เอเฟซัส 4:17 - Eastern Kayah Shadaw Dialect

¹⁷ ꤟꤢꤨꤔꤣꤧ꤬ꤚꤣꤧ꤬, ꤘꤣ ꤋꤚꤤ ꤢ꤬ꤗꤝꤤ꤭ ꤢ꤬ꤊꤢꤨ꤭ ꤚꤣꤧ꤬ ꤠꤢꤧ꤭ ꤙꤢꤩ꤬ ꤟꤢꤩꤏꤢꤪ꤭ꤏꤢꤪ꤭ ꤔꤢꤧ꤭ ꤞꤤ꤭ ꤔꤢꤧ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁷ ฮู๊เนอเรอ, เด๊อ ครี๊ อามุย อากู เร๊อ แว เบ่ เฮ๊ชอชอ แหน่ ซี เร๊อ โอ่เซอเพร แลแค แต่ ฮู๊ แกแย เด๊อ อา ซิเง จอแปแหร่ โต่ เนอเต๊เห่ โอ่เซอเพร เนอ แต่เหม่. เหย่ซี อาเหล่เตเน เต๊เห่ เนอหม่า อาบุ๊ยอาเตอเรอ โอ่ เตอเจ๋อ โต่.

เอเฟซัส 4:17 ပူးပေါင်းရင်းမြစ်များ

ꤚꤥꤗꤢꤩ꤬ 1:21

ꤛꤢꤩ꤬ꤞꤤ꤭ ꤞꤤꤑꤢꤩ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤊꤣꤧ꤭ ꤜꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤒꤥ꤬꤯ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤊꤣꤧ꤭ ꤜꤢꤨ꤭ ꤒꤥ꤬ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ ꤒꤢꤩ꤬ꤥ꤬ꤜꤣꤥ꤬ꤊꤜꤢꤪ꤭꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤥ꤬ꤜꤣꤥ꤬ꤊꤜꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤗꤢꤩ꤬ꤙꤤꤊꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

เปโตร เนอบ่า ต๊าบ่า 2:18

ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤓꤢꤧ꤬ꤗꤢꤪꤓꤢꤧ꤬ꤖꤥ꤬ ꤜꤢ꤭ꤋꤢꤧ꤭ ꤢ꤬ꤍ꤫ꤥ꤬ ꤘꤣ ꤢ꤬ꤙꤝꤤꤒꤣꤧ꤬ꤚꤣꤧ꤭ ꤥ꤬ꤒꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤡꤝꤢ ꤤ꤬ꤞꤝꤢ ꤢꤨ꤭ ꤔꤢꤧ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ꤞꤤꤒꤣꤧ꤬ꤚꤢꤩ꤭ ꤘꤣ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤕꤣꤧ꤬ꤒꤢ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤢꤩꤜꤢ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤢꤨ꤭ ꤔꤢꤧ ꤊꤜꤢꤧꤒꤥ꤭ꤊꤜꤢꤧꤙꤢꤩ꤬ ꤒꤣꤧ꤬ꤟꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤛꤢꤩ꤬ꤞꤤ꤭ ꤢꤩꤜꤢ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤊꤥꤞꤢꤩ꤭ ꤗꤥꤜꤢꤪ꤭ꤕꤢ꤭ꤖꤢꤧ ꤔꤢꤧ ꤒꤢꤩ꤬ꤞꤢꤦ ꤟꤢꤨ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢꤩ꤬ꤔꤣꤧ꤬ ꤖꤢꤧ꤯

โคโลสี 2:4

ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤡꤝꤢ ꤒ꤫ꤢꤧ꤬ ꤞꤤ꤭ ꤔꤢꤧ ꤢꤨ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤞꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭ ꤟꤢꤨꤣꤧ꤭ ꤔꤣꤧ꤬ꤖꤢꤧ꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤡ꤫ꤣ꤬ ꤡꤣꤧ ꤔꤢꤧ ꤢ꤬ꤒꤥ꤭ ꤙꤢꤩ꤬ꤙꤢꤩ꤬, ꤛ꤫ꤢꤦ꤬ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

เปโตร อาเหร่อเล๊อ ต๊าบ่า 1:18

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤤ꤬ꤖꤚꤤ꤬ꤊꤢ꤬ ꤟꤣꤧ ꤞꤤ꤭ ꤔꤢꤧ ꤚꤢꤦ꤭ꤓꤢꤩ꤭ ꤘꤣ ꤢ꤬ꤕꤛꤢꤢ꤬ꤜ꤫ꤢꤨ꤬ ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤜꤣꤧ꤬ꤕꤜꤢꤩ ꤓꤢꤩ꤬ꤊꤢꤧ꤭ꤙꤢꤩ ꤔꤢꤧ ꤞꤤ꤭ꤗ꤫ꤥ꤬ꤞꤤ꤭ꤖꤢꤩ꤭ ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤘꤣꤧꤒꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤊꤣꤧ꤭ꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤤ꤬ꤖꤚꤤ꤬ꤊꤢ꤬ ꤟꤣꤧ ꤞꤤ꤭ ꤟꤣꤧ꤯

เพรโด่แนพู๊ เต๊เห่ 20:21

ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤟꤢꤩꤒꤢ꤭ꤏꤢꤪ꤭ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤔꤣꤧ꤭ꤗꤢꤨ꤬ꤜꤢꤪ꤭ ꤔꤢꤧ, ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤚꤣꤧ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ, ꤠꤢꤧ꤭ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤔꤣꤧ꤬꤯

เพรโด่แนพู๊ เต๊เห่ 18:5

ꤙꤣꤧ ꤋꤢꤨ꤭ꤎꤤꤜꤢ꤬ ꤔꤢꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤥ꤬ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤓꤢꤩ꤬ꤡꤝꤢ ꤚꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ ꤘꤣ ꤋꤢꤨ꤭ꤕꤢꤪꤜꤢꤨ ꤥ꤬ ꤢ꤬ꤋꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤘꤣꤧꤜꤢꤧ꤬ ꤜꤢꤪ꤭ꤕꤜꤤ꤭ ꤢ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤋꤚꤤ, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤔꤢꤧ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ, ꤢ꤬ ꤟꤢꤩ ꤟꤢꤨꤔꤣꤧ꤬ ꤘꤣ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯

เพรโด่แนพู๊ เต๊เห่ 14:15

“ꤞꤤ꤭ ꤡꤝꤢꤗꤢꤩ꤬ꤟꤢꤨꤣꤧ꤭ ꤗꤢꤩ꤬ꤒꤢꤩ꤭? ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤞꤢꤧꤔꤢꤧ ꤞꤤ꤭ ꤖꤢꤧ꤯ ꤕꤢꤩ꤬ ꤟꤢꤧ꤭ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤖꤢꤧ꤯ ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤙꤢꤩ꤭ꤕꤢ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤥ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬꤯ ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤡꤢꤪꤙꤢꤩ꤭ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤙꤢꤧꤜꤢꤧ꤬ ꤗꤢꤪꤋꤢꤨ꤬, ꤟꤢꤩ꤬ꤋꤢꤨ꤬, ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤔꤢꤧ ꤒꤢꤩ꤬ꤥ꤬ ꤘꤣ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤭ ꤒꤣ꤬ꤖꤚꤢꤩ꤬꤯

ทิโมธี เนอบ่า ต๊าบ่า 4:1

ꤏꤢ꤮ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤕꤣꤟꤣꤧ ꤟꤢꤨ ꤡꤢꤪꤖꤢꤧ꤬ ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ ꤘꤣꤧꤡꤢ꤭ ꤊꤣꤧ꤬ꤛꤢꤧ꤭ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤭ꤡꤣ꤬ꤜꤢꤪ꤭ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤊꤜꤢꤪ꤬ꤗꤢ꤬ꤊꤢꤧ꤭ ꤠꤢꤧ꤭ꤍ꤫ꤥ꤬ ꤔꤢꤧ ꤔꤢꤧ꤬ ꤟꤢꤨꤣꤧ꤭,

ทิโมธี อาเหร่อเล๊อ ต๊าบ่า 6:13

ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤒꤢꤩ꤬ꤕꤝꤢ꤭ꤒꤣ꤬ꤡꤣ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ ꤢꤪꤜꤢꤧ꤬ ꤡꤢꤪꤡꤢꤦꤖꤢꤧ ꤢ꤬ꤍ꤫ꤥ꤬ ꤘꤣ ꤋꤝꤤꤕꤢꤪꤒꤤ꤬ꤛꤢꤕꤤꤜꤢ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤗ꤫ꤢ꤬ꤊꤢꤧ꤭ ꤔꤢꤧ꤬ꤍ꤫ꤥ꤬꤯

ทิโมธี อาเหร่อเล๊อ ต๊าบ่า 5:21

ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤔꤢꤧ ꤢ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬, ꤠꤢꤧ꤭ ꤟꤢꤩꤒꤢ꤭ꤍ꤫ꤥ꤬ ꤘꤣ ꤢ꤬ ꤊꤜꤢꤪ꤬ꤗꤢ꤬ ꤒꤣ꤬ꤗꤢꤦ꤭ ꤔꤢꤧ ꤔꤢꤧ꤬ ꤊ꤫ꤢꤦ꤬ ꤡꤢꤨ꤭ꤢꤩ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤔꤢꤧ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤗꤢꤧꤙꤢꤩꤋꤢꤨ꤬ ꤒꤢ꤭ꤖꤥ꤬ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤓꤥ꤭ꤒꤥ꤬ ꤗꤢꤧꤘꤢꤨ꤬ ꤗꤢꤧꤕꤣꤧ꤬ꤒꤤ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

ꤞꤤ꤭ ꤒꤥ꤭ꤙꤢꤩ꤬ ꤗꤢꤩ꤬ꤞꤢꤦꤔ꤫ꤤ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ ꤟꤢꤨꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤞꤤ꤭ ꤒꤥ꤭ꤙꤢꤩ꤬ ꤊꤛꤢꤊꤢ꤬ꤋꤛꤢ꤭ꤟꤢꤧ꤭ꤑꤢꤩ꤭ ꤜꤣꤧ꤬ꤟꤥ꤭ꤢꤩ꤬ꤔ꤫ꤤ꤬ ꤘꤣ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤢꤨ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭꤯ ꤟꤢꤨꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤜꤥ꤭ ꤓꤥ꤭ꤜꤢꤪ꤭ꤟꤣꤧ ꤕ꤫ꤢꤩ꤬ ꤞꤤ꤭, ꤕꤢꤩ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯

โคโลสี 2:18

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤏꤝꤢ꤬ ꤞꤤ꤭ ꤔꤢꤧ ꤞꤤ꤭ ꤙꤢꤩ꤬ ꤏꤢꤧ꤬ꤜꤢꤧ꤬ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤔꤢꤪ꤭ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤭ ꤞꤤ꤭ ꤔꤢꤧ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤟꤢꤨ ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ꤓꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤓꤥ꤭ꤟꤣꤧ ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤕꤢ꤬ ꤒꤥ꤬꤯ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤟꤢꤩ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤡꤣꤧ ꤢ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤧꤜꤝꤢ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤋꤥꤘꤢꤦ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤘꤢꤧꤓꤢꤩ꤬ꤜꤣꤓꤢꤩ꤬ꤊꤜꤢꤪ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯

เอเฟซัส 4:22

ꤢꤨ꤭ ꤤ꤬ꤞꤝꤢꤟꤣꤧ ꤞꤤ꤭ ꤔꤢꤧ ꤞꤤ꤭ ꤒꤥ꤭ꤙꤢꤩ꤬ ꤕꤜꤥꤒꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤒꤣꤧ꤬ꤟꤢꤩ꤬꤯ ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ꤢ꤬ꤜꤝ꤫ꤢ꤬ ꤊꤢꤨ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤢꤩꤜꤢ꤬ꤕꤛꤢꤢꤩꤜꤢ꤬ꤜ꤫ꤢꤨ꤬ ꤞꤤ꤭ ꤚꤣꤧ꤬ ꤢ꤬ ꤗꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤜꤢꤪ꤭ ꤞꤤ꤭ ꤞꤤꤕꤜꤢꤪ꤬꤯

เอเฟซัส 1:22

ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤥ꤬ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤋꤚꤤ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤟꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤜꤢꤪ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤊꤢꤨ꤬ꤊꤜꤢꤪ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ꤑꤢꤩ꤭ ꤟꤣꤧ꤯

ꤊꤢ꤬ꤜꤢ꤬ꤒꤤ 5:3

ꤠꤢꤧ꤭ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤋꤛꤢ꤭ꤞꤢꤧ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤊꤢꤩ꤬ ꤡꤢꤨ꤭ꤢꤩ꤬ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤣꤧ꤭ꤟꤢꤩꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤜꤢꤪ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤕꤝꤢ꤭꤮ ꤒꤣ꤬ꤗꤢ꤭꤯

ꤊꤢ꤬ꤜꤢ꤬ꤒꤤ 3:17

ꤒꤢꤩ꤬ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤔꤣꤧ꤬ꤗꤢ꤬ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤓꤥ꤭ꤟꤣꤧ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤚꤣꤧ꤬ ꤘꤣꤋꤛꤢ꤭ ꤢ꤬ꤔꤢ꤬ ꤜꤝꤤ꤭ꤛꤢꤩ꤬ ꤔꤢꤧ ꤞꤥ꤭ꤏꤣꤧ꤭ ꤔꤣꤧ꤬ ꤢ꤬ ꤘꤣꤧꤒꤢ꤭ꤔꤥ꤬ ꤖꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ ꤥ꤬ ꤖꤢꤧ꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤗꤢꤩ꤬ ꤒꤣꤧ꤬ꤖꤢꤨ꤭ꤊꤢꤧ꤭ꤡ꤫ꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤒꤥ꤬꤯

โครินธ์ เนอบ่า ต๊าบ่า 9:6

ꤒꤣꤧ꤬ꤔꤢꤩ꤬ꤗꤢꤧ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤠꤣꤒꤢ꤭ ꤕꤣꤧ꤬ꤒꤤꤖꤢꤧ ꤒꤢꤩ꤬ꤊꤜꤝꤤ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤕꤣꤧ꤬ꤒꤤ ꤋꤛꤢ꤭ꤞꤢꤧ ꤖꤢꤧ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤠꤣꤒꤢ꤭ ꤢꤩ ꤒꤢꤩ꤬ꤊꤜꤝꤤ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤢꤩ ꤋꤛꤢ꤭ꤞꤢꤧ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 15:50

ꤋꤥ꤭ꤙꤢꤧꤞꤝꤢ ꤞꤤ꤭꤮, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤕ꤫ꤢꤩ꤬ ꤞꤤ꤭ ꤔꤢꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤘꤣ ꤢ꤬ ꤥ꤬ ꤔꤢꤧ ꤞꤝꤤ꤬ ꤔꤢꤧ ꤓꤣꤧ꤭ ꤣꤧ꤭ꤔꤣꤧ꤬ ꤢ꤬ ꤡꤝꤢꤔꤥ꤭ ꤥ꤬ꤞꤣꤧ꤭ꤖꤚꤢꤩ꤬ꤡ꤫ꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤞꤢꤪ꤭ꤢ꤬ꤕꤛꤢꤊꤢꤧ꤭ ꤡ꤫ꤢꤧ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤢꤧ꤭ꤑꤢ꤭ꤙꤢꤩ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤥ꤬꤯

โครินธ์ อาเหร่อเล๊อ ต๊าบ่า 1:12

ꤞꤤ꤭ꤊꤛꤢꤞꤤ꤭ꤠꤢꤦ ꤋꤚꤢꤧ꤮ ꤜꤢꤨ꤭ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ ꤢ꤬ ꤋꤥ꤭ꤖꤢꤨꤡ꤫ꤢꤩ꤬” ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤢꤧ꤭ ꤗꤢ꤬ ꤋꤢꤨ꤭ꤢ꤬ꤕꤢꤪꤜꤥ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬,” ꤒꤣ꤬ꤖꤚꤢꤩ꤬ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤟꤢꤩ ꤕ꤫ꤥ꤬ ꤔꤢꤧ, “ꤠꤢꤧ꤭ ꤗꤢ꤬ ꤋꤢꤨ꤭ꤊꤢꤩ꤬ꤖꤢ ꤢ꤬ ꤋꤥ꤭ꤖꤢꤨꤡ꤫ꤢꤩ꤬,” ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤕ꤫ꤥ꤬ ꤊꤣꤧ꤭ ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤢꤧ꤭ ꤗꤢ꤬ ꤋꤚꤤ ꤢ꤬ ꤋꤥ꤭ꤖꤢꤨꤡ꤫ꤢꤩ꤬,” ꤟꤢꤨꤔꤣꤧ꤬ ꤟꤢꤩ ꤠꤢ꤯

เพรโด่แนพู๊ เต๊เห่ 2:40

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩꤚꤢꤪ꤬ ꤥ꤬ꤔꤢꤩ꤬ ꤛꤢꤩ꤬ꤞꤤ꤭ ꤢꤩꤗꤢꤦ꤭꤮ ꤜꤥ꤬, ꤓꤥ꤭ꤒꤥ꤬ ꤢ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤘꤣꤧꤡꤢ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤙꤢꤩ꤬ ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣ꤬ꤓꤢꤦ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ!”

ꤜꤢꤨꤊꤢ꤬ 16:28

ꤠꤢꤧ꤭ ꤕ꤫ꤥ꤬ꤗ꤫ꤢꤧ꤬ ꤖꤚꤢꤩ꤬ꤋꤢꤨ꤭ ꤥ꤬ꤊꤢꤧ꤭ ꤕꤢ꤬ ꤡꤣꤧ ꤞꤤꤍꤢꤧ꤭ ꤡꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤊꤣꤧ꤭ ꤒ꤫ꤢꤧ꤬ ꤙꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤢ꤬ꤜ꤫ꤢꤩ꤬ꤥ꤬ ꤣꤧ꤭ꤒꤣ꤬ꤖꤥ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤕꤜꤝꤢ꤭ꤊꤢ꤬ ꤕ꤫ꤢꤩ꤬ꤚꤣꤧ ꤠꤢꤧ꤭ ꤋꤢꤨ꤭ꤜꤢ꤬ꤎꤢ꤬ꤚꤢꤨ ꤔꤣꤧ꤬, ꤚꤣꤧ꤬ ꤔꤢꤪ꤭ꤊꤢ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤕ꤫ꤢꤩ꤬ꤚꤣꤧ ꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯’