เพรโด่แนพู๊ เต๊เห่ 17:19 - Eastern Kayah Shadaw Dialect

¹⁹ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤢꤩꤡꤝꤢ ꤋꤢꤨ꤭ꤕꤢꤪꤜꤢꤨ ꤘꤣ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢ ꤥ꤬ꤊꤢꤨꤥ꤬ꤊꤢꤧ ꤜꤢꤨ꤭ ꤙꤣꤧ ꤢ꤬ꤚꤤ꤬ꤛꤥ꤬ꤕꤢ꤬ꤊꤢꤨ ꤊꤣꤧ꤬ꤜꤥ꤭ꤋꤢꤨ꤬ꤔꤣꤧ꤬, ꤚꤣꤧ꤬ ꤛꤢꤩ꤬ꤞꤤ꤭ ꤘꤣꤧꤟꤣꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ, “ꤕꤢꤩ꤬ ꤞꤤꤛ꤫ꤢꤦ꤬ ꤞꤤꤑꤢꤩ꤭ ꤊꤣꤧ꤭ ꤔꤢꤧ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤞꤢꤩ꤭ ꤣꤧ꤭ꤒꤣ꤬ꤡꤣ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

ลีเทส่อพ๊าอาเซ เร๊อ เห่ขุทวาลู๊

¹⁹ โทเร๊อ เหย่ซี เอ๊จว๊า คูเปาโล เด๊อ แกแย ทวา ทวาดุทวาเต เต๊เห่ อา โอ่ เร๊อ เหย่ซี จว๊า โอ่กู๊โอ่แก๊ ลู เบ๊อะอาเรโอปากัส กูโลขุเนอ, เร๊อ เหย่ซี แด๊เฮอ คูเปาโล เน๊อ, “เป ซิหยื่อ ซิเง เกอ เน เตอิซว๊าอี๊แส่ อาเซ เออเต๊อเจอะ อาหรี่อาแก.

เพรโด่แนพู๊ เต๊เห่ 17:19 ပူးပေါင်းရင်းမြစ်များ

ꤗꤢ꤬ꤊꤢꤨ 1:27

ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ꤙꤣꤧ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤜꤢꤪ꤭ꤕꤜꤤ꤭ ꤡꤣꤧ ꤚꤣꤧ꤬ ꤢ꤬ ꤟꤢꤩ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤔꤢꤧ, “ꤣꤧ꤭ꤗꤢ꤬ ꤤ꤭ꤒꤢꤩ꤭ꤒꤢꤩ꤭? ꤣꤧ꤭ꤗꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤞꤢꤩ꤭ ꤟꤢꤧ꤭? ꤢ꤬ꤞꤢꤧꤔꤢꤧ ꤢ꤬ ꤥ꤬ ꤡꤣꤧ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤣꤧ꤬ ꤡꤣꤧ꤯ ꤢ꤬ ꤟꤢꤩꤒꤢ꤭ ꤖꤢꤧ ꤢ꤬ꤍ꤫ꤥ꤬ ꤔꤢꤧ ꤢ꤬ ꤔꤢꤪ꤭ꤓꤢꤩ꤬ꤡꤝꤢꤊꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤖꤢꤧ ꤚꤣꤧ꤬ ꤢ꤬ ꤔ꤫ꤤ꤬ꤘꤢ꤭ ꤡꤣꤧ ꤜꤢꤨ꤭ꤍ꤫ꤥ꤬ꤍ꤫ꤥ꤬,” ꤛꤢꤩ꤬ꤞꤤ꤭ ꤟꤢꤩ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 17:22

ꤋꤢꤨ꤭ꤕꤢꤪꤜꤢꤨ ꤊꤣꤧ꤬ꤓꤢꤪ꤬ ꤘꤣ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤥ꤬ꤊꤢꤨ ꤜꤢꤨ꤭ ꤙꤣꤧ ꤢ꤬ꤚꤤ꤬ꤛꤥ꤬ꤕꤢ꤬ꤊꤢꤨ ꤊꤣꤧ꤬ꤜꤥ꤭ꤋꤢꤨ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤣꤧ꤭ꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤤ꤭ꤢ꤬ꤞꤢꤩ꤬ꤖꤢꤨ ꤜꤢꤪ꤭ꤕꤜꤤ꤭ ꤞꤤ꤭꤮, ꤙꤣꤧꤒꤢꤩ꤭ ꤒꤣ꤬ꤡꤣ꤬ꤙꤢꤩ꤬ꤙꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤔꤢꤧ ꤞꤤ꤭ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤔꤢꤧ꤬ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤠꤢ꤮꤯

เพรโด่แนพู๊ เต๊เห่ 26:1

ꤋꤝꤤꤘꤢꤨ꤬ ꤢ꤬ꤊꤚꤤꤕꤢ꤬ ꤟꤢꤩ ꤋꤢꤨ꤭ꤕꤢꤪꤜꤢꤨ ꤔꤢꤧ, “ꤔꤢꤧ꤬ ꤊꤢꤩ꤬ ꤞꤤꤟꤢꤩꤙꤢꤩ꤬ ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯” ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤙꤢꤪꤓꤢꤧ꤬ ꤢ꤬ꤊꤢꤨꤋꤢꤨ꤬ ꤚꤣꤧ꤬ ꤢ꤬ ꤟꤢꤩꤙꤢꤩ꤬ꤜꤣꤧ꤬ꤕꤜꤢꤩ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤟꤢꤨꤣꤧ꤭:

เพรโด่แนพู๊ เต๊เห่ 25:22

ꤋꤝꤤꤘꤢꤨ꤬ ꤢ꤬ꤊꤚꤤꤕꤢ꤬ ꤟꤢꤩꤏꤢꤦ꤬ ꤋꤝꤤꤘꤢꤨ꤬ ꤠꤢꤩ꤬ꤎꤢ꤬ꤒꤢꤨ ꤔꤢꤧ, “ꤠꤢꤧ꤭ ꤞꤤꤛ꤫ꤢꤦ꤬ ꤔ꤫ꤤ꤬ꤟꤥ꤭ꤊꤣꤧ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤔꤢꤧ ꤠꤢꤧ꤭ꤔ꤫ꤢꤩ꤬ ꤚꤣꤧꤘꤢꤦ꤬꤯” ꤚꤣꤧ꤬ ꤋꤝꤤꤘꤢꤨ꤬ ꤠꤢꤩ꤬ꤎꤢ꤬ꤒꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤊꤢꤩ꤬ ꤟꤢꤩꤟꤢꤨꤔꤣꤧ꤬ ꤚꤣꤧ꤬ ꤏꤢꤕꤣꤧꤚꤥ꤬ ꤕꤢ꤭ꤔꤣꤧ꤬ ꤔꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ꤔꤢꤪ ꤘꤢꤦ꤬ ꤕꤢ꤭꤯”

เพรโด่แนพู๊ เต๊เห่ 24:24

ꤘꤣꤋꤛꤢ꤭ ꤞꤥ꤭ꤜꤝꤤ꤭ꤔꤣꤧ꤭ꤔꤣꤧ꤬, ꤋꤝꤤꤘꤢꤨ꤬ ꤠꤢꤩꤜꤤ꤬ ꤔꤢꤧ ꤢ꤬ꤗꤢꤩ꤭ ꤗ꤫ꤥ꤬ꤘꤚꤢꤨ꤬ꤎꤤꤜꤢ꤬ ꤗ꤫ꤢ꤬ꤘꤢꤦ꤬ ꤛꤢꤨꤘꤢ꤬ꤗ꤫ꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤧ꤭ ꤚꤣꤧ꤬ ꤢ꤬ ꤔꤢꤪ꤭ꤡꤝꤢꤢꤩ ꤢꤨ꤭ ꤔꤢꤧ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤢ꤬ ꤔ꤫ꤤ꤬ꤘꤢ꤭ꤗꤢꤧ ꤋꤢꤨ꤭ꤕꤢꤪꤜꤢꤨ ꤟꤢꤩꤙꤢꤩ꤬ ꤕ꤫ꤢꤩ꤬ ꤜꤢꤨ꤭ ꤔꤢꤧ ꤒꤢꤩ꤬ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 17:20

ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤔꤢꤧ꤬ ꤘꤥ꤬ꤔꤢꤧ꤭ ꤣꤧ꤭ꤔꤣꤧ꤬, ꤢ꤬ꤋꤥ ꤔꤢꤧ꤬ꤡꤣꤧ ꤘꤣ ꤕꤢꤩ꤬ꤑꤢꤩ꤭ ꤚꤣꤧ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤟꤢꤧ꤭ ꤟꤢꤨꤒꤢꤩ꤭ꤔꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ ꤞꤤꤑꤢꤩ꤭ꤊꤣꤧ꤭,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 13:34

“ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤊ꤫ꤢꤦ꤬ ꤗ꤫ꤢ꤬ꤊꤢꤧ꤭ ꤞꤤ꤭ ꤍ꤫ꤥ꤬ ꤢ꤬ꤞꤢꤩ꤭ ꤒꤣ꤬ꤗꤢꤦ꤭꤯ ꤗꤥ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯ ꤟꤢꤨ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤞꤤ꤭ꤔꤣꤧ꤬, ꤞꤤ꤭ ꤙꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬꤯

มัทธิว 10:18

ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤡꤝꤤ꤬ꤒꤣꤧ꤬ꤚ꤫ꤢꤨ꤬ꤓꤢꤪꤓꤢꤧ꤬ꤢꤩ꤭ ꤟꤢꤧ꤭ ꤞꤤ꤭ ꤘꤣ ꤖꤚꤢꤩ꤬ꤕꤣꤒꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ ꤔꤢꤧ ꤋꤝꤤꤒꤣꤧ꤬ꤟꤢꤩ꤬ ꤢ꤬ ꤥ꤬ ꤕꤢ꤭꤯ ꤞꤤ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤔ꤫ꤤ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤕꤢ꤭꤯ ꤞꤤ꤭ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ ꤔ꤫ꤤ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤕꤢ꤭꤯

เพรโด่แนพู๊ เต๊เห่ 17:34

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤕꤜꤢꤪ꤬ꤥ꤬ ꤜꤢꤨ꤭ ꤚꤣꤧ꤬ ꤢ꤬ ꤙꤢꤧꤞꤝꤢ ꤔꤢꤧ ꤜꤢꤨ꤭ ꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤒꤢꤩ꤬꤯ ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤘꤤ꤬ꤛꤢꤪ꤬ꤔꤢꤨꤎꤤ꤬ꤥ꤬ ꤥ꤬ꤒꤣ꤬ꤖꤚꤢꤩ꤬꤯ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤘꤣ ꤢ꤬ꤚꤤ꤬ꤛꤥ꤬ꤕꤢ꤬ꤊꤢꤨ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤢ꤬ꤕꤜꤢꤪꤢ꤬ꤗꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬꤯ ꤓꤥ꤭ ꤔꤢꤧ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤗꤝꤤ꤭ ꤔꤢꤧ ꤗꤢꤪ꤬ꤘꤢ꤬ꤗꤢ꤬ꤚꤤ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤊꤢ꤬ ꤊꤣꤧ꤭ ꤒꤢꤩ꤬꤯

เพรโด่แนพู๊ เต๊เห่ 23:19

ꤊꤜꤣꤧ꤭ꤒꤣ꤬ꤚꤤ ꤊꤢꤨ꤬ꤊꤜꤢꤪ ꤡꤝꤤ꤬ꤔ꤫ꤤ꤬ ꤜꤢꤨ꤭ꤊꤢꤨꤋꤢꤨ꤬ ꤚꤣꤧ꤬ ꤢ꤬ ꤢꤩꤡꤝꤢ ꤜꤢꤨ꤭ ꤘꤣ ꤜ꤫ꤢꤩ꤬ꤥ꤬ ꤒꤣꤧ꤬ꤘꤝꤢ꤭ ꤒꤣ꤬ꤖꤥ꤬ ꤚꤣꤧ꤬ ꤢ꤬ ꤘꤣꤧꤟꤣꤧ꤭ꤟꤥ꤬ ꤜꤢꤨ꤭ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤔꤢꤧ꤬ ꤞꤤꤛ꤫ꤢꤦ꤬ ꤟꤢꤩ ꤠꤢꤧ꤭ꤔꤣꤧ꤬ ꤗꤢ꤬ ꤤ꤬ꤒꤢꤩ꤭?”