เอเฟซัส 2:16 - Eastern Kayah Shadaw Dialect

¹⁶ ꤢ꤬ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤣꤧ꤭ꤔꤣꤧ꤭ꤗꤢꤨ꤬ꤔꤣꤧ꤬ ꤢ꤬ ꤗꤢꤩ꤬ꤡꤢꤦ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧꤜꤢꤨ꤭ ꤒꤣ꤬ꤗꤢꤨ꤬ꤡꤢꤦ꤭ ꤟꤣꤧ, ꤚꤣꤧ꤬ ꤢ꤬ ꤗꤢꤩ꤬ꤋꤚꤥ꤭ꤗꤢꤩ꤬ꤊꤜꤢꤩ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤞꤤꤓꤢꤩ꤬ꤞꤤꤟꤢ꤭ ꤕꤢ꤬ ꤜꤢꤨ꤭ ꤒꤥ꤬ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁶ อา ข่าเซอ อาซิปล่อ เด๊อ อี๊ถื่อดีเต่ลู อาขว่าอาคยา, แกแย เออเนอหมู่เนอ อา เมจิจือ กาคยา คยาแซ๊ลู ตู๊หมู่จือ เฮ๊อ, เร๊อ อา เมโครเมเกล กาคยา คยาแซ๊ เหย่ซี เร๊อ จอแปแหร่ เฮ๊อ. ฮู๊เนอเรอ เหย่ซี เตเพร เร๊อ เตเพร ซิเถ่ซิฮา ปา ลู โต่ เฮ๊อ.

เอเฟซัส 2:16 ပူးပေါင်းရင်းမြစ်များ

ꤚꤥꤗꤢꤩ꤬ 5:10

ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬, ꤕꤢꤩ꤬ ꤓꤝꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬꤯ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ ꤋꤚꤥ꤭ꤊꤜꤢꤩ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤕꤢꤩ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤓꤝꤢ꤭ꤟꤣꤧ ꤢ꤬ꤋꤥ꤭ ꤙꤢꤧꤞꤝꤢ ꤟꤣꤧ꤯ ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡꤣꤧꤟꤣꤧ ꤔꤢꤧ ꤕꤢꤩ꤬ ꤜꤣꤧ꤬ꤕꤜꤢꤩꤙꤢꤩ ꤖꤢꤧ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯

ꤚꤥꤗꤢꤩ꤬ 6:6

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤒꤢꤩ꤬ꤞꤢꤦ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤣꤧ꤭ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ ꤕꤢ꤬ ꤒ꤫ꤢꤧ꤬ ꤕꤢꤩ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤢ꤬ꤡ꤫ꤢꤦ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤞꤤ꤭ ꤞꤤꤑꤢꤩ꤭ꤟꤣꤧ ꤔꤢꤧ ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ ꤣꤧ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤒ꤫ꤣ꤬ꤊꤣꤧ꤭ ꤓꤥ꤭ꤟꤣꤧ ꤔꤢꤧ ꤋꤚꤤ ꤟꤣꤧ꤯

ꤚꤥꤗꤢꤩ꤬ 8:3

ꤘꤣ ꤗꤢ꤬ꤤ꤭ꤒꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤟꤢꤩꤚꤣꤧ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ꤊꤥꤊꤢꤧ꤭ ꤘꤣ ꤕꤢꤩ꤬ ꤗꤢꤩ꤬ ꤒꤢꤩ꤬ꤞꤢꤦ ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤡꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ ꤢ꤬ꤋꤛꤢ꤭ ꤡꤣꤧ ꤚꤣꤧ꤬, ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤕꤢꤩ꤬ꤔꤣꤧ꤬ ꤢ꤬ꤥ꤬ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤣꤧ꤭ꤔꤣꤧ꤬ ꤢ꤬ꤥ꤬ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤔꤢꤧ ꤢ꤬ꤔ꤫ꤢꤩ꤬, ꤢ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ꤜꤢꤧ꤬ ꤊꤜꤝꤢ꤬ꤢ꤬ꤔ꤫ꤢꤩ꤬ ꤟꤢꤨ ꤟꤢꤩ꤬ꤋꤢꤨ꤬ꤖꤢꤨ ꤞꤢꤧꤔꤢꤧ ꤕꤢꤩ꤬ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤞꤢꤦ ꤣꤧ꤭ꤒꤣꤧ꤬ꤟꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤞꤢꤦ ꤢ꤬ꤜ꤫ꤢꤩ꤬ꤊꤜꤥ꤭ ꤗꤢꤩ꤬ꤕꤣꤧ꤬ꤔ꤫ꤥ꤬ ꤣꤧ꤭ ꤕꤣꤡ꤫ꤢꤧ꤬ ꤜꤢꤨ꤭ ꤒꤥ꤬꤯ ꤢ꤬ ꤟꤢꤧ꤭ ꤋꤢꤧꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬, ꤚꤣꤧ꤬ ꤢ꤬ ꤗꤢꤩ꤬ꤕꤛꤢꤊꤢꤧ꤭ ꤟꤣꤧ ꤒꤢꤩ꤬ꤞꤢꤦ ꤢ꤬ ꤒꤢꤩ꤬ꤕꤣꤒꤣꤧ꤬ꤚꤤ꤬ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 8:7

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ ꤏꤥ꤭ꤏꤢꤦꤖꤢꤧ ꤔ꤫ꤢꤩ꤬ꤊꤜ꤫ꤢꤪ꤬ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤖꤚꤢꤩ꤬ ꤘꤣ ꤢ꤬ ꤞꤤꤓꤢꤩ꤬ ꤡꤢꤪꤗꤣꤧ꤬ꤚꤢꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤡꤢꤨ꤭ꤢꤩ꤬ ꤔꤢꤪꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤋꤢꤧ꤮ ꤒꤥ꤬꤯ ꤢ꤬ ꤡꤢꤨ꤭꤮ ꤗꤢ꤬ ꤢ꤬ ꤡꤢꤨ꤭ꤢꤩ꤬ ꤙꤢꤩꤊꤣꤧ꤭ ꤔꤢꤧ꤭ ꤒꤥ꤬ꤒꤥ꤬꤯

โครินธ์ อาเหร่อเล๊อ ต๊าบ่า 10:17

ꤕꤢꤩ꤬ ꤢꤩ꤬ꤡꤢꤦ꤭ꤥ꤭ꤡꤢꤦ꤭ ꤚ꤫ꤥ꤬ ꤜꤢꤪ꤭ꤕꤜꤤ꤭ ꤜꤢꤨ꤭ ꤋꤢꤪꤗꤢꤨ꤭ ꤒꤣ꤬ꤊꤜ꤫ꤢꤪ꤬ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤥ꤬ꤚ꤫ꤥ꤬ꤥ꤬ꤢꤩ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤗꤢ꤬ ꤔ꤫ꤢꤩ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤜꤢꤨ꤭ ꤖꤢꤧ꤯

ꤊꤢ꤬ꤜꤢ꤬ꤒꤤ 2:20

ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤠꤢꤧ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤟꤣꤧ꤯ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤠꤢꤧ꤭ꤊꤢꤨ꤭ ꤟꤣꤧ꤯ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯

เอเฟซัส 2:15

ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤖꤢꤨꤖꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤢꤩꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤋꤚꤤ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ ꤒꤣꤧ꤬ꤘꤢꤦ꤬ ꤓꤥ꤭ꤊꤢꤧ꤭ ꤕꤜꤢꤦꤜꤢꤪ꤭ꤟꤣꤧ ꤛꤢꤩ꤬ꤞꤤ꤭ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤣꤧ꤭ꤔꤣꤧ꤭ꤗꤢꤨ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤘꤢꤦ꤬ ꤊꤣꤧ꤬ꤛꤢꤧ꤭ ꤢ꤬ꤞꤢꤩ꤭ ꤒꤣ꤬ꤗꤢꤨ꤬ꤡꤢꤦ꤭ ꤘꤣ ꤋꤚꤤ ꤢ꤬ꤊꤢꤨ꤭ ꤚꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤕꤜꤢꤩ꤬ ꤚꤣꤧꤘꤢꤦ꤬ ꤔꤢꤧ ꤢ꤬ꤔ꤫ꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤗꤢꤩ꤬ꤖꤚꤢꤩ꤭ꤗꤢꤩ꤬ꤘꤢꤦ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤟꤣꤧ꤯

เอเฟซัส 3:6

ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤡ꤫ꤢꤪ꤬ꤒꤢꤩ꤬ꤛꤢꤧ꤭ ꤘꤣ ꤢꤨ꤭ ꤞꤤꤑꤢꤩ꤭ꤓꤝꤢ ꤒꤥ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕ꤫ꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯ ꤚꤣꤧ꤬ ꤒꤢꤩ꤬ꤏꤢꤪ꤭ꤚꤤ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔ꤫ꤤ꤬ꤙꤢꤩ꤬ ꤚ꤫ꤥ꤬ꤞꤢꤧꤊꤣꤧ꤭ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬ꤟꤣꤧ꤯ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤟꤣꤧ ꤜꤢꤨ꤭ ꤔ꤫ꤢꤩ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤟꤣꤧ꤯ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤚ꤫ꤥ꤬ꤊꤣꤧ꤭ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤟꤣꤧ꤯ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤔ꤫ꤤ꤬ꤙꤢꤩ꤬ꤊꤣꤧ꤭ ꤜꤢꤪ꤭ꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เอเฟซัส 4:4

ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤥ꤬ꤡꤢꤦ꤭ꤒ꤫ꤣ꤬ꤜꤢꤨ꤭ ꤒꤣ꤬ꤖꤚꤢꤩ꤬ꤡꤢꤦ꤭ ꤖꤢꤧ, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤡꤢꤦ꤭ꤚ꤫ꤥ꤬ꤜꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤖꤢꤧ꤯ ꤟꤢꤨꤔꤣꤧ꤬ꤟꤣꤧ, ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤢꤪꤜꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤔꤥ꤬ ꤕꤢꤩ꤬ ꤒꤢꤩ꤬ꤚꤢꤧ ꤣꤧ꤭ ꤘꤣꤋꤛꤢ꤭ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤜꤢꤪ꤭꤮ ꤕꤜꤤ꤭ ꤗꤢꤧꤏꤢꤦ꤭ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤒꤢꤩ꤬ꤣꤧ꤭ ꤒꤣ꤬ꤡꤣ꤬ꤡꤢꤦ꤭ ꤖꤢꤧ꤯

โคโลสี 2:14

ꤢ꤬ ꤓꤢꤦꤕꤜꤤ꤭ꤊꤢꤧ꤭ ꤜꤢꤪ꤭ ꤟꤣꤧ ꤒꤢꤩ꤬ꤚꤢ꤭ꤗꤢꤚꤢ꤭ꤒꤢꤩ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤙꤣꤧ ꤢꤨ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤓꤢꤪꤛꤢ꤭ꤓꤢꤪꤗꤢꤦ꤬ꤊꤢꤧ꤭ ꤓꤥ꤭ ꤜꤢꤪ꤭ꤟꤣꤧ ꤒꤢꤩ꤬ꤚꤢ꤭ꤗꤢꤚꤢ꤭ꤒꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โคโลสี 3:15

ꤜꤢꤪ꤭ ꤞꤤ꤭ꤣꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤓꤝꤢ꤭ ꤜꤢꤪ꤭ꤟꤣꤧ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ꤋꤚꤥ꤭ꤊ꤫ꤢꤦ꤬ꤊꤜꤢꤩ꤭ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤔꤢꤪ꤭ꤕꤣꤚꤣꤧ ꤞꤤ꤭ ꤞꤤꤕꤜꤢꤪ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤚꤣꤧ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤤ꤮꤯