เพรโด่แนพู๊ เต๊เห่ 14:8 - Eastern Kayah Shadaw Dialect

⁸ ꤙꤣꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤢ꤬ꤊꤢꤨ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤕꤢ꤬ ꤘꤣ ꤢ꤬ ꤗ꤫ꤥ꤬ꤟꤢꤪꤊꤢꤨ꤭ ꤚꤣꤧ꤬ ꤢ꤬ ꤡꤝꤢꤡ꤫ꤢꤧ꤬ꤒꤥ꤬ ꤥ꤬ ꤒꤣ꤬ꤖꤚꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

⁸ เบ๊อะวีลิสตรา อากูเนอ แกแย กู๊โด่ด๊า ตือรือ เด๊อ อา โหมะฮ๊อกู เร๊อ อา จว๊าแจ่โต่ โอ่ เตเพร.

เพรโด่แนพู๊ เต๊เห่ 14:8 ပူးပေါင်းရင်းမြစ်များ

เพรโด่แนพู๊ เต๊เห่ 3:2

ꤚꤣꤧ꤬ ꤢꤨ꤭ ꤡꤢꤪ꤭ꤟꤢꤧ꤭ ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤘꤣ ꤢ꤬ ꤗ꤫ꤥ꤬ꤟꤢꤪꤊꤢꤨ꤭ ꤒꤣ꤬ꤖꤚꤢꤩ꤬ ꤚꤣꤧ꤬ ꤢꤨ꤭ ꤟꤢꤧ꤭ ꤘꤢꤧ꤬ꤥ꤬ ꤢ꤬ ꤙꤣꤧ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤊꤣꤧ꤬ꤘꤢ꤭ ꤢ꤬ꤊꤢꤧ꤭ꤏꤢ ꤔꤣꤧ꤬꤯ ꤊꤣꤧ꤬ꤘꤢ꤭ ꤣꤧ꤭ꤔꤣꤧ꤬ ꤢꤨ꤭ ꤢꤩ ꤢ꤬ ꤔꤢꤧ “ꤊꤣꤧ꤬ꤘꤢ꤭ꤒꤝ꤫ꤢ꤬” ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤊꤝꤤ꤭ꤔ꤫ꤤ꤬ꤊꤣꤧ꤭ ꤚꤢꤦ꤭ ꤘꤣ ꤊꤣꤧ꤬ꤛꤢꤧ꤭ ꤟꤢꤧ꤭ꤔꤥ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤥ꤬ ꤚꤣꤧ꤬ ꤕꤝꤢ꤭ꤔꤣꤧ꤭ꤔꤣꤧ꤭ ꤢꤨ꤭ ꤡꤢꤪ꤭ꤟꤢꤧ꤭ ꤘꤢꤧ꤬ꤥ꤬ ꤜꤢꤨ꤭ ꤙꤣꤧꤔꤣꤧ꤬꤯

เพรโด่แนพู๊ เต๊เห่ 4:9

ꤘꤣ ꤕꤢꤩ꤬ ꤗꤢꤩ꤬ꤚꤢꤧ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤣꤧ꤭ꤒꤣ꤬ꤔꤣꤧ꤭ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ꤡꤢꤩ꤭ ꤞꤤ꤭ꤘꤣꤧꤟꤣꤧ꤭ ꤕꤢꤩ꤬ ꤟꤢꤨꤔꤣꤧ꤬ ꤟꤢꤧ꤭? ꤕꤢꤩ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ꤊꤢ꤬ ꤜꤢꤨ꤭ ꤟꤢꤨꤒꤢꤩ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤛ꤫ꤢꤦ꤬ ꤞꤤꤑꤢꤩ꤭ ꤟꤢꤧ꤭?

ꤛꤥ꤭ꤟꤢ꤬ 5:7

ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤙꤢꤧ꤬ꤡꤢꤩ꤬ ꤔꤢꤧ, “ꤙꤢꤧ꤬ꤡꤢꤩ꤬꤮, ꤙꤣꤧ ꤢꤨ꤭ ꤗꤢꤩ꤬ ꤊꤣꤧ꤬ꤛꤥ꤭ ꤓꤣꤧ꤭ꤢꤪ꤬ ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤡꤢꤪ꤭ꤔꤥ꤭ ꤠꤢꤧ꤭ ꤘꤣ ꤓꤣꤧ꤭ꤢꤪ꤬ ꤢ꤬ꤊꤢꤨ꤭ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤚꤣꤧ꤬ ꤙꤣꤧ ꤠꤢꤧ꤭ ꤢꤧꤡꤢꤦ ꤡꤝꤢꤔꤥ꤭ ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤡꤝꤢꤔꤥ꤭ꤖꤢꤩ꤬ ꤚ꤫ꤣꤧ꤬ꤊꤢꤧ꤭ ꤟꤣꤧ ꤠꤢꤧ꤭꤯”

เพรโด่แนพู๊ เต๊เห่ 14:6

ꤙꤣꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ꤟꤣꤧ ꤔꤢꤧ ꤢꤨ꤭ ꤒꤣꤧ꤬ꤔꤢꤩ꤬ ꤋꤚꤢꤩ꤬ꤗꤢꤩ꤬ꤗꤢꤨꤗ꤫ꤢꤧ꤬ ꤟꤣꤧ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤓꤢꤩ꤬ꤊꤜꤢꤧ꤬ ꤡꤝꤢꤊꤢꤧ꤭ ꤘꤣ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤔꤢꤧ ꤠꤤ꤭ꤘꤢꤩ꤬ꤙꤢꤩ꤬ ꤘꤣ ꤢ꤬ ꤥ꤬ ꤘꤣ ꤜꤢꤨꤊꤢꤪ꤬ꤔꤤ꤬ꤊ꤫ꤢꤩ꤬ ꤢ꤬ ꤒꤢꤩ꤬ꤕꤣꤢ꤬ꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤜ꤫ꤢꤩ꤬ꤥ꤬ ꤥ꤬ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤙꤣꤧꤔꤣꤧ꤬ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 14:21

ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤙꤣꤧ ꤠꤤ꤭ꤘꤢꤩ꤬ꤙꤢꤩ꤬ ꤢ꤬ꤊꤢꤨ꤭ ꤔꤣꤧ꤬, ꤚꤣꤧ꤬ ꤢꤨ꤭ ꤓꤝꤢ꤭ꤓꤢꤧ꤬ ꤢꤩꤜꤥ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬꤯ ꤓꤥ꤭ꤚꤣꤧ꤬ ꤘꤣꤋꤛꤢ꤭ꤔꤣꤧ꤬, ꤛꤢꤩ꤬ꤞꤤ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤔꤢꤧ ꤠꤤ꤭ꤤꤊꤢ꤬ꤔꤤ꤬ ꤔꤢꤧ ꤠꤤ꤭ꤢ꤬ꤒꤤ꤬ꤢꤪ꤬ ꤘꤣ ꤢ꤬ ꤥ꤬ ꤘꤣ ꤕꤤ꤬ꤎꤤ꤬ꤘꤤꤛꤢ꤬ ꤊ꤫ꤢꤩ꤬ꤊꤢꤨ꤭ꤔꤣꤧ꤬ ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 16:1

ꤋꤢꤨ꤭ꤕꤢꤪꤜꤢꤨ ꤡꤝꤢ ꤟꤢꤧ꤭ꤑꤢꤩ꤭ ꤕ꤫ꤥ꤬ ꤘꤣ ꤑꤢꤩ꤭ ꤚꤣꤧ꤬ ꤢ꤬ ꤡꤝꤢꤒ꤫ꤥ꤬ ꤘꤣ ꤠꤤ꤭ꤘꤢꤩ꤬ꤙꤢꤩ꤬ ꤔꤢꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬꤯ ꤙꤣꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤢ꤬ꤊꤢꤨ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤥ꤬ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬꤯ ꤚꤣꤧ꤬ ꤢ꤬ꤗ꤫ꤥ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣ꤬ꤖꤚꤢꤩ꤬, ꤗꤢ꤬ꤔꤢꤧꤚꤣꤧ꤬ ꤢ꤬ꤖꤢꤩ꤭ ꤗꤢ꤬ ꤊꤚꤤꤗꤤ꤭ꤡꤣ꤬ꤖꤢꤨ ꤒꤣ꤬ꤖꤚꤢꤩ꤬꤯

ทิโมธี เนอบ่า ต๊าบ่า 3:11

ꤓꤥ꤭ꤚꤣꤧ꤬ ꤠꤢꤧ꤭ ꤋꤢꤧꤙꤢꤩ꤬ꤔꤢꤪ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤣꤧ꤭ꤔꤣꤧ꤬, ꤔꤢꤧ ꤠꤢꤧ꤭ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤠꤤ꤭ꤢ꤬ꤒꤤ꤬ꤢꤪ꤬, ꤠꤤ꤭ꤤꤊꤢ꤬ꤔꤤ꤬ ꤔꤢꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤢ꤬ꤊꤢꤨ꤭ ꤔꤣꤧ꤬ꤗꤢ꤬, ꤢ꤬ ꤗꤢꤩ꤬ꤋꤚꤢꤧ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤟꤢꤨꤒꤢꤩ꤭ꤔꤣꤧ꤬ ꤔꤢꤧ꤬ ꤞꤤꤑꤢꤩ꤭ ꤓꤥ꤭ꤘꤢꤦ꤬ꤟꤣꤧ꤯ ꤠꤢꤧ꤭ ꤋꤢꤧꤙꤢꤩ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤒꤣꤧ꤬ꤘꤢꤦꤚꤣꤧ꤬ ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤙꤢꤧ꤬ꤡꤢꤩ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤠꤢꤧ꤭ ꤖꤢꤧ꤯