เพรโด่แนพู๊ เต๊เห่ 17:11 - Eastern Kayah Shadaw Dialect

¹¹ ꤛꤢꤨꤘꤢ꤬ꤖꤢꤨ ꤥ꤬ ꤙꤣꤧ ꤠꤤ꤭ꤙꤢꤩ꤬ꤚꤤ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤕꤜꤢꤪ꤬ꤓꤢꤨ꤭ ꤗꤢꤧꤓ꤫ꤣꤧ꤬ꤛꤢ꤬ꤜꤣ ꤔꤢꤧ ꤠꤤ꤭ꤞꤢꤩ꤬ꤎꤢ꤬ꤜꤢ꤬ꤔꤤꤖꤢꤨ ꤞꤤ꤭ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤔ꤫ꤤ꤬ꤘꤢ꤭ ꤏꤢ꤭ꤖꤚ꤫ꤢꤩ꤬ꤏꤢ꤭ꤗꤢꤧ꤬ ꤔꤢꤧ꤬ꤡꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤢ꤬ꤊꤢꤨ꤭ꤡꤣꤧ꤯ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤔꤢꤧ ꤋꤢꤨ꤭ꤕꤢꤪꤜꤢꤨ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ꤗ꤫ꤢ꤬ ꤟꤢꤧ꤭? ꤗꤢ꤬ ꤗ꤫ꤢ꤬ꤒꤥ꤬ ꤟꤢꤧ꤭? ꤔꤣꤧ꤬ ꤢ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤡꤣꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤕꤝꤢ꤭ꤔꤣꤧ꤭ꤔꤣꤧ꤭ ꤕꤝꤢ꤭ꤞꤢꤩ꤭ꤞꤢꤩ꤭ ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹¹ แกแยยิวพู๊ โอ่ เบ๊อะวีเบโรอา เต๊เห่เนอ อา ซิปล่อทู แม๊เถอะ ยาเล๊อ เร๊อ วีเธสะโลนิกา ซีเต๊เห่. เหย่ซี หนิดา ฉ่าเผร่ ฉ่าอ่อ แหน่เจ๊อ เตหรี่เตแก เด๊อ เตซิปล่อฉว่า อากูเจ๊อ. โทเร๊อ แซ่ฮู๊ เหย่ซี เก่ ซิเง ตาเต เร๊อ คูเปาโล อา เตเฮ๊เบ่ เออเนอหม่า, อาหม่า แอ? หม่า หม่าโต่ แอเนอ? เร๊อ อา แม๊ปูซิเง แลแค เจ๊อ ลีเทส่อพ๊า ปวาเนอเนอ ปวาเซเซ เจ๊อ.

เพรโด่แนพู๊ เต๊เห่ 17:11 ပူးပေါင်းရင်းမြစ်များ

ꤛꤥ꤭ꤟꤢ꤬ 5:39

ꤞꤤ꤭ ꤗꤢꤧꤕꤢꤨ꤭ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤒꤣꤧ꤬ꤔꤢꤩ꤬ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤙꤣꤧ ꤜꤤ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤕꤢ꤭꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ꤟꤣꤧ ꤒꤢꤩ꤬ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

ꤙꤣꤧ ꤞꤤ꤭ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤕꤢꤩ꤬ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤖꤛꤢꤏꤢꤦ꤬ ꤢ꤬ ꤟꤢꤨ ꤢ꤬ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤞꤤ꤭ ꤖꤛꤢꤏꤢꤦ꤬ ꤡꤣꤧ ꤢ꤬ ꤟꤢꤨ ꤢ꤬ ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤧ꤭ ꤔꤣꤧ꤬ ꤡꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤚꤣꤧ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤚꤣꤧ꤬ ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤞꤤ꤭ ꤟꤢꤨ ꤢ꤬ꤒꤥ꤭ ꤜꤢꤨ꤭ꤞꤤꤕꤜꤢꤪ꤬ ꤔꤣꤧ꤬ꤟꤣꤧ꤯

มัทธิว 13:23

ꤒꤢꤩ꤬ꤊꤜꤝꤤ꤭ ꤘꤣ ꤢ꤬ ꤜꤣꤧ꤬ꤒꤢ꤭ ꤘꤣ ꤟꤢꤩ꤬ꤛꤢ꤬ꤟꤢꤩ꤬ꤚꤢꤧꤋꤢꤨ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤞꤤꤑꤢꤩ꤭ꤕꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤩ꤬ ꤢꤩꤓꤢꤧ꤬ ꤒ꤫ꤥ꤬ ꤡꤣꤧ ꤘꤣ ꤢ꤬ꤖꤥ ꤒꤣ꤬ꤛꤢꤩ꤬, ꤢ꤬ꤖꤥ ꤏꤣꤧ꤭ꤞꤥ꤭ꤞꤝꤢ, ꤢ꤬ꤖꤥ ꤞꤥ꤭ꤏꤣꤧ꤭꤯”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

ꤞꤤ꤭ ꤗꤢꤧꤙꤢꤦ꤭ ꤕꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤚꤣꤧ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤔꤢꤧ꤬ꤡꤣꤧ ꤞꤤ꤭, ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤛꤢꤏꤢꤦ꤬ꤕꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬꤯ ꤙꤣꤧ ꤞꤤ꤭ ꤖꤛꤢꤏꤢꤦ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤕ꤫ꤢꤩ꤬ ꤞꤤ꤭ ꤟꤣꤧ꤯

ꤛꤥ꤭ꤟꤢ꤬ 3:21

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤧ꤭ꤒꤥ꤭ ꤘꤣ ꤒꤢꤩ꤬ꤜꤤ꤭ ꤢ꤬ ꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤥ꤭ꤚꤢꤧ ꤔꤢꤧ ꤢ꤬ ꤗꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤒꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤟꤢꤧ꤭ꤒꤥ꤭ ꤘꤣ ꤒꤢꤩ꤬ꤜꤤ꤭ ꤥ꤬꤯”

เธสะโลนิกา เนอบ่า ต๊าบ่า 2:10

ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ꤔ꤫ꤤ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢ ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤔꤢꤪ꤭ꤢꤩ꤬ ꤚꤣꤧꤘꤢꤦ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤡꤣ꤬ ꤕꤢ꤭꤯ ꤛꤢꤩ꤬ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤛꤢꤏꤢꤦ꤬ ꤊꤣꤧ꤭ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤊ꤫ꤢꤦ꤬ ꤞꤣꤧ꤭ ꤜꤢ꤭ꤋꤢꤧ꤭ ꤕꤢ꤭꤯ ꤛꤢꤩ꤬ꤞꤤ꤭ ꤊꤢꤩ꤬ ꤖꤛꤢꤏꤢꤦ꤬ ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭꤯

เปโตร อาเหร่อเล๊อ ต๊าบ่า 2:2

ꤞꤤ꤭ ꤞꤤꤑꤢꤩ꤭ꤔꤢꤪ ꤓꤥ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤓꤝꤢ꤭ꤓꤢꤧ꤬ ꤞꤢꤧꤊꤣꤧ꤭ ꤜꤢ꤭ꤋꤢꤧ꤭ ꤟꤢꤨ ꤖꤢꤨꤡ꤫ꤢꤩ꤬ꤟꤢꤨ ꤥ꤬ꤞꤢꤩ꤭ ꤘꤣ ꤢ꤬ ꤞꤤꤢꤩ꤬ꤞꤤꤥ꤭ ꤗ꤫ꤢ꤬ꤔꤤꤔꤢꤧ꤬ ꤤ꤬ꤔꤢꤨꤓꤣꤧ꤭ ꤘꤣ ꤢ꤬ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢ꤬ꤢ꤬ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤘꤣ ꤞꤤ꤭ ꤞꤤꤢꤩ꤬ꤞꤤꤥ꤭ ꤤ꤬ꤔꤢꤨꤓꤣꤧ꤭ ꤏꤣꤧꤒꤝ꤫ꤢ꤬ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤖꤚ꤫ꤢꤩ꤬ꤓꤢꤧ꤬ ꤒ꤫ꤥ꤬ꤘꤣ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊ꤫ꤢꤦ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧꤕꤢ꤭ ꤔꤣꤧ꤬ ꤕꤢ꤭꤯

ꤜꤢꤨꤊꤢ꤬ 24:44

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤙꤣꤧ ꤠꤢꤧ꤭ ꤥ꤬ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤜꤢꤪ꤭ ꤢꤨ꤭ ꤚꤢ꤭ꤥ꤬ ꤓꤥ꤭ꤟꤣꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ꤜꤤ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤖꤚꤥ꤬ ꤚꤢ꤭ꤥ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤜꤤ꤬ꤓꤢꤨ꤬ꤞꤢꤩꤓꤢꤧ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤙꤢꤩ꤬ ꤜꤣꤙꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤕꤝꤢ꤭꤮ ꤒꤣ꤬ꤡꤣ꤬ ꤕꤢ꤭ꤔꤣꤧ꤬, ꤠꤢꤧ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯”

ꤡꤛꤢꤩ꤭ꤗꤢ꤬ꤎꤣ꤬ 1:21

ꤟꤢꤨꤔꤣꤧ꤬ꤚꤣꤧ꤬ ꤠꤤ꤭ꤊꤢꤧ꤭ ꤜꤢꤪ꤭ꤕꤜꤤ꤭ ꤒꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭ ꤘꤣ ꤞꤤ꤭ ꤗꤢꤩ꤬ ꤒꤣꤧ꤬ꤗꤥ꤭ꤗꤥ꤭ ꤢ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤜꤢꤪ꤭ ꤞꤤ꤭ ꤜ꤫ꤢꤩ꤬ꤊꤜꤥ꤭ ꤘꤣ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤏꤢꤧ꤬ꤜꤢꤧ꤬ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤔ꤫ꤤ꤬ꤘꤢ꤭ ꤛ꤫ꤢꤦ꤬ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤢ꤬ ꤤ꤬ꤏꤢꤪꤤ꤬ꤕꤜꤢꤦ꤭ꤒꤢ꤭ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤙꤢꤩꤡ꤫ꤢꤧ꤬ ꤞꤤ꤭꤯

เพรโด่แนพู๊ เต๊เห่ 10:33

ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤔꤢꤪ꤭ꤡꤝꤢꤢꤩ ꤒꤣ꤬ꤖꤥ꤬ ꤢꤩ ꤡꤣꤧ ꤢꤨ꤭ ꤔꤢꤧ ꤔꤢꤧ꤬ ꤡꤣꤧ, ꤔꤢꤧ꤬ ꤟꤢꤧ꤭ꤒ꤫ꤥ꤬ꤊꤣꤧ꤭ ꤕꤢꤩ꤬ ꤚꤣꤧ꤬ ꤢ꤬ꤚꤢꤧ ꤔꤢꤧ꤬ꤡꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ꤔꤢꤪ ꤊꤣꤧ꤭ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤏꤥ꤬ꤒꤢ꤭ ꤓꤥ꤭ꤟꤣꤧ ꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤟꤢꤧ꤭ ꤜꤢꤪ꤭ꤕꤜꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤟꤣꤧ꤯”

เพรโด่แนพู๊ เต๊เห่ 2:41

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤡꤢꤩ꤬ꤊꤢ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬, ꤚꤣꤧ꤬ ꤙꤣꤧꤔꤣꤧ꤬ꤒꤣ꤬ꤔꤣꤧ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤚꤣꤧ꤬ ꤢ꤬ ꤊꤢ꤬ꤊꤣꤧ꤬ꤔꤥ꤭ ꤢꤩꤓꤢꤧ꤬ ꤊꤣꤧ꤭ ꤕ꤫ꤥ꤬ ꤛꤢꤩ꤬ꤞꤤ꤭ ꤔꤣꤧ꤬, ꤢ꤬ ꤖꤢꤦ꤬꤮ ꤥ꤬ ꤢ꤬ꤖꤚꤢꤩ꤬ ꤞꤥ꤭ꤚꤤ ꤡꤣꤧ꤯

เพรโด่แนพู๊ เต๊เห่ 17:1

ꤛꤢꤩ꤬ꤞꤤ꤭ ꤡꤝꤢꤒꤣꤧ꤬ꤜꤝꤢꤊꤢꤧ꤭ ꤠꤤ꤭ꤢ꤬ꤖꤤꤕꤢ꤬ꤜꤤ꤬ ꤔꤢꤧ ꤠꤤ꤭ꤢ꤬ꤕꤢ꤬ꤜꤥ꤬ꤔꤤ ꤚꤣꤧ꤬ ꤢ꤬ ꤡꤝꤢꤒ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤞꤢꤩ꤬ꤎꤢ꤬ꤜꤢ꤬ꤔꤤ꤯ ꤙꤣꤧ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤢ꤬ꤊꤢꤨ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤥ꤬ ꤒꤣ꤬ꤗꤢꤩ꤭꤯

เพรโด่แนพู๊ เต๊เห่ 11:1

ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤥ꤬ ꤘꤣ ꤛꤢꤨ꤬ꤘꤢ꤬ꤊ꤫ꤢꤩ꤬ ꤕꤝꤢ꤭꤮ ꤒꤣ꤬ꤖꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤟꤥ꤭ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬꤯

ꤜꤢꤨꤊꤢ꤬ 16:29

“ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤋꤢꤨ꤭ꤗꤢꤪꤎꤢꤧ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤥ꤬ꤔꤢꤩ꤬ ꤘꤢꤦ꤬ ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤕ꤫ꤢꤩ꤬ ꤔꤢꤧ꤬ ꤕ꤫ꤥ꤬ꤗ꤫ꤢꤧ꤬ ꤖꤚꤢꤩ꤬ꤋꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤘꤢꤦ꤬ꤟꤣꤧ ꤛꤢꤩ꤬ꤞꤤ꤭ꤍ꤫ꤥ꤬ ꤕꤢ꤭꤯’

ꤜꤢꤨꤊꤢ꤬ 1:2

ꤛꤢꤩ꤬ꤞꤤ꤭ ꤋꤚꤝꤢ꤭ꤚꤢ꤭ꤊꤣꤧ꤭ ꤖꤢꤧ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤧꤓ꤫ꤣꤧ꤬ ꤔꤢꤧ ꤢ꤬ꤔ꤫ꤢꤩ꤬ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤩꤏꤥ꤬ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤜꤢꤨꤊꤢ꤬ 11:3

ꤘꤣꤧꤕ꤫ꤢꤩ꤬ ꤕꤢꤩ꤬ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤘꤣ ꤕꤢꤩ꤬ ꤜ꤫ꤥ꤬ꤙꤢꤩ꤬ ꤢ꤬ ꤒꤣ꤬ꤔꤣꤧ꤭ ꤔꤢꤧ ꤒꤣ꤬ꤔꤣꤧ꤭ ꤢ꤬ꤑꤢꤩ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯