เพรโด่แนพู๊ เต๊เห่ 2:23 - Eastern Kayah Shadaw Dialect23 ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤚꤣꤧ꤬ ꤢ꤬ ꤞꤤꤑꤢꤩ꤭ꤥ꤬ꤔꤢꤩ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤢꤨ꤭ ꤊ꤫ꤢꤦ꤬ ꤘꤣꤧ ꤒꤢ꤭ꤊꤢꤧ꤭ ꤛꤢꤩ꤬ꤏꤛꤢꤨ ꤘꤣ ꤞꤤ꤭ ꤊꤢꤨꤛꤢ꤭ꤊꤢꤨ꤭ ꤕꤢ꤭ ꤚꤣꤧ꤬ ꤞꤤ꤭ ꤔꤢꤪ꤭ꤗꤢꤦ꤭ꤞꤣꤧ꤭ꤓꤢꤧ꤬ ꤢ꤬ ꤔꤢꤧ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤕꤢ꤭꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊23 ฮู๊ จอแปแหร่ ตี๊หรี่แตแร หนื่ออื่อ เร๊อ อา ซิเงหนื่ออื่อ โทดื่อเฮ๊อ เร๊อ อู เก่ เด๊อะ ตาแก เหย่ซู่ เด๊อ ซี กู๊ยากู ปา เร๊อ ซี นอมือเซอแถ่ อา เร๊อ แกแยจา แกแยมู๊แหม่ เต๊เห่ เด๊ออี๊ถื่อดีเต่ อาลู ปา. အခန်းကိုကြည့်ပါ။ |
เพรโด่แนพู๊ เต๊เห่ 2:23
39 ပူးပေါင်းရင်းမြစ်များ
ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤢ꤬ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤑꤢꤩ꤭ ꤊꤣꤧ꤭ ꤜꤢꤨ꤭ ꤔꤢꤧ ꤢ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ ꤟꤢꤨꤔꤣꤧ꤬ꤒꤥ꤬꤯ ꤓꤥ꤭ꤒꤥ꤬ ꤖꤚꤢꤩ꤬ꤖꤚꤥ꤬ꤒꤣꤧ꤬ꤟꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤢꤨ꤭ ꤘꤢꤧꤜꤥ꤭ꤓꤢꤧ꤬ ꤢ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤕꤝꤢ꤭꤮ ꤒꤣ꤬ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤒꤢ꤭ꤕꤜꤢꤨ ꤊꤣꤧ꤭ꤢꤨ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤞꤢꤧꤟꤢꤨ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤊ꤫ꤢꤦ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤔꤢꤪ꤭ꤘꤣꤧꤡꤢ꤭ ꤞꤣꤧ꤭ꤊꤢꤧ꤭ ꤟꤣꤧ ꤛꤢꤩ꤬ꤏꤛꤢꤨ ꤖꤢꤧ꤯
ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤔꤢꤧ, “ꤠꤢꤧ꤭ ꤔꤢꤪ꤭ꤓꤝꤢ꤭ꤓꤢꤧ꤬ ꤟꤣꤧ ꤔꤢꤧ꤬ ꤔꤢꤧ ꤗꤤ꤭ꤡꤣ꤬ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ꤖꤢꤩ꤭ ꤟꤣꤧ꤯” ꤢ꤬ ꤓꤝꤢ꤭ ꤕ꤫ꤢꤩ꤬ ꤕꤢꤩ꤬ꤖꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤛ꤫ꤢꤦ꤬ꤢꤩ꤬ꤚꤣꤧꤘꤢꤦ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ꤞꤣꤧ꤭, ꤓꤥ꤭ꤒꤥ꤬ ꤢ꤬ ꤟꤢꤩꤒꤢ꤭ ꤖꤢꤧ ꤢ꤬ꤍ꤫ꤥ꤬ ꤒꤣ꤬ꤗꤢꤦ꤭ ꤖꤢꤧ ꤚꤣꤧ꤬ ꤒꤢꤩ꤬ ꤘꤣ ꤢ꤬ ꤥ꤬ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ꤯
ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢꤨ꤭ ꤕꤢ꤭꤯ ꤡꤢꤓꤢꤧ꤬ ꤘꤣ ꤢꤨ꤭ ꤙꤢꤧꤜꤢꤧ꤬ꤜꤢꤨ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤕꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢꤨ꤭ ꤚꤢ꤭ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤ ꤛꤢꤩ꤬ꤞꤤ꤭ꤗꤝꤤ꤭ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭꤯ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤗꤢ꤬ ꤗ꤫ꤢ꤬ꤟꤣꤧ ꤢꤨ꤭ ꤗꤢꤩ꤬ꤞꤣꤧ꤭ ꤢ꤬ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯
ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤔꤥ꤭ꤟꤥ꤬ ꤟꤣꤧ ꤘꤣ ꤞꤤ꤭ꤊꤜꤢꤩ꤭ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤜꤣꤧ꤬ꤕꤜꤢꤩꤚꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤣꤧ꤬ꤖꤚꤥꤜꤣꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤕꤛꤢꤊꤢꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤕꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤒꤥ꤬꤯ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤟꤢꤩꤏꤥ꤬ ꤥ꤬ꤔꤢꤩ꤬ ꤟꤣꤧ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤕꤢ꤭꤯
ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤚꤣꤧ ꤞꤤ꤭ ꤟꤢꤨ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤚꤣꤧꤘꤢꤦ꤬ꤔꤣꤧ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤘꤢ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤍ꤫ꤥ꤬ ꤚꤣꤧ꤬ ꤘꤣ ꤢ꤬ꤞꤝꤤ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤊ꤫ꤢꤦ꤬ ꤗꤢꤩ꤬ꤕꤜꤤ꤭ꤖꤥ ꤕ꤫ꤢꤩ꤬ ꤞꤤ꤭꤯ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤔꤢꤧ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭ ꤊ꤫ꤢꤦ꤬ ꤥ꤬ꤜꤣꤥ꤬ꤙꤢ꤭ ꤘꤢꤦ꤬ ꤔꤢꤧ ꤞꤤ꤭ ꤔꤤ꤮꤯
ꤞꤤ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤜꤢꤪ꤭ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ ꤟꤢꤩꤏꤥ꤬ꤥ꤬ꤔꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢꤨ꤬ꤜꤢꤩ ꤡꤢꤪꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤕꤢ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤒꤣꤧ꤬ꤟꤢꤩ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤓꤥ꤭ ꤛꤢꤩ꤬ꤞꤤ꤭ ꤟꤣꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤞꤤ꤭ ꤤ꤬ꤏꤢꤩ꤭ꤒꤢ꤭ꤊꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢꤨ꤬ꤜꤢꤩ ꤡꤢꤪꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ, ꤓꤥ꤭ꤒꤥ꤬ ꤞꤤ꤭ ꤗꤢꤩ꤬ꤞꤣꤧ꤭ꤊꤢꤧ꤭ ꤟꤣꤧ ꤜꤢꤨ꤭ ꤟꤣꤧ꤯
ꤛꤢꤩ꤬ꤞꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤩ ꤚꤣꤧꤘꤢꤦ꤬ꤜꤢꤨ꤭ ꤔꤢꤧ, “ꤕꤢꤩ꤬ ꤓꤢꤪꤛꤢꤩ꤭ ꤢ꤬ ꤒꤥ꤬ ꤟꤢꤧ꤬, ꤢꤨ꤭ꤕꤢꤩ꤭ ꤒꤥ꤭ ꤔ꤫ꤤ꤬ꤙꤢꤩ꤬ꤕꤢꤩ꤭ ꤕꤢ꤭ꤔꤣꤧ꤬, ꤕꤢꤩ꤬ ꤙꤢꤪ ꤒꤢꤩ꤬ꤙꤢꤧ꤭ꤙꤝꤤ ꤒꤣ꤬ꤡꤣ꤬ ꤕꤥ!” ꤢ꤬ ꤟꤢꤩ ꤚꤣꤧꤘꤢꤦ꤬ ꤜꤢꤨ꤭ ꤟꤢꤨꤔꤣꤧ꤬꤯ ꤞꤢꤧꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤊ꤫ꤢꤦ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤚꤣꤧ꤬ ꤒꤢꤩ꤬ꤓꤝꤢ꤭ ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤖꤢꤧ꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤛꤢꤩ꤬ꤞꤤ꤭ ꤙꤢꤩ꤭ ꤖꤛꤢ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤠꤢꤧ꤭ꤡꤢ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤖꤛꤢꤔ꤫ꤤ꤬ ꤠꤢꤧ꤭ꤡꤢ꤬ ꤚꤣꤧ꤬ ꤢ꤬ ꤙꤢꤪ ꤜꤢ꤭ꤋꤢꤧ꤭ ꤒꤢꤩ꤬ꤙꤢꤧ꤭ꤙꤝꤤ ꤟꤣꤧ꤯” ꤚꤣꤧ꤬ ꤊꤜꤣꤧ꤭ꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ ꤟꤣꤧ꤯
ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤠꤢꤧ꤭ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤊꤣꤧ꤬ꤘꤢ꤭ꤊꤢꤨ꤭ ꤕꤢ꤭꤯ ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤩꤙꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤊꤣꤧꤔꤤ꤭ꤊꤣꤧꤔ꤫ꤥ꤬ ꤜꤢꤪ꤭ ꤠꤢꤧ꤭ ꤕꤢ꤭꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤦ꤭ ꤠꤢꤧ꤭ ꤔꤢꤧ ꤞꤢꤨꤕꤜꤣꤧ꤬ ꤤ꤬ꤕꤜꤤꤚ꤫ꤤ꤬ ꤕꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤠꤢꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤞꤥ꤭ꤔꤣꤧ꤭ ꤒꤣ꤬ꤔꤣꤧ꤭ ꤕꤢ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤠꤢꤧ꤭ ꤕꤢ꤭꤯”
ꤙꤣꤧ ꤛꤢꤩ꤬ꤞꤤ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤓꤥ꤭ꤟꤣꤧ ꤛꤢꤩ꤬ꤏꤛꤢꤨ ꤔꤣꤧ꤬, ꤛꤢꤩ꤬ꤞꤤ꤭ ꤙꤢꤩ꤭ꤖꤛꤢ ꤚ꤫ꤥ꤬ꤜꤢꤨ꤭ ꤛꤢꤩ꤬ꤏꤛꤢꤨ ꤢ꤬ꤡꤢ꤬ ꤒꤣꤧ꤬ꤟꤢꤩ꤬꤯ ꤙꤣꤧ ꤛꤢꤩ꤬ꤞꤤ꤭ ꤙꤢꤩ꤭ ꤒꤢꤧ꤬ꤜꤢ꤭ꤟꤤ ꤜꤢꤨ꤭ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤙꤢꤪ ꤜꤢ꤭ꤋꤢꤧ꤭ ꤒꤢꤩ꤬ꤙꤢꤧ꤭ꤙꤝꤤ ꤒꤣ꤬ꤡꤣ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤙꤢꤪ ꤒꤣ꤬ꤖꤚꤢꤩ꤬ ꤓꤥ꤭ ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ ꤒꤢ꤭ꤒꤥ꤭ ꤙꤣꤧꤒꤢꤩ꤭ ꤒꤣ꤬ꤖꤚꤢꤩ꤬ ꤒꤥ꤭ ꤖꤛꤢ ꤙꤣꤧꤒꤢꤩ꤭ ꤒꤣ꤬ꤊꤛꤢ꤭ꤒꤢꤩ꤭ ꤔꤣꤧ꤬, ꤡꤢꤨ꤮ ꤘꤢꤦ꤬ ꤢ꤬ꤙꤝꤤ ꤒꤢ꤭ꤒꤥ꤭ ꤖꤢꤧ꤯
ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬ ꤘꤣ ꤢꤨ꤭ ꤢꤩ ꤔꤢꤧ, ꤊꤢꤨ꤬ꤊꤜꤢꤪꤋꤚꤝꤤ ꤜ꤫ꤢꤩ꤬ꤥ꤬ ꤣꤧ꤭ꤔꤣꤧ꤬꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤒ꤫ꤣ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤗꤢꤩ꤬ꤞꤢꤦ ꤓꤣꤧ꤭ꤊ꤫ꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤞꤤꤔꤣꤧ꤭ ꤔꤢꤧ ꤛꤢꤩ꤬ꤏꤛꤢꤨ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬꤯ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤜꤢꤨ꤭ ꤘꤣ ꤛꤢꤩ꤬ꤏꤛꤢꤨ ꤡꤢꤓꤝꤢ ꤒꤣ꤬ꤊꤛꤢ꤭, ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤜꤢꤨ꤭ ꤘꤣ ꤡꤢꤡꤤ꤬ ꤒꤣ꤬ꤊꤛꤢ꤭꤯
ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤕꤢꤩ꤬ ꤟꤢꤩꤒꤢ꤭ꤟꤢꤩꤒꤢꤩ꤭ ꤓꤥ꤭ꤟꤣꤧ ꤞꤤ꤭ ꤔꤢꤧ ꤤ꤬ꤞꤝꤢꤤ꤬ꤞꤢꤧ꤬ ꤕꤢ꤬ ꤒ꤫ꤢꤧ꤬ ꤢꤨ꤭ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤗꤝꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤗꤢꤧꤗꤢꤧ ꤞꤤ꤭ ꤡꤝꤢ ꤗꤢꤩ꤬ꤋꤚꤢꤧ꤮ ꤟꤣꤧ ꤤ꤭ꤒꤢꤩ꤭ꤒꤢꤩ꤭! ꤞꤤ꤭ ꤤ꤬ꤞꤝꤢ ꤕꤣꤧ꤬ꤏꤤ꤭ꤡꤝꤢ ꤜꤢꤪ꤭ꤕꤜꤤ꤭ ꤟꤣꤧ ꤢꤨ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤞꤣꤧ꤭ ꤔꤣꤧ꤬ꤗꤢ꤬ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤟꤣꤧ, ꤞꤤ꤭ ꤞꤤꤛ꤫ꤢꤦ꤬ ꤘꤢꤧ꤬ ꤜꤢ꤭ꤋꤢꤧ꤭ ꤕꤢꤩ꤬ ꤒꤢꤩ꤬ꤞꤢꤦ ꤟꤢꤨꤔꤣꤧ꤬꤯”
ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤚꤢ꤭ꤗꤢꤥ꤬ ꤋꤢꤨ꤭ꤗꤢꤪꤎꤢꤧ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤒꤢꤩ꤬ ꤥ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤕꤢ꤭꤯ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤥ꤬ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤢ꤬ ꤜꤢ꤭ ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬ ꤚꤣꤧ꤬ ꤢ꤬ ꤗꤢꤩ꤬ꤞꤢꤦ ꤜꤢ꤭ꤋꤢꤧ꤭ ꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭ꤕꤢ꤭꤯
ကြော်ငြာတွေ