เพรโด่แนพู๊ เต๊เห่ 27:16 - Eastern Kayah Shadaw Dialect

¹⁶ ꤙꤣꤧ ꤕꤢꤩ꤬ ꤡꤝꤢꤒꤣꤧ꤬ꤘꤝꤢ꤭ꤟꤣꤧ ꤔꤢꤧ ꤊꤢꤪ꤬ꤘꤢꤩ꤬ꤊꤜꤢꤦꤖꤢꤨ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤢ꤬ ꤞꤢꤪ꤬ꤊꤜꤣꤧ꤭ꤖꤢꤨ ꤘꤣ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤡꤝꤤ꤬ꤡꤝꤢꤔ꤫ꤤ꤬ ꤜꤢꤨ꤭ ꤣꤧ꤭ꤒꤣ꤬ꤙꤢꤩ꤬ ꤊ꤫ꤢꤦ꤬ ꤖꤢꤩꤕꤛꤢꤊꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤕꤢꤩ꤬ ꤢꤧꤡꤢꤦꤢꤧꤚꤢꤩ꤬ ꤕ꤫ꤢꤦ꤬ꤡꤝꤢ ꤚꤣꤧꤘꤢꤦ꤬ ꤋꤛꤢ꤭ꤞꤢꤧ ꤢ꤬ ꤘꤣ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤢ꤬ꤊꤢꤨ꤭ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁶ เบ๊อะเป จว๊าตาดวาเฮ๊อ เร๊อ คาวดากลื๊อฮู๊ เบ๊อะเนอ, แซ่ฮู๊ อา ส่อเกลอฮู๊ เด๊อ ส่อเกลอดุ จุ่ยจว๊าหนิ ลู เออเต๊เบ่ เก่ เพ๊ปย๊าแก แต่เหม่ เนอ, เป แอ๊จื๊อ ปื่อจว๊า หนิ คยาแซ๊ อา เด๊อ อาแหย่ อากูเจ๊อ.

เพรโด่แนพู๊ เต๊เห่ 27:16 ပူးပေါင်းရင်းမြစ်များ

เพรโด่แนพู๊ เต๊เห่ 16:10

ꤋꤢꤨ꤭ꤕꤢꤪꤜꤢꤨ ꤗꤢꤧꤓ꤫ꤣꤧ꤬ꤜꤝꤢ ꤓꤥ꤭ ꤒꤢꤩ꤬ ꤣꤧ꤭ꤣꤧ꤭ ꤔꤢꤧ, ꤕꤢꤩ꤬ ꤥ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕꤢꤩ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤓꤢꤩ꤬ꤡꤝꤢ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤊꤣꤧ꤭ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 27:15

ꤊ꤫ꤢꤩ꤬ꤜꤣꤧ꤬ꤞꤢꤩ ꤟꤢꤧ꤭ꤓꤢꤪ ꤞꤢꤪ꤬ꤊꤜꤣꤧ꤭ꤘꤢꤨ꤬ꤣꤧ꤭ ꤚꤣꤧ꤬ ꤛꤢꤩ꤬ꤞꤤ꤭ ꤙꤥ꤭ꤕ꤫ꤢꤩ꤬ ꤚꤣꤧꤘꤢꤦ꤬ ꤕꤢ꤬ ꤢ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ꤊꤢꤨ꤬ꤊꤜꤢꤪ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤕꤜꤝꤢ꤭ꤓꤢꤪꤡꤝꤢꤊꤢꤧ꤭ ꤜꤢꤨ꤭ ꤔꤢꤧ ꤊ꤫ꤢꤩ꤬ꤜꤣꤧ꤬ꤞꤢꤩ꤯

เพรโด่แนพู๊ เต๊เห่ 27:17

ꤛꤢꤩ꤬ꤞꤤ꤭ ꤡꤝꤤ꤬ꤓꤢꤧ꤬ ꤞꤢꤪ꤬ꤊꤜꤣꤧ꤭ꤟꤢꤨ ꤣꤧ꤭ꤒꤣ꤬ꤙꤢꤩ꤬ ꤘꤣ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ꤊꤢꤨ꤭, ꤓꤥ꤭ꤚꤣꤧ꤬ ꤞꤢꤧꤟꤢꤨ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤣꤧ꤭ꤒꤣ꤬ꤙꤢꤩ꤬ ꤊ꤫ꤢꤦ꤬ ꤖꤢꤩꤊꤢꤧ꤭ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤛꤢꤩ꤬ꤞꤤ꤭ ꤖꤛꤢ ꤞꤢꤨꤕꤜꤣꤧ꤬ꤘꤢꤨ꤬ ꤚꤣꤧ꤬ ꤢ꤬ ꤡꤢꤪ꤭ꤒꤣꤧ꤬ꤚꤢ꤭ꤒꤣꤧ꤬ꤠꤢ꤬ ꤗꤢ꤬ ꤔꤢꤧ ꤞꤢꤪ꤬ꤊꤜꤣꤧ꤭ꤘꤢꤨ꤬꤯ ꤞꤤꤤ꤬ꤏꤢꤩ꤭ ꤔꤢꤧ ꤞꤢꤪ꤬ꤊꤜꤣꤧ꤭ꤘꤢꤨ꤬ꤣꤧ꤭ ꤜꤥ꤬ꤡꤝꤢ ꤒꤣꤧ꤬ꤙꤢꤪ꤬ ꤥ꤬ꤒ꤫ꤢꤧ꤬ ꤘꤣ ꤎꤢꤨ꤬ꤓꤤꤎꤣ꤬ ꤟꤢꤩ꤬ꤞꤥ꤭ꤋꤢꤨ꤬ ꤔꤣꤧ꤬ꤚꤣꤧ꤬, ꤛꤢꤩ꤬ꤞꤤ꤭ ꤓꤢꤪꤒꤢ꤭ꤊꤢꤧ꤭ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ ꤤ꤬ꤊꤢꤩ꤭ꤙꤢ꤬ꤘꤢꤨ꤬ ꤜ꤫ꤢꤩ꤬ꤕꤜꤝꤢ꤭ꤓꤢꤪ ꤔꤢꤧ ꤊ꤫ꤢꤩ꤬ꤜꤣꤧ꤬ꤞꤢꤩ ꤣꤧ꤭ꤔꤣꤧ꤬ ꤚꤣꤧ꤬ ꤢ꤬ ꤕꤜꤝꤢ꤭ ꤜꤥ꤬ꤡꤝꤢꤊꤢꤧ꤭ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤣꤧ꤭, ꤡꤢꤨ꤮ ꤘꤢꤦ꤬ꤟꤣꤧ ꤊ꤫ꤢꤩ꤬ꤜꤣꤧ꤬ꤞꤢꤩ ꤓꤢꤪꤡꤝꤢ ꤢ꤬ ꤟꤢꤨꤔꤣꤧ꤬ ꤖꤢꤧ꤯

เพรโด่แนพู๊ เต๊เห่ 27:30

ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤞꤢꤪ꤬ꤊꤜꤣꤧ꤭ꤘꤢꤨ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤗꤢꤧꤕꤢꤨ꤭ ꤜꤢ꤭ꤋꤢꤧ꤭ ꤊꤜꤢꤧ ꤘꤣ ꤢ꤬ ꤊ꤫ꤢꤦ꤬ ꤊꤜꤢꤧ꤬ꤕꤜꤢꤩꤊꤢꤧ꤭ ꤢ꤬ꤑꤢꤩ꤭ ꤚꤣꤧ꤬ ꤛꤢꤩ꤬ꤞꤤ꤭ ꤘꤢꤧ꤬ꤒꤢ꤭ ꤞꤢꤪ꤬ꤊꤜꤣꤧ꤭ꤖꤢꤨ ꤔꤣꤧ꤬ꤒꤣ꤬ꤙꤢꤩ꤬ ꤘꤣ ꤓꤣꤧ꤭ꤊꤢꤨ꤭ ꤚꤣꤧ꤬ ꤢ꤬ ꤘꤢꤧ꤬ꤒꤢ꤭ ꤋꤥ꤬ ꤜꤢ꤭ꤋꤢꤧ꤭ ꤜ꤫ꤢꤩ꤬ꤗꤢꤩ꤬ꤥ꤬ꤊꤥ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤓꤣꤧ꤭ꤊꤢꤨ꤭ ꤘꤣ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤣꤧ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭꤯