เพรโด่แนพู๊ เต๊เห่ 17:18 - Eastern Kayah Shadaw Dialect

¹⁸ ꤞꤢꤚꤢ ꤘꤣ ꤢꤨ꤭ ꤢꤩ ꤔꤢꤧ, ꤢꤧ꤬ꤕꤤ꤬ꤊꤢꤨ꤬ꤚꤢꤨꤖꤢꤨ ꤔꤢꤧ ꤎꤢ꤬ꤒꤢꤪꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤋꤢꤨ꤭ꤕꤢꤪꤜꤢꤨ꤯ ꤛꤢꤩ꤬ꤞꤤ꤭ ꤢ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ, “ꤊꤣꤧ꤬ꤛꤢꤧ꤭ ꤒꤢꤩ꤬ꤞꤤꤑꤢꤩ꤭ ꤥ꤬ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬ ꤚꤣꤧ꤬ ꤢ꤬ ꤡꤝꤢꤊꤜꤝꤢꤗꤢꤩ꤬ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤡ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ꤣꤧ꤭ ꤢ꤬ ꤡꤝꤢ ꤟꤢꤩꤋꤚꤢꤧ꤮ ꤤ꤭ꤒꤢꤩ꤭ꤒꤢꤩ꤭?” ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤟꤢꤩ ꤜꤢ꤭ꤒꤢꤩ꤬ ꤔꤢꤧ, “ꤢ꤬ ꤞꤢꤧꤔꤢꤧ ꤢ꤬ ꤘꤥ꤬ꤔꤢꤧ꤭ ꤓꤣꤧ꤭ꤚꤥ꤬ꤊ꤫ꤢꤩ꤬ꤊꤜꤢꤪ꤭ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭ ꤡꤝꤢꤟꤢꤩꤒ꤫ꤥ꤬ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤣꤧ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤢ꤬ꤒꤢꤩ꤬ꤞꤣꤧ꤭ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁸ ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.

เพรโด่แนพู๊ เต๊เห่ 17:18 ပူးပေါင်းရင်းမြစ်များ

โคโลสี 2:8

ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤚꤣꤧ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ꤞꤢꤦ ꤘꤢꤦ꤬ꤑꤢꤩ꤭ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤊꤢꤧ꤭ꤘꤢꤩ꤭ ꤖꤢꤧ꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤗ꤫ꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤓꤢꤦ꤭ ꤓꤥ꤭ ꤒꤣ꤬ꤓꤢꤦ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤚꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤟꤢꤧ꤭ ꤘꤣ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤖꤢꤧ꤯ ꤒꤢꤩ꤬ꤤ꤬ꤞꤝꤢ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤥ꤬ ꤗ꤫ꤢ꤬ꤒꤥ꤬꤯

เพรโด่แนพู๊ เต๊เห่ 4:2

ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤞꤤꤔꤣꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤜꤥ꤭ꤕꤜꤥ꤭ ꤕ꤫ꤢꤩ꤬ ꤜꤢꤪ꤭ ꤢꤨ꤭ ꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤞꤢꤧꤊꤣꤧ꤭ꤟꤢꤨ ꤣꤧ꤭ꤔꤣꤧ꤬ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ꤘꤢꤨ꤬ ꤊꤣꤧ꤬ꤛꤢꤧ꤭ ꤔꤣꤧ꤬ꤞꤤꤔꤣꤧ꤭꤯

ꤜꤢꤨꤊꤢ꤬ 11:53

ꤙꤣꤧ ꤛꤢꤩ꤬ꤏꤛꤢꤨ ꤓꤢꤩ꤬ꤡꤝꤢꤊꤢꤧ꤭ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤜ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤔꤢꤧ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤔꤢꤧ꤬ꤡꤣꤧ ꤜꤢꤨ꤭ ꤚꤣꤧ꤬ ꤗꤢꤧꤕꤢꤨ꤭ ꤘꤣꤧꤟꤣꤧ꤭ꤓꤥ꤭ꤘꤣꤧꤟꤣꤧ꤭ꤜꤢꤧ꤬ ꤢꤩꤜꤥ꤬ ꤜꤢꤨ꤭ ꤍ꤫ꤥ꤬ ꤒꤣꤧ꤬ꤟꤢꤩ꤬꤯

โครินธ์ อาเหร่อเล๊อ ต๊าบ่า 4:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤕꤢꤩ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤟꤢꤩ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤞꤤ꤭ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤡꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤖꤚꤢꤩ꤬ꤡ꤫ꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ꤯ ꤕꤢꤩ꤬ ꤚꤣꤧ꤬ ꤕꤢꤩ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤘꤢꤦ꤬ ꤕꤢꤩ꤬ꤑꤢꤩ꤭ ꤖꤢꤧ, ꤞꤤ꤭ ꤚꤣꤧ꤬ ꤞꤤ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤔꤢꤧ꤬ꤡꤣꤧ ꤜꤢ꤭ꤘꤢꤦ꤬ ꤔ꤫ꤤ꤬꤯ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤘꤢꤦ꤬ꤑꤢꤩ꤭ ꤕꤢꤩ꤬ ꤖꤢꤧ꤯ ꤞꤤ꤭ ꤚꤣꤧ꤬ ꤢꤨ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤡꤣꤧ ꤜꤢ꤭ꤘꤢꤦ꤬ ꤞꤤ꤭ ꤔ꤫ꤤ꤬꤯

โครินธ์ อาเหร่อเล๊อ ต๊าบ่า 3:18

ꤜꤣꤧ꤬ꤟꤥ꤭ꤜꤢꤧ꤬ ꤚꤣꤧꤘꤢꤦ꤬ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬꤯ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤒꤣꤧ꤬ꤔꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤩꤔꤣꤧ꤬, ꤢ꤬ ꤙꤢꤩ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤔꤣꤧ꤬ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤢ꤬ ꤊꤢꤩ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤗ꤫ꤢ꤬ꤔꤤꤔꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬ ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯

ꤚꤥꤗꤢꤩ꤬ 1:22

ꤛꤢꤩ꤬ꤞꤤ꤭ ꤟꤢꤩꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤥ꤬, ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤓꤝꤢ꤭ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤢꤦꤢꤧ ꤖꤢꤧ꤯

เพรโด่แนพู๊ เต๊เห่ 26:23

ꤋꤚꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤋꤢꤧꤙꤢꤩ꤬ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤕꤢ꤭ ꤚꤣꤧ꤬ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤚ꤫ꤣꤧ꤬ꤜꤣ ꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤒꤣ꤬ꤖꤚꤢꤩ꤬ ꤕꤢ꤭, ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤜꤤ꤭ ꤕꤢ꤭,” ꤋꤢꤨ꤭ꤕꤢꤪꤜꤢꤨ ꤟꤢꤩ ꤕ꤫ꤢꤩ꤬ ꤋꤝꤤꤘꤢꤨ꤬ ꤢ꤬ꤊꤚꤤꤕꤢ꤬ ꤟꤢꤨꤔꤣꤧ꤬꤯

ꤗꤢ꤬ꤊꤢꤨ 9:14

ꤙꤣꤧ ꤛꤢꤩ꤬ꤏꤛꤢꤨ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤞꤤꤞꤥ꤭ ꤡꤝꤢꤒ꤫ꤥ꤬ ꤘꤣ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ꤘꤢꤨ꤬ ꤟꤢꤧ꤭ꤥ꤬ꤕꤜꤢꤪꤥ꤬ꤕꤜꤢꤨ꤬ ꤒꤣꤧ꤬ꤠꤢ꤬ ꤜꤢꤪ꤭ ꤛꤢꤩ꤬ꤞꤤ꤭ ꤚꤣꤧ꤬ ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤟꤢꤧ꤭ꤋꤚꤢꤩꤟꤢꤧ꤭ꤋꤚ꤫ꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 6:9

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤢꤩꤏꤢꤦ꤬ ꤜꤢꤨ꤭ ꤔꤣꤧ꤬ ꤢ꤬ ꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤗꤢꤨ꤬ ꤘꤣ ꤢ꤬ ꤔꤥ꤭ ꤥ꤬ꤒ꤫ꤣ꤬ꤊꤣꤧ꤭ ꤘꤣ (ꤟꤢꤨ ꤢꤨ꤭ ꤢꤩ ꤛꤢꤩ꤬ꤞꤤ꤭ ꤔꤢꤧ) ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤕꤣꤧ꤬ꤜꤢ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤢ꤬ꤕꤜꤢꤪꤢ꤬ꤗꤢꤨ꤬꤯ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤥ꤬ ꤘꤣ ꤠꤤ꤭ꤊꤢꤨꤚꤢꤩ꤬ꤔꤢꤩ꤬ ꤔꤢꤧ ꤠꤤ꤭ꤢ꤬ꤜꤢꤧꤎꤢ꤬ꤘꤚꤤꤛꤢ꤬ ꤢ꤬ꤊꤢꤨ꤭꤯ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤘꤣ ꤢ꤬ ꤥ꤬ ꤘꤣ ꤎꤤ꤬ꤜꤤ꤬ꤎꤤ꤬ꤛꤢ꤬ꤊ꤫ꤢꤩ꤬ ꤔꤢꤧ ꤢ꤬ꤏꤛꤢꤊ꤫ꤢꤩ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤡꤢꤓꤢꤧ꤬ ꤋꤚꤢꤩꤋꤚ꤫ꤢꤧ꤬ꤏꤢꤦ꤬ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬꤯

เพรโด่แนพู๊ เต๊เห่ 5:42

ꤚꤣꤧ꤬ ꤘꤣꤋꤛꤢ꤭ꤔꤣꤧ꤬, ꤛꤢꤩ꤬ꤞꤤ꤭ ꤥ꤬ꤊꤥꤊꤢꤧ꤭ ꤒꤥ꤬꤯ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤘꤣ ꤢꤨ꤭ꤟꤤ꤬ꤢꤨ꤭ꤖꤢꤧ꤭ ꤢ꤬ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤕꤝꤢ꤭ꤔꤣꤧ꤭ꤔꤣꤧ꤭꤮ ꤛꤢꤩ꤬ꤞꤤ꤭ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤧ꤭ꤑꤢꤩ꤭ ꤕ꤫ꤢꤩ꤬ ꤢꤨ꤭, ꤛꤢꤩ꤬ꤞꤤ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤟꤢꤧ꤭ꤑꤢꤩ꤭ ꤜꤥ꤭ ꤕ꤫ꤢꤩ꤬ ꤕ꤫ꤥ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤗꤢ꤬ ꤗ꤫ꤢ꤬ꤟꤣꤧ ꤛꤢꤩ꤬ꤏꤛꤢꤨ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤜꤢꤪ꤭ꤕꤜꤤ꤭ ꤒꤣ꤬ꤖꤚꤢꤩ꤬ ꤟꤣꤧ꤯