เธสะโลนิกา เนอบ่า ต๊าบ่า 3:8 - Eastern Kayah Shadaw Dialect

⁸ ꤢꤨ꤭ ꤜꤢꤪ꤭ꤊꤢꤧ꤭ ꤕ꤫ꤢꤩ꤬ꤔꤢꤪ ꤔꤢꤧ ꤕꤢꤩ꤬ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤢ꤬ꤑꤢꤩ꤭ ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒ꤫ꤢꤧ꤬ ꤒꤢꤩ꤬ꤠꤤꤒꤢꤩ꤬ꤛꤢꤧ ꤘꤣ ꤞꤤ꤭ꤑꤢꤩ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤕꤢꤩ꤬ ꤢꤧꤡꤢꤦꤢꤩ꤬ ꤢꤧꤡꤢꤦꤚꤢꤧ꤬ ꤊꤣꤧ꤬ꤔꤥ꤮ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

⁸ อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

เธสะโลนิกา เนอบ่า ต๊าบ่า 3:8 ပူးပေါင်းရင်းမြစ်များ

มัทธิว 6:11

ꤘꤣꤧꤕ꤫ꤢꤩ꤬ ꤕꤢꤩ꤬ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤘꤣ ꤕꤢꤩ꤬ ꤜ꤫ꤥ꤬ꤙꤢꤩ꤬ ꤢ꤬ ꤣꤧ꤭ꤒꤣ꤬ꤔꤣꤧ꤭ ꤢ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤕꤢꤩ꤬ ꤢꤩ꤬ꤚꤢꤧ꤬ꤋꤚꤢꤦ꤭ ꤔꤢꤧ꤬ꤡꤣꤧ ꤒꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤊꤜꤢꤩ ꤒꤥ꤭ꤗꤢꤕꤢ꤬ ꤖꤢꤧ꤯ ꤙꤣꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤙꤥ꤬ꤢꤩ꤬ ꤚꤣꤧꤘꤢꤦ꤬ ꤕꤢꤩ꤬ ꤟꤢꤪꤊꤢꤨ꤭ꤏꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤓꤥ꤬ꤗꤢꤩ꤬ꤛꤢ ꤒ꤫ꤢꤧ꤬ ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤕꤢꤩ꤬ ꤚꤢꤧ꤬ꤒꤢꤩ꤬ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

เพรโด่แนพู๊ เต๊เห่ 18:3

ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤙꤣꤧꤔꤣꤧ꤬꤯ ꤚꤣꤧ꤬ ꤢ꤬ ꤗꤢꤩ꤬ꤚ꤫ꤥ꤬ꤊꤣꤧ꤭ ꤒꤢꤩ꤬ ꤔꤢꤧ ꤛꤢꤩ꤬ꤞꤤ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤢꤨ꤭ꤕꤢꤪꤜꤢꤨꤔꤣꤧ꤬ ꤢ꤬ ꤙꤥ꤬ꤢꤩ꤬ꤚꤣꤧ ꤖꤢꤧ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤔꤢꤧ ꤢ꤬ ꤗꤢꤩ꤬ ꤜ꤫ꤢꤩ꤬ꤞꤢꤦ꤬ꤤ꤬ꤊꤢꤩ꤭ ꤞꤢꤧꤔꤢꤧ ꤗꤢꤩ꤭ ꤔꤢꤧ ꤠꤢꤩ꤬ ꤞꤤꤔꤣꤧ꤭ꤣꤧ꤭ ꤗꤢꤩ꤬ꤣꤧ꤭ꤔꤣꤧ꤬ ꤖꤢꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:11

ꤢꤧꤡꤢꤦ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤥ꤭ꤊꤜꤢꤩ꤭ ꤖꤚꤢꤩ꤭ꤘꤢꤦ꤭ ꤜꤢ꤭ꤋꤢꤧ꤭ ꤔꤢꤧ ꤢꤨ꤭ ꤘꤣ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤊꤢꤨ꤭ ꤔꤤ꤮꤯ ꤔꤢꤧ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤝꤢꤔꤥ꤭ ꤗꤢꤩ꤬ꤞꤢꤨꤞꤢ ꤊꤣꤧ꤭ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤟꤢꤨ ꤕꤢꤩ꤬ ꤟꤢꤩꤏꤥ꤬ ꤓꤥ꤭ꤟꤣꤧ ꤞꤤ꤭ ꤔꤣꤧ꤬, ꤗꤢꤧꤕꤢꤨ꤭ꤢꤩ꤬ꤗꤢꤧꤕꤢꤨ꤭ꤚꤢꤧ꤬ ꤚꤣꤧ꤬ ꤙꤥ꤬ꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯

เอเฟซัส 4:28

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤢꤩ꤬ꤟꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢꤩ꤬ꤟꤥ꤬ ꤟꤢꤧ꤭ꤑꤢꤩ꤭ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤛ꤫ꤢꤨ꤬ꤢꤩ꤬ꤛ꤫ꤢꤨ꤬ꤥ꤭ ꤙꤢꤩꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤋꤚꤢꤦ꤭ꤢꤩ꤬ꤋꤚꤢꤦ꤭ꤚꤢꤧ꤬ ꤚꤣꤧꤊꤣꤧ꤭ꤘꤢꤦ꤬ ꤒꤢꤩ꤬ꤚꤢꤧ꤬ ꤘꤣ ꤢ꤬ ꤡꤢꤪꤡꤢꤦ ꤒꤣꤧ꤬ꤟꤢꤩ꤬꤯

โครินธ์ อาเหร่อเล๊อ ต๊าบ่า 4:12

ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤢꤩ꤬ꤔꤢꤪꤥ꤭ꤔ꤫ꤤ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤢꤩ꤬ꤚꤢꤧ꤬ ꤘꤢꤦ꤬ꤑꤢꤩ꤭ ꤒꤢꤩ꤬꤯ ꤙꤣꤧ ꤢꤨ꤭ ꤤ꤬ꤏꤢꤪ꤭ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤏꤢꤪ꤭ꤚꤤ꤬ ꤊꤢ꤬ꤋꤛꤢ꤭ꤏꤢꤦ꤬ ꤢꤨ꤭꤯ ꤙꤣꤧ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤏꤢꤦ꤬ ꤖꤢꤧ ꤢꤨ꤭ ꤖꤢꤧ꤯

เธสะโลนิกา เนอบ่า ต๊าบ่า 3:12

ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭, ꤕꤢꤩ꤬ ꤗ꤫ꤢ꤬ꤊꤢꤧ꤭ ꤕꤢꤩ꤬ꤍ꤫ꤥ꤬ ꤣꤧ꤭ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤊꤣꤧ꤭ꤢꤨ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ꤢꤩ꤬ꤊ꤫ꤢꤦ꤬ꤚꤢꤧ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤙꤥ꤬ꤢꤩ꤬ꤜꤢꤧ꤬ ꤚꤣꤧꤘꤢꤦ꤬ꤊꤣꤧ꤭ ꤜꤢ꤭ꤋꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤏꤝꤢ꤬ꤟꤢꤩꤏꤢꤪ꤭ꤊꤢꤧ꤭ ꤔꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

โครินธ์ เนอบ่า ต๊าบ่า 11:9

ꤙꤣꤧ ꤠꤢꤧ꤭ ꤥ꤬ꤊꤣꤧ꤭ ꤔꤢꤧ ꤞꤤ꤭ ꤢ꤬ꤋꤢꤩ꤭, ꤠꤢꤧ꤭ ꤊꤢꤩ꤬ ꤜ꤫ꤥ꤬ꤚꤢꤦ꤭ ꤟꤢꤩꤔꤣꤧ꤬, ꤠꤢꤧ꤭ ꤊꤝꤤ꤭ꤔꤢꤪ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤒꤢꤩ꤬ ꤘꤣ ꤠꤢꤧ꤭ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤢꤧ꤭ ꤗꤢꤩ꤬ꤡꤝ꤫ꤢ꤬ ꤜꤢꤪ꤭ꤕꤜꤤ꤭ ꤠꤢꤧ꤭ ꤖꤢꤧ꤯ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ꤗꤢ꤬ ꤠꤢꤧ꤭ ꤊꤝꤤ꤭ꤔꤢꤪ ꤔꤢꤧ ꤞꤤ꤭ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤒꤣ꤬ꤖꤥ꤮ ꤒꤥ꤬, ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤔꤣꤧ꤬ꤗꤢ꤬꤮ ꤠꤢꤧ꤭ ꤗꤢꤩ꤬ꤊ꤫ꤢꤨ꤬ꤗꤢꤩ꤬ꤊꤢꤧ꤭, ꤗꤢꤩ꤬ꤓꤥ꤬ꤗꤢꤩ꤬ꤛꤢ ꤔꤢꤧ ꤞꤤ꤭ ꤒꤥ꤬ꤒꤥ꤬꤯

เพรโด่แนพู๊ เต๊เห่ 20:34

ꤜꤢꤪ꤭ ꤒꤢꤩ꤬ ꤘꤣ ꤠꤢꤧ꤭ ꤔꤢꤧ ꤠꤢꤧ꤭ ꤋꤥ꤭ꤙꤢꤧꤞꤝꤢ ꤜ꤫ꤥ꤬ꤙꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤗꤢꤩ꤬ꤡꤝ꤫ꤢ꤬ ꤚꤣꤧꤘꤢꤦ꤬ ꤔꤢꤧ ꤠꤢꤧ꤭ꤔ꤫ꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤜꤢꤪ꤭ꤘꤢꤦ꤬ꤟꤣꤧ꤯

โครินธ์ อาเหร่อเล๊อ ต๊าบ่า 9:4

ꤠꤢꤧ꤭ ꤗꤢꤩ꤬ ꤒꤢꤩ꤬ꤗꤢꤩ꤬ꤣꤧ꤭ ꤚꤣꤧ꤬ ꤠꤢꤧ꤭ ꤒꤥ꤭ꤙꤢꤩ꤬ ꤔ꤫ꤤ꤬ꤙꤢꤩ꤬ ꤔꤢꤧ꤭ ꤢꤨ꤭ ꤒꤢꤩ꤬ꤙꤥ꤬ꤢꤩ꤬ꤙꤥ꤬ꤥ꤭ ꤠꤢꤧ꤭ ꤒꤥ꤬ ꤟꤢꤧ꤭?

โครินธ์ เนอบ่า ต๊าบ่า 11:27

ꤠꤢꤧ꤭ ꤙꤢꤩ꤬ ꤢꤩ꤬ꤚꤢꤧ꤬ ꤞꤤꤖꤚꤢꤞꤤꤒ꤫ꤥ꤬ ꤚꤣꤧ꤬ ꤠꤢꤧ꤭ ꤙꤢꤩ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤚꤢꤧ꤬ ꤜꤣꤧ꤬ꤘꤢꤧꤜꤣꤧ꤬ꤘꤢ꤭ ꤡꤣꤧ ꤠꤢꤧ꤭ꤔ꤫ꤢꤩ꤬꤯ ꤠꤢꤧ꤭ ꤥ꤬ꤗꤣꤧ꤭ꤔ꤫ꤤ꤬ ꤒꤥ꤬ ꤔꤣꤧ꤬ꤗꤢ꤬ ꤒꤣꤧ꤬ꤗꤥ꤭ꤗꤥ꤭ ꤡꤣꤧ꤯ ꤠꤢꤧ꤭ ꤒ꤫ꤥ꤬ꤡꤣꤧ ꤘꤣ ꤒꤢꤩ꤬ꤜꤣꤧ꤬ꤘꤢꤧꤢꤩ꤬ ꤜꤣꤧ꤬ꤘꤢꤧꤥ꤭ ꤗꤢ꤬ ꤢ꤬ ꤥ꤬ꤥ꤬꤯ ꤢꤩ꤬ꤊꤢꤪꤥ꤭ꤙꤢ꤭ ꤒꤥ꤬ ꤒꤣꤧ꤬ꤗꤥ꤭ꤗꤥ꤭ ꤡꤣꤧ꤯ ꤠꤢꤧ꤭ ꤟꤣꤧ꤬ꤡꤢ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤥ꤬ ꤜꤣꤙꤢ꤭ꤒꤥ꤬ ꤚꤣꤧ꤬ ꤠꤢꤧ꤭ ꤙꤢꤩ꤬ ꤋꤢꤧꤙꤢꤩ꤬ ꤊ꤫ꤢꤩ꤬ꤚ꤫ꤥ꤬ꤊ꤫ꤢꤩ꤬ꤏꤝꤤ ꤡꤣꤧ꤯