เพรโด่แนพู๊ เต๊เห่ 15:9 - Eastern Kayah Shadaw Dialect

⁹ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤧꤓ꤫ꤣꤧ꤬ ꤔꤣꤧ꤬ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤋꤥ ꤔꤢꤧ ꤜꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯ ꤘꤣ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤕꤜꤝꤢ꤭ꤊꤢꤧ꤭ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤚꤣꤧ꤬ ꤢ꤬ ꤗꤢꤩ꤬ꤕꤜꤤ꤭ꤖꤥꤊꤢꤧ꤭ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬꤯

ลีเทส่อพ๊าอาเซ เร๊อ เห่ขุทวาลู๊

⁹ จอแปแหร่ อา เตแม๊เถอะ เนอหม่า ฮู๊เตเฮ๊เรอ, แกแยยิวพู๊ เออเต๊เห่ เร๊อ แกแยยิวพู๊ หม่าโต่ เออเต๊เห่ เนอหม่า อาโค๊ เร๊อ ลู เตอเจ๋อ โต่. เด๊อ เหย่ซี หยื่อเอ่แลแค จอแปแหร่ อาขว่าอาคยา, อา ปลวาแก เหย่ซี เตซื๊อ เร๊อ อา เมโพ๊เมแปละเฮ๊อ เหย่ซี ซิปล่อ.

เพรโด่แนพู๊ เต๊เห่ 15:9 ပူးပေါင်းရင်းမြစ်များ

เอเฟซัส 3:6

ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤡ꤫ꤢꤪ꤬ꤒꤢꤩ꤬ꤛꤢꤧ꤭ ꤘꤣ ꤢꤨ꤭ ꤞꤤꤑꤢꤩ꤭ꤓꤝꤢ ꤒꤥ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕ꤫ꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯ ꤚꤣꤧ꤬ ꤒꤢꤩ꤬ꤏꤢꤪ꤭ꤚꤤ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔ꤫ꤤ꤬ꤙꤢꤩ꤬ ꤚ꤫ꤥ꤬ꤞꤢꤧꤊꤣꤧ꤭ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬ꤟꤣꤧ꤯ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤓꤝꤢ꤭ꤟꤣꤧ ꤜꤢꤨ꤭ ꤔ꤫ꤢꤩ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤟꤣꤧ꤯ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤚ꤫ꤥ꤬ꤊꤣꤧ꤭ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤟꤣꤧ꤯ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤔ꤫ꤤ꤬ꤙꤢꤩ꤬ꤊꤣꤧ꤭ ꤜꤢꤪ꤭ꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เพรโด่แนพู๊ เต๊เห่ 10:28

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤞꤤꤑꤢꤩ꤭ ꤘꤢꤦ꤬ꤟꤣꤧ, ꤕꤢꤩ꤬ ꤛꤢꤨꤘꤢ꤬ꤖꤢꤨ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤥ꤬ꤔꤢꤧ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤙꤢꤧꤞꤝꤢꤋꤢꤩꤋꤥ꤭ ꤒ꤫ꤣ꤬ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤥ꤬ꤜꤢꤩ꤭ꤥ꤬ ꤊꤣꤧ꤭ ꤖꤢꤧ ꤛꤢꤩ꤬ꤞꤤ꤭ ꤙꤢꤩ꤬ꤙꤢꤩ꤬, ꤢ꤬ꤔ꤫ꤤ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ꤟꤣꤧ ꤠꤢꤧ꤭ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤟꤢꤨ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤜ꤫ꤢꤩ꤬ꤊꤜꤥ꤭ ꤥ꤬ꤔꤣꤧ꤬ ꤢ꤬ꤕꤜꤤ꤭ꤢ꤬ꤖꤥ ꤊꤣꤧ꤭ꤢꤨ꤭ ꤒꤥ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ꤖꤥꤢ꤬ꤏꤣꤧ ꤊꤣꤧ꤭ꤢꤨ꤭ ꤒꤥ꤬ ꤟꤢꤩ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬, ꤕꤢꤩ꤬ ꤒꤥ꤭ꤙꤢꤩ꤬ ꤙꤢꤧꤞꤝꤢ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤠꤢꤧ꤭ ꤟꤢꤨꤔꤣꤧ꤬꤯

โคโลสี 3:11

ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ꤊꤢꤨ꤭ ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤘꤢꤦꤒꤣꤧ꤬ꤜꤤꤖꤢ ꤔꤢꤧ ꤘꤢꤦꤒꤣꤧ꤬ꤜꤤꤖꤢꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤓꤣꤧ꤭ꤊ꤫ꤢꤩ꤬ꤚꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤗꤤ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤡ꤫ꤢꤦ꤬ꤖꤢꤨ ꤔꤢꤧ ꤊꤣꤧ꤬ꤛꤢꤧ꤭ ꤕꤣꤧ꤬ꤜꤢ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤒꤥ꤭ꤙꤢꤩ꤬ ꤒꤣꤧ꤬ꤔꤢꤩ꤬ ꤕꤢ꤬ ꤔꤢꤧ ꤢ꤬ ꤋꤥꤜꤢꤨ꤭ ꤒꤣꤧ꤬ꤊꤤ꤬꤮ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤜꤢꤨ꤭ꤊꤢꤨ꤭ ꤟꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤚꤤ ꤗꤢ꤬ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤢꤨ꤭ ꤟꤣꤧ꤯

ꤊꤢ꤬ꤜꤢ꤬ꤒꤤ 5:6

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤙꤢꤩ꤬ꤙꤢꤩ꤬, ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤒꤥ꤬ ꤙꤢꤩ꤬ꤙꤢꤩ꤬, ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤒꤣ꤬ꤡꤣ꤬꤮ ꤒꤥ꤬꤯ ꤒꤢꤩ꤬ ꤘꤣ ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤜꤣꤢꤨ꤭ꤋꤥ꤭ ꤔꤣꤧ꤬ꤗꤢ꤬, ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ ꤘꤣꤧꤜꤥ꤭ ꤒꤢꤩ꤬ꤗꤥ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢꤨ꤭ꤚꤥ꤬ ꤣꤧ꤭ꤔꤣꤧ꤬ ꤖꤢꤧ꤯

ꤊꤢ꤬ꤜꤢ꤬ꤒꤤ 3:28

ꤛꤢꤨꤘꤢ꤬ꤖꤢꤨ ꤔꤢꤧ ꤗꤤ꤭ꤡꤣ꤬ꤚꤥ꤬ ꤊꤚꤤꤖꤢꤨ ꤒꤣꤧ꤬ꤟꤢꤩ꤬, ꤡ꤫ꤢꤦ꤬ꤖꤢꤨ ꤔꤢꤧ ꤖꤚꤢꤩ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤕꤣꤧ꤬ꤜꤢ꤭ꤖꤢꤨ ꤒꤣꤧ꤬ꤟꤢꤩ꤬, ꤖꤚꤢꤩ꤬ꤋꤢꤨ꤭ ꤔꤢꤧ ꤖꤚꤢꤩ꤬ꤗꤢꤪ꤬, ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤋꤥ ꤔꤢꤧ ꤜꤢꤨ꤭ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤓꤝꤢ꤭ꤓꤢꤧ꤬ ꤜꤢꤪ꤭ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ꤯

โครินธ์ อาเหร่อเล๊อ ต๊าบ่า 1:2

ꤕꤢꤩ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤥ꤬ ꤘꤣ ꤠꤤ꤭ꤊꤢ꤬ꤚꤤ꤬ꤞꤢꤨ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬, ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬, ꤕꤢꤩ꤬ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬, ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤞꤤ꤭ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤚꤣꤧ꤬ ꤢ꤬ ꤢꤩꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤢꤩꤓꤢꤧ꤬ ꤕ꤫ꤥ꤬ ꤟꤢꤨ ꤢ꤬ꤊꤣꤧ꤬ꤛꤢꤧ꤭ ꤚꤣꤧꤘꤢꤦ꤬ ꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 3:22

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ꤓꤥ꤭ ꤕ꤫ꤢꤩ꤬ꤟꤣꤧ ꤜꤢꤨ꤭ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤟꤣꤧ ꤜꤢꤨ꤭ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤔꤣꤧ꤬ꤟꤣꤧ꤯ ꤣꤧ꤭ꤗꤢ꤬ ꤊꤜꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤔꤣꤧ꤬ ꤢ꤬ꤋꤥ ꤔꤢꤧ ꤜꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

เพรโด่แนพู๊ เต๊เห่ 11:12

ꤣꤧ꤭ꤒꤣ꤬ꤖꤥꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤩ ꤠꤢꤧ꤭ ꤔꤢꤧ ꤗꤢꤩ꤬ꤕꤣꤧ꤬ꤛꤢꤪ꤭ꤕꤣꤧ꤬ꤛ꤫ꤢꤩ꤬ ꤒ꤫ꤢꤧ꤬ꤗꤢꤩ꤬, ꤋꤚꤝꤢ꤭ꤡꤝꤢ ꤜ꤫ꤢꤩ꤬ꤊꤣꤧ꤭ꤗꤣꤧ꤭ ꤛꤢꤩ꤬ꤞꤤ꤭ꤔꤣꤧ꤬꤯ ꤚꤣꤧ꤬ ꤕ꤫ꤥ꤬ꤠ꤫ꤢꤧ꤬ ꤘꤣ ꤠꤤ꤭ꤡꤛꤥꤕꤢ꤬ ꤢ꤬ꤖꤚꤢꤩ꤬ꤞꤥ꤭ꤞꤝꤢ ꤣꤧ꤭ ꤋꤚꤝꤢ꤭ꤡꤝꤢꤊꤣꤧ꤭ ꤔꤢꤧ ꤠꤢꤧ꤭ ꤒ꤫ꤥ꤬ꤘꤣ ꤠꤤ꤭ꤊꤢꤧꤎꤢ꤬ꤚꤤ ꤚꤣꤧ꤬ ꤕꤢꤩ꤬ ꤔꤥ꤭ꤊꤣꤧ꤭ ꤘꤣ ꤖꤢꤩ꤭ꤊꤢꤪꤔꤢꤩ꤬ꤜꤤ ꤢ꤬ꤟꤤ꤬ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เปโตร อาเหร่อเล๊อ ต๊าบ่า 1:22

ꤊꤢꤨꤔ꤫ꤢꤧ꤬ꤚꤣꤧ꤬ ꤘꤣ ꤞꤤ꤭ ꤡꤢꤨ꤭ꤢꤩ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤕꤜꤤ꤭ꤖꤥ ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤞꤤ꤭ ꤓꤝꤢ꤭ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

เพรโด่แนพู๊ เต๊เห่ 10:34

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤡꤢꤓꤢꤧ꤬ ꤟꤢꤩꤙꤢꤩ꤬ ꤔꤢꤧ, “ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤘꤢꤨ꤬ꤗꤢꤧꤕꤣꤧ꤬ꤒꤤ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 7:18

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤓꤥ꤭ꤟꤣꤧ ꤖꤢ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤢꤩ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ꤥ꤬ꤗ꤫ꤢꤩ꤬ꤊꤢꤧ꤭ ꤔ꤫ꤤ꤬ ꤢ꤬ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤣꤧ꤭ꤔꤣꤧ꤬ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤊꤣꤧ꤭ꤢꤨ꤭ ꤖꤢ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤢꤩ ꤛꤢꤩ꤬ꤞꤤ꤭ ꤟꤢꤩꤚꤣꤧ꤬ ꤢ꤬ ꤜ꤫ꤥ꤬ ꤘꤢꤦꤒꤣꤧ꤬ꤜꤤ ꤕꤢ꤬ ꤖꤢ ꤒꤥ꤬꤯

ꤚꤥꤗꤢꤩ꤬ 9:24

ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤡꤣꤧ ꤕꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤢꤩ ꤒꤢꤦ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬, ꤢ꤬ ꤢꤩ ꤔ꤫ꤤ꤬ ꤒ꤫ꤥ꤬ꤊꤣꤧ꤭ ꤘꤢꤦ꤬ꤘꤢꤦ꤬꤯

ꤚꤥꤗꤢꤩ꤬ 3:9

ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤒꤢꤩ꤭? ꤕꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢ꤬ ꤕꤢꤩ꤬ ꤚꤢꤧꤜꤣ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤟꤢꤧ꤭? ꤕꤢꤩ꤬ ꤚꤢꤧꤜꤣ ꤔꤢꤧ ꤒꤣꤧ꤬ꤊꤤ꤬꤮ꤒꤥ꤬꤯ ꤕꤢꤩ꤬ ꤘꤣꤧꤜꤥ꤭ ꤓꤥ꤭ꤟꤣꤧ ꤔꤢꤧ ꤛꤢꤨꤘꤢ꤬ꤖꤢꤨ ꤙꤢꤩ꤬ꤙꤢꤩ꤬, ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤙꤢꤩ꤬ꤙꤢꤩ꤬ ꤛꤢꤩ꤬ꤞꤤ꤭ ꤥ꤬ꤜꤢꤪ꤭ꤕꤜꤤ꤭ ꤖꤢꤧ ꤘꤣ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤢ꤬ꤜꤢꤩ꤭ ꤖꤢꤧ꤯

เพรโด่แนพู๊ เต๊เห่ 14:27

ꤙꤣꤧ ꤛꤢꤩ꤬ꤞꤤ꤭ ꤊꤢ꤬ꤒ꤫ꤥ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤢꤩꤕꤜꤢꤪ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤜꤢꤪ꤭ ꤛꤢꤩ꤬ꤞꤤ꤭ ꤔꤢꤧ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤒ꤫ꤣ꤬ꤊꤣꤧ꤭ꤒꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤢ꤬ꤑꤢꤩ꤭ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤙꤢꤗꤥ꤭ꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤊꤣꤧ꤬ꤘꤢ꤭꤯

เพรโด่แนพู๊ เต๊เห่ 14:1

ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬ ꤢ꤬ꤊꤢꤨ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤡꤝꤢꤔꤥ꤭ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤘꤣ ꤢ꤬ ꤥ꤬ ꤘꤣ ꤠꤤ꤭ꤤꤊꤢ꤬ꤔꤤ꤬ ꤢ꤬ꤊꤢꤨ꤭ ꤔꤣꤧ꤬ꤒꤣ꤬ꤗꤢꤩ꤭꤯ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ꤕꤜꤥ꤭ꤖꤢꤩ ꤕ꤫ꤢꤩ꤬ ꤚꤢꤧꤔꤢꤧ꤬ꤡꤣꤧ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤨꤘꤢ꤬ꤖꤢꤨ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢꤩꤊꤣꤧ꤭ ꤛꤢꤩ꤬ꤞꤤ꤭ ꤊꤣꤧ꤬ꤔꤥ꤮ ꤒꤥ꤬꤯

เพรโด่แนพู๊ เต๊เห่ 10:15

ꤚꤣꤧ꤬ ꤍ꤫ꤥ꤬ꤖꤚꤢ꤬ꤓꤢꤧ꤬ ꤕ꤫ꤥ꤬ ꤔꤢꤧ, “ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤢ꤭ꤟꤢꤩꤟꤣꤧ ꤔꤢꤧ ꤢ꤬ ꤕꤜꤤ꤭ꤖꤥ ꤖꤢꤧ, ꤚꤣꤧ꤬ ꤢꤩ꤬ꤔ꤫ꤤ꤬ ꤖꤢꤧ ꤢ꤬ ꤟꤢꤩ ꤔꤣꤧ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤟꤢꤩ ꤒ꤫ꤢꤧ꤬ ꤢ꤬ ꤔꤢꤧ ꤢ꤬ ꤗꤢꤨꤗ꤫ꤢꤧ꤬ ꤒ꤫ꤢꤧ꤬ꤗꤢꤩ꤬꤯”