โคโลสี 2:19 - Eastern Kayah Shadaw Dialect

¹⁹ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤕ꤫ꤢꤦ꤬ꤊꤜꤢꤪ꤬ꤕ꤫ꤢꤦ꤬ꤗꤢ꤬ ꤕꤢ꤬ ꤋꤚꤤ ꤒꤥ꤬ ꤟꤣꤧ꤯ ꤋꤚꤤ ꤗꤢ꤬ ꤢ꤬ꤞꤢꤧꤔꤢꤧ ꤊꤢꤨ꤬ꤊꤜꤢꤪ ꤚꤣꤧ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ ꤜꤢꤨ꤭ ꤔ꤫ꤢꤩ꤬ꤊꤜ꤫ꤢꤪ꤬꤯ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬ ꤢ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤕ꤫ꤢꤩ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧ꤬ ꤢ꤬ ꤔꤢꤪ꤭ꤗꤢ꤭ꤓꤢꤦ꤭ ꤔꤢꤧ ꤚꤝ꤫ꤤ꤬ꤓꤝꤢ꤬ ꤊ꤫ꤢꤦ꤬ ꤕ꤫ꤢꤦ꤬ꤗꤢ꤬ ꤡ꤫ꤢꤩ꤬ꤡꤢꤦ꤭ꤚꤣꤧ ꤚ꤫ꤥ꤬ꤜꤢꤨ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧ꤬ ꤢ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬ ꤢ꤬ ꤘꤢꤨ꤬ꤓꤢꤧ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤘꤢꤨ꤬ꤓꤢꤧ꤬ ꤜꤢꤨ꤭ ꤔꤣꤧ꤬ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁹ แกแย เนอเต๊เห่ หม่า อา ปื่อหม่าปื่อกลอ ปา ครี๊ โต่ เฮ๊อ ครี๊ หม่า อาแซ่เน๊อ กู่กล๊อ เร๊อ ล๋อ แกแย เด๊อ อา หยื่อเอ่ ลู เต๊เห่ เนอหม่า อา ทวา ลู เหน่กล่อ. กู่กล๊อ เออเนอ อา เด๊อะอ๊าเด๊อะเหร่ เป่ เหน่กล่อ เร๊อ อา นอ ทวาแถ่ มาทือ เร๊อ หรุ่ยถว่า ล๊อปลี เก่ ปื่อหม่า จิจือหนิ โหร่ลู เหน่กล่อ เร๊อ อา เหน่กล่อ เออเนอ อา ดุแถ่ ฮู๊ จอแปแหร่ นอดุแถ่ ลู เนอแพ๊.

โคโลสี 2:19 ပူးပေါင်းရင်းမြစ်များ

เปโตร เนอบ่า ต๊าบ่า 3:18

ꤗ꤫ꤢ꤬ꤟꤢꤩꤗꤢ꤬, ꤘꤢꤨ꤬ꤓꤢꤧ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤔꤢꤧ ꤘꤣ ꤒꤢꤩ꤬ꤞꤤꤑꤢꤩ꤭ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤗ꤫ꤢ꤬ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤢ꤬ꤊꤢꤨ꤭ ꤔꤤ꤮꤯ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤤ꤮ ꤢ꤬ꤗꤢꤩ꤬꤯

เปโตร อาเหร่อเล๊อ ต๊าบ่า 3:8

ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤕ꤫ꤥ꤬ ꤞꤤ꤭ ꤘꤣꤋꤛꤢ꤭ꤜꤣ ꤔꤢꤧ, ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤥ꤬ꤜꤢꤨ꤭ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭, ꤒꤢꤩ꤬ꤘꤢꤧ꤬ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤒꤣ꤬ꤡꤣ꤬ꤡꤢꤦ꤭ ꤔꤤ꤮꤯ ꤗꤥ꤬ ꤚꤣꤧꤘꤢꤦ꤬ ꤊꤣꤧ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤕ꤫ꤥ꤬ꤠ꤫ꤢꤧ꤬ ꤔꤣꤧ꤬ ꤔꤤ꤮꤯ ꤞꤤꤛꤢꤪ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤚꤣꤧ꤬ ꤏꤢꤧ꤬ꤜꤢꤧ꤬ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

โคโลสี 2:2

ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ꤚꤣꤧ ꤛꤢꤩ꤬ꤞꤤ꤭ ꤚꤣꤧ꤬ ꤠꤢꤧ꤭ ꤗꤢꤩ꤬ꤟꤢꤨꤣꤧ꤭ ꤖꤢꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤊ꤫ꤢꤦ꤬ ꤡ꤫ꤢꤩ꤬ꤡꤢꤦ꤭ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤗꤥ꤬ ꤢ꤬ꤊꤢꤨ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤒꤢ꤭ꤒꤢꤩ꤬ꤜꤢꤪ꤭ ꤒꤢꤩ꤬ꤞꤤꤑꤢꤩ꤭, ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤕꤜꤥ꤭ꤟꤢꤧ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤘꤢꤧ꤬ ꤥ꤬ꤥꤥ꤬ꤙꤤ ꤗ꤫ꤢ꤬ꤟꤣꤧ ꤋꤚꤤ ꤣꤧ꤭ꤔꤣꤧ꤬ ꤚꤣꤧ꤬ ꤠꤢꤧ꤭ ꤢꤧꤡꤢꤦ ꤗꤢꤩ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤟꤢꤨꤔꤣꤧ꤬ ꤖꤢꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

ꤊꤢꤩ꤬ꤟꤢꤩꤔꤤꤔꤢꤧ꤬ꤗꤢ꤬ ꤞꤤ꤭ ꤗꤥ꤬ ꤚꤣꤧꤘꤢꤦ꤬ ꤜꤢꤪ꤭ꤕꤜꤤ꤭ ꤞꤤ꤭ꤕ꤫ꤥ꤬ꤞꤤ꤭ꤠ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤣꤧ꤭ ꤒꤣ꤬ꤊ꤫ꤢꤩ꤬ꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤏꤢꤧ꤬ꤋꤚꤝꤢ꤭ ꤊꤣꤧ꤭ꤕ꤫ꤥ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤥ꤬ ꤢꤩꤓꤢꤧ꤬ ꤜꤣ ꤕ꤫ꤥ꤬ ꤡꤣꤧ ꤔꤢꤧ ꤣꤧ꤭ꤔꤣꤧ꤬ ꤔꤤ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤗꤢꤩ꤬ꤢꤩꤓꤢꤧ꤬ ꤕ꤫ꤢꤩ꤬ꤘꤢꤦ꤬ ꤞꤤ꤭ ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤚꤣꤧ꤬, ꤞꤤ꤭ ꤊꤢꤩ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤚꤣꤧꤘꤢꤦ꤬ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤥ꤬ꤢꤩꤓꤢꤧ꤬ ꤚꤣꤧꤊꤣꤧ꤭ꤕ꤫ꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤞꤢꤧꤔꤢꤧ ꤕꤢꤩ꤬ ꤗꤥ꤬ꤚꤣꤧ ꤞꤤ꤭ꤔꤣꤧ꤬ ꤔꤤ꤮꤯

เธสะโลนิกา เนอบ่า ต๊าบ่า 1:3

ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭꤮, ꤕꤢꤩ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤞꤤ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤕꤢꤩ꤬ ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤞꤤꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤞꤤ꤭ ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤘꤢꤨ꤬ꤓꤢꤧ꤬ ꤔꤢꤧ ꤘꤢꤨ꤬ꤓꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤒꤥ꤭ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤔꤢꤧ꤭ ꤟꤣꤧ꤯

โคโลสี 1:18

ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤋꤚꤤ ꤕꤣꤒꤣꤧ꤬ꤚꤤ꤬ꤚꤣꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤛꤢꤩ꤬ꤞꤤ꤭ ꤞꤢꤧꤔꤢꤧ ꤊꤢꤨ꤬ꤊꤜꤢꤪ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤚꤣꤧ ꤔ꤫ꤢꤩ꤬ꤊꤜ꤫ꤢꤪ꤬ ꤔꤣꤧ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤧꤔꤢꤧ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬ ꤟꤣꤧ꤯ ꤓꤥ꤭ꤒꤥ꤬ ꤢ꤬ ꤗꤢ꤬ ꤢ꤬ ꤘꤣꤧꤕ꤫ꤢꤩ꤬ ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤊꤢꤨ꤬ꤊꤜꤢꤪ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤚ꤫ꤣꤧ꤬ꤜꤣ ꤟꤣꤧ ꤢ꤬ ꤟꤣꤧ꤯

โคโลสี 1:10

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤊ꤫ꤢꤦ꤬ꤊꤢꤪ꤬ ꤔꤢꤧ ꤙꤢꤧ꤬ꤡꤢꤩ꤬ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤗꤥ꤬ ꤜꤢꤨ꤭ ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ꤚꤢꤧ ꤕꤝꤢ꤭꤮ ꤒꤣ꤬ꤡꤣ꤬, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤚꤢꤧ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤘꤢꤦ꤬ ꤘꤣ ꤒꤢꤩ꤬ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤘꤣ ꤞꤤ꤭ꤑꤢꤩ꤭꤯

ฟีลิปปี 1:27

ꤢ꤬ ꤓꤝꤢ꤭ꤓꤢꤧ꤬ ꤟꤢꤨꤒꤢꤩ꤭ ꤙꤢꤩ꤬ꤙꤢꤩ꤬, ꤞꤤ꤭ ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ꤔꤣꤧ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤠꤢꤧ꤭ ꤟꤢꤧ꤭ꤗꤢꤧꤓ꤫ꤣꤧ꤬ ꤞꤤ꤭ ꤙꤢꤩ꤬ꤙꤢꤩ꤬, ꤠꤢꤧ꤭ ꤥ꤬ꤒꤣꤧ꤬ꤖꤢ꤭ꤛꤢ꤬ ꤔꤢꤧ ꤞꤤ꤭ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤖꤢꤧ ꤞꤤ꤭ꤚꤤ꤬ꤞꤤ꤭ꤊꤢꤧ꤭ ꤙꤢꤩ꤬ꤙꤢꤩ꤬, ꤠꤢꤧ꤭ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ꤭ꤘꤢꤦ꤬ꤟꤣꤧ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤡ꤫ꤢꤩ꤬ꤡꤢꤦ꤭ꤟꤣꤧ ꤜꤢꤨ꤭ ꤚꤣꤧ꤬ ꤞꤤ꤭ ꤊꤣꤧ꤬ꤓꤢꤪ꤬ꤏꤢꤏꤢꤦ꤬ ꤒꤣꤧ꤬ꤔꤢꤧ꤭ꤚ꤫ꤥ꤬ꤟꤣꤧ ꤜꤢꤨ꤭ ꤘꤣ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤑꤢꤩ꤭ꤟꤣꤧ, ꤓꤥ꤭ꤒꤥ꤬ ꤞꤤ꤭ ꤞꤤꤤ꤬ꤏꤢꤩ꤭ ꤕꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ꤞꤤꤟꤢ꤭ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤒ꤫ꤥ꤬ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤞꤤ꤭ ꤋꤢꤧꤜꤥ꤭ ꤕ꤫ꤢꤩ꤬ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤛꤢꤩ꤬ꤞꤤ꤭ ꤕꤢ꤭, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤜꤢ꤭ꤒꤢꤩ꤬ ꤞꤤ꤭ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤕꤢ꤭꤯

เอเฟซัส 5:29

ꤢꤨ꤭ ꤞꤤꤒꤣꤧ꤬ꤋꤥ꤭ ꤜꤢꤧ꤬ ꤚꤣꤧꤘꤢꤦ꤬ ꤢꤨ꤭ꤔ꤫ꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤢꤨ꤭ ꤙꤥ꤬ꤢꤩ꤬ꤙꤥ꤬ꤥ꤭ ꤗꤢꤧꤡꤢꤧ꤬ ꤜꤢꤧ꤬ ꤚꤣꤧꤘꤢꤦ꤬ ꤢꤨ꤭ꤔ꤫ꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ ꤋꤚꤤ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤢ꤬ ꤙꤥ꤬ꤢꤩ꤬ꤙꤥ꤬ꤥ꤭ ꤗꤢꤧꤡꤢꤧ꤬ ꤜꤢꤧ꤬ꤚꤣꤧ ꤘꤢꤦ꤬ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤗ꤫ꤢ꤬ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ꤟꤣꤧ꤯

เอเฟซัส 4:3

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ꤕꤜꤢꤪꤗꤢꤩ꤬ꤡꤢꤦ꤭ ꤟꤣꤧ ꤞꤤ꤭ ꤟꤣꤧ꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤕꤜꤢꤪꤥ꤬ꤡꤢꤦ꤭ ꤒꤣꤧ꤬ꤘꤢꤦ꤬ ꤒ꤫ꤣ꤬ꤜꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤢꤧꤡꤢꤦ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭ ꤢ꤬ꤊꤢꤨ꤭ ꤔꤤ꤮꤯

เอเฟซัส 1:22

ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤥ꤬ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤋꤚꤤ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤟꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤜꤢꤪ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤊꤢꤨ꤬ꤊꤜꤢꤪ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ꤑꤢꤩ꤭ ꤟꤣꤧ꤯

โครินธ์ อาเหร่อเล๊อ ต๊าบ่า 3:6

ꤠꤢꤧ꤭ ꤗꤢ꤬ ꤖꤚꤢꤩ꤬ꤤ꤬ꤜ꤫ꤥ꤬ꤒꤢ꤭ ꤒꤢꤩ꤬ꤊꤜꤝꤤ꤭꤯ ꤋꤢꤨ꤭ꤢ꤬ꤕꤢꤪꤜꤥ꤬ ꤗꤢ꤬ ꤖꤚꤢꤩ꤬ꤛꤢꤦ꤬ꤓꤣꤧ꤭꤯ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤖꤢꤩꤓꤢꤧ꤬ꤘꤢꤨ꤬ꤓꤢꤧ꤬ ꤒꤢꤩ꤬ꤊꤜꤝꤤ꤭ꤒꤢꤩ꤬ꤜꤝꤤ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 1:10

ꤠꤢꤧ꤭ꤕ꤫ꤥ꤬ꤠꤢꤧ꤭ꤠ꤫ꤢꤧ꤬ ꤞꤤ꤭꤮ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤏꤝꤢ꤬ꤔꤢꤧ꤭ ꤟꤣꤧ ꤞꤤ꤭ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ꤟꤣꤧ꤯ ꤠꤢꤧ꤭ ꤞꤤꤛ꤫ꤢꤦ꤬ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤘꤣ ꤞꤤ꤭ ꤊ꤫ꤢꤦ꤬ ꤋꤚꤥ꤭ꤊꤜꤢꤩ꤭ ꤜꤢꤨ꤭, ꤥ꤬ꤋꤥꤗꤢꤩ꤬ꤋꤥꤜꤢꤨ꤭ ꤒꤣ꤬ꤗꤢꤨ꤬ ꤔꤢꤧ ꤒꤣ꤬ꤗꤢꤨ꤬ ꤒ꤫ꤢꤧ꤬ꤗꤢꤩ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤏꤢꤧ꤬ꤋꤚꤝꤢ꤭ ꤞꤤ꤭ ꤔꤢꤧ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤔꤢꤪ꤭ ꤞꤢꤧ ꤖꤢꤧ ꤜꤢꤨ꤭ ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤖꤢꤧ ꤔꤤ꤮꤯

ꤚꤥꤗꤢꤩ꤬ 11:17

ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤢꤨ꤭ ꤡꤝꤢ ꤛꤢꤪꤊ꤫ꤢꤩ꤬ꤊꤢꤧ꤭ ꤢꤪꤜꤤꤠꤢ꤬ꤖꤢꤧ꤭ ꤘꤣ ꤢꤨ꤭ ꤤ꤬ꤏꤢꤪꤘꤢꤧ ꤜꤢꤨ꤭ ꤘꤣ ꤊꤣꤧ꤬ꤚꤢꤩꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤖꤢꤧ꤭ ꤚꤣꤧ꤬ ꤢꤨ꤭ ꤡꤝꤢ ꤛꤢꤪꤊ꤫ꤢꤩ꤬ꤊꤢ꤬ ꤊꤣꤧ꤭ꤜꤢ꤭ꤒꤢꤩ꤬ ꤢꤪꤜꤤꤠꤢ꤬ꤖꤢꤧ꤭ ꤘꤣ ꤢ꤬ ꤘꤢꤧꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤘꤣ ꤗꤤ꤬ꤊꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤖꤢꤧ꤭ ꤚꤣꤧ꤬ ꤢꤨ꤭ ꤊꤢ꤬ ꤕꤣꤧ꤬ꤓꤢꤦ꤭ ꤡ꤫ꤢꤩ꤬ꤡꤢꤦ꤭ꤜꤢꤨ꤭꤯ ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤢꤪꤜꤤꤠꤢ꤬ꤗ꤫ꤢꤪ꤬ ꤘꤣ ꤢ꤬ ꤘꤢꤧ ꤘꤣ ꤗꤤ꤬ꤊꤜꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤔ꤫ꤤ꤬ꤙꤢꤩ꤬ ꤊꤣꤧ꤭ꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤏꤢꤪ꤭ꤚꤤ꤬ꤊꤢꤧ꤭ ꤛꤢꤨꤘꤢ꤬ꤖꤢꤨ ꤖꤣꤧ꤭ꤖꤥ꤭ ꤘꤣ ꤔꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤤ꤭ ꤔ꤫ꤤ꤬ꤙꤢꤩ꤬ ꤞꤢꤧꤔꤢꤧ ꤞꤢꤪ꤬ꤖꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤡꤝꤤꤥ꤭ ꤔ꤫ꤤ꤬ꤟꤢꤧ꤭ꤔ꤫ꤤ꤬ꤚꤢꤩ꤬ ꤊꤣꤧ꤭ ꤞꤢꤪ꤬ꤡꤢꤧ꤭ꤓꤣꤧ꤭ ꤘꤣ ꤢ꤬ ꤥ꤬ ꤘꤣ ꤢ꤬ꤚꤝ꤫ꤤ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯

เพรโด่แนพู๊ เต๊เห่ 4:32

ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭, ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭꤯ ꤛꤢꤩ꤬ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤘꤢꤧꤊꤝꤢ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ꤒꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤒꤢꤩ꤬ ꤘꤣ ꤢ꤬ ꤥ꤬ ꤔꤢꤧ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤢꤩ꤬ꤚ꤫ꤥ꤬ꤖꤛꤢꤚ꤫ꤥ꤬ ꤋꤛꤢ꤭ꤜꤢꤨ꤭꤯

ꤛꤥ꤭ꤟꤢ꤬ 17:21

ꤊꤣ꤮ ꤖꤢꤩ꤭, ꤟꤢꤨ ꤔꤢꤧ꤬ ꤥ꤬ ꤘꤣ ꤠꤢꤧ꤭ꤊꤢꤨ꤭, ꤚꤣꤧ꤬ ꤠꤢꤧ꤭ ꤥ꤬ ꤘꤣ ꤔꤢꤧ꤬ꤊꤢꤨ꤭ ꤣꤧ꤭ꤔꤣꤧ꤬, ꤞꤢꤧꤟꤢꤨ ꤛꤢꤩ꤬ꤞꤤ꤭ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤚꤣꤧ꤬, ꤠꤢꤧ꤭ ꤊꤝꤤ꤭ ꤞꤤꤛꤢꤪ꤬ꤓꤢꤧ꤬ ꤟꤣꤧ ꤔꤢꤧ꤬ ꤟꤣꤧ꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤔꤢꤧ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤠꤢꤧ꤭ ꤔꤣꤧ꤬ꤚꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤘꤣ ꤕꤢꤩ꤬ꤊꤢꤨ꤭ ꤔꤤ꤮꤯

โครินธ์ อาเหร่อเล๊อ ต๊าบ่า 11:3

ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ ꤞꤤꤑꤢꤩ꤭ꤕꤜꤥ꤭ ꤚꤢꤧ ꤊꤣꤧ꤭ ꤕ꤫ꤥ꤬ ꤞꤤ꤭ ꤔꤢꤧ ꤋꤚꤤ ꤗꤢ꤬ ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤬ꤊꤜꤢꤪ꤯ ꤚꤣꤧ꤬ ꤠꤢꤩ꤬ ꤗꤢ꤬ ꤢ꤬ ꤓꤝꤢ꤭ ꤗꤢꤩ꤭ ꤢ꤬ꤊꤢꤨ꤬ꤊꤜꤢꤪ, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ ꤓꤝꤢ꤭ ꤋꤚꤤ ꤢ꤬ꤊꤢꤨ꤬ꤊꤜꤢꤪ꤯

เอเฟซัส 1:23

ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗꤢ꤬ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬꤯ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤜꤣꤢ꤬ꤙꤢ꤭ꤓꤢꤧ꤬ ꤡ꤫ꤢꤧ꤬ ꤖꤢꤧ ꤔꤢꤧ ꤋꤚꤤ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤖꤢꤧ꤯ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤙꤢ꤭ꤡ꤫ꤢꤧ꤬ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤔꤢꤧ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤔꤣꤧ꤬ꤗꤢ꤬ ꤒꤢꤦꤖꤢꤧ ꤋꤚꤤ ꤖꤢꤧ꤯

เอเฟซัส 2:21

ꤙꤢꤧ꤬ꤡꤢꤩ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ꤡꤝꤤ꤬ꤗꤢ꤬ ꤒ꤫ꤣ꤬ꤕꤜꤢꤪꤚꤣꤧ ꤜꤢꤪ꤭ ꤟꤤ꤬ꤋꤚꤢꤦ꤬ꤟꤤ꤬ꤋꤚ꤫ꤢꤪ꤬ ꤣꤧ꤭ꤒꤣ꤬ꤗꤢꤩ꤭ ꤚꤣꤧ꤬ ꤢ꤬ ꤗꤢꤩ꤬ꤘꤢꤨ꤬ꤓꤢꤧ꤬ ꤔꤢꤧ ꤘꤢꤨ꤬ꤓꤢꤧ꤬ ꤚꤣꤧ ꤟꤤ꤬ ꤣꤧ꤭ꤒꤣ꤬ꤗꤢꤩ꤭ ꤚꤣꤧ꤬ ꤘꤣꤋꤛꤢ꤭ꤒꤣꤧ꤬ꤘꤢꤦ꤬ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤘꤣ ꤙꤢꤧ꤬ꤡꤢꤩ꤬ ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤢ꤬ꤑꤢꤩ꤭ ꤒꤣ꤬ꤗꤢꤩ꤭ ꤟꤣꤧ꤯

ꤜꤢꤨꤊꤢ꤬ 5:38

ꤢꤨ꤭ ꤒꤥ꤭ꤙꤢꤩ꤬ ꤛꤢꤦ꤬ꤔꤥ꤭ ꤖꤢꤧ ꤓꤣꤧ꤭ꤛꤢꤧ꤭ꤞꤢꤩ꤭ ꤘꤣ ꤓꤣꤧ꤭ꤥ꤭ꤖꤢꤞꤢꤩ꤭ ꤢ꤬ꤊꤢꤨ꤭ ꤖꤢꤧ꤮꤯