เอเฟซัส 3:12 - Eastern Kayah Shadaw Dialect

¹² ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤋꤚꤤ, ꤓꤥ꤭ꤚꤣꤧ꤬ ꤘꤣ ꤕꤢꤩ꤬ ꤓꤝꤢ꤭ꤓꤢꤧ꤬ꤟꤣꤧ ꤒꤢꤩ꤬ꤒꤣ꤬ꤡꤣ꤬ ꤒ꤫ꤣ꤬ ꤔꤢꤧ ꤜꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤊ꤫ꤢꤦ꤬ ꤟꤢꤧ꤭ꤔꤥ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ꤋꤢꤦ꤭ꤒꤢꤩ꤬ꤟꤢ꤭ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹² เด๊อ เป หยื่อเอ่ ครี๊, โทเรอ เด๊อ เป ทวาแถ่เฮ๊อ เตเต๊อเจ๋อโต เร๊อ ลู อาขว่าอาคยา, กู๊แหน่เออ เป เก่ แฮโน เด๊อ จอแปแหร่ อา โอ่ เร๊อ เตหยื่อเอ่ เกอเร๊อเหน่ เร๊อ เตคือเตฮา เนอหม่า อาหนิ เฮ๊อ.

เอเฟซัส 3:12 ပူးပေါင်းရင်းမြစ်များ

ꤛꤥ꤭ꤟꤢ꤬ 14:6

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤊꤜꤢꤧ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤢꤧ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤟꤣꤧ꤯ ꤠꤢꤧ꤭ ꤓꤝꤢ꤭ ꤕ꤫ꤢꤩ꤬ꤟꤣꤧ ꤢꤨ꤭ ꤊꤜꤢꤧꤡꤝꤢ ꤘꤣ ꤖꤢꤩ꤭ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤡꤝꤢ ꤘꤤ꤭ꤒ꤫ꤢꤦ꤬ ꤔꤢꤧ ꤠꤢꤧ꤭ ꤒꤥ꤬ ꤟꤢꤩꤔꤣꤧ꤬, ꤢ꤬ ꤡꤝꤢꤒ꤫ꤥ꤬ ꤡ꤫ꤢꤧ꤬ ꤘꤣ ꤖꤢꤩ꤭ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤚꤥꤗꤢꤩ꤬ 3:22

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ꤓꤥ꤭ ꤕ꤫ꤢꤩ꤬ꤟꤣꤧ ꤜꤢꤨ꤭ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤟꤣꤧ ꤜꤢꤨ꤭ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤔꤣꤧ꤬ꤟꤣꤧ꤯ ꤣꤧ꤭ꤗꤢ꤬ ꤊꤜꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤔꤣꤧ꤬ ꤢ꤬ꤋꤥ ꤔꤢꤧ ꤜꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤚꤥꤗꤢꤩ꤬ 5:2

ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢ꤬ ꤔꤢꤪ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤊꤣꤧ꤭ꤟꤣꤧ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤟꤣꤧ꤯ ꤚꤣꤧ꤬ ꤕꤢꤩ꤬ ꤞꤤꤋꤚꤢꤦ꤭ ꤗꤢꤧꤏꤢꤦ꤭ꤗꤢꤧꤒ꤫ꤢꤨ꤬ ꤊꤣꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯

โครินธ์ เนอบ่า ต๊าบ่า 3:4

ꤛꤢꤩ꤬ꤏꤛꤢꤨꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤕꤢꤩ꤬ꤊꤢꤨ꤭ ꤔꤢꤧ ꤞꤤ꤭ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤟꤢꤩꤙꤢꤦ꤬ ꤔꤢꤧ ꤕꤢꤩ꤬ ꤗꤢꤩ꤬ ꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤖꤢꤧ꤯

เอเฟซัส 2:18

ꤘꤣ ꤋꤚꤤ ꤗꤢꤩ꤬ ꤓꤥ꤭ꤟꤣꤧ ꤕ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤘꤤ꤭ꤒ꤫ꤢꤦ꤬ ꤕꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤕꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤟꤢꤧ꤭ꤔꤥ꤭ꤔ꤫ꤤ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤟꤣꤧ꤯

ꤟꤤꤙꤚꤢꤨ 10:35

ꤟꤢꤨꤔꤣꤧ꤬ꤚꤣꤧ꤬ ꤘꤢꤧ꤬ꤏꤢꤪ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬꤯ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤢ꤬ꤘꤢꤨ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤕꤢ꤭꤯

ꤟꤤꤙꤚꤢꤨ 3:6

ꤗꤢ꤬ꤔꤢꤧꤚꤣꤧ꤬, ꤋꤚꤤ ꤣꤧ꤭ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤋꤢꤨ꤭ꤗꤢꤪꤎꤢꤧ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤟꤤ꤬ꤊꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤗ꤫ꤢ꤬ꤒꤥ꤬꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬꤯ ꤢ꤬ ꤗꤢ꤬ ꤢ꤬ꤡꤢꤪ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤚꤣꤧ꤬ ꤢ꤬ ꤗꤢꤧꤡꤢꤧ꤬ꤚꤣꤧ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤊꤢꤩ꤬ ꤋꤚꤝꤢ꤭ ꤋꤢꤦ꤭ꤋꤢꤦ꤭ꤟꤢ꤭ꤟꤢ꤭ ꤟꤢꤧ꤭ꤑꤢꤩ꤭ꤜꤢ꤭ ꤋꤚꤤ ꤒ꤫ꤥ꤬ꤘꤣ ꤢ꤬ꤒꤣꤧ꤬ꤘꤢꤦ꤬ ꤓꤥ꤭ꤒꤥ꤬ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤕꤢꤩ꤬ ꤣꤧ꤭ꤔꤣꤧ꤬, ꤕꤢꤩ꤬ ꤊꤢꤩ꤬ ꤗꤢꤧꤏꤢꤦ꤭ ꤟꤢꤧ꤭ꤑꤢꤩ꤭ꤜꤢ꤭ ꤒ꤫ꤥ꤬ꤘꤣ ꤢ꤬ꤒꤣꤧ꤬ꤘꤢꤦ꤬ ꤟꤢꤩꤔꤣꤧ꤬ꤗꤢ꤬, ꤕꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤟꤤ꤬ꤖꤢꤨꤖꤢꤧ꤭ꤖꤢꤨ ꤟꤣꤧ꤯

เปโตร อาเหร่อเล๊อ ต๊าบ่า 3:18

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤚꤤ ꤋꤢꤧꤞꤣꤧ꤭ ꤕ꤫ꤢꤩ꤬ ꤖꤢꤧ ꤢ꤬ꤔ꤫ꤢꤩ꤬ ꤘꤣ ꤢꤨ꤭ ꤒꤢꤩ꤬ꤞꤢꤦ ꤢ꤬ꤑꤢꤩ꤭ ꤒꤣ꤬ꤖꤥꤖꤢꤧ ꤚꤣꤧ꤬ ꤢ꤬ꤓꤥ꤭ꤢ꤬ꤕꤜꤢꤦ ꤜꤢ꤭ ꤟꤣꤧ, ꤢ꤬ ꤜ꤫ꤥ꤬ ꤋꤢꤧꤞꤣꤧ꤭ ꤕꤢ꤬ꤔꤢꤧꤒꤥ꤬ ꤟꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤚꤣꤧ꤬ ꤊꤣꤧ꤬ꤛꤢꤧ꤭ ꤡꤢꤪꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤧ꤭ ꤋꤢꤧꤞꤣꤧ꤭ ꤕ꤫ꤢꤩ꤬ꤓꤥ꤭ꤟꤣꤧ ꤊꤣꤧ꤬ꤛꤢꤧ꤭ ꤒꤢꤩ꤬ꤞꤢꤦꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ, ꤢꤨ꤭ ꤗꤢꤩ꤬ꤞꤣꤧ꤭ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤊꤢꤨ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:28

ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤞꤤ꤭꤮, ꤏꤢ꤮ ꤙꤢꤧ꤬ꤡꤢꤩ꤬ ꤋꤚꤤ ꤟꤢꤧ꤭ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤤ꤬ꤏꤢꤩ꤭ ꤥ꤬ꤠꤢꤥ꤬ꤥꤙꤤ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤒꤣꤧ꤬ꤚꤢꤩ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤋꤚꤤ ꤢ꤬ꤊꤢꤨ꤭ ꤔꤤ꤮꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:21

ꤟꤢꤨꤔꤣꤧ꤬ꤚꤣꤧ꤬ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭, ꤢ꤬ ꤊꤢꤩ꤬ ꤟꤢꤩꤜꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤞꤢꤦ ꤥ꤬ꤒꤥ꤬ ꤟꤢꤩꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤟꤢꤧ꤭ꤔꤥ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤕꤢꤩ꤬ ꤞꤤꤤ꤬ꤏꤢꤩ꤭ ꤕꤢ꤬ ꤒꤣ꤬ꤡꤣ꤬꤮ ꤒꤥ꤬ ꤟꤣꤧ꤯