ทิโมธี เนอบ่า ต๊าบ่า 1:16 - Eastern Kayah Shadaw Dialect

¹⁶ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤋꤢꤨ꤭ꤢꤪꤔꤤꤎꤢ꤬ꤖꤚꤢꤨ ꤔꤢꤧ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤔꤢꤧ ꤊꤣꤧ꤬ꤛꤢꤧ꤭ ꤢ꤬ꤚꤥ꤬ ꤘꤣ ꤢ꤬ ꤥ꤬ꤊꤣꤧ꤭ ꤔꤢꤧ ꤢ꤬ ꤜꤢꤪ꤭꤮ ꤕꤜꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤋꤢꤨ꤭ꤢꤪꤔꤤꤎꤢ꤬ꤖꤚꤢꤨ ꤗꤢ꤬ ꤢ꤬ ꤗꤢꤩ꤬ꤗꤥ꤬ ꤋꤚꤢꤦ꤭ꤜꤢ꤭ ꤟꤣꤧ ꤠꤢꤧ꤭ ꤞꤤꤕꤜꤢꤪ꤬ ꤟꤣꤧ, ꤓꤥ꤭ꤚꤣꤧ꤬ ꤢꤨ꤭ ꤘꤢꤪꤔꤥ꤭ ꤡꤣꤧ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤢ꤬ ꤞꤤꤒꤣꤧ꤬ꤚꤢꤩ꤭ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁶ แบ่เจ่ จอแปแหร่ เก่ ซิยอ เร๊อดื่อ คูอ๊อนี๋ส่าพรู๊ เน๊อ อา หี่ด๊อหี่แพพู๊ เน๊อ แกแย อาโร เด๊อ อา โอ่เกอ เน๊อ อา ล๋อ ปลี เนอเต๊เห่ นี๋. เมเตเฮ๊เรอ, คูโอเนสิโฟรัส หม่า อา เมโม ครือลา เฮ๊อ แว ซิปล่อ เฮ๊อ, โทเรอ อู ด๊อโน เจ๊อ แว เด๊อ ทอกู หม่าแน๊เรอ เด๊อ แวขว่าแวคยา เร๊อ อา ซิเตเร โต่.

ทิโมธี เนอบ่า ต๊าบ่า 1:16 ပူးပေါင်းရင်းမြစ်များ

มัทธิว 25:17

ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤔ꤫ꤤ꤬ꤙꤢꤩ꤬ ꤓꤢꤩ꤭ ꤒꤣ꤬ꤊꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤡꤝꤢ ꤗꤢꤩ꤬ꤊ꤫ꤢꤦ꤬ꤓꤢꤩ꤬ ꤢꤩꤓꤢꤧ꤬ꤜꤣ ꤕ꤫ꤥ꤬ ꤔꤣꤧ꤭ꤡꤝ꤫ꤢꤩ꤬꤯

มัทธิว 5:7

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤛꤢꤪ꤬ꤊꤜꤢ꤬ꤙꤢꤩ꤬ꤚꤣꤧ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤞꤤꤛꤢꤪ꤬ ꤏꤢꤦ꤬ꤜꤢ꤭ꤒꤢꤩ꤬ ꤛꤢꤩ꤬ꤞꤤ꤭ ꤕꤢ꤭꤯

เพรโด่แนพู๊ เต๊เห่ 21:33

ꤊꤜꤣꤧ꤭ꤒꤣ꤬ꤚꤤ ꤢ꤬ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤧ꤭ꤒꤥ꤭ ꤘꤣ ꤋꤢꤨ꤭ꤕꤢꤪꤜꤢꤨ ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤕ꤫ꤢꤦ꤬ ꤋꤢꤨ꤭ꤕꤢꤪꤜꤢꤨ꤯ ꤚꤣꤧ꤬ ꤢ꤬ ꤟꤢꤩꤒꤢ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤔꤢꤪ꤭ꤕ꤫ꤢꤦ꤬ ꤡꤢꤪ꤭ꤊꤜꤢꤪ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤔꤣꤧ꤭ꤙꤥ꤭꤯ ꤓꤥ꤭ꤚꤣꤧ꤬ ꤢ꤬ ꤘꤣꤧꤟꤣꤧ꤭ ꤢꤨ꤭ ꤔꤢꤧ, “ꤢ꤬ ꤗꤢ꤬ ꤢꤨ꤭ꤕꤢꤩ꤭? ꤢ꤬ ꤡꤝꤢꤗꤢꤩ꤬ ꤋꤚꤢꤧ꤮ ꤤ꤭ꤒꤢꤩ꤭ꤒꤢꤩ꤭?”

เพรโด่แนพู๊ เต๊เห่ 28:20

ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤠꤢꤧ꤭ ꤊꤝꤤ꤭ ꤊꤣꤧ꤭ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤗꤢꤧꤓ꤫ꤣꤧ꤬ ꤟꤢꤩꤙꤢꤩ꤬ꤊꤣꤧ꤭ ꤒꤢꤩ꤬ ꤔꤢꤧ ꤞꤤ꤭꤯ ꤊꤢꤩ꤬ꤟꤢꤩꤔꤤꤔꤢꤧ꤬ꤗꤢ꤬ ꤘꤣ ꤞꤤ꤭ ꤗ꤫ꤢ꤬ꤟꤣꤧ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤧꤏꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤙꤢꤩ꤬ ꤡꤢꤪ꤭ꤊꤜꤢꤪ꤬ꤗꤢ꤬ꤊꤢꤧ꤭ ꤠꤢꤧ꤭ ꤔꤢꤧ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤣꤧ꤭ ꤟꤣꤧ꤯”

โครินธ์ อาเหร่อเล๊อ ต๊าบ่า 16:18

ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤞꤤ꤭ ꤔꤣꤧ꤬, ꤛꤢꤩ꤬ꤞꤤ꤭ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ ꤠꤢꤧ꤭꤯ ꤚꤣꤧ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯

เอเฟซัส 6:20

ꤘꤣ ꤋꤚꤤ ꤔꤝꤢꤓꤢꤧ꤬ ꤟꤣꤧ ꤠꤢꤧ꤭ ꤔꤢꤧ ꤢ꤬ ꤖꤚꤢꤩ꤬ꤟꤢꤩꤏꤥ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤒꤢ꤭ꤟꤣꤧ ꤘꤣ ꤢ꤬ꤕꤥ꤬ꤊꤢꤨ꤭ ꤟꤣꤧ꤯ ꤒꤢꤩ꤬ ꤘꤣ ꤠꤢꤧ꤭ ꤒꤥ꤭ꤙꤢꤩ꤬ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤘꤥ꤬ꤔꤢꤧ꤭ ꤟꤢ꤭ꤟꤢ꤭ ꤕ꤫ꤢꤩ꤬ ꤢꤨ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ꤊꤣꤧ꤭ ꤘꤣ ꤠꤢꤧ꤭ꤑꤢꤩ꤭ ꤔꤤ꤮꤯

ทิโมธี เนอบ่า ต๊าบ่า 1:12

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤘꤣ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤋꤢꤧꤙꤢꤩ꤬ꤟꤣꤧ ꤒꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤒꤣꤧ꤬ꤚꤢꤩ꤭ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤞꤤꤑꤢꤩ꤭ꤟꤣꤧ ꤖꤚꤢꤩ꤬ ꤘꤣ ꤠꤢꤧ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ, ꤓꤥ꤭ꤚꤣꤧ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬ꤟꤣꤧ ꤔꤢꤧ ꤒꤢꤩ꤬ ꤘꤣ ꤢ꤬ ꤘꤣꤧꤜꤢꤧ꤬ ꤘꤣ ꤠꤢꤧ꤭ ꤊꤢꤨꤛꤢ꤭ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤕ꤫ꤢꤪ꤬ꤗꤢ꤬ ꤒ꤫ꤥ꤬ ꤚꤣꤧꤘꤢꤦ꤬ ꤘꤣ ꤗ꤫ꤢꤪ꤬ꤔꤣꤧ꤭ ꤒꤣꤧ꤬ꤘꤢꤦ꤬ꤕꤢ꤭ ꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭꤯

ทิโมธี เนอบ่า ต๊าบ่า 1:17

ꤙꤣꤧ ꤢ꤬ ꤟꤢꤧ꤭ꤒ꤫ꤥ꤬ ꤘꤣ ꤠꤤ꤭ꤚꤥꤗꤢꤩ꤬ ꤢ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤓꤢꤨ꤮ ꤢ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤢ꤬ ꤒꤣꤧ꤬ꤔꤢꤩ꤬ ꤚꤣꤧ꤬ ꤢ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤗꤢꤧꤕꤢꤨ꤭ ꤒꤣꤧ꤬ꤘꤢꤦ꤬ ꤡꤣꤧ ꤠꤢꤧ꤭ ꤡꤣꤧ꤯

ทิโมธี เนอบ่า ต๊าบ่า 1:18

ꤙꤢꤧ꤬ꤡꤢꤩ꤬ ꤟꤢꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤒꤣ꤬ꤔꤣꤧ꤭ ꤕꤢ꤭ꤔꤣꤧ꤬ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧ ꤗꤢꤧꤓ꤫ꤣꤧ꤬ ꤘꤢꤦ꤬ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤞꤤꤛꤢꤪ꤬ ꤕꤢ꤭ꤔꤤ꤮꤯ ꤢ꤬ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤘꤣ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤙꤢ꤮ ꤒꤢꤩ꤭ ꤔꤣꤧ꤬, ꤔꤢꤧ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤘꤢꤦ꤬ꤟꤣꤧ꤯

ทิโมธี เนอบ่า ต๊าบ่า 1:8

ꤟꤢꤨꤔꤣꤧ꤬ꤚꤣꤧ꤬, ꤔꤢꤧ꤬ ꤊ꤫ꤢꤦ꤬ꤚꤢꤩ꤭ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤞꤤꤒꤣꤧ꤬ꤚꤢꤩ꤭ ꤒ꤫ꤢꤧ꤬ꤗꤢꤩ꤬, ꤘꤣ ꤙꤢꤧ꤬ꤡꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤣꤧ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤞꤤꤒꤣꤧ꤬ꤚꤢꤩ꤭ ꤒ꤫ꤢꤧ꤬ꤗꤢꤩ꤬ꤗꤢꤩ꤬꤯ ꤗ꤫ꤢ꤬ꤟꤢꤩꤗꤢ꤬ ꤋꤢꤧꤚ꤫ꤥ꤬ꤊꤣꤧ꤭ ꤒꤢꤩ꤬ꤏꤥ꤭ꤖꤢꤏꤥ꤭ꤚꤢꤧ꤬ ꤔꤢꤧ ꤠꤢꤧ꤭ ꤘꤣ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤑꤢꤩ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤔꤢꤧ꤬ ꤒꤢꤩ꤬ꤟꤢꤧ꤭ꤒꤢꤩ꤬ꤚꤢꤩ꤬ ꤔꤣꤧ꤬꤯

ทิโมธี เนอบ่า ต๊าบ่า 4:19

ꤠꤢꤧ꤭ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ ꤠꤢꤧ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤗ꤫ꤥ꤬ꤖꤚꤤ꤬ꤎꤤꤜꤢ꤬, ꤖꤢꤩ꤭ꤢ꤬ꤊꤢꤨꤜꤢ ꤔꤢꤧ ꤋꤢꤨ꤭ꤢꤪꤔꤤꤎꤢ꤬ꤖꤚꤢꤨ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯

ฟีเลโมน 1:20

ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤋꤢꤨ꤭ꤖꤤꤜꤢ꤬ꤗꤥ꤬꤮ ꤕꤢꤩ꤬ ꤜꤢ꤭ ꤛ꤫ꤢꤦ꤬ꤢꤩ꤬ꤚꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤧꤞꤤꤘꤥ꤭ ꤗꤢꤩ꤬ꤙꤝꤤꤗꤢꤩ꤬ꤒꤣꤧ꤬ꤚꤣꤧ꤭ ꤕ꤫ꤢꤩ꤬ꤚꤣꤧ ꤠꤢꤧ꤭ ꤣꤧ꤭ꤒꤣ꤬ꤡꤣ꤬ ꤔꤤ꤮꤯ ꤋꤢꤧꤞꤤꤘꤥ꤭ ꤗꤢꤩ꤬ꤗꤥ꤬ꤓꤢꤧ꤬ ꤊꤣꤧ꤭ꤚꤣꤧ ꤠꤢꤧ꤭ ꤞꤤꤕꤜꤢꤪ꤬ ꤘꤣ ꤋꤚꤤ ꤢ꤬ꤊꤢꤨ꤭ ꤔꤤ꤮꤯

ฟีเลโมน 1:7

ꤋꤥ꤭ꤙꤢꤧꤞꤝꤢ ꤗꤥ꤬, ꤔꤢꤧ꤬ ꤒꤢꤩ꤬ꤗꤥ꤬ ꤔꤣꤧ꤬, ꤢ꤬ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧ ꤏꤢꤪ꤭ꤓꤢꤧ꤬ ꤔꤢꤧ꤬ꤡꤣꤧ ꤠꤢꤧ꤭ꤟꤢꤧ꤭ꤠꤢꤧ꤭ꤚꤢꤩ꤬꤯ ꤘꤣ ꤗꤢ꤬ꤒꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤟꤢꤩꤚꤣꤧ꤬ ꤔꤢꤧ꤬ ꤗꤢꤩ꤬ꤗꤥ꤬ ꤓꤥ꤭ꤟꤣꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤞꤤꤕꤜꤢꤪ꤬ ꤟꤣꤧ꤯

ꤟꤤꤙꤚꤢꤨ 10:34

ꤞꤤ꤭ ꤞꤤꤛꤢꤪ꤬ꤚꤣꤧ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤘꤢꤪꤒꤢ꤭ ꤜꤢꤨ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢꤨ꤭ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤕ꤫ꤢꤦ꤬ꤖꤢꤩ꤬ ꤡꤝꤢꤊꤢꤧ꤭ ꤜꤢꤪ꤭ ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬, ꤞꤤ꤭ ꤘꤢꤧ꤬ ꤞꤤꤋꤚꤢꤦ꤭ ꤜꤢ꤭ꤋꤢꤧ꤭ ꤖꤢꤧ ꤞꤤ꤭ ꤞꤤꤕꤜꤢꤪ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤢ꤬ꤚꤢꤧꤜꤣ ꤚꤣꤧ꤬ ꤢ꤬ ꤥ꤬ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ ꤥ꤬ ꤢꤩꤜꤥ꤬ꤕꤢ꤬ ꤘꤣ ꤗꤢꤪꤋꤢꤨ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤖꤢꤧ,

ꤟꤤꤙꤚꤢꤨ 6:10

ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ ꤗꤢꤩ꤬ ꤒꤢꤩ꤬ꤡꤢꤪ ꤖꤢꤧ꤯ ꤒꤢꤩ꤬ꤗꤢꤩ꤬ꤚꤢꤧ ꤘꤣ ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤏꤥ꤭ꤒꤣꤧ꤬ꤕꤢ꤬ ꤒꤥ꤬꤯ ꤒꤢꤩ꤬ꤗꤥ꤬ ꤘꤣ ꤞꤤ꤭ ꤘꤣꤧꤜꤥ꤭ ꤓꤥ꤭ꤟꤣꤧ ꤘꤣ ꤜꤢꤨ꤭ꤑꤢꤩ꤭ ꤔꤢꤧ ꤞꤤ꤭ ꤗꤢꤩ꤬ꤡꤝ꤫ꤢ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤤ꤭ ꤗꤢꤩ꤬ꤡꤝ꤫ꤢ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬ ꤢ꤬ ꤏꤥ꤭ꤒꤣꤧ꤬ꤕꤢ꤬ ꤕ꤫ꤢꤩ꤬ꤒꤥ꤬꤯