤢꤧꤔꤢꤧ ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤜꤢꤨ꤭, ꤗꤢ꤬ꤔꤢꤧꤚꤣꤧ꤬ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤋꤥꤜꤢꤨ꤭ ꤟꤢꤨꤔꤣꤧ꤬ꤖꤢꤧ꤯

เอเฟซัส 4:26

ꤞꤤ꤭ ꤊꤢꤩ꤬ ꤞꤤꤕꤜꤢꤪ꤬ꤘꤢꤨ꤬ ꤚꤣꤧ꤬ ꤗꤢꤩ꤬ꤞꤢꤦ ꤒ꤫ꤢꤧ꤬ ꤒꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢꤪ꤬ꤒꤢ꤭ ꤒꤢꤧ꤬ꤜꤢ꤭ꤟꤤꤒꤥ꤬ ꤔꤣꤧ꤬, ꤞꤤ꤭ ꤙꤢꤩ꤬ ꤞꤤꤕꤜꤢꤪ꤬ ꤏꤝꤤꤜꤢꤩ ꤋꤛꤢ꤭ꤞꤢꤧ ꤔꤤ꤮꤯

โคโลสี 3:19

ꤠꤢꤩ꤬ꤞꤤ꤭꤮ ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤗꤢꤩ꤭ ꤚꤣꤧ꤬ ꤞꤤꤖꤚꤝꤢ꤭ꤞꤤꤜꤤ꤬, ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬꤯

โคโลสี 3:8

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤤ꤭ꤊꤢꤧ꤭ ꤊꤢꤧ꤭ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬, ꤒꤢꤩ꤬ꤞꤤꤕꤜꤢꤪ꤬ꤓꤢꤧ꤬, ꤒꤢꤩ꤬ꤞꤤꤒꤣꤧ꤬ꤋꤥ꤭, ꤒꤢꤩ꤬ꤟꤢꤩꤕꤛꤢ ꤢꤨ꤭ꤗꤝꤤ꤭, ꤓꤥ꤭ꤚꤣꤧ꤬ ꤒꤢꤩ꤬ꤟꤢꤩꤙꤢꤩ꤬ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤊꤢꤪ꤬ ꤟꤢꤩꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

ทิโมธี อาเหร่อเล๊อ ต๊าบ่า 3:11

ꤛꤢꤩ꤬ꤞꤤ꤭ ꤢ꤬ꤗꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤛꤢꤩ꤬ꤞꤤ꤭, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤘꤢꤧꤔ꤫ꤤ꤬ ꤢꤨ꤭ꤛ꤫ꤢꤧ꤬ꤛꤥ꤬ ꤒꤥ꤬, ꤛꤢꤩ꤬ꤞꤤ꤭ ꤙꤢꤩ꤬ꤢꤧ ꤞꤢꤧ꤭ꤚꤢꤧ꤭ꤏꤢ꤭ꤖꤚ꤫ꤢꤩ꤬ ꤢ꤬ꤔ꤫ꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ꤗ꤫ꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤊꤢꤨ꤭꤯

ทิโมธี อาเหร่อเล๊อ ต๊าบ่า 3:3

ꤓꤥ꤭ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤢꤩ꤬ꤗꤢꤦ꤬ꤥ꤭ꤖꤚꤢꤧ ꤔ꤫ꤤ꤬ ꤒꤥ꤬, ꤢ꤬ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤖꤥ꤬ ꤔ꤫ꤤ꤬ ꤒꤥ꤬, ꤗ꤫ꤢ꤬ꤟꤢꤩꤗꤢ꤬ ꤢ꤬ ꤒꤥ꤭ꤙꤢꤩ꤬ ꤗ꤫ꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤘꤥ꤭ꤞꤤꤍꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤋꤚꤢꤩꤢ꤬ꤋꤚ꤫ꤢꤧ꤬ ꤊꤣꤧ꤭ꤢꤨ꤭ ꤒꤥ꤬, ꤢ꤬ ꤙꤢꤩ꤬ꤗꤥ꤬ꤚꤣꤧ ꤚꤢꤦ꤭ꤓꤢꤩ꤭ ꤒꤥ꤬꤯

ทิโมธี อาเหร่อเล๊อ ต๊าบ่า 5:13

ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ, ꤗꤢꤩ꤬ꤜꤢꤪ꤭ ꤏꤣꤧꤋꤢꤩ꤭, ꤚꤣꤧ꤬ ꤡꤝꤢꤜꤢꤩ꤭ ꤓꤢꤧ꤬ꤟꤤ꤬ ꤒꤣ꤬ꤗꤢꤩ꤭ ꤓꤥ꤭ ꤒꤣ꤬ꤗꤢꤩ꤭꤯ ꤒꤢꤦ ꤢ꤬ ꤒꤣꤧ꤬ꤊꤜꤢꤩ꤭ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤛꤢꤩ꤬ꤞꤤ꤭ ꤥ꤬ꤊꤥ꤭ ꤘꤢꤧꤢꤨ꤭ꤛ꤫ꤢꤧ꤬ꤛꤥ꤬, ꤕꤥꤢꤨ꤭ꤗꤝꤤ꤭, ꤔꤥ꤭ꤗꤢꤩ꤬ꤞꤢꤨꤞꤢ ꤘꤤꤘꤢꤧ꤭ ꤒ꤫ꤥ꤬ꤊꤣꤧ꤭ ꤘꤣ ꤢꤨ꤭ꤚꤥ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤢ꤬ꤊꤢꤨ꤭ ꤚꤣꤧ꤬ ꤟꤢꤩꤙꤢꤩ꤬ ꤍ꤫ꤥ꤬ ꤘꤣ ꤢ꤬ ꤊꤢꤪ꤬ ꤟꤢꤩꤒꤥ꤬ ꤒꤣꤧ꤬ꤟꤢꤩ꤬꤯

ทิโมธี เนอบ่า ต๊าบ่า 2:23

ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤒꤢꤩ꤬ꤋꤚꤢꤩꤋꤚ꤫ꤢꤧ꤬ ꤊꤢꤧ꤭ꤘꤢꤩ꤭ ꤘꤣ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤥ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤔꤢꤧ꤬ ꤞꤤꤑꤢꤩ꤭ ꤔꤢꤧ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ ꤕꤢ꤭ꤗꤢ꤬ ꤢ꤬ ꤘꤣꤧꤥ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤊꤛꤢꤒꤢꤩ꤬ꤒꤣꤧ꤬ꤍꤢ꤭ ꤋꤛꤢ꤭ꤜꤢꤨ꤭ ꤖꤢꤧ꤯

ทิโมธี เนอบ่า ต๊าบ่า 3:3

ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤊꤣꤧ꤭ꤢꤨ꤭ ꤒꤥ꤬, ꤢ꤬ ꤕꤜꤝꤢ꤭ꤊꤢꤧ꤭ ꤊꤣꤧ꤭ꤢꤨ꤭ ꤒꤢꤩ꤬ꤞꤢꤦ ꤒꤥ꤬, ꤟꤢꤩꤕꤛꤢ ꤢꤨ꤭ꤗꤝꤤ꤭ꤜꤢ꤬, ꤕꤣꤡ꤫ꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ꤒꤥ꤬, ꤊꤣꤧ꤬ꤛꤢꤧ꤭ꤟꤢ꤭ꤊꤣꤧ꤬ꤛꤢꤧ꤭ꤟꤢꤩ꤭, ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤕꤢ꤭꤯

ꤒꤤꤒꤢꤨ 1:7

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤒꤢꤩ꤬ꤗꤢꤩ꤬ ꤜꤢꤧ꤬ꤙꤢꤩ꤬ ꤢ꤬ ꤘꤣ ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤜ꤫ꤢꤩ꤬ꤘꤢꤧ꤬ ꤢ꤬ ꤒꤢꤩ꤬ꤞꤢꤦ ꤗꤢ꤬ ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤊꤢꤨ꤬ꤊꤜꤢꤪꤖꤚꤣꤧ꤭ ꤔꤢꤧ ꤞꤤꤕꤜꤢꤪ꤬ ꤘꤢꤨ꤬ꤓꤢꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤙꤢꤩ꤬ ꤢꤩ꤬ꤗꤢꤦ꤬ꤥ꤭ꤖꤚꤢꤧ ꤔ꤫ꤤ꤬ ꤒꤥ꤬, ꤙꤢꤩ꤬ꤗꤢꤦ꤭ꤙꤢꤩ꤬ꤕꤢꤪ꤭ꤔ꤫ꤤ꤬ ꤢꤨ꤭ꤚꤥ꤬ ꤒꤥ꤬, ꤙꤢꤩ꤬ ꤗꤢꤧꤕꤢꤨ꤭ꤢꤩ꤬ꤔ꤫ꤤ꤬ ꤚꤢꤦ꤭ ꤘꤣ ꤢꤨ꤭ꤋꤢꤨ꤬ ꤒꤥ꤬꤯

ꤒꤤꤒꤢꤨ 2:3

ꤟꤢꤨꤔꤣꤧ꤬ꤟꤣꤧ, ꤞꤢꤧꤟꤢꤨ ꤖꤚꤢꤩ꤬ꤗꤢꤪ꤬ ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤔꤣꤧ꤬ꤚꤣꤧ꤬, ꤤ꤬ꤞꤝꤢꤤ꤬ꤞꤢꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤤ꤮꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤘꤢꤧꤔ꤫ꤤ꤬ ꤢꤨ꤭ꤛ꤫ꤢꤧ꤬ꤛꤥ꤬ ꤒꤥ꤬, ꤢ꤬ ꤒꤥ꤭ꤙꤢꤩ꤬ ꤓꤝꤢ꤭ꤔ꤫ꤤ꤬ ꤓꤣꤧ꤭ꤞꤤꤖꤚ꤫ꤢꤩ꤬ ꤢ꤬ꤡ꤫ꤢꤦ꤬ ꤒꤥ꤬꤯ ꤢꤨ꤭ ꤒꤥ꤭ꤙꤢꤩ꤬ ꤗꤢꤩ꤬ꤒꤢꤩ꤬ꤚꤢꤧ ꤟꤢꤨꤒꤢꤩ꤭ꤟꤢꤨꤒꤢꤩ꤭ ꤔꤣꤧ꤬, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤤ꤬ꤞꤝꤢ ꤢꤨ꤭꤯

ꤡꤛꤢꤩ꤭ꤗꤢ꤬ꤎꤣ꤬ 1:19

ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤘꤣ ꤠꤢꤧ꤭ ꤗꤥ꤬ꤚꤣꤧ ꤞꤤ꤭꤮, ꤒꤥ꤭ꤗꤢ ꤜꤢ꤭ꤋꤢꤧ꤭ ꤍ꤫ꤥ꤬ ꤣꤧ꤭ꤒꤣ꤬ꤗꤢꤦ꤭ ꤔꤤ꤮꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤒꤢ꤭ꤒꤢꤩ꤬, ꤢ꤬ ꤒꤥ꤭ꤙꤢꤩ꤬ ꤒꤣꤧ꤬ꤔꤢꤩ꤬ꤟꤢꤩꤙꤢꤩ꤬ ꤜꤢ꤭ꤋꤢꤧ꤭ ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤘꤢꤨ꤬ꤓꤢꤧ꤬ ꤖꤚꤢꤧ꤭ ꤔ꤫ꤤ꤬ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 3:14

ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ꤔꤣꤧ꤬, ꤞꤤ꤭ ꤊꤢꤩ꤬ ꤞꤤꤋꤢꤞꤤꤓꤢꤩ꤬ ꤔꤢꤧ꤬ꤡꤣꤧ ꤜꤢꤨ꤭, ꤞꤤ꤭ ꤗꤥ꤬ꤜꤢꤧ꤬ ꤚꤣꤧꤘꤢꤦ꤬ ꤞꤤꤔ꤫ꤢꤩ꤬ ꤚꤣꤧ꤬ ꤞꤤ꤭ ꤗꤢꤧꤘꤢꤨ꤬ꤜꤢꤧ꤬ ꤚꤣꤧꤘꤢꤦ꤬ ꤞꤤꤔ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤊꤢꤩ꤬ ꤥ꤬ ꤟꤢꤩꤔꤣꤧ꤬, ꤟꤢꤩꤙꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤒ꤫ꤢꤧ꤬ ꤞꤤꤔ꤫ꤢꤩ꤬ ꤔꤢꤧ ꤞꤤ꤭ ꤥ꤬ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤟꤢꤨꤔꤣꤧ꤬ ꤒ꤫ꤢꤧ꤬ꤗꤢꤩ꤬, ꤚꤣꤧ꤬ ꤗꤢꤩ꤬ꤒꤣꤧ꤬ꤊꤢꤩ꤬ꤏꤢꤦ꤬ ꤒ꤫ꤢꤧ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯

ꤡꤛꤢꤩ꤭ꤗꤢ꤬ꤎꤣ꤬ 4:11

ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤟꤢꤩꤗꤢꤨꤗ꤫ꤢꤧ꤬ ꤚꤣꤧꤘꤢꤦ꤬ ꤒ꤫ꤢꤧ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤟꤢꤩꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤟꤢꤩꤙꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤘꤢꤧ꤬ ꤒꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤢꤩꤚꤣꤧ꤬, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤨ꤭ꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤖꤢꤧ꤯

เปโตร อาเหร่อเล๊อ ต๊าบ่า 2:1

ꤟꤢꤨꤔꤣꤧ꤬ꤚꤣꤧ꤬, ꤞꤤꤋꤢꤞꤤꤓꤢꤩ꤬ ꤕꤢ꤬ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬꤯ ꤜꤢꤪ꤭ ꤒꤢꤩ꤬ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬, ꤒꤢꤩ꤬ꤢꤧꤡꤢꤪꤢꤧꤒꤢꤩ꤬, ꤒꤢꤩ꤬ꤞꤤꤋꤝꤢꤩ, ꤒꤢꤩ꤬ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤕꤢ꤬ꤒꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

ꤕꤢꤩ꤬ ꤒꤥ꤭ꤙꤢꤩ꤬ ꤞꤢꤧꤔ꤫ꤤ꤬ ꤔꤢꤧ ꤋꤢꤨ꤭ꤊꤢ꤬ꤛꤤ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤕꤣ ꤚꤣꤧꤘꤢꤦ꤬ ꤜꤢꤨ꤭ ꤚꤣꤧ꤬ ꤢ꤬ ꤗꤢꤩ꤬ꤞꤣꤧ꤭ ꤚꤣꤧꤘꤢꤦ꤬ ꤢ꤬ꤕ꤫ꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤒꤥ꤬꤯ ꤢ꤬ ꤡꤝꤢ ꤗꤢꤩ꤬ꤞꤣꤧ꤭ ꤒ꤫ꤥ꤬ ꤢ꤬ꤕ꤫ꤥ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜꤢ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧ꤬ ꤢ꤬ꤕ꤫ꤥ꤬ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜꤢ꤭ ꤡꤢꤪꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤢ꤬ꤕ꤫ꤥ꤬ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:15

ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤞꤤꤓꤢꤩ꤬ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤟꤢꤩꤔꤣꤧ꤬ꤗꤢ꤬, ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤟꤣꤧ꤯ ꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤒꤥ꤬꤯

เตเด๊อะโลแถ่ 12:10

ꤓꤥ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤓꤢꤧ꤬ꤏꤝꤢ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤢꤧ꤭ꤒ꤫ꤥ꤬ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤓꤢꤧ꤬ꤟꤣꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤕꤣꤒꤣꤧ꤬ꤚꤤ꤬ ꤟꤢꤩ꤬ꤋꤢꤨ꤬ ꤟꤢꤨ ꤋꤝꤤ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨꤋꤚꤤ ꤡꤢꤓꤢꤧ꤬ ꤕꤣꤒꤣꤧ꤬ꤚꤤ꤬ ꤒꤢꤩ꤬ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤣꤧ꤬ꤓꤢꤪ꤬ ꤥ꤬ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤘꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦ ꤗ꤫ꤢꤪ꤬ꤋꤤꤋꤤ, ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤊꤢꤨꤔ꤫ꤢꤧ꤬ꤚꤣꤧ꤬ ꤢꤨ꤭ ꤠꤤ꤭ꤒꤢ꤭ꤊꤢꤧ꤭ ꤜꤢꤨ꤭ ꤟꤣꤧ꤯