เพรโด่แนพู๊ เต๊เห่ 17:23 - Eastern Kayah Shadaw Dialect

²³ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤠꤢꤧ꤭ ꤡꤝꤢꤜꤢꤩ꤭ ꤘꤣ ꤞꤤ꤭ ꤠꤤ꤭ꤊꤢꤨ꤭ ꤢ꤬ꤋꤢꤩ꤭ ꤚꤣꤧ꤬ ꤠꤢꤧ꤭ ꤗꤢꤧ ꤞꤤ꤭ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤜ꤫ꤢꤩ꤬ꤥ꤬ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤜꤢꤨ꤭ꤒꤢꤧ꤭ ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬ ꤘꤣ ꤢꤨ꤭ ꤚꤢ꤭ꤥ꤬ ꤜꤢꤨ꤭ ꤔꤢꤧ, ‘ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢꤨ꤭ ꤞꤤꤑꤢꤩ꤭ ꤢ꤬ ꤒꤥ꤬ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭’ ꤟꤢꤨꤔꤣꤧ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤣ ꤞꤤ꤭ ꤞꤤꤑꤢꤩ꤭ ꤜꤢꤨ꤭ ꤒꤥ꤬ ꤚꤣꤧ꤬ ꤞꤤ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤚꤣꤧꤘꤢꤦ꤬ ꤢ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤊꤢꤨꤔ꤫ꤢꤧ꤬꤯

ลีเทส่อพ๊าอาเซ เร๊อ เห่ขุทวาลู๊

²³ เมเตเฮ๊เรอ, เบ๊อะแว จว๊าเล เด๊อ ซี วีกู เนอ เร๊อ แว แม๊ ซี เตจ๊อบู่จ๊อเบ อาเหล่โอ่ เต๊เห่ เบ๊อะเนอ, แว แม๊เถอะ เตหลู่แต เบ๊อะเนอ โต๊โผ่ เด๊อ อู ราโอ่ ลู เน๊อ, ‘จอแปแหร่ เด๊อ อู ซิเง อา โต่ เตเพร อาเง’ ฮู๊เนอ. ฮู๊เนอ อาขว่าอาคยา, จอแปแหร่ เด๊อ ซี ซิเง ลู โต่ เร๊อ ซี จ๊อบู่จ๊อเบแถ่ เกอเร๊อ อา เออเตเพรเนอ, แว เก่ แด๊โฉ่โด่แน เป่ ซี เร๊อ อา อาหรี่อาแก กู๊แหน่.

เพรโด่แนพู๊ เต๊เห่ 17:23 ပူးပေါင်းရင်းမြစ်များ

ꤛꤥ꤭ꤟꤢ꤬ 4:22

ꤞꤤ꤭ ꤏꤛꤢ꤬ꤗꤢ꤬ꤚꤤꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤡꤢꤪꤙꤢꤩ꤭ꤓꤢꤧ꤬ ꤢꤨ꤭ꤕꤢꤩ꤭ ꤔꤣꤧ꤬ ꤞꤤ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤚꤣꤧꤘꤢꤦ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤡꤢꤪꤙꤢꤩ꤭ꤓꤢꤧ꤬ ꤢꤨ꤭ꤕꤢꤩ꤭ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭ ꤚꤣꤧꤘꤢꤦ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤔꤣꤧ꤬ ꤢ꤬ ꤥ꤬ꤓꤢꤧ꤬ ꤘꤣ ꤕꤢꤩ꤬ ꤛꤢꤨꤘꤢ꤬ꤖꤢꤨ ꤢ꤬ꤊꤜꤢꤩ꤭ ꤟꤣꤧ꤯

ꤛꤥ꤭ꤟꤢ꤬ 17:3

ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤗꤢ꤬ ꤒꤢꤦ ꤔꤢꤧ꤬ ꤒꤣ꤬ꤖꤚꤢꤩ꤬ꤖꤢꤧ, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤔꤢꤧ꤬ ꤚꤣꤧ꤬ ꤢ꤬ ꤞꤤꤑꤢꤩ꤭ ꤔꤢꤧ ꤠꤢꤧ꤭ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤔꤢꤧ꤬ ꤕꤜꤝꤢ꤭ꤟꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤞꤤꤑꤢꤩ꤭ ꤘꤣ ꤢ꤬ ꤘꤣꤧ ꤛꤢꤩ꤬ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 17:25

“ꤖꤢꤩ꤭ ꤘꤣ ꤢ꤬ꤡꤢꤪꤢ꤬ꤒꤢꤩ꤬꤮, ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤔꤢꤧ꤬ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤔꤢꤧ꤬, ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤠꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤔꤢꤧ ꤔꤢꤧ꤬ ꤔꤢꤪ꤭ꤟꤢꤧ꤭ ꤠꤢꤧ꤭꤯

โครินธ์ อาเหร่อเล๊อ ต๊าบ่า 1:21

ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤗꤢ꤬ ꤢ꤬ꤘꤢꤨ꤬ꤢ꤬ꤛꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤕꤢꤨ꤭ꤞꤤꤑꤢꤩ꤭ꤙꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤋꤢꤧ꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ꤞꤢꤦ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 1:28

ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤘꤢꤦꤚꤣꤧ꤬, ꤢ꤬ ꤖꤛꤢꤏꤢꤦ꤬ ꤜꤢ꤭ꤋꤢꤧ꤭ ꤒꤥ꤬, ꤢ꤬ ꤘꤢꤧ꤬ ꤒꤢꤩ꤬ꤒꤣ꤬ꤡꤣ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤕꤣꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤕꤜꤝꤢ꤭ꤗꤢꤩ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ ꤘꤣ ꤢ꤬ ꤊꤢꤪ꤬ ꤗꤢꤩ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เพรโด่แนพู๊ เต๊เห่ 17:30

ꤙꤣꤧ ꤢꤨ꤭ ꤞꤤꤑꤢꤩ꤭ ꤜꤢ꤭ꤟꤤ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧ ꤙꤢꤩ꤬ꤋꤢꤨ꤬ꤒꤢ꤭ꤖꤥ꤬ꤊꤢꤧ꤭ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤒꤢꤩ꤬ꤞꤢꤦ ꤟꤢꤨꤔꤣꤧ꤬ ꤒꤣ꤬ꤡꤣ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ꤔꤣꤧ꤬, ꤢ꤬ ꤟꤢꤩꤒꤢ꤭ꤟꤣꤧ ꤢ꤬ꤍ꤫ꤥ꤬ ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ ꤘꤣ ꤜ꤫ꤢꤩ꤬ꤥ꤬ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ꤙꤢꤩ꤬ꤙꤢꤩ꤬ ꤢ꤬ ꤒꤥ꤭ꤙꤢꤩ꤬ ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤒꤣꤧ꤬ꤚꤤ ꤊꤢ꤬ꤋꤛꤢ꤭ꤒꤥ꤭ ꤋꤛꤢ꤭ꤞꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ ꤊꤣꤧ꤭ꤘꤢꤦ꤬ ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤒꤥ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤕꤢꤩ꤬ ꤞꤤꤑꤢꤩ꤭ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤟꤢꤧ꤭ ꤘꤣꤧ ꤞꤤꤑꤢꤩ꤭ꤕꤜꤥ꤭ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤟꤣꤧ꤯ ꤕꤢꤩ꤬ ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤒꤥ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤊꤢꤨ꤭ ꤟꤣꤧ꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤒꤥ꤭ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣ꤬ꤖꤚꤢꤩ꤬꤯

ทิโมธี อาเหร่อเล๊อ ต๊าบ่า 1:17

ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤘꤢꤦ꤬ ꤋꤝꤤ ꤘꤣ ꤢ꤬ ꤕꤣꤒꤣꤧ꤬ꤚꤤ꤬ꤒꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤚꤣꤧ꤬ ꤢ꤬ ꤞꤣꤧ꤭ꤡ꤫ꤢꤧ꤬ꤒꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤤ꤮꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢꤨ꤭ ꤗꤢꤧꤓ꤫ꤣꤧ꤬ꤡ꤫ꤢꤧ꤬ ꤜꤢꤨ꤭ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤗ꤫ꤢ꤬ꤒꤢꤦ ꤢ꤬ ꤒꤣ꤬ꤖꤚꤢꤩ꤬ ꤖꤢꤧ꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ꤘꤢꤦ꤬ ꤢ꤬, ꤢꤨ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤓꤢꤧ꤬ꤘꤢꤦ꤬ ꤢ꤬ ꤕꤝꤢ꤭꤮ ꤒꤣ꤬ꤓꤢꤦ꤭ ꤔꤤ꤮꤯ ꤢ꤬ꤗꤢꤩ꤬꤯

เธสะโลนิกา เนอบ่า ต๊าบ่า 2:4

ꤜꤢꤪ꤭ ꤒꤢꤩ꤬ꤘꤣ ꤢꤨ꤭ ꤢꤩ ꤔꤢꤧ ꤡꤢꤪꤗꤣꤧ꤬ꤚꤢꤧ꤬, ꤗ꤫ꤢ꤬ꤒꤥ꤬ꤚꤣꤧ꤬, ꤜꤢꤪ꤭ ꤒꤢꤩ꤬ꤘꤣ ꤊꤣꤧ꤬ꤛꤢꤧ꤭ ꤡꤢꤪꤙꤢꤩ꤭ꤓꤢꤧ꤬ ꤢ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ꤓꤢꤩꤊ꤫ꤢꤦ꤬ꤒꤣꤧ꤬ꤢꤧ꤭ ꤏꤢꤦ꤬ꤊꤢꤧ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤖꤛꤢꤓꤢꤧ꤬ꤜꤥ꤭ ꤢ꤬ꤔ꤫ꤢꤩ꤬ ꤔꤢꤧ ꤢ꤬ꤘꤢꤨ꤬ꤜꤣ ꤡꤣꤧ ꤔꤢꤧ ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ ꤡꤣꤧ ꤕꤢ꤭꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤟꤢꤧ꤭ꤔꤥ꤭ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧꤊꤝꤢꤜꤢꤧ꤬ ꤚꤣꤧꤘꤢꤦ꤬ ꤡꤣꤧ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤟꤢꤨꤔꤣꤧ꤬ ꤡꤣꤧ ꤕꤢ꤭꤯

เอเฟซัส 2:12

ꤒꤣꤧ꤬ꤔꤢꤩ꤬ ꤊꤢ꤬ꤋꤛꤢ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤘꤣ ꤔꤣꤧ꤬ꤋꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤙꤣꤧꤔꤣꤧ꤬ꤋꤢꤩ꤭ ꤗꤢ꤬ ꤞꤤ꤭ ꤞꤤꤑꤢꤩ꤭ ꤊꤣꤧ꤭ꤜꤢ꤭ꤟꤤꤢꤨ꤭ ꤋꤚꤤ ꤒꤥ꤬, ꤚꤣꤧ꤬ ꤞꤤ꤭ ꤥ꤬ꤒ꤫ꤣ꤬ꤊꤣꤧ꤭ ꤘꤣ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤜꤢ꤭ꤟꤤꤒꤥ꤬꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢꤩ꤬ꤊꤜꤢꤪ꤬ꤢꤩ꤬ꤗꤢ꤬ ꤜꤢꤨ꤭ꤍ꤫ꤥ꤬ ꤚꤣꤧ꤬ ꤢ꤬ ꤢꤪꤜꤢꤧ꤬ ꤚꤣꤧꤘꤢꤦ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬, ꤞꤤ꤭ ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤꤒꤥ꤬ꤒꤥ꤬꤯ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤔꤣꤧ꤬, ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤏꤥ꤭ꤘꤥ꤭ ꤡꤢꤪꤗꤣꤧ꤬ꤚꤢꤧ꤬, ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤏꤥ꤭ꤘꤥ꤭ ꤒꤢꤩ꤬ꤗꤢꤧꤏꤢꤦ꤭ ꤜꤢ꤭ꤋꤢꤧ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 8:5

ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤒꤥ꤬ ꤘꤣ ꤊꤣꤧ꤬ꤛꤢꤧ꤭ ꤡꤢꤪꤙꤢꤩ꤭ ꤜꤢꤨ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤥ꤬ ꤢꤩꤔꤢꤧ꤬ꤡꤣꤧ꤯ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤥ꤬ ꤙꤣꤧ ꤟꤢꤩ꤬ꤋꤢꤨ꤬ ꤣꤧ꤭, ꤟꤢꤨꤔꤣꤧ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ꤓꤢꤧ꤬ ꤚꤣꤧꤘꤢꤦ꤬ ꤜꤢꤨ꤭ ꤟꤢꤨ ꤛꤢꤩ꤬ꤞꤤ꤭ ꤡꤢꤪꤗꤣꤧ꤬ꤚꤢꤧ꤬, ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬꤯

ꤛꤥ꤭ꤟꤢ꤬ 8:54

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤊꤢ꤬ꤋꤛꤢ꤬ꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤊꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤠꤢꤧ꤭ ꤒꤢꤩ꤬ꤓꤢꤨ꤬ꤞꤢꤩ ꤣꤧ꤭ꤔꤣꤧ꤬, ꤜ꤫ꤢꤩ꤬ꤛ꤫ꤢꤦ꤬ꤢꤩ꤬ ꤞꤤꤜꤢꤩ꤬ꤚꤣꤧ ꤔꤢꤧ ꤒꤣ꤬ꤡꤣ꤬꤮ ꤒꤥ꤬꤯ ꤠꤢꤧ꤭ꤖꤢꤩ꤭ ꤘꤣ ꤞꤤ꤭ ꤟꤢꤩ ꤚꤣꤧꤘꤢꤦ꤬ ꤔꤢꤧ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤜꤤ꤭ ꤗꤢꤩ꤬ꤒꤣꤧ꤬ꤋꤢꤩ꤭ ꤠꤢꤧ꤭ ꤟꤣꤧ꤯

มัทธิว 15:9

ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ꤓꤢꤧ꤬ ꤠꤢꤧ꤭ ꤣꤧ꤭ꤔꤣꤧ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤤ꤬ꤞꤝꤢꤤ꤬ꤞꤢꤧ꤬ ꤖꤢꤧ ꤢꤨ꤭ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤜ꤫ꤢꤩ꤬ꤊꤜꤥ꤭ ꤒꤣꤧ꤬ꤟꤢꤩ꤬ ꤖꤢꤧ ꤗꤢ꤬ꤔꤢꤧꤚꤣꤧ꤬ ꤢ꤬ ꤟꤢꤩ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤡꤣꤧ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯’”