เพรโด่แนพู๊ เต๊เห่ 9:20 - Eastern Kayah Shadaw Dialect

²⁰ ꤚꤣꤧ꤬ ꤒꤣ꤬ꤖꤥꤒꤥ꤬ ꤋꤢꤨ꤭ꤎꤢꤪꤜꤢꤨ ꤓꤢꤩ꤬ꤡꤝꤢ ꤒꤥ꤭ꤘꤢꤩ꤭ ꤘꤣ ꤛꤢꤨꤘꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

ลีเทส่อพ๊าอาเซ เร๊อ เห่ขุทวาลู๊

²⁰ เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

เพรโด่แนพู๊ เต๊เห่ 9:20 ပူးပေါင်းရင်းမြစ်များ

ꤛꤥ꤭ꤟꤢ꤬ 20:28

“ꤠꤢꤧ꤭ ꤙꤢꤧ꤬ꤡꤢꤩ꤬, ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬,” ꤋꤢꤨ꤭ꤞꤥꤗꤢ ꤟꤢꤩꤏꤢꤦ꤬ ꤜꤢꤨ꤭ ꤟꤢꤨꤔꤣꤧ꤬꤯

ꤊꤢ꤬ꤜꤢ꤬ꤒꤤ 2:20

ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤠꤢꤧ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤟꤣꤧ꤯ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤠꤢꤧ꤭ꤊꤢꤨ꤭ ꤟꤣꤧ꤯ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯

ꤛꤥ꤭ꤟꤢ꤬ 1:49

ꤋꤢꤨ꤭ꤔꤢ꤬ꤞꤢ꤬ꤔꤢꤩꤜꤢ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤚꤢ꤬ꤙꤤ꤮ ꤔꤢꤧ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤔꤢꤧ꤭ ꤟꤣꤧ, ꤔꤢꤧ꤬ ꤗꤢ꤬ ꤤ꤬ꤎꤢ꤬ꤚꤢꤩꤜꤢ꤬ ꤢ꤬ꤡꤢꤪꤖꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤟꤣꤧ꤯”

มัทธิว 27:43

ꤢ꤬ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤠꤢꤧ꤭ꤟꤢꤩ꤯ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤞꤤꤕꤜꤢꤪ꤬ꤥ꤬ꤚꤣꤧ ꤜꤢꤨ꤭ ꤟꤢꤩꤚꤣꤧ꤬ ꤔꤢꤪ꤭ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤗꤣꤧ꤭ ꤜꤢꤨ꤭ ꤊꤢꤨꤔ꤫ꤢꤧ꤬ꤣꤧ꤭ꤔꤣꤧ꤬ ꤊꤢꤪ꤭ꤊꤢꤪ꤭? ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤟꤢꤩ ꤚꤣꤧ ꤢ꤬ꤔ꤫ꤢꤩ꤬ ꤔꤢꤧ, ‘ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭’ ꤗꤢꤩ꤭꤯”

มัทธิว 4:3

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤟꤢꤧ꤭ ꤘꤣ ꤜꤢꤨ꤭ꤥ꤬ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ ꤊꤢꤩ꤬ ꤗ꤫ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤟꤢꤩꤚꤣꤧ꤬, ꤟꤢꤩꤒꤢ꤭ ꤜ꤫ꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤢ꤬ ꤔꤢꤧ ꤋꤢꤪꤗꤢꤨ꤭ ꤔꤣꤧ꤬꤯”

เตเด๊อะโลแถ่ 2:18

“ꤚꤢ꤭ꤡꤝꤢ ꤜꤤ꤬ꤣꤧ꤭ꤔꤣꤧ꤬ ꤘꤣ ꤞꤝꤢ꤬ꤒꤤꤚꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤥ꤬꤯ ꤢ꤬ ꤕꤣꤧꤞꤢꤩ꤬ꤕꤜꤢꤪ꤬ ꤔꤣꤧ꤬ ꤢ꤬ ꤊꤢꤧ꤭ꤒꤣꤧ꤬ꤞꤥ꤭ ꤞꤢꤧꤡꤣꤧꤔꤢꤧ ꤗꤤ꤬ꤔꤣꤧ꤬, ꤢ꤬ ꤋꤢꤧꤘꤥ꤬ꤔꤣꤧ꤬, ꤢ꤬ ꤒꤣꤧ꤬ꤋꤣꤧ꤬ꤒꤣꤧ꤬ꤋꤢꤩ꤭ ꤞꤢꤧꤡꤣꤧꤔꤢꤧ ꤒꤣꤧ꤬ꤜꤤ꤭ꤙꤢꤧ꤭ ꤘꤣ ꤢꤨ꤭ ꤓꤢꤦꤕꤜꤢꤧꤜꤤ꤬ꤏꤤ ꤢ꤬ꤔꤣꤧ꤬ ꤡꤣꤧ꤯

ꤚꤥꤗꤢꤩ꤬ 1:4

ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤟꤣꤧ ꤜꤢꤨ꤭ ꤔꤢꤧ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤣꤧ꤯

เพรโด่แนพู๊ เต๊เห่ 13:14

ꤛꤢꤩ꤬ꤞꤤ꤭ ꤥ꤬ꤘꤣ ꤠꤤ꤭ꤕꤢꤩ꤬ꤚꤢ꤬ꤊꤢ꤬ ꤚꤣꤧ꤬ ꤓꤢꤩ꤬ꤡꤝꤢ ꤜꤢ꤭ꤋꤢꤧ꤭ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤥ꤬ ꤘꤣ ꤕꤤ꤬ꤎꤤ꤬ꤘꤤꤛꤢ꤬ ꤊ꤫ꤢꤩ꤬ꤊꤢꤨ꤭ꤔꤣꤧ꤬ ꤒꤣ꤬ꤠꤤ꤭꤯ ꤚꤣꤧ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤙꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤡꤝꤢꤔꤥ꤭ ꤥ꤬ꤔꤢꤧ꤭ꤥ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯

เพรโด่แนพู๊ เต๊เห่ 13:5

ꤙꤣꤧ ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤎꤢ꤬ꤜꤢ꤬ꤗꤤ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯ ꤋꤢꤨ꤭ꤛꤥ꤭ꤟꤢ꤬ ꤗꤢ꤬ꤊꤢꤨ ꤡꤝꤢ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤗꤢꤩ꤬ꤡꤝ꤫ꤢ꤬ꤊꤣꤧ꤭ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 9:22

ꤋꤢꤨ꤭ꤎꤢꤪꤜꤢꤨ ꤢ꤬ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤢꤨ꤬ꤟꤢꤧ꤭ ꤔꤢꤧ ꤘꤢꤨ꤬ꤟꤢꤧ꤭ ꤡꤣꤧ ꤚꤣꤧ꤬ ꤢ꤬ ꤋꤢꤧꤜꤥ꤭ ꤒꤢ꤭ꤒꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤋꤚꤤ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒ꤫ꤥ꤬ ꤡꤣꤧ ꤘꤣ ꤛꤢꤨꤘꤢ꤬ꤖꤢꤨ ꤥ꤬ ꤙꤣꤧ ꤠꤤ꤭ꤘꤢ꤬ꤗꤢ꤬ꤎꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤩꤏꤢꤦ꤬ꤊꤢ꤬ꤋꤛꤢ꤭ ꤡ꤫ꤢꤧ꤬ ꤕꤢ꤬ ꤡꤣꤧ ꤜꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯

เพรโด่แนพู๊ เต๊เห่ 8:36

ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤡꤝꤢ ꤟꤢꤧ꤭ꤑꤢꤩ꤭ ꤕ꤫ꤥ꤬ ꤘꤣ ꤑꤢꤩ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤓꤣꤧ꤭ꤥ꤬ ꤢ꤬ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬꤯ ꤣꤧ꤭ꤒꤣ꤬ꤖꤥꤚꤣꤧ꤬ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤓꤣꤧ꤭ ꤥ꤬ ꤙꤣꤧꤣꤧ꤭ ꤠꤢ꤮! ꤠꤢꤧ꤭ ꤊꤢꤩ꤬ ꤞꤤꤛ꤫ꤢꤦ꤬ ꤡꤢꤩ꤬ ꤠꤢꤧ꤭ꤔ꤫ꤢꤩ꤬ ꤟꤢꤩꤔꤣꤧ꤬ꤗꤢ꤬ ꤒꤢꤩ꤬ꤗꤢꤩ꤬ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤠꤢꤧ꤭ꤊꤜꤢꤧ ꤥ꤬ ꤒꤣ꤬ꤡꤣ꤬ꤡꤣ꤬ ꤟꤢꤧ꤭?”

ꤛꤥ꤭ꤟꤢ꤬ 20:31

ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤚꤢ꤭ꤥ꤬ ꤜꤤ꤬ ꤣꤧ꤭ꤒꤣ꤬ꤙꤢ꤬ ꤗꤢ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤗꤢꤩ꤬ꤏꤤꤛꤢ꤬, ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬, ꤚꤣꤧ꤬ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢꤨ꤭ ꤚꤢ꤭ ꤕ꤫ꤢꤩ꤬ ꤞꤤ꤭ ꤖꤢꤧ꤯

ꤛꤥ꤭ꤟꤢ꤬ 19:7

ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩ ꤒꤣꤧ꤬ꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ, “ꤕꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤥ꤬ ꤔꤢꤧ ꤢ꤬ ꤙꤢꤩ꤬ꤞꤣꤧ꤭ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤘꤢꤧꤊꤝꤢ ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭, ꤢ꤬ ꤟꤢꤩ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤟꤢꤨꤔꤣꤧ꤬꤯” ꤢ꤬ ꤟꤢꤩꤓꤢꤧ꤬ ꤒꤣꤧ꤬ꤘꤢꤦ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

มัทธิว 27:54

ꤙꤣꤧ ꤚꤥꤗꤢꤩ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢ꤬ꤚꤣꤧ ꤛꤢꤩ꤬ꤏꤛꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤓꤢꤪꤘꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤞꤤꤤ꤬ꤏꤢꤩ꤭ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤔꤤꤔꤢꤧ꤬ ꤔꤢꤧ꤭ ꤟꤣꤧ꤯”

เพรโด่แนพู๊ เต๊เห่ 13:33

ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤗꤢꤩ꤬ꤜꤣꤓꤢꤧ꤬ꤙꤢ꤭ꤓꤢꤧ꤬ ꤕ꤫ꤢꤩ꤬ꤟꤣꤧ ꤕꤢꤩ꤬ ꤘꤣ ꤢ꤬ ꤗ꤫ꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ꤊꤣꤧ꤬ꤜꤢꤧ꤬ ꤘꤤ꤭ꤒ꤫ꤢꤦ꤬ ꤟꤣꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤊꤣꤧ꤬ꤓꤢꤪ꤬ ꤞꤣꤧ꤭ꤖꤚꤢꤩ꤬ꤊꤢ꤬ ꤋꤛꤢ꤭ꤞꤢꤧ ꤟꤣꤧ ꤛꤢꤩ꤬ꤏꤛꤢꤨ ꤘꤣ ꤒꤢꤩ꤬ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤜꤣꤙꤢ꤭ ꤟꤣꤧ ꤕ꤫ꤢꤩ꤬ ꤕꤢꤩ꤬ ꤟꤣꤧ꤯ ꤟꤢꤨ ꤢꤨ꤭ ꤚꤢ꤭ꤥ꤬ ꤘꤣ ꤜꤤ꤬ꤓꤢꤨ꤬ꤞꤢꤩꤓꤢꤧ꤬ ꤢ꤬ꤗꤢ꤭ꤘꤢꤨ꤬ ꤔꤣꤧ꤭ꤒ꤫ꤥ꤬ꤒꤣ꤬ꤒ꤫ꤥ꤬ ꤢ꤬ꤊꤢꤨ꤭ꤔꤣꤧ꤬ ꤢ꤬ ꤟꤢꤩ ꤔꤢꤧ, ‘ꤔꤢꤧ꤬ ꤗꤢ꤬ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭, ꤣꤧ꤭ꤒꤣ꤬ꤔꤣꤧ꤭ꤚꤣꤧ꤬, ꤠꤢꤧ꤭ ꤓꤝꤢ꤭ ꤟꤣꤧ ꤔꤢꤧ꤬ꤖꤢꤩ꤭ ꤟꤣꤧ꤯’

เพรโด่แนพู๊ เต๊เห่ 13:46

ꤓꤥ꤭ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤜꤢꤦ ꤟꤢꤩꤙꤢꤩ꤬ ꤋꤢꤦ꤭ꤟꤢ꤭ꤜꤣ ꤕ꤫ꤥ꤬ꤕ꤫ꤥ꤬ ꤡꤣꤧ, ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤕꤢꤩ꤬ ꤒꤥ꤭ꤙꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤚ꤫ꤣꤧ꤬ꤜꤣ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤕꤢꤩ꤬ ꤒꤢꤩ꤬ꤘꤥ꤬ꤔꤢꤧ꤭ ꤣꤧ꤭ꤔꤣꤧ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤘꤣꤧꤡꤢ꤭ꤜꤢꤧ꤬ ꤚꤣꤧꤘꤢꤦ꤬ ꤟꤣꤧ ꤞꤤꤔ꤫ꤢꤩ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤪ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤘꤢꤧ꤬ꤊꤢꤧ꤭ ꤞꤤ꤭ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯

เพรโด่แนพู๊ เต๊เห่ 14:1

ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤢ꤬ꤊꤢꤨ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤡꤝꤢꤔꤥ꤭ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤘꤣ ꤢ꤬ ꤥ꤬ ꤘꤣ ꤠꤤ꤭ꤤꤊꤢ꤬ꤔꤤ꤬ ꤢ꤬ꤊꤢꤨ꤭ ꤔꤣꤧ꤬ꤒꤣ꤬ꤗꤢꤩ꤭꤯ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ꤕꤜꤥ꤭ꤖꤢꤩ ꤕ꤫ꤢꤩ꤬ ꤚꤢꤧꤔꤢꤧ꤬ꤡꤣꤧ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤨꤘꤢ꤬ꤖꤢꤨ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢꤩꤊꤣꤧ꤭ ꤛꤢꤩ꤬ꤞꤤ꤭ ꤊꤣꤧ꤬ꤔꤥ꤮ ꤒꤥ꤬꤯

เพรโด่แนพู๊ เต๊เห่ 16:13

ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤙꤢꤩ꤬ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤓꤢꤩ꤬ꤡꤝꤢ ꤘꤣ ꤠꤤ꤭ꤊꤜꤢꤪ꤭ ꤚꤣꤧ꤬ ꤕꤢꤩ꤬ ꤡꤝꤢ ꤘꤤ꤭ꤒ꤫ꤢꤦ꤬ ꤘꤣ ꤓꤣꤧ꤭ꤊꤜꤥ꤭ꤓꤢꤦ꤭꤯ ꤙꤣꤧꤔꤣꤧ꤬ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤢ꤬ꤜ꤫ꤢꤩ꤬ꤥ꤬ ꤥ꤬ꤊꤣꤧ꤭ꤔꤢꤧꤊ꤫ꤢꤩ꤬ ꤕꤢꤩ꤬ ꤔꤢꤩ꤬ ꤚꤣꤧ꤬ ꤕꤢꤩ꤬ ꤡꤝꤢ꤮, ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤒꤣꤧ꤬ꤟꤢꤩ꤬ ꤟꤢꤧ꤭ꤥ꤬ꤕꤜꤢꤪ ꤥ꤬ꤔꤢꤩ꤬ ꤚ꤫ꤣꤧ꤬ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬ ꤚꤣꤧ꤬ ꤕꤢꤩ꤬ ꤥ꤬ꤔꤢꤧ꤭ꤟꤢꤩꤙꤢꤩ꤬ ꤔꤢꤧ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 17:2

ꤟꤢꤨ ꤋꤢꤨ꤭ꤕꤢꤪꤜꤢꤨ ꤜ꤫ꤢꤩ꤬ꤊꤜꤥ꤭ ꤗꤢꤩ꤬ ꤚꤣꤧꤘꤢꤦ꤬ ꤔꤣꤧ꤬, ꤢ꤬ ꤡꤝꤢꤔꤥ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤞꤥ꤭ꤖꤥ ꤜꤢꤪ꤭ꤔꤣꤧ꤬ ꤢ꤬ ꤡꤝꤢ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 17:10

ꤗ꤫ꤢꤪ꤬ꤋꤤꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤢꤨ꤭ꤡꤝꤢꤊꤢꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤎꤤꤜꤢ꤬ ꤘꤣ ꤠꤤ꤭ꤙꤢꤩ꤬ꤚꤤ꤯ ꤙꤣꤧ ꤢ꤬ ꤡꤝꤢꤒ꤫ꤥ꤬ ꤘꤣ ꤠꤤ꤭ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢꤔꤥ꤭ ꤡꤢꤪꤡꤢꤦ ꤡꤣꤧ ꤘꤣ ꤛꤢꤨꤘꤢ꤬ꤖꤢꤨ ꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤊꤢꤨ꤭ ꤡꤣꤧ꤯

เพรโด่แนพู๊ เต๊เห่ 17:17

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤔꤢꤧ ꤊꤚꤤꤗꤤ꤭ꤡꤣ꤬ꤖꤢꤨ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤙꤣꤧ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤊꤢꤨ꤭ ꤔꤣꤧ꤬, ꤓꤥ꤭ꤒꤥ꤬ ꤢ꤬ ꤘꤥ꤬ꤔꤢꤧ꤭ꤋꤚꤢꤩꤋꤚ꤫ꤢꤧ꤬ ꤊꤣꤧ꤭ꤕ꤫ꤥ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤊꤜꤢꤩꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤡꤣꤧ꤯

เพรโด่แนพู๊ เต๊เห่ 18:4

ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤕꤝꤢ꤭꤮ ꤖꤥꤖꤥ꤮ ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤘꤥ꤬ꤔꤢꤧ꤭ꤋꤚꤢꤩꤋꤚ꤫ꤢꤧ꤬ ꤢꤨ꤭ ꤙꤣꤧ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤊꤢꤨ꤭ꤔꤣꤧ꤬꤯ ꤞꤢꤧꤟꤢꤨ ꤛꤢꤨꤘꤢ꤬ꤖꤢꤨ ꤔꤢꤧ ꤋꤚꤤꤖꤢꤨ ꤔꤣꤧ꤭ꤗꤢꤨ꤬ꤜꤢꤪ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤛꤢꤩ꤬ꤏꤛꤢꤨ ꤢ꤬ꤑꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤢꤧꤡꤢꤦ ꤟꤢꤩꤙꤢꤩ꤬ ꤡꤝꤤ꤬ꤔ꤫ꤤ꤬ꤓꤢꤪꤔ꤫ꤤ꤬ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬꤯

เพรโด่แนพู๊ เต๊เห่ 18:19

ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤢꤩꤖꤢꤩꤎꤢꤨ꤬ ꤚꤣꤧ꤬ ꤢ꤬ ꤘꤢꤧ꤬ꤊꤢꤧ꤭ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ ꤙꤣꤧꤔꤣꤧ꤬꤯ ꤢ꤬ ꤡꤝꤢꤔꤥ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤚꤣꤧ꤬ ꤢ꤬ ꤡꤝꤢ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 19:8

ꤋꤢꤨ꤭ꤕꤢꤪꤜꤢꤨ ꤡꤝꤢꤔꤥ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤚꤣꤧ꤬ ꤢ꤬ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤢꤦ꤭ꤟꤢ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤙꤣꤧꤔꤣꤧ꤬ ꤞꤥ꤭ꤜꤢꤩ꤭ ꤢ꤬ꤊꤢꤨ꤭꤯ ꤋꤢꤨ꤭ꤕꤢꤪꤜꤢꤨ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤛꤢꤩ꤬ꤞꤤ꤭ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤢ꤬ ꤓꤢꤪꤔ꤫ꤤ꤬ꤡꤝꤤ꤬ꤔ꤫ꤤ꤬ ꤜꤢ꤭ ꤛꤢꤩ꤬ꤞꤤ꤭ ꤢ꤬ꤞꤤꤕꤜꤢꤪ꤬꤯

ꤊꤢ꤬ꤜꤢ꤬ꤒꤤ 1:16

ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭꤯ ꤙꤣꤧꤔꤣꤧ꤬ꤋꤢꤩ꤭, ꤠꤢꤧ꤭ ꤊꤝꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤘꤣꤧꤞꤤꤑꤢꤩ꤭ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤡꤝ꤫ꤢ꤬ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

เพรโด่แนพู๊ เต๊เห่ 8:37

(ꤋꤢꤨ꤭ꤖꤤꤜꤤ꤬ꤕꤢꤨ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤔꤢꤧ꤬ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤗ꤫ꤢ꤬ꤔꤤꤔꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤩꤔꤣꤧ꤬ꤗꤢ꤬, ꤔꤢꤧ꤬ ꤡꤢꤩ꤬ ꤔꤢꤧ꤬ꤔ꤫ꤢꤩ꤬ ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯” ꤢ꤬ ꤟꤢꤩ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩꤏꤢꤦ꤬ꤋꤛꤢ꤭ ꤔꤢꤧ, “ꤛꤢꤩ꤬ꤏꤛꤢꤨꤋꤚꤤ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤗꤢ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬” ꤢ꤬ ꤟꤢꤩꤏꤢꤦ꤬ ꤟꤢꤨꤔꤣꤧ꤬)