โคโลสี 2:16 - Eastern Kayah Shadaw Dialect

¹⁶ ꤟꤢꤨꤔꤣꤧ꤬ꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤔꤢꤧ ꤞꤤ꤭ ꤒꤢꤩ꤬ꤢꤩ꤬ꤒꤢꤩ꤬ꤥ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤔ꤫ꤤ꤬ꤘꤢ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤕꤝꤢ꤭ꤔꤢ꤬ꤔꤢ꤬꤮ ꤞꤤ꤭ ꤊꤢꤩ꤬ ꤗꤢꤩ꤬ꤕꤝꤢꤩ꤬ꤗꤢꤩ꤬ꤜꤢꤨ꤭ ꤕ꤫ꤢꤩ꤬ꤊꤣꤧ꤭ ꤛꤢꤩ꤬ꤞꤤ꤭ ꤗ꤫ꤢꤪ꤬ꤔꤣꤧ꤭ ꤘꤣ ꤜ꤫ꤢꤩ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤑꤢꤩ꤭ ꤒꤥ꤬, ꤘꤢ꤭ ꤜꤢꤩ꤭ꤙꤢ꤭ ꤟꤣꤧꤚꤣꤧ꤬ ꤞꤤ꤭ ꤊꤢꤩ꤬ ꤗꤢꤩ꤬ꤕꤝꤢꤩ꤬ꤗꤢꤩ꤬ꤜꤢꤨ꤭ ꤕ꤫ꤢꤩ꤬ꤊꤣꤧ꤭ ꤛꤢꤩ꤬ꤞꤤ꤭ ꤒꤥ꤬ ꤟꤢꤩꤔꤣꤧ꤬, ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ꤯ ꤗꤢ꤬ꤔꤢꤧꤚꤣꤧ꤬ ꤔ꤫ꤤ꤬ꤘꤢ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤢ꤬ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ลีเทส่อพ๊าอาเซ เร๊อ เห่ขุทวาลู๊

¹⁶ ฮู๊เนอเรอ, แกแย เด๊อ อา แด่ ซี เตซื๊อ เน๊อ ซี เตเอ่เตโอ อาหรี่อาแก เต๊เห่เนอ, หนิดา แต่ เหย่ซีโหง่ แต่เหม่ นี๋. ปวาหน่าหน๋า ซี เก่ เมป่วยเมลา เป่เกอ เหย่ซี ม๊อเนอบูโพ๊ โต่, ดา เลบา เฮ๊อเร๊อ ซี เก่ เมป่วยเมลา เป่เกอ เหย่ซี โต่ เฮ๊เนอ, เหย่ซี ซิหยื่อ แด่ ซี เตซื๊อ. หม่าแน๊เรอ หนิดา แต่ เหย่ซี อาโหง่ แต่เหม่ นี๋.

โคโลสี 2:16 ပူးပေါင်းရင်းမြစ်များ

ꤚꤥꤗꤢꤩ꤬ 14:10

ꤟꤢꤨꤔꤣꤧ꤬ꤚꤣꤧ꤬, ꤔꤢꤧ꤬ ꤡꤝꤢ ꤗꤢꤧꤕꤢꤨ꤭ ꤘꤢꤧ꤬ ꤒꤢꤩ꤬ꤞꤢꤦ ꤒꤥ꤬ ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤗꤢꤩ꤬ꤒꤢꤩ꤭? ꤗ꤫ꤢ꤬ꤒꤥ꤬ꤚꤣꤧ꤬, ꤔꤢꤧ꤬ ꤡꤝꤢ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤒ꤫ꤥ꤬ ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤩ꤬ꤒꤢꤩ꤭? ꤜꤢꤪ꤭ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤙꤢꤩ꤬ ꤊꤣꤧ꤬ꤓꤢꤪ꤬ꤜꤢꤪ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤜ꤫ꤢꤩ꤬ꤘꤣꤧꤡꤢ꤭ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭꤯

ꤊꤢ꤬ꤜꤢ꤬ꤒꤤ 4:10

ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤞꤤ꤭ ꤡꤝꤢ ꤢꤧꤡꤢꤦ ꤜꤢꤦ꤬ꤋꤚꤝꤢ꤭ ꤗꤢꤩ꤬ꤗꤥ꤬ꤒ꤫ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤔꤢꤧ ꤞꤤ꤭ ꤘꤢꤧ꤬ꤘꤢꤨ꤬ ꤋꤥꤋꤛꤢ꤬ꤘꤢꤦ꤬ ꤗ꤫ꤢꤪ꤬ꤔꤣꤧ꤭ꤒꤣꤧ꤬ꤟꤢꤩ꤬, ꤔꤢ꤬ꤜꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤏꤣꤧꤋꤢꤩ꤭ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤢꤩ꤭?

ꤟꤤꤙꤚꤢꤨ 13:9

ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤡꤝꤢꤞꤢꤦ ꤒ꤫ꤢꤧ꤬ ꤞꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ ꤋꤥꤋꤛꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤋꤚꤝꤢ꤭ꤡꤝꤢꤊꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤢ꤬ ꤒꤥ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ꤓꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤛꤢ꤭ ꤖꤢꤧ꤯ ꤘꤣ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ ꤟꤢꤧ꤭ꤏꤝꤢ꤬ꤚꤢꤩ꤬ꤏꤢꤪ꤭ꤓꤢꤧ꤬ ꤒ꤫ꤥ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤣꤧ꤭ꤔꤣꤧ꤬, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯

มัทธิว 15:11

ꤒꤢꤩ꤬ ꤘꤣ ꤢ꤬ ꤔꤥ꤭ ꤘꤣ ꤊꤣꤧ꤬ꤛꤢꤧ꤭ ꤊꤢꤧ꤭ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤖꤚꤥꤗꤢꤨꤗ꤫ꤢꤧ꤬ ꤜꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ ꤘꤣ ꤢ꤬ ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤊꤢꤧ꤭ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤖꤚꤥꤗꤢꤨꤗ꤫ꤢꤧ꤬ ꤜꤢꤨ꤭꤯”

ꤟꤤꤙꤚꤢꤨ 9:10

ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤒꤢꤩ꤬ ꤞꤤꤜꤢꤩ꤬ꤓꤢꤧ꤬ꤚꤣꤧ ꤖꤢꤧ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤢꤩ ꤔꤢꤧ ꤣꤧ꤭ꤗꤢ꤬ ꤢꤩ꤬ꤔ꤫ꤤ꤬, ꤣꤧ꤭ꤗꤢ꤬ ꤥ꤭ꤔ꤫ꤤ꤬ ꤒꤥ꤬, ꤒꤥ꤭ꤙꤢꤩ꤬ ꤞꤢꤨꤕꤜꤤ꤭ꤞꤢꤨꤕꤜ꤫ꤢꤩ꤬ ꤔ꤫ꤢꤩ꤬ ꤟꤢꤨꤣꤧ꤭ ꤟꤢꤨꤔꤣꤧ꤬, ꤢ꤬ ꤟꤢꤩ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤜꤢꤦ꤬ꤋꤚꤝꤢ꤭ ꤗꤢꤩ꤬ꤒꤢꤩ꤬ ꤘꤣ ꤢ꤬ꤊꤜꤢꤪ꤭ ꤒꤣ꤬ꤊꤛꤢ꤭ ꤖꤢꤧ, ꤢ꤬ ꤗꤢꤩ꤬ ꤒꤣꤧ꤬ꤊꤜꤢꤧ꤬ꤡ꤫ꤢꤧ꤬ ꤞꤤꤕꤜꤢꤪ꤬ ꤒꤥ꤬꤯ ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤒꤣ꤬ꤊꤛꤢ꤭, ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤙꤢꤩ꤬ ꤋꤚꤝꤢ꤭ꤗꤢꤩ꤬ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤒꤣꤧ꤬ꤕꤜꤢꤩ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤊꤜꤢꤧ ꤢ꤬ꤞꤢꤩ꤭ ꤒꤣ꤬ꤙꤥ꤭꤯

ꤡꤛꤢꤩ꤭ꤗꤢ꤬ꤎꤣ꤬ 4:11

ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤟꤢꤩꤗꤢꤨꤗ꤫ꤢꤧ꤬ ꤚꤣꤧꤘꤢꤦ꤬ ꤒ꤫ꤢꤧ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤟꤢꤩꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤟꤢꤩꤙꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤘꤢꤧ꤬ ꤒꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤢꤩꤚꤣꤧ꤬, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤨ꤭ꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤖꤢꤧ꤯

ꤗꤢ꤬ꤊꤢꤨ 7:19

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬, ꤢ꤬ ꤔꤥ꤭ ꤘꤣ ꤜꤢꤨ꤭ ꤞꤤꤕꤜꤢꤪ꤬ꤊꤢꤨ꤭ ꤗ꤫ꤢ꤬ꤒꤥ꤬, ꤢ꤬ ꤔꤥ꤭ ꤘꤣ ꤜꤢꤨ꤭ꤖꤥ꤭ꤊꤢꤨ꤭ ꤚꤣꤧ꤬ ꤢ꤬ ꤙꤢꤩ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤘꤢꤪ꤭ꤊꤜꤢꤪ꤭ ꤖꤢꤧ꤯” (ꤢ꤬ ꤟꤢꤩ ꤟꤢꤨꤣꤧ꤭ꤔꤣꤧ꤬ꤗꤢ꤬, ꤢ꤬ ꤞꤤꤛ꤫ꤢꤦ꤬ ꤟꤢꤩ ꤔꤢꤧ, ꤏꤢꤩ꤬ꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤢꤩ꤬ ꤗꤢ꤬ ꤢ꤬ ꤔ꤫ꤤ꤬ ꤜꤢꤪ꤭ꤖꤢꤧ꤯)

เพรโด่แนพู๊ เต๊เห่ 15:20

ꤕꤢꤩ꤬ ꤒꤥ꤭ ꤚꤢ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤜꤤ꤬, ꤚꤣꤧ꤬ ꤕꤢꤩ꤬ ꤒꤥ꤭ ꤟꤢꤩꤒꤣꤧ꤬ꤕꤜꤢꤩ꤬꤮ ꤛꤢꤩ꤬ꤞꤤ꤭ ꤔꤢꤧ ꤏꤢꤩ꤬ꤢꤩ꤬ ꤘꤣ ꤢꤨ꤭ ꤜꤢꤨ꤭ꤒꤢꤧ꤭ꤓꤢꤧ꤬ ꤢ꤬ ꤔꤢꤧ ꤖꤚꤢꤩ꤬ꤛꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤕꤜꤤ꤭ꤖꤥꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤒꤥ꤭ꤙꤢꤩ꤬ ꤔꤢꤪ꤭ꤢꤩ꤬ ꤛꤢꤩ꤬ꤞꤤ꤭ ꤒꤥ꤬, ꤕꤢꤩ꤬ ꤒꤥ꤭ꤙꤢꤩ꤬ ꤔꤢꤪ꤭ꤡꤝꤢꤞꤢꤦꤔ꤫ꤤ꤬ ꤛꤢꤩ꤬ꤞꤤ꤭ ꤔꤢꤧ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤒꤥ꤬, ꤓꤥ꤭ꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤔꤢꤪ꤭ꤢꤩ꤬ꤔ꤫ꤤ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤘꤣ ꤢꤨ꤭ ꤡꤤ꤬ꤞꤣꤧ꤭ ꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤥ꤬, ꤓꤥ꤭ꤚꤣꤧ꤬ ꤒꤢꤩ꤬ꤞꤝꤤ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ꤔꤣꤧ꤬, ꤕꤢꤩ꤬ ꤒꤥ꤭ꤙꤢꤩ꤬ ꤔꤢꤪ꤭ꤢꤩ꤬ꤔ꤫ꤤ꤬ ꤛꤢꤩ꤬ꤞꤤ꤭ ꤒꤥ꤬꤯

โคโลสี 2:20

ꤞꤤ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤟꤣꤧ ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤞꤤ꤭ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤕꤣꤚꤣꤧ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤟꤣꤧ꤯ ꤞꤤ꤭ ꤡꤝꤢ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤢꤧꤕꤢ꤬ ꤔꤢꤧ ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤟꤢꤨꤒꤢꤩ꤭? ꤚꤣꤧ꤬ ꤞꤤ꤭ ꤡꤝꤢ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤕꤢ꤬ ꤒꤢꤩ꤬ꤘꤥ꤬ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤢꤩ꤭?