ยอห์น โซบ่า ต๊าบ่า 1:10 - Eastern Kayah Shadaw Dialect

¹⁰ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ ꤕꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩꤜꤥ꤭ꤓꤢꤧ꤬ ꤕ꤫ꤢꤩ꤬ ꤞꤤ꤭ ꤔꤢꤧ ꤜꤢꤪ꤭ ꤢ꤬ ꤗꤢꤩ꤬ꤞꤢꤦ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤘꤢꤧ ꤕꤢꤩ꤬ꤛ꤫ꤢꤧ꤬ꤛꤥ꤬ ꤚꤣꤧ꤬ ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤢꤩ꤬, ꤓꤥ꤭ꤒꤥ꤬ ꤙꤣꤧ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ ꤟꤢꤧ꤭ꤒ꤫ꤥ꤬ ꤡꤝꤢꤒ꤫ꤥ꤬ꤊꤣꤧ꤭ ꤢ꤬ ꤢ꤬ꤋꤢꤩ꤭ ꤔꤣꤧ꤬ ꤢ꤬ ꤢꤩꤏꤢꤦ꤬ ꤊꤣꤧ꤭ ꤛꤢꤩ꤬ꤞꤤ꤭ ꤒꤥ꤬꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤛ꤫ꤢꤦ꤬ ꤢꤩꤏꤢꤦ꤬ ꤕ꤫ꤥ꤬ꤠ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤗꤢꤩ꤬ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤚꤣꤧ꤬ ꤢ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤢꤨ꤭ ꤘꤣ ꤛꤢꤩ꤬ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ꤊꤜꤢꤪ꤭ ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁰ ฮู๊เนอ อาขว่าอาคยา, ช๋า แว แฮโต่ ปา เร๊อ แว เก่ เฮ๊โลแถ่ เป่ ซี เน๊อ ล๋อ อา เมซื๊อ โทเฮ๊อ เนอเต๊เห่ ปา. อา แด๊ เปแหย่โย เร๊อ อา เฮ๊ มู๊แหม่รีแจ่ เป, โท๊โต่ เบ๊อะโป่แหว่ เต๊เห่ แฮโต่ จว๊าโต่เกอ อา เบ๊อะ เบ๊อะเนอ, อา เอ๊ฉื่อ เกอ เหย่ซี โต่. โท๊โต่ แกแย เด๊อ อา ซิหยื่อ เอ๊ฉื่อ โป่แหว่ เออเต๊เห่เนอ อา เมดู๊แด ตาตือ เร๊อ อา เหว่เถ่แก อู เด๊อ เหย่ซี เพรหยื่อเอ่ตู๊หมู่ตอกล๊อ อากลอ เจ๊อ.

ยอห์น โซบ่า ต๊าบ่า 1:10 ပူးပေါင်းရင်းမြစ်များ

โครินธ์ เนอบ่า ต๊าบ่า 13:2

ꤙꤣꤧ ꤠꤢꤧ꤭ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤔꤣꤧ꤭ꤖꤥꤒꤣ꤬ꤖꤥ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤘꤣꤧꤚꤢꤪ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦꤒꤢꤩ꤬ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤥ꤬ꤒꤣꤧ꤬ꤖꤢ꤭ꤛꤢ꤬ ꤔꤢꤧ ꤞꤤ꤭ ꤚꤣꤧ꤬ ꤠꤢꤧ꤭ ꤘꤣꤧꤚꤢꤪ꤬ ꤋꤛꤢ꤭ꤞꤢꤧ ꤞꤤ꤭꤯ ꤚꤣꤧ꤬ ꤏꤢ꤮ ꤠꤢꤧ꤭ ꤟꤢꤧ꤭ ꤋꤛꤢ꤭ꤞꤢꤧ ꤣꤧ꤭ꤒꤣ꤬ꤖꤥ꤬ ꤕꤢ꤭ꤔꤣꤧ꤬ ꤠꤢꤧ꤭ ꤔꤢꤩꤜꤢ ꤞꤤꤜꤥ꤭ꤞꤤꤛꤢꤪ꤬ ꤚꤣꤧꤘꤢꤦ꤬ ꤕꤢ꤬ꤔꤢꤧ꤭ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤟꤣꤧ꤯

ꤜꤢꤨꤊꤢ꤬ 6:22

ꤞꤤ꤭ ꤜꤢ꤭ ꤛ꤫ꤢꤦ꤬ꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤚꤣꤧ꤬ ꤢꤨ꤭ ꤞꤤꤓꤢꤩ꤬ ꤞꤤ꤭, ꤢꤨ꤭ ꤢꤩꤗꤥ꤬ꤏꤢꤦ꤬ ꤞꤤ꤭ ꤒꤥ꤬, ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯

ยอห์น โซบ่า ต๊าบ่า 1:5

ꤠꤢꤧ꤭ ꤋꤥ꤭ꤙꤢꤧꤞꤝꤢ ꤗꤥ꤬, ꤔꤢꤧ꤬ ꤞꤤꤕꤜꤢꤪ꤬ꤡꤢꤪ ꤔꤢꤧ꤬ꤡꤣꤧ ꤔꤢꤧ ꤒꤢꤩ꤬ꤗꤢꤩ꤬ ꤘꤣ ꤔꤢꤧ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤗꤢ꤬ ꤞꤤꤖꤚ꤫ꤢꤩ꤬ ꤘꤣ ꤔꤢꤧ꤬ ꤞꤤꤑꤢꤩ꤭ꤔꤢꤪ ꤜꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭꤯

ꤛꤥ꤭ꤟꤢ꤬ 9:22

ꤙꤣꤧꤔꤣꤧ꤬ꤋꤢꤩ꤭ ꤔꤣꤧ꤬, ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ ꤔꤥ꤭ꤊꤢꤨ꤭ ꤜꤢꤪ꤭ ꤜꤢꤨ꤭ ꤔꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤢ꤭ꤟꤢꤩꤟꤣꤧ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤗꤢꤩ꤬ꤏꤤꤛꤢ꤬ ꤟꤢꤩꤔꤣꤧ꤬ꤗꤢ꤬, ꤛꤢꤩ꤬ꤞꤤ꤭ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤡꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤟꤢꤨꤔꤣꤧ꤬ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤜꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ꤗ꤫ꤥ꤬ꤢ꤬ꤖꤢꤩ꤭ ꤒꤣꤧ꤬ꤟꤢꤩ꤬ ꤞꤤꤤ꤬ꤏꤢꤩ꤭ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤚꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤞꤤꤑꤢꤩ꤭ꤊꤣꤧ꤭ ꤒꤥ꤬, ꤢ꤬ ꤟꤢꤩ ꤟꤢꤨꤔꤣꤧ꤬ ꤖꤢꤧ꤯

เพรโด่แนพู๊ เต๊เห่ 1:15

ꤒꤣ꤬ꤔꤣꤧ꤭ꤋꤢꤩ꤭ꤔꤣ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤖꤢꤦ꤬꤮ ꤥ꤬ ꤢ꤬ꤖꤚꤢꤩ꤬ ꤒꤣ꤬ꤛꤢꤩ꤬ꤔꤣꤧ꤭ꤏꤣꤧ꤭ ꤣꤧ꤭ꤔꤣꤧ꤬ ꤢ꤬ ꤟꤢꤧ꤭ ꤥ꤬ꤊꤢꤨꤥ꤬ꤊꤢꤧ ꤜꤢꤨ꤭꤯

ꤊꤢ꤬ꤜꤢ꤬ꤒꤤ 6:10

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤙꤣꤧ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤚꤢꤧ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ ꤗꤢꤩ꤬ꤚꤢꤧ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤩ꤬ꤒꤢꤩ꤬ꤚꤢꤧꤔꤣꤧ꤬ ꤗꤢꤧꤘꤢꤨ꤬ꤚ꤫ꤣꤧ꤬ꤜꤣ ꤋꤥ ꤕ꤫ꤢꤩ꤬ꤘꤢꤦ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 5:13

ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ, ꤗꤢꤩ꤬ꤜꤢꤪ꤭ ꤏꤣꤧꤋꤢꤩ꤭, ꤚꤣꤧ꤬ ꤡꤝꤢꤜꤢꤩ꤭ ꤓꤢꤧ꤬ꤟꤤ꤬ ꤒꤣ꤬ꤗꤢꤩ꤭ ꤓꤥ꤭ ꤒꤣ꤬ꤗꤢꤩ꤭꤯ ꤒꤢꤦ ꤢ꤬ ꤒꤣꤧ꤬ꤊꤜꤢꤩ꤭ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤛꤢꤩ꤬ꤞꤤ꤭ ꤥ꤬ꤊꤥ꤭ ꤘꤢꤧꤢꤨ꤭ꤛ꤫ꤢꤧ꤬ꤛꤥ꤬, ꤕꤥꤢꤨ꤭ꤗꤝꤤ꤭, ꤔꤥ꤭ꤗꤢꤩ꤬ꤞꤢꤨꤞꤢ ꤘꤤꤘꤢꤧ꤭ ꤒ꤫ꤥ꤬ꤊꤣꤧ꤭ ꤘꤣ ꤢꤨ꤭ꤚꤥ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤢ꤬ꤊꤢꤨ꤭ ꤚꤣꤧ꤬ ꤟꤢꤩꤙꤢꤩ꤬ ꤍ꤫ꤥ꤬ ꤘꤣ ꤢ꤬ ꤊꤢꤪ꤬ ꤟꤢꤩꤒꤥ꤬ ꤒꤣꤧ꤬ꤟꤢꤩ꤬꤯

ยอห์น เนอบ่า ต๊าบ่า 1:10

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤟꤢꤧ꤭ ꤘꤣ ꤞꤤ꤭ ꤥ꤬ ꤟꤢꤩꤚꤣꤧ꤬ ꤢ꤬ ꤊꤢꤩ꤬ ꤖꤛꤢꤟꤢꤧ꤭ꤔ꤫ꤤ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬ ꤟꤢꤩꤔꤣꤧ꤬, ꤢꤩꤏꤢꤦ꤬ ꤒ꤫ꤢꤧ꤬ ꤢ꤬ ꤘꤣ ꤞꤤ꤭ ꤟꤤ꤬ꤘꤢꤪꤊꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ “ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭ ꤊ꤫ꤢꤦ꤬ ꤥ꤬ꤘꤢꤦ꤬ ꤔꤢꤧ ꤔꤢꤧ꤬ ꤔꤤ꤮,” ꤟꤢꤩꤏꤢꤦ꤬ ꤒ꤫ꤢꤧ꤬ ꤢ꤬ ꤟꤢꤨꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤗꤢꤩ꤬꤯

ยอห์น เนอบ่า ต๊าบ่า 1:12

ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤏꤥ꤬ ꤕ꤫ꤢꤩ꤬ ꤢꤩꤜꤥ꤬ ꤕꤢ꤬ ꤞꤤ꤭ ꤍ꤫ꤥ꤬ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤚꤢ꤭ ꤢ꤬ ꤔꤢꤧ ꤡꤢꤩ꤬ꤙꤢ꤬ ꤔꤢꤧ ꤜꤤ꤬ꤙꤥ꤭ꤓꤣꤧ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ ꤜꤣꤜꤣꤙꤢ꤭ꤙꤢ꤭ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤗꤢꤧꤏꤢꤦ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤘꤣ ꤞꤤ꤭ ꤥ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤟꤢꤩꤙꤢꤩ꤬ ꤋꤛꤢ꤭ꤞꤢꤧꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤢ꤭꤯

ยอห์น โซบ่า ต๊าบ่า 1:3

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤒꤣꤧ꤬ꤟꤢꤩ꤬ ꤟꤢꤧ꤭ꤒ꤫ꤥ꤬ꤊꤣꤧ꤭ ꤠꤢꤧ꤭ ꤢ꤬ꤋꤢꤩ꤭, ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤔꤢꤧ꤬ꤚꤤ꤬ꤔꤢꤧ꤬ꤊꤢꤧ꤭꤯ ꤚꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤠꤢꤧ꤭, ꤔꤢꤧ꤬ ꤞꤤꤕꤜꤢꤪ꤬ꤡꤢꤪ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤚꤣꤧ꤬ ꤔꤢꤧ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤊꤣꤧ꤭ ꤟꤢꤨꤔꤣꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤞꤤꤋꤚꤢꤦ꤭ ꤔꤢꤧ꤬ꤡꤣꤧ꤯