โคโลสี 2:1 - Eastern Kayah Shadaw Dialect

¹ ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ ꤢꤧꤡꤢꤦ ꤗꤢꤩ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤕ꤫ꤢꤩ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤥ꤬ꤘꤣ ꤠꤤ꤭ꤜꤢꤪꤘꤤ꤬ꤊꤤ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤗꤢꤧꤓ꤫ꤣꤧ꤬ ꤔꤢꤪꤜꤢ꤭ꤟꤤ ꤠꤢꤧ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤙꤢ꤮ ꤒꤢꤩ꤭ ꤔꤣꤧ꤬ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

¹ แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

โคโลสี 2:1 ပူးပေါင်းရင်းမြစ်များ

ꤜꤢꤨꤊꤢ꤬ 22:44

ꤢ꤬ ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤟꤢꤧ꤭ꤏꤝꤢ꤬ ꤚꤣꤧ꤬, ꤢ꤬ ꤜꤢꤦ ꤊꤝꤤ꤭ꤡꤢꤪꤙꤢꤩ꤭ ꤏꤝꤢ꤬ꤜꤣ ꤕ꤫ꤥ꤬ꤕ꤫ꤥ꤬꤯ ꤚꤣꤧ꤬ ꤢ꤬ꤊ꤫ꤢꤨ꤬ꤞꤢ꤭ ꤓꤝꤤꤒꤢ꤭ ꤘꤣ ꤟꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤞꤢꤧ ꤡꤣꤧ ꤔꤢꤧ ꤞꤝꤤ꤬ꤒꤢ꤭ꤗꤢꤩ ꤔꤣꤧ꤬ ꤡꤣꤧ꤯

เพรโด่แนพู๊ เต๊เห่ 20:25

“ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤑꤢꤩ꤭ꤟꤣꤧ ꤔꤢꤧ ꤜꤢꤪ꤭ ꤞꤤ꤭ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤓꤥ꤭ ꤜꤢꤪ꤭ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬, ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤔꤣꤧ꤬ ꤞꤤ꤭ ꤗꤢꤧꤓ꤫ꤣꤧ꤬ ꤕꤢ꤬ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤟꤣꤧ꤯

เพรโด่แนพู๊ เต๊เห่ 20:38

ꤛꤢꤩ꤬ꤞꤤ꤭ ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤜꤣꤗꤢ꤬ꤟꤣꤧ ꤋꤢꤨ꤭ꤕꤢꤪꤜꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ ꤗꤢꤧꤓ꤫ꤣꤧ꤬ꤔꤢꤪ ꤕꤢ꤬ ꤠꤢꤧ꤭ ꤒꤣ꤬ꤖꤥ꤮ ꤒꤥ꤬ ꤕꤢ꤭, ꤢ꤬ ꤟꤢꤩ ꤛꤢꤩ꤬ꤞꤤ꤭ ꤣꤧ꤭ꤒꤣ꤬ꤗꤢꤦ꤭ ꤔꤣꤧ꤬ꤟꤣꤧ꤯ ꤚꤣꤧ꤬ ꤛꤢꤩ꤬ꤞꤤ꤭ ꤞꤢꤨ꤭ꤡꤝꤢ ꤜꤢꤨ꤭ ꤘꤣ ꤢꤨ꤭ ꤜ꤫ꤢꤩ꤬ꤙꤢꤥ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤜ꤫ꤢꤩ꤬ꤥ꤬꤯

ꤊꤢ꤬ꤜꤢ꤬ꤒꤤ 4:19

ꤠꤢꤧ꤭ꤖꤢꤨ ꤘꤣ ꤠꤢꤧ꤭ ꤗꤥ꤬ꤚꤣꤧ ꤞꤤ꤭꤮ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤋꤛꤢ꤭ꤞꤢꤧ ꤔꤢꤧ꤬ꤡꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤖꤚ꤫ꤢꤩ꤬ꤓꤢꤧ꤬ ꤞꤢꤧꤊꤣꤧ꤭ꤘꤢꤦ꤬ ꤔꤢꤧ ꤋꤚꤤ ꤔꤣꤧ꤬ ꤡꤣꤧ꤯ ꤠꤢꤧ꤭ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤣꤧ꤭ꤔꤣꤧ꤬, ꤢ꤬ ꤘꤣꤧꤊ꤫ꤢꤨ꤬ꤘꤣꤧꤊꤢꤧ꤭ ꤔꤢꤧ꤬ꤡꤣꤧ ꤠꤢꤧ꤭ ꤞꤤꤕꤜꤢꤪ꤬ ꤡꤣꤧ꤯ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤊ꤫ꤢꤨ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬, ꤢ꤬ ꤞꤢꤧꤡꤣꤧꤟꤣꤧ ꤔꤢꤧ ꤗ꤫ꤥ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤖꤢꤨꤥ꤬ ꤚꤣꤧ꤬ ꤢ꤬ꤟꤢꤪꤏꤢꤩ꤭ ꤣꤧ꤭ꤔꤣꤧ꤬ ꤡꤣꤧ꤯

ฟีลิปปี 1:30

ꤒꤢꤩ꤬ꤏꤢ ꤘꤣ ꤞꤤ꤭ ꤏꤢ ꤣꤧ꤭ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤠꤢꤧ꤭ ꤏꤢ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤠꤢꤧ꤭ ꤋꤢꤧꤙꤢꤩ꤬ ꤒꤢꤩ꤬ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ꤗꤢ꤬ ꤞꤤ꤭ ꤗꤢꤧꤓ꤫ꤣꤧ꤬ ꤓꤥ꤭ꤘꤢꤦ꤬ ꤟꤣꤧ꤯ ꤓꤥ꤭ꤚꤣꤧ꤬ ꤟꤢꤨ ꤞꤤ꤭ ꤔ꤫ꤤ꤬ꤟꤥ꤭ ꤟꤣꤧ ꤔꤣꤧ꤬, ꤠꤢꤧ꤭ ꤏꤢ ꤒꤣꤧ꤬ꤘꤢꤦ꤬ ꤒ꤫ꤥ꤬ ꤕꤢ꤬ ꤡꤣꤧ ꤊꤢꤨꤔ꤫ꤢꤧ꤬ꤣꤧ꤭ꤔꤣꤧ꤬ ꤡꤣꤧ꤯

โคโลสี 1:24

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤢ꤬ꤑꤢꤩ꤭ꤔꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤋꤢꤧꤙꤢꤩ꤬ꤒꤢꤩ꤬ ꤘꤣ ꤞꤤ꤭ꤑꤢꤩ꤭ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤋꤚꤢꤦ꤭ ꤖꤢꤧ꤯ ꤟꤢꤨ ꤋꤚꤤ ꤋꤢꤧ ꤕ꤫ꤢꤩ꤬ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤘꤣ ꤢ꤬ ꤞꤢꤧꤘꤢꤦ꤬ ꤔꤢꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤘꤣ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ꤖꤢꤛꤢ꤬ ꤣꤧ꤭ ꤊ꤫ꤢꤦ꤬ ꤋꤢꤧ ꤕ꤫ꤢꤩ꤬ꤊꤣꤧ꤭ ꤜꤢꤪ꤭ꤘꤢꤦ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤑꤢꤩ꤭꤯

โคโลสี 1:29

ꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ ꤢ꤬ ꤗꤢꤩ꤬ꤏꤝꤢ꤬ꤗꤢꤩ꤬ꤏꤢꤪ꤭ ꤔꤢꤧ꤬ꤡꤣꤧ ꤘꤣ ꤠꤢꤧ꤭ꤊꤢꤨ꤭꤯ ꤠꤢꤧ꤭ ꤞꤤꤜꤢꤩ꤬ ꤓꤢꤧ꤬ꤚꤣꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤣꤧ꤭ ꤚꤣꤧ꤬ ꤠꤢꤧ꤭ ꤓꤢꤪꤟꤢꤧ꤭ꤓꤢꤪꤚꤢꤩ꤬ ꤚꤣꤧ꤬ ꤠꤢꤧ꤭ ꤋꤚꤢꤦ꤭ꤗꤢꤩ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

โคโลสี 2:5

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤞꤤ꤭ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤘꤣ ꤞꤤ꤭ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭, ꤓꤥ꤭ꤒꤥ꤬ ꤞꤤ꤭ ꤕ꤫ꤢꤦ꤬ꤊꤜꤢꤪ꤬ꤗꤢ꤬ꤚꤣꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤋꤚꤤ ꤢ꤬ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ꤟꤢꤨ ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧꤔꤣꤧ꤬ꤟꤣꤧ, ꤙꤣꤧ ꤕꤢꤩ꤬ ꤟꤢꤧ꤭ ꤒꤢꤧ꤬ꤊꤣꤧ꤭ꤜꤢ꤭ꤟꤤ ꤘꤣ ꤞꤤ꤭ ꤥ꤬ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤠꤤ꤭ꤖꤤꤜꤤ꤬ꤕꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤕꤢꤩ꤬, ꤓꤥ꤭ꤚꤣꤧ꤬ ꤗꤢꤩ꤬ꤞꤤꤒꤣꤧ꤬ꤚꤢꤩ꤭ ꤜꤢꤪ꤭ ꤕꤢꤩ꤬꤯ ꤢꤨ꤭ ꤗꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤡꤣꤧ ꤕꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤚꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤔꤣꤧ꤬ꤚꤣꤧ꤬, ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤟꤣꤧ ꤕꤢꤩ꤬ ꤒꤢꤩ꤬ꤋꤢꤦ꤭ꤟꤢ꤭ ꤟꤣꤧ꤯

ꤟꤤꤙꤚꤢꤨ 5:7

ꤙꤣꤧ ꤛꤢꤩ꤬ꤏꤛꤢꤨ ꤥ꤬ꤞꤣꤧ꤭ꤖꤚꤢꤩ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤡ꤫ꤢꤧ꤬ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ꤣꤧ꤭ ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ ꤢꤩꤓꤥ꤭ꤓꤢꤧ꤬ ꤕꤣꤧꤞꤢꤩ꤬ꤓꤣꤧ꤭ ꤒꤢ꤭ ꤡꤣꤧ꤯ ꤢ꤬ ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤏꤝꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤔ꤫ꤤ꤬ꤘꤢ꤭ ꤜꤢꤨ꤭ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭꤯

เปโตร อาเหร่อเล๊อ ต๊าบ่า 1:8

ꤞꤤ꤭ ꤗꤢꤧꤓ꤫ꤣꤧ꤬ꤔꤢꤪ ꤢ꤬ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤗꤥ꤬ꤚꤣꤧ ꤢ꤬꤯ ꤞꤤ꤭ ꤗꤢꤧꤓ꤫ꤣꤧ꤬ ꤒꤢꤧ꤬ꤜꤢ꤭ꤟꤤ ꤢ꤬ ꤊꤢꤨꤔ꤫ꤢꤧ꤬ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤢ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ ꤡꤣꤧ ꤙꤢ꤮ ꤒꤢꤩ꤭ꤔꤣꤧ꤬ ꤟꤢꤩꤡ꤫ꤢꤧ꤬ ꤕꤢ꤬ ꤡꤣꤧ ꤒꤥ꤬꤯

เตเด๊อะโลแถ่ 1:11

ꤍ꤫ꤥ꤬ꤖꤚꤢ꤬ꤓꤢꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤚꤢ꤭ꤗꤢꤚꤢ꤭ꤒꤢꤩ꤭ ꤒꤢꤩ꤬ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤞꤢꤨ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤨ꤬ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤢꤩꤖꤢꤩꤎꤢꤨ꤬, ꤎꤢ꤬ꤗꤢꤨꤚꤢ꤬ꤔꤢ, ꤕꤢꤩ꤬ꤊꤢ꤬ꤗꤢꤨ, ꤞꤝꤢ꤬ꤒꤤꤚꤢ꤬, ꤎꤢ꤬ꤘꤤ, ꤖꤤ꤬ꤜꤢ꤬ꤘꤢꤩꤜꤢ꤬ꤖꤤ, ꤜꤢꤪꤘꤤ꤬ꤊꤤ꤬ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ ꤞꤥ꤭ꤞꤝꤢꤒꤣ꤬ꤠꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬꤯”