เพรโด่แนพู๊ เต๊เห่ 6:9 - Eastern Kayah Shadaw Dialect9 ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤢꤩꤏꤢꤦ꤬ ꤜꤢꤨ꤭ ꤔꤣꤧ꤬ ꤢ꤬ ꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤗꤢꤨ꤬ ꤘꤣ ꤢ꤬ ꤔꤥ꤭ ꤥ꤬ꤒ꤫ꤣ꤬ꤊꤣꤧ꤭ ꤘꤣ (ꤟꤢꤨ ꤢꤨ꤭ ꤢꤩ ꤛꤢꤩ꤬ꤞꤤ꤭ ꤔꤢꤧ) ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤕꤣꤧ꤬ꤜꤢ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤕꤜꤢꤪꤢ꤬ꤗꤢꤨ꤬꤯ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤥ꤬ ꤘꤣ ꤠꤤ꤭ꤊꤢꤨꤚꤢꤩ꤬ꤔꤢꤩ꤬ ꤔꤢꤧ ꤠꤤ꤭ꤢ꤬ꤜꤢꤧꤎꤢ꤬ꤘꤚꤤꤛꤢ꤬ ꤢ꤬ꤊꤢꤨ꤭꤯ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤘꤣ ꤢ꤬ ꤥ꤬ ꤘꤣ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬ ꤔꤢꤧ ꤢ꤬ꤏꤛꤢꤊ꤫ꤢꤩ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤡꤢꤓꤢꤧ꤬ ꤋꤚꤢꤩꤋꤚ꤫ꤢꤧ꤬ꤏꤢꤦ꤬ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊9 หม่าแน๊เร๊อ แกแย เด๊อ อา เคร๊ฉื่อ ลู เนอ อา โอ่ เต๊เห่. เหย่ซี หม่า แกแย ตู๊หมู่ เด๊อ อา โน โอ่เตอเกอ เด๊อ (ฮู๊ อู เอ๊ เหย่ซี เร๊อ) แกแยยิวพู๊ เด๊อ อา พย๊าหนิ เตปาลา เต๊เห่ อา เตจ๊อเบโฮ ตู๊หมู่ตอกล๊อ. เหย่ซี หม่า อา โอ่ เด๊อ วีไซรีน เร๊อ วีอเล็กซานเดรีย อากู. เหย่ซี เออเต๊เห่ เร๊อ แกแยยิวพู๊ เด๊อ อาโรเต๊เห่ เด๊อ อา โอ่ เด๊อ ซีลีเซียเก่ เร๊อ เอเชียเก่ ซี เต๊เห่เนอ, อา เป๊อแถ่ เคร๊แขระฉื่อ คูสเทเฟน. အခန်းကိုကြည့်ပါ။ |
เพรโด่แนพู๊ เต๊เห่ 6:9
27 ပူးပေါင်းရင်းမြစ်များ
“ꤠꤢꤧ꤭ ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬, ꤠꤢꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤠꤤ꤭ꤒꤢ꤬ꤎꤢꤨ, ꤘꤣ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤘꤢꤨ꤬ꤓꤢꤧ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬꤯ ꤋꤢꤨ꤭ꤊꤢ꤬ꤗꤢꤩ꤬ꤜꤤ꤬ꤛꤣ꤬ꤜꤢ ꤗꤢ꤬ ꤠꤢꤧ꤭ ꤞꤢꤚꤢ ꤚꤣꤧ꤬ ꤢꤨ꤭ ꤤ꤬ꤞꤝꤢ ꤒꤢ꤭ꤒꤢꤩ꤬ ꤔꤢꤧ꤬ꤡꤣꤧ ꤠꤢꤧ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤔꤢꤧ꤬ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤞꤢꤧꤔꤢꤧ ꤞꤤ꤭ ꤘꤣ ꤢ꤬ ꤥ꤬ ꤙꤣꤧꤣꤧ꤭ ꤒꤣꤧ꤬ꤟꤢꤩ꤬ ꤕꤝꤢ꤭ꤖꤚꤢꤩ꤬ ꤞꤤꤕꤜꤢꤪ꤬ꤏꤝꤢ꤬ ꤔꤢꤧ꤬ꤡꤣꤧ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤟꤣꤧ꤯
ꤛꤢꤩ꤬ꤞꤤ꤭ ꤚꤢ꤭ ꤜꤤ꤬ꤣꤧ꤭ ꤚꤣꤧ꤬ ꤢ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤞꤢꤨ꤭ꤡꤝꤢ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤚꤢ꤭ ꤜꤢ꤭ꤋꤢꤧ꤭ ꤔꤢꤧ, ꤕꤢꤩ꤬ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤞꤢꤨ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤞꤢꤨ꤭ꤡꤝꤢ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤜꤢꤪ꤭ ꤕꤢꤩ꤬ꤕ꤫ꤥ꤬ꤕꤢꤩ꤬ꤠ꤫ꤢꤧ꤬ ꤗ꤫ꤢ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤥ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬, ꤎꤢꤨ꤬ꤚꤤꤊ꤫ꤢꤩ꤬ ꤔꤢꤧ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤥ꤬꤯
“ꤗꤢ꤬ꤔꤢꤧꤚꤣꤧ꤬ ꤙꤣꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤓꤝꤢ꤭ꤓꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤘꤣ ꤠꤢꤧ꤭ꤗꤝꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤕ꤫ꤢꤦ꤬ ꤞꤤ꤭ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭ ꤕꤢ꤭, ꤢꤨ꤭ ꤊ꤫ꤢꤦ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤕꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤘꤣꤧꤡꤢ꤭ ꤞꤤ꤭ ꤕꤢ꤭, ꤢꤨ꤭ ꤊ꤫ꤢꤦ꤬ ꤘꤢꤪꤒꤢ꤭ ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤕꤢ꤭꤯ ꤓꤥ꤭ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤋꤝꤤ ꤔꤢꤧ ꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭꤯
“ꤞꤤ꤭ ꤙꤢꤩ꤬ ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬꤯ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤕ꤫ꤢꤦ꤬ ꤞꤤ꤭ ꤕꤢ꤭, ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤞꤢꤨ꤭ꤓꤢꤧ꤬ ꤞꤤ꤭ ꤘꤣ ꤖꤚꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭꤯ ꤢꤨ꤭ ꤊ꤫ꤢꤦ꤬ꤗꤢꤦ꤭ꤊ꤫ꤢꤦ꤬ꤕꤢꤪ꤬ ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤕꤢ꤭꤯ ꤞꤤ꤭ ꤙꤢꤩ꤬ ꤊꤣꤧ꤬ꤓꤢꤪ꤬ꤥ꤬ ꤘꤣ ꤖꤚꤢꤩ꤬ꤕꤣꤒꤣꤧ꤬ꤚꤤ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤞꤤ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤔ꤫ꤤ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤕꤢ꤭꤯
ꤠꤢꤧ꤭ꤗꤢꤦ꤭ꤠꤢꤧ꤭ꤕꤢꤪ꤬, ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤔꤢꤪ ꤢꤩꤜꤥ꤬ ꤛꤢꤩ꤬ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤚꤣꤧ꤬ ꤠꤢꤧ꤭ ꤟꤢꤩꤏꤢꤪ꤭ ꤛꤢꤩ꤬ꤞꤤ꤭ ꤚꤣꤧ꤬ ꤠꤢꤧ꤭ ꤔꤢꤪ꤭ꤟꤢꤩ ꤛꤢꤩ꤬ꤞꤤ꤭ ꤔꤢꤧ, ‘ꤠꤢꤧ꤭ ꤛ꤫ꤢꤦ꤬ꤢꤩ꤬ ꤕꤢ꤬ ꤛꤢꤩ꤬ꤏꤛꤢꤨ ꤒꤥ꤬’ ꤟꤢꤨꤔꤣꤧ꤬, ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤘꤢꤨ꤬ ꤊꤣꤧ꤬ꤔꤥ꤮ ꤛꤢꤩ꤬ꤞꤤ꤭ ꤒꤥ꤬꤯ ꤒ꤫ꤥ꤬ ꤡꤣꤧ ꤘꤣ ꤠꤢꤧ꤭ ꤊ꤫ꤢꤦ꤬ ꤓꤢꤩ꤬ꤡꤝꤢ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤥ꤬ ꤚꤣꤧꤘꤢꤦ꤬ ꤠꤤ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤡꤝꤢ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤡꤣꤧ ꤛꤢꤩ꤬ꤞꤤ꤭ ꤡꤣꤧ꤯”
ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬, ꤠꤢꤧ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤙꤣꤧ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬, ꤠꤤ꤭ꤒꤢ꤬ꤎꤢꤨ ꤢ꤬ꤊꤢꤨ꤭ ꤔꤣꤧ꤬ꤖꤢꤧ꤯ ꤠꤤ꤭ꤣꤧ꤭ ꤒꤣ꤬ꤠꤤ꤭ ꤔꤣꤧ꤬ꤗꤢ꤬ ꤠꤤ꤭ ꤘꤣ ꤢ꤬ꤗꤝꤤ꤭ ꤜꤥ꤭ꤓꤣꤧ꤭ꤜꤥ꤭ꤊ꤫ꤢꤩ꤬ ꤒꤣ꤬ꤠꤤ꤭꤯ ꤠꤢꤧ꤭ ꤗꤢ꤬ ꤠꤤ꤭ꤒꤢ꤬ꤎꤢꤨꤖꤢꤨ ꤒꤣ꤬ꤖꤚꤢꤩ꤬ ꤖꤢꤧ꤯ ꤋꤢꤧꤞꤤꤘꤥ꤭ ꤘꤣꤧ ꤠꤢꤧ꤭ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬꤯”
ꤋꤢꤨ꤭ꤕꤢꤪꤜꤢꤨ ꤟꤢꤩꤣꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤗꤢꤩ꤬ꤋꤚꤢꤧ꤮ ꤤ꤬ꤒꤢꤩ꤭ ꤔꤣꤧ꤬ꤗꤢ꤬ ꤞꤤ꤭ ꤗꤢꤧꤓ꤫ꤣꤧ꤬ꤔ꤫ꤤ꤬ꤟꤥ꤭ ꤜꤢꤪ꤭ꤘꤢꤦ꤬ꤟꤣꤧ ꤔꤢꤧ ꤞꤤꤔ꤫ꤢꤩ꤬ ꤟꤣꤧ꤯ ꤢ꤬ ꤡꤝꤢ ꤢꤩꤜꤢ꤬ꤢꤩꤕꤜꤢꤩ ꤕꤛꤢ ꤜꤢꤪ꤭ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤊꤣꤧ꤬ꤛꤢꤧ꤭ ꤙꤢꤧ ꤔꤢꤧ ꤢ꤬ꤊꤢꤨꤋꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ ꤒꤣꤧ꤬ꤊꤤ꤬꤮ ꤒꤥ꤬, ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤢꤩꤜꤢ꤬ꤢꤩꤕꤜꤢꤩ ꤔ꤫ꤤ꤬ ꤢꤩꤔꤢꤧ꤬ꤡꤣꤧ ꤢꤨ꤭ ꤒꤢꤦ ꤊꤣꤧ꤬ꤛꤢꤧ꤭ ꤥ꤬ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬, ꤢ꤬ ꤖꤢꤦ꤬꤮ ꤢꤩꤜꤢ꤬ꤢꤩꤕꤜꤢꤩ ꤔ꤫ꤤ꤬ꤜꤢꤪ꤭ ꤡꤣꤧꤟꤣꤧ ꤢ꤬ꤏꤛꤢꤊ꤫ꤢꤩ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤡꤣꤧꤟꤣꤧ꤯
ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤕ꤫ꤢꤩ꤬ ꤞꤤ꤭ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬, ꤖꤚꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤞꤢꤚꤢ ꤞꤤ꤭ꤒꤣꤧ꤬ꤟꤢꤩ꤬ ꤕꤢ꤭, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤛꤢꤩ꤬ꤞꤤ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤕꤢ꤭, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤦ꤭ ꤜꤢꤨ꤭ ꤔꤢꤧ ꤤ꤬ꤕꤜꤤꤚ꤫ꤤ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤡꤝꤢꤜꤢꤩ꤭ ꤕ꤫ꤢꤦ꤬ ꤛꤢꤩ꤬ꤞꤤ꤭ ꤒꤣ꤬ꤠꤤ꤭ ꤓꤥ꤭ ꤒꤣ꤬ꤠꤤ꤭ ꤕꤢ꤭꤯
ꤙꤣꤧ ꤠꤢꤧ꤭ ꤜꤢꤨ꤭ꤒꤢꤧ꤭ꤓꤢꤧ꤬ ꤒꤢꤩ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤠꤢꤧ꤭꤯ ꤠꤢꤧ꤭ ꤗꤢꤩ꤬ ꤓꤥ꤭ꤕꤜꤢꤦꤚꤢꤧ ꤒꤢꤩ꤬ꤗꤢꤩ꤬ꤕꤜꤤ꤭ꤖꤥꤓꤢꤧ꤬ ꤠꤢꤧ꤭ꤔ꤫ꤢꤩ꤬ ꤟꤢꤨ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤥ꤬ ꤔꤣꤧ꤬ꤖꤢꤧ꤯ ꤚꤣꤧ꤬ ꤠꤢꤧ꤭ ꤗꤢꤩ꤬ꤕꤜꤤ꤭ꤖꤥ ꤓꤥ꤭ ꤠꤢꤧ꤭ꤔ꤫ꤢꤩ꤬ ꤚꤣꤧ꤬, ꤘꤣꤋꤛꤢ꤭ꤔꤣꤧ꤬ ꤠꤢꤧ꤭ ꤗꤢꤩ꤬ ꤞꤢꤨꤞꤤ꤭ꤞꤢꤨꤞꤢ ꤞꤤꤋꤢꤞꤤꤓꤢꤩ꤬ ꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯ ꤙꤣꤧ ꤠꤢꤧ꤭ ꤊꤢꤧ꤭ꤏꤢꤔꤣꤧ꤬ ꤊꤣꤧ꤬ꤛꤢꤧ꤭ ꤥ꤬ꤖꤢꤧ ꤑꤢ꤮ ꤒꤣ꤬ꤖꤚꤢꤩ꤬ ꤖꤢꤧ, ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤥ꤬ ꤔꤢꤧ ꤒꤥ꤬꤯
ကြော်ငြာတွေ