ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤗ꤫ꤢ꤬ꤘꤢꤦ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤗꤝꤤ꤭ꤜꤢ꤬ ꤜꤥ꤭ꤚꤢꤧ ꤔꤢꤧ ꤢ꤬ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭꤯ ꤢ꤬ ꤙꤢꤩ꤬ ꤗ꤫ꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤢꤧꤡꤢꤧ꤬ ꤘꤢꤨ꤬ꤓꤢꤧ꤬ ꤚꤢꤧꤓꤥ꤭ ꤚꤣꤧꤘꤢꤦ꤬ꤟꤣꤧ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬, ꤢ꤬ ꤙꤢꤩ꤬ ꤢꤩꤗꤥ꤬ꤏꤢꤦ꤬ ꤞꤤꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤤ꤬ꤘꤢꤪꤊꤢꤪꤊꤢꤨ꤭, ꤢ꤬ ꤙꤢꤩ꤬ ꤗꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤞꤢꤨꤕꤜꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤢꤧꤘꤥ꤬, ꤢ꤬ ꤙꤢꤩ꤬ ꤗꤢꤩ꤬ꤡꤝ꤫ꤢ꤬ ꤊꤣꤧ꤬ꤛꤢꤧ꤭ ꤙꤢꤩ꤬ꤕ꤫ꤢꤧ꤬ꤙꤢꤩ꤬ꤏꤢꤩ꤭ ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤗ꤫ꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤘꤣꤧꤜꤢꤧ꤬ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯
เพรโด่แนพู๊ เต๊เห่ 6:3 - Eastern Kayah Shadaw Dialect3 ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤔꤝꤢꤓꤢꤧ꤬ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤧ ꤒꤢꤩ꤬ꤞꤤꤖꤢꤩ ꤒꤣꤧ꤬ꤟꤢꤩ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤔꤢꤪ꤭ꤗꤢꤩ꤬ ꤛꤢꤩ꤬ꤞꤤ꤭ ꤒꤢꤩ꤬ꤗꤢꤩ꤬ ꤘꤣ ꤢ꤬ ꤙꤢꤩ꤬ ꤛ꤫ꤢꤨ꤬ꤢꤩ꤬ꤛ꤫ꤢꤨ꤬ꤥ꤭ ꤕ꤫ꤢꤩ꤬ ꤢꤨ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤒꤣꤧ꤬ꤟꤢꤩ꤬꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊3 ฮู๊เนอ อาขว่าอาคยา, โป่แหว่ ซี๋, นว๊าแถ่ แลแค แกแย โซซว๊าเตเพร เด๊อ อา เล๊อบา เร๊อ แหย่โยบูโพ๊แบ่เจ่ เร๊อ เตลีแม เต๊เห่ เร๊อ เป เก่ นอเม เหย่ซี เตเม เด๊อ อา เบ่ เด๊อะเอ่เด๊อะโอ เป่ อู เหล่เอ่เหล่โอ เต๊เห่. အခန်းကိုကြည့်ပါ။ |
เพรโด่แนพู๊ เต๊เห่ 6:3
34 ပူးပေါင်းရင်းမြစ်များ
ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ ꤕꤢ꤭ ꤔꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤔꤝꤢꤓꤢꤧ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤙꤢꤩ꤬ ꤡꤝꤢꤞꤢꤨ꤭ ꤕ꤫ꤢꤩ꤬ ꤢꤨ꤭ ꤚꤢꤦ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤕꤢ꤭꤯ ꤚꤣꤧ꤬ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤖꤛꤢꤏꤢꤦ꤬ ꤚꤢꤦ꤭ꤣꤧ꤭ ꤕꤢ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤢꤨ꤭ ꤘꤣꤧ ꤚꤢꤦ꤭ ꤣꤧ꤭ꤔꤣꤧ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤤ꤬ꤒꤢꤩ꤭ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤚꤢ꤭ꤡꤝꤢꤚꤣꤧ ꤕ꤫ꤢꤩ꤬ ꤖꤚꤢꤩ꤬ꤖꤛꤢꤏꤢꤦ꤬ ꤚꤢꤦ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤜꤤ꤬ ꤒꤣ꤬ꤙꤢ꤬ ꤕꤢ꤭, ꤚꤣꤧ꤬ ꤠꤢꤧ꤭ ꤔꤢꤪ꤭ꤖꤛꤢꤡꤝꤢꤔ꤫ꤤ꤬ ꤔꤢꤧ ꤛꤢꤩ꤬ꤞꤤ꤭ ꤕꤢ꤭꤯
ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤔꤢꤧ, “ꤊꤜꤣꤧ꤭ꤊꤢꤨ꤬ꤊꤜꤢꤪ ꤖꤢꤩ꤭ꤊꤢꤪꤔꤢꤩ꤬ꤜꤤ ꤔꤢꤪ꤭ꤟꤢꤧ꤭ ꤕꤢꤩ꤬꤯ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ꤜꤢ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬꤯ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤢꤧ꤬ꤛ꤫ꤢꤦ꤬ꤔ꤫ꤢꤧ꤬ꤚꤣꤧ ꤜꤢꤪ꤭ꤕꤜꤤ꤭ ꤡꤣꤧ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ꤔꤢꤪ ꤊꤣꤧ꤭ ꤔꤢꤧ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤧ꤭ ꤟꤢꤩ ꤜꤢꤨ꤭ ꤔꤢꤧ ꤙꤢꤩ꤬ ꤡꤝꤢ ꤢꤩꤟꤢꤧ꤭ ꤔꤢꤧ꤬ ꤘꤣ ꤜꤢꤨ꤭ꤟꤤ꤬꤯”
ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤔꤥ꤭ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤕꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ ꤊꤣꤧ꤭ ꤒꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤣꤧ꤭ ꤞꤣꤧ꤭ꤖꤚꤢꤩ꤬ ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭꤯ ꤊꤣꤧ꤬ꤛꤢꤧ꤭ ꤘꤣ ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤔꤝꤢꤓꤢꤧ꤬ ꤒꤣꤧ꤬ꤕꤜꤢꤩ꤬ ꤢ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬, ꤙꤣꤧ ꤛꤢꤩ꤬ꤏꤛꤢꤨ ꤡꤝꤢꤒ꤫ꤣ꤬ꤋꤢꤩ꤭ꤒ꤫ꤣ꤬ ꤊꤣꤧ꤭ꤕꤢ꤬ ꤔꤢꤧ ꤕꤢꤩ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭, ꤓꤥ꤭ꤒꤥ꤬ ꤡꤢꤓꤢꤧ꤬ ꤙꤣꤧ ꤋꤢꤨ꤭ꤛꤥ꤭ꤟꤢ꤬ ꤡꤢꤩ꤬ ꤕ꤫ꤢꤩ꤬ ꤢꤨ꤭ ꤒ꤫ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤩꤊꤢ꤬ ꤊꤣꤧ꤬ꤓꤢꤧ꤬ꤊꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤗꤢꤪꤋꤢꤨ꤬ꤔꤣꤧ꤬, ꤢ꤬ ꤗꤢ꤬ ꤙꤣꤧꤔꤣꤧ꤬ꤋꤢꤩ꤭ ꤢ꤬ ꤒꤥ꤭ꤙꤢꤩ꤬ ꤗ꤫ꤢ꤬ꤘꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤒ꤫ꤣ꤬ꤡꤝꤢꤒ꤫ꤣ꤬ ꤊꤣꤧ꤭ ꤔꤢꤧ ꤕꤢꤩ꤬ ꤕꤝꤢ꤭꤮ ꤖꤥ ꤒꤣ꤬ꤖꤚꤢꤩ꤬,” ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩ ꤟꤢꤨꤔꤣꤧ꤬꤯
ꤛꤢꤩ꤬ꤞꤤ꤭ ꤚꤢ꤭ ꤜꤤ꤬ꤣꤧ꤭ ꤚꤣꤧ꤬ ꤢ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤞꤢꤨ꤭ꤡꤝꤢ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤚꤢ꤭ ꤜꤢ꤭ꤋꤢꤧ꤭ ꤔꤢꤧ, ꤕꤢꤩ꤬ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤞꤢꤨ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤞꤢꤨ꤭ꤡꤝꤢ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤜꤢꤪ꤭ ꤕꤢꤩ꤬ꤕ꤫ꤥ꤬ꤕꤢꤩ꤬ꤠ꤫ꤢꤧ꤬ ꤗ꤫ꤢ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤥ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬, ꤎꤢꤨ꤬ꤚꤤꤊ꤫ꤢꤩ꤬ ꤔꤢꤧ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤥ꤬꤯
ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤍ꤫ꤥ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤙꤢꤪ꤭ꤙꤛꤢ꤬ꤜꤢꤪ꤭ ꤘꤣ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ ꤞꤣꤧ꤭ꤒꤥ꤬ ꤟꤢꤩꤔꤣꤧ꤭꤯, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤔꤢꤧ ꤢ꤬ ꤞꤣꤧ꤭ꤒꤥ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ ꤟꤢꤩ ꤔꤢꤧ, “ꤠꤢꤧ꤭ ꤊꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤥ꤬ ꤜꤢꤨ꤭ ꤘꤣ ꤠꤢꤧ꤭ ꤟꤢꤧ꤭ꤕꤢ꤭ ꤊꤢꤩ꤬ꤟꤢꤩꤔꤣꤧ꤬ ꤚꤣꤧ꤬ ꤡꤢꤨꤘꤢꤦ꤬ ꤠꤢꤧ꤭ ꤖꤢꤧ, ꤔꤣꤧ꤬ꤗꤢ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤗ꤫ꤢ꤬ꤒꤥ꤬,” ꤢ꤬ ꤟꤢꤩ ꤟꤢꤨꤔꤣꤧ꤬ ꤖꤢꤧ꤯
ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤢ꤬ꤕꤜꤢꤪꤢ꤬ꤗꤢꤨ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤞꤤꤕꤜꤢꤪ꤬ꤒꤥ꤭ ꤊꤣꤧ꤭ ꤜꤢꤪ꤭ꤕꤜꤤ꤭ ꤔꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤟꤢꤩꤏꤥ꤬ꤜꤥ꤭ꤓꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬, ꤚꤣꤧ꤬ ꤛꤢꤩ꤬ꤞꤤ꤭ ꤔꤝꤢꤓꤢꤧ꤬ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤢ꤬ ꤔꤝꤢꤓꤢꤧ꤬ ꤊꤣꤧ꤭ꤕ꤫ꤥ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬, ꤋꤢꤨ꤭ꤖꤚꤥ꤬ꤋꤥꤚꤢ꤬ꤎꤣ꤬, ꤋꤢꤨ꤭ꤔꤤꤊꤢ꤬ꤔꤢꤪ꤬, ꤋꤢꤨ꤭ꤒꤤꤗꤥ꤬, ꤋꤢꤨ꤭ꤕꤢ꤬ꤗꤢꤩ꤬ꤔꤢ꤯ ꤓꤥ꤭ꤚꤣꤧ꤬ ꤢ꤬ ꤔꤝꤢꤓꤢꤧ꤬ꤔ꤫ꤤ꤬ ꤋꤢꤨ꤭ꤔꤤ꤬ꤊꤢꤪꤜꤢ, ꤢ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬, ꤢ꤬ ꤗꤢ꤬ ꤠꤤ꤭ꤢ꤬ꤒꤤ꤬ꤢꤪ꤬ꤖꤢꤨ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤊꤢ꤬ꤔꤥ꤭ ꤊꤣꤧ꤭ ꤘꤣ ꤛꤢꤨꤘꤢ꤬ ꤢ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤊꤢꤨ꤭꤯
ကြော်ငြာတွေ