เพรโด่แนพู๊ เต๊เห่ 27:1 - Eastern Kayah Shadaw Dialect

¹ ꤙꤣꤧ ꤢꤨ꤭ ꤟꤢꤩꤕꤜꤢꤦꤟꤢꤩꤓꤥ꤭ ꤟꤣꤧ ꤍ꤫ꤥ꤬ ꤘꤣ ꤕꤢꤩ꤬ ꤙꤢꤩ꤬ ꤘꤢꤧꤔ꤫ꤤ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤚꤣꤧ꤬ ꤙꤢꤩ꤬ ꤓꤢꤩ꤬ꤡꤝꤢ ꤘꤣ ꤤ꤬ꤒꤢ꤬ꤜꤤ꤬ꤊ꤫ꤢꤩ꤬ ꤢ꤬ꤋꤢꤩ꤭, ꤋꤢꤨ꤭ꤕꤢꤪꤜꤢꤨ ꤔꤢꤧ ꤊꤣꤧ꤬ꤛꤢꤧ꤭ ꤢ꤬ꤚꤥ꤬ ꤘꤣ ꤢꤨ꤭ ꤘꤢꤪꤒꤢ꤭ ꤛꤢꤩ꤬ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤘꤣꤧꤒꤢ꤭ꤊꤢꤧ꤭ ꤛꤢꤩ꤬ꤞꤤ꤭ ꤘꤣ ꤋꤢꤨ꤭ꤡꤛꤢꤨꤜꤤ꤬ꤛꤢ꤬ꤎꤣ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯ ꤋꤢꤨ꤭ꤡꤛꤢꤨꤜꤤ꤬ꤛꤢ꤬ꤎꤣ꤬ ꤗꤢ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤒꤣ꤬ꤖꤚꤢꤩ꤬꤯ ꤢ꤬ ꤗꤢ꤬ ꤢ꤬ ꤥ꤬ ꤕ꤫ꤢ꤬ꤔꤥ꤭ꤒ꤫ꤣ꤬ ꤊꤣꤧ꤭ ꤘꤣ ꤚꤥꤗꤢꤩ꤬ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ ꤢ꤬ꤖꤚꤢꤩ꤬ ꤒꤣ꤬ꤚꤤ ꤒꤣ꤬ꤗꤢꤨ꤬, ꤚꤣꤧ꤬ ꤢꤨ꤭ ꤢꤩ ꤔꤢꤧ “ꤢꤪꤊꤢ꤬ꤎꤢ꤬ꤒꤢ꤬ ꤢ꤬ꤊꤜꤣꤧ꤭ ꤙꤢꤩꤗꤢꤨ꤬ꤘꤢꤨ꤬꤯”

ลีเทส่อพ๊าอาเซ เร๊อ เห่ขุทวาลู๊

¹ เบ๊อะอู เฮ๊ปลื๊อเฮ๊โท เฮ๊อ โหง่ เด๊อ เป เบ่ แถ่แด๊หนิ ส่อเกลอดุ เร๊อ เบ่ เถ่จว๊า เด๊อ อิตาลีเก่ เบ๊อะเนอ, คูเปาโล เร๊อ แกแย อาโร เด๊อ อู ด๊อตา เหย่ซี เด๊อ ทอกู เต๊เห่เนอ, อู เด๊อะตาแก เหย่ซี เด๊อ คูยูเลียส อา กู๊ยากู. คูยูเลียส หม่า เกลอฮู๊เตเย อากู่กล๊อ เตเพร. อา หม่า อา โอ่ ป่าโนเต่อ เกอ เด๊อ โรมัน เกลอฮู๊ เด๊อ อา โอ่ อาเพร ตีรี๊ ตู๊หมู่, เร๊อ อู เอ๊ เร๊อ “ออกัสตัส อาเกลอฮู๊ เบ๊หมู่ดุ.”

เพรโด่แนพู๊ เต๊เห่ 27:1 ပူးပေါင်းရင်းမြစ်များ

เพรโด่แนพู๊ เต๊เห่ 25:25

ꤗꤢ꤬ꤔꤢꤧꤚꤣꤧ꤬, ꤢ꤬ ꤗꤢꤩ꤬ ꤒꤢꤩ꤬ꤞꤢꤦ ꤘꤣ ꤒꤥ꤭ꤙꤢꤩ꤬ ꤘꤣꤧꤡꤢ꤭ ꤞꤣꤧ꤭ꤊꤢꤧ꤭ ꤢ꤬ꤔꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣ꤬ꤡꤣ꤬꤮ ꤒꤥ꤬꤯ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤊꤝꤤ꤭ꤘꤢꤦ꤬ ꤔꤢꤧ ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤘꤣꤧꤡꤢ꤭ ꤚꤣꤧꤘꤢꤦ꤬ ꤔꤢꤧ ꤋꤝꤤꤘꤢꤨ꤬ ꤊꤢꤧꤎꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤘꤢꤧ꤬ꤜꤢꤧ꤬ꤟꤣꤧ ꤠꤢꤧ꤭ ꤞꤤꤕꤜꤢꤪ꤬ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤞꤢꤨ꤭ꤜꤢꤧ꤬ ꤢ꤬ ꤖꤢꤧ꤯

เพรโด่แนพู๊ เต๊เห่ 25:12

ꤋꤝꤤꤘꤢꤨ꤬ ꤠꤢꤩ꤬ꤎꤢ꤬ꤒꤢꤨ ꤔꤢꤧ ꤊꤣꤧ꤬ꤛꤢꤧ꤭ ꤒꤢꤩ꤬ꤞꤤꤒꤢꤩ꤬ꤖꤢꤩ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ ꤔꤥ꤭ꤊꤢꤨ꤭ ꤚ꤫ꤥ꤬ꤋꤛꤢ꤭ꤜꤢꤨ꤭ ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ, “ꤔꤢꤧ꤬ ꤊꤝꤤ꤭ ꤢꤨ꤭ ꤘꤣ ꤢꤨ꤭ ꤊ꤫ꤢꤦ꤬ ꤞꤢꤨ꤭ꤡꤝꤢ ꤔꤢꤧ꤬ ꤘꤣ ꤋꤝꤤꤘꤢꤨ꤬ ꤊꤢꤧꤎꤢ꤬ ꤥ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤢꤧ꤬ ꤊ꤫ꤢꤦ꤬ ꤡꤝꤢꤔꤢꤪ ꤘꤣ ꤜꤢꤨ꤭ꤥ꤬ ꤕꤢ꤭꤯”

เพรโด่แนพู๊ เต๊เห่ 10:1

ꤙꤣꤧ ꤠꤤ꤭ꤊꤢꤧꤎꤢ꤬ꤚꤤ ꤢ꤬ꤊꤢꤨ꤭ ꤔꤣꤧ꤬ ꤊꤜꤣꤧ꤭ꤊꤢꤨ꤬ꤊꤜꤢꤪ ꤘꤣ ꤢ꤬ꤗꤝꤤ꤭ ꤔꤢꤧ ꤖꤢꤩ꤭ꤊꤢꤪꤔꤢꤩ꤬ꤜꤤ ꤥ꤬ꤒꤣ꤬ꤖꤚꤢꤩ꤬, ꤢ꤬ ꤗꤢ꤬ ꤚꤥꤗꤢꤩ꤬ ꤊꤜꤣꤧ꤭ ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤘꤣ ꤢꤨ꤭ ꤢꤩ ꤔꤢꤧ ꤤ꤬ꤒꤢ꤬ꤜꤤ꤬ ꤊꤜꤣꤧ꤭ꤊꤜꤥ꤭꤯

เพรโด่แนพู๊ เต๊เห่ 27:11

ꤗꤢ꤬ꤔꤢꤧꤚꤣꤧ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤔ꤫ꤤ꤬ꤘꤢ꤭ꤊꤣꤧ꤭ ꤋꤢꤨ꤭ꤕꤢꤪꤜꤢꤨ ꤢ꤬ꤍ꤫ꤥ꤬ ꤒꤥ꤬꤯ ꤢ꤬ ꤔ꤫ꤤ꤬ꤘꤢ꤭ ꤖꤢꤧꤒꤢꤦ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ ꤊꤢꤨ꤬ꤊꤜꤢꤪꤘꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤢ꤬ꤙꤢꤧ꤬ꤡꤢꤩ꤬ ꤢ꤬ꤍ꤫ꤥ꤬ ꤖꤢꤧ꤯

เพรโด่แนพู๊ เต๊เห่ 18:2

ꤚꤣꤧ꤬ ꤢ꤬ ꤡꤝꤢ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤘꤣ ꤢ꤬ꤗꤝꤤ꤭ ꤔꤢꤧ ꤖꤢꤩ꤭ꤢ꤬ꤊꤢꤨꤜꤢ ꤣꤧ꤭ ꤙꤣꤧꤔꤣꤧ꤬ ꤒꤣ꤬ꤖꤥ꤬꤯ ꤖꤢꤩ꤭ꤢ꤬ꤊꤢꤨꤜꤢ ꤣꤧ꤭ꤔꤣꤧ꤬, ꤢ꤬ ꤥ꤬ ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤠꤤ꤭ꤕꤢꤪ꤬ꤒꤢꤨ ꤚꤣꤧ꤬ ꤢ꤬ ꤔꤢꤧ ꤢ꤬ꤗꤢꤩ꤭ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤟꤢꤧ꤭ꤒ꤫ꤥ꤬ꤞꤢꤩ꤭ ꤜꤢ꤭ꤋꤢꤧ꤭ ꤗꤥꤕꤢ꤬ꤖꤢꤧ ꤙꤣꤧꤔꤣꤧ꤬ ꤖꤢꤧ꤯ ꤋꤝꤤꤘꤢꤨ꤬ ꤋꤢꤨ꤭ꤊꤜꤢꤪ꤭ꤘꤤ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤔꤢꤧ ꤜꤢꤪ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤙꤢꤩ꤬ ꤓꤢꤩ꤬ꤡꤝꤢꤊꤢꤧ꤭ ꤜꤢꤪ꤭ꤕꤜꤤ꤭ ꤙꤣꤧ ꤠꤤ꤭ꤚꤥꤗꤢꤩ꤬ ꤢ꤬ꤊꤢꤨ꤭ꤣꤧ꤭꤯ ꤘꤣ ꤋꤝꤤ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤖꤢꤩ꤭ꤢ꤬ꤊꤢꤨꤜꤢ ꤣꤧ꤭ ꤔꤢꤧ ꤢ꤬ꤗꤢꤩ꤭ ꤗ꤫ꤥ꤬ꤖꤚꤤ꤬ꤎꤤꤜꤢ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤤ꤬ꤒꤢ꤬ꤜꤤ꤬ ꤊ꤫ꤢꤩ꤬ꤊꤢꤨ꤭ ꤚꤣꤧ꤬ ꤟꤢꤧ꤭ꤒ꤫ꤥ꤬ ꤜꤢ꤭ꤋꤢꤧ꤭ ꤙꤣꤧꤣꤧ꤭ ꤖꤢꤧ꤯ ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤡꤝꤢ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤔꤢꤧ ꤛꤢꤩ꤬ꤞꤤ꤭꤯

ꤟꤤꤙꤚꤢꤨ 13:24

ꤘꤢꤧꤏꤥ꤬ ꤜꤥ꤭ꤡꤝꤢꤚꤣꤧ ꤕ꤫ꤢꤩ꤬ꤊꤣꤧ꤭ ꤕꤢꤩ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤞꤤ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤜꤢꤪ꤭꤮ ꤕꤜꤤ꤭ ꤔꤢꤧ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤥ꤭ꤚꤣꤧ꤬ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤤ꤬ꤒꤢ꤬ꤜꤤ꤬ꤊ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 28:16

ꤙꤣꤧ ꤕꤢꤩ꤬ ꤡꤝꤢꤒ꤫ꤥ꤬ ꤘꤣ ꤠꤤ꤭ꤚꤥꤗꤢꤩ꤬ ꤢ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤔꤢꤪ꤭ꤥ꤬ ꤚꤣꤧꤘꤢꤦ꤬ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤢꤨ꤭ ꤡꤝꤢꤋꤢꤧ꤭ꤥ꤬ ꤕ꤫ꤢꤩ꤬ ꤜꤢꤨ꤭ ꤟꤤ꤬ꤒꤣ꤬ꤗꤢꤩ꤭ ꤚꤣꤧ꤬ ꤊꤜꤣꤧ꤭ꤟꤢꤨ ꤒꤣ꤬ꤖꤚꤢꤩ꤬ ꤥ꤬ꤕ꤫ꤢꤪ꤬ ꤚꤣꤧꤘꤢꤦ꤬ ꤜꤢꤨ꤭꤯

เพรโด่แนพู๊ เต๊เห่ 27:43

ꤗꤢ꤬ꤔꤢꤧꤚꤣꤧ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ ꤊꤢꤨ꤬ꤊꤜꤢꤪꤣꤧ꤭ ꤢ꤬ ꤞꤤꤛ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩ ꤋꤢꤨ꤭ꤕꤢꤪꤜꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤟꤢꤩ ꤘꤤꤘꤢꤧ꤭ꤒꤢ꤭ꤒꤢꤦ꤭ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤛ꤫ꤢꤩ꤬ꤡ꤫ꤢꤧ꤬ ꤓꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤤ꤬ꤏꤢ꤬ꤒꤢ꤭ ꤚ꤫ꤣꤧ꤬ꤜꤣꤗꤣꤧ꤭ ꤘꤣ ꤓꤣꤧ꤭ꤊꤢꤨ꤭ꤔꤣꤧ꤬ ꤚꤣꤧ꤬ ꤒꤣꤧ꤬ꤛ꤫ꤢꤩ꤬ꤓꤢꤩ꤬ꤚ꤫ꤣꤧ꤬ꤗꤣꤧ꤭ ꤘꤣ ꤋꤥ꤭ꤋꤢꤨ꤬ ꤔꤣꤧ꤬꤯

เพรโด่แนพู๊ เต๊เห่ 27:6

ꤙꤣꤧꤔꤣꤧ꤬ꤋꤢꤩ꤭ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤥ꤬ ꤘꤣ ꤠꤤ꤭ꤢ꤬ꤜꤢꤧꤎꤢ꤬ꤘꤚꤤꤛꤢ꤬ ꤟꤢꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢ ꤘꤣ ꤤ꤬ꤒꤢ꤬ꤜꤤ꤬ꤊ꤫ꤢꤩ꤬ ꤒꤣ꤬ꤙꤢꤩ꤬, ꤚꤣꤧ꤬ ꤢ꤬ ꤔꤢꤪ꤭ꤓꤢꤧ꤬ꤘꤢꤧ ꤡꤝꤢꤊꤣꤧ꤭ ꤕꤢꤩ꤬ ꤔꤢꤧ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤣꤧ꤭ꤒꤣ꤬ꤙꤢꤩ꤬꤯

เพรโด่แนพู๊ เต๊เห่ 24:23

ꤚꤣꤧ꤬ ꤢ꤬ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤘꤣ ꤊꤜꤣꤧ꤭ꤒꤣ꤬ꤛꤢꤩ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ ꤥ꤬ ꤔꤢꤧ, ꤥ꤬ꤕ꤫ꤢꤪ꤬ꤚꤢꤧꤚꤣꤧ ꤋꤢꤨ꤭ꤕꤢꤪꤜꤢꤨꤣꤧ꤭ ꤔꤤ꤮, ꤗꤢ꤬ꤔꤢꤧꤚꤣꤧ꤬ ꤕꤜꤝꤢ꤭ꤕꤣꤧ꤬ꤜꤢ꤭ ꤡꤝꤢꤓꤥ꤭ꤡꤝꤢꤜꤢꤧ꤬ ꤕ꤫ꤢꤩ꤬ꤊꤣꤧ꤭ ꤏꤢꤜ꤫ꤢꤩ꤬ꤘꤢꤦ꤬ ꤢ꤬ ꤡꤢꤨ꤮ ꤢ꤬ꤞꤤꤕꤜꤢꤪ꤬ ꤞꤤꤛ꤫ꤢꤦ꤬ꤗꤢꤩ꤬ꤔꤣꤧ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤤ꤮꤯ ꤢ꤬ꤋꤥ꤭ꤢ꤬ꤞꤝꤢ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ꤗꤢꤧꤟꤢꤧ꤭ꤘꤣꤧ ꤜꤢꤨ꤭ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ ꤒꤣꤧ꤬ꤟꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤕꤜꤝꤢ꤭ꤗꤢꤧ ꤕ꤫ꤢꤩ꤬ ꤜꤢꤨ꤭ ꤔꤤ꤮꤯

เพรโด่แนพู๊ เต๊เห่ 23:17

ꤣꤧ꤭ꤒꤣ꤬ꤖꤥꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤢꤩ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ ꤊꤢꤨ꤬ꤊꤜꤢꤪꤘꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤞꤢꤨ꤭ꤡꤝꤢ ꤖꤚꤢꤩ꤬ꤋꤢꤨ꤭ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤘꤣ ꤊꤜꤣꤧ꤭ꤒꤣ꤬ꤚꤤ ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ ꤥ꤬ ꤔꤣꤧ꤬꤯ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢ꤬ ꤞꤤꤛ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤜꤢꤨ꤭ ꤔꤣꤧ꤬, ꤢ꤬ ꤥ꤬ ꤒꤣ꤬ꤡꤣ꤬꤯”

เพรโด่แนพู๊ เต๊เห่ 23:11

ꤙꤣꤧ ꤔꤣꤧ꤬ꤒꤣ꤬ꤞꤢꤩ꤭, ꤙꤢꤧ꤬ꤡꤢꤩ꤬ ꤟꤢꤧ꤭ ꤊꤣꤧ꤬ꤓꤢꤪ꤬ꤥ꤬ ꤘꤣ ꤋꤢꤨ꤭ꤕꤢꤪꤜꤢꤨ ꤊꤢꤧ꤭ꤏꤢ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤘꤢꤧ꤬ꤏꤝꤢ꤬ꤘꤢꤧ꤬ꤏꤢꤪ꤭ ꤔꤢꤧ꤬ ꤞꤤꤕꤜꤢꤪ꤬ ꤔꤤ꤮꤯ ꤟꤢꤨ ꤔꤢꤧ꤬ ꤋꤢꤧꤟꤢꤩꤏꤥ꤬ꤜꤥ꤭ ꤓꤥ꤭ꤟꤣꤧ ꤒꤢꤩ꤬ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤙꤣꤧ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬, ꤔꤢꤧ꤬ ꤊ꤫ꤢꤦ꤬ ꤋꤢꤧꤚꤣꤧꤊꤣꤧ꤭ ꤕ꤫ꤥ꤬ꤘꤢꤦ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ ꤘꤣ ꤠꤤ꤭ꤚꤥꤗꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤕꤢ꤭꤯”

เพรโด่แนพู๊ เต๊เห่ 22:26

ꤙꤣꤧ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤔ꤫ꤤ꤬ꤟꤥ꤭ ꤒꤢꤩ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢ ꤟꤢꤩꤏꤥ꤬ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤔꤢꤧ ꤊꤜꤣꤧ꤭ꤒꤣ꤬ꤚꤤ ꤢ꤬ꤊꤢꤨ꤬ꤊꤜꤢꤪ ꤚꤣꤧ꤬ ꤢ꤬ ꤡꤝꤢꤘꤣꤧꤟꤣꤧ꤭ ꤊꤜꤣꤧ꤭ꤒꤣ꤬ꤚꤤ ꤢ꤬ꤊꤢꤨ꤬ꤊꤜꤢꤪ ꤣꤧ꤭ ꤔꤢꤧ, “ꤔꤢꤧ꤬ ꤊ꤫ꤢꤦ꤬ꤚꤢꤩ꤭ ꤗꤢꤩ꤬ ꤢ꤬ ꤟꤢꤨꤒꤢꤩ꤭ ꤕꤢ꤭? ꤢ꤬ ꤗꤢ꤬ ꤚꤥꤗꤢꤩ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤒꤣ꤬ꤖꤚꤢꤩ꤬ ꤠꤢ!”

เพรโด่แนพู๊ เต๊เห่ 21:32

ꤒꤣ꤬ꤖꤥꤒꤥ꤬ ꤊꤜꤣꤧ꤭ꤒꤣ꤬ꤚꤤ ꤢ꤬ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤢꤩꤔ꤫ꤤ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ ꤔꤢꤧ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊꤜꤢꤧ꤬ꤔꤥ꤭ ꤜꤢ꤭ꤋꤢꤧ꤭ ꤘꤣ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤊꤜꤣꤧ꤭ꤊꤢꤨ꤬ꤊꤜꤢꤪ ꤔꤢꤧ ꤊꤜꤣꤧ꤭ꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤘꤢꤧ꤬ꤥ꤬ꤊꤥꤊꤢꤧ꤭ ꤜꤢꤪ꤭ ꤢ꤬ ꤒꤢꤩ꤬ꤗꤢꤦ꤭ꤒꤢꤩ꤬ꤕꤢꤪ꤬ ꤋꤢꤨ꤭ꤕꤢꤪꤜꤢꤨ ꤣꤧ꤭꤯

เพรโด่แนพู๊ เต๊เห่ 19:21

ꤒꤢꤩ꤬ꤗꤢꤩ꤬ꤢ꤬ꤔ꤫ꤢꤩ꤬ ꤟꤢꤨꤣꤧ꤭ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤘꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤔꤢꤧ ꤢ꤬ ꤊ꤫ꤢꤦ꤬ ꤜꤢꤩ꤭ꤡꤝꤢꤚꤝꤢ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤔꤢꤧ ꤢ꤬ꤋꤢꤩ꤬ꤛꤢ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢꤒꤣꤧ꤬ꤜꤝꤢ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤕꤢ꤭꤯ ꤓꤥ꤭ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤢꤧ꤭ ꤡꤝꤢꤓꤥ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤚꤣꤧ꤬ ꤠꤢꤧ꤭ ꤙꤢꤩ꤬ ꤡꤝꤢ ꤟꤢꤧ꤭ꤑꤢꤩ꤭ ꤕ꤫ꤥ꤬ ꤘꤣ ꤠꤤ꤭ꤚꤥꤗꤢꤩ꤬ ꤕꤢ꤭꤯”

เพรโด่แนพู๊ เต๊เห่ 16:10

ꤋꤢꤨ꤭ꤕꤢꤪꤜꤢꤨ ꤗꤢꤧꤓ꤫ꤣꤧ꤬ꤜꤝꤢ ꤓꤥ꤭ ꤒꤢꤩ꤬ ꤣꤧ꤭ꤣꤧ꤭ ꤔꤢꤧ, ꤕꤢꤩ꤬ ꤥ꤬ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕꤢꤩ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤓꤢꤩ꤬ꤡꤝꤢ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤕꤢꤩ꤬ ꤔꤢꤧ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤊꤣꤧ꤭ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 10:22

ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤔꤢꤧ, “ꤊꤜꤣꤧ꤭ꤊꤢꤨ꤬ꤊꤜꤢꤪ ꤖꤢꤩ꤭ꤊꤢꤪꤔꤢꤩ꤬ꤜꤤ ꤔꤢꤪ꤭ꤟꤢꤧ꤭ ꤕꤢꤩ꤬꤯ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ꤜꤢ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬꤯ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤢꤧ꤬ꤛ꤫ꤢꤦ꤬ꤔ꤫ꤢꤧ꤬ꤚꤣꤧ ꤜꤢꤪ꤭ꤕꤜꤤ꤭ ꤡꤣꤧ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ꤔꤢꤪ ꤊꤣꤧ꤭ ꤔꤢꤧ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤧ꤭ ꤟꤢꤩ ꤜꤢꤨ꤭ ꤔꤢꤧ ꤙꤢꤩ꤬ ꤡꤝꤢ ꤢꤩꤟꤢꤧ꤭ ꤔꤢꤧ꤬ ꤘꤣ ꤜꤢꤨ꤭ꤟꤤ꤬꤯”

ꤜꤢꤨꤊꤢ꤬ 23:47

ꤚꤥꤗꤢꤩ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤩ꤬ꤢ꤬ꤔ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤔꤢꤧ꤭ ꤟꤣꤧ!”

ꤜꤢꤨꤊꤢ꤬ 7:2

ꤙꤣꤧ ꤠꤤ꤭ꤊꤢꤨ꤭ꤔꤣꤧ꤬ ꤚꤥꤗꤢꤩ꤬ ꤊꤜꤣꤧ꤭ꤊꤢꤨ꤬ꤊꤜꤢꤪ ꤥ꤬ ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ꤜꤢꤨ꤬ꤜꤢꤩ ꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤏꤝꤤ ꤚꤣꤧ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤞꤣꤧ꤭ꤒꤣꤧ꤬ꤜꤤ ꤜꤢ꤭ ꤡꤣꤧ ꤟꤣꤧ꤯

มัทธิว 27:54

ꤙꤣꤧ ꤚꤥꤗꤢꤩ꤬ ꤊꤜꤣꤧ꤭ꤒꤣ꤬ꤛꤢꤩ꤬ ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢ꤬ꤚꤣꤧ ꤛꤢꤩ꤬ꤏꤛꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤓꤢꤪꤘꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤞꤤꤤ꤬ꤏꤢꤩ꤭ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤔꤤꤔꤢꤧ꤬ ꤔꤢꤧ꤭ ꤟꤣꤧ꤯”

เพรโด่แนพู๊ เต๊เห่ 28:1

ꤙꤣꤧ ꤕꤢꤩ꤬ ꤓꤢꤧ꤬ꤒ꤫ꤥ꤬ ꤗꤥ꤬ꤗꤥ꤬ꤚꤢꤧꤚꤢꤧ ꤘꤣ ꤋꤥ꤭ꤋꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤟꤢꤩꤜꤥ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤊꤜꤢꤦ ꤔꤣꤧ꤬ꤒꤣ꤬ꤊꤜꤢꤦ ꤗꤢ꤬ ꤢꤨ꤭ ꤢꤩ ꤔꤢꤧ ꤗꤢꤧꤜꤢ꤬ꤒꤢ꤬ꤊꤜꤢꤦ꤯