โครินธ์ เนอบ่า ต๊าบ่า 6:6 - Eastern Kayah Shadaw Dialect

⁶ ꤘꤣ ꤕꤢꤩ꤬ ꤓꤝꤢ꤭ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤕꤢꤩ꤬ ꤞꤤꤕꤜꤢꤪ꤬ ꤕꤜꤤ꤭ꤖꤥ, ꤕꤢꤩ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭, ꤕꤢꤩ꤬ ꤒꤢꤩ꤬ꤞꤤꤕꤜꤢꤪ꤬ꤓꤢꤨ꤭, ꤕꤢꤩ꤬ ꤒꤢꤩ꤬ꤞꤤꤛꤢꤪ꤬ꤚꤣꤧ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ ꤘꤣ ꤕꤢꤩ꤬ꤊꤢꤨ꤭ ꤚꤣꤧ꤬ ꤕꤢꤩ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤡꤣꤧ ꤢꤨ꤭ ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

⁶ เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.

โครินธ์ เนอบ่า ต๊าบ่า 6:6 ပူးပေါင်းရင်းမြစ်များ

โคโลสี 1:27

ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤘꤣ ꤢ꤬ ꤊ꤫ꤢꤦ꤬ ꤘꤢꤧ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤒꤣ꤬ꤡꤣ꤬꤯ ꤢ꤬ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤔꤣꤧ꤬ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬, ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤔꤢꤧ꤬ꤡꤣꤧ꤯ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤋꤚꤤ ꤘꤣ ꤢ꤬ ꤥ꤬ ꤘꤣ ꤞꤤ꤭ꤊꤢꤨ꤭ ꤣꤧ꤭ꤔꤣꤧ꤬ꤟꤣꤧ, ꤚꤣꤧ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤜꤤ꤭ꤒꤣꤧ꤬ꤋꤢꤩ꤭ ꤕꤢ꤭, ꤣꤧ꤭ꤔꤣꤧ꤬ꤟꤣꤧ꤯

เอเฟซัส 4:32

ꤗꤢꤩ꤬ꤗꤥ꤬ꤗꤢꤩ꤬ꤚꤢꤧ ꤚꤣꤧꤘꤢꤦ꤬ ꤜꤢꤨ꤭ ꤚꤣꤧ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯ ꤘꤣ ꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ ꤟꤣꤧ ꤞꤤ꤭ ꤒꤢꤩ꤬ꤞꤢꤦ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤜꤝꤢ꤭ꤊꤢꤧ꤭ ꤚꤣꤧꤘꤢꤦ꤬ ꤊꤣꤧ꤭ ꤜꤢꤨ꤭ ꤒꤢꤩ꤬ꤞꤢꤦ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨꤔꤣꤧ꤬ ꤔꤤ꤮꤯

เอเฟซัส 4:2

ꤘꤣ ꤞꤤ꤭ ꤗꤢꤩ꤬ꤒꤢꤩ꤬ ꤜꤢꤪ꤭꤮ ꤕꤜꤤ꤭ ꤢ꤬ꤊꤜꤢꤩ꤭ꤔꤣꤧ꤬, ꤞꤤ꤭ ꤒꤥ꤭ꤙꤢꤩ꤬ ꤓꤝꤢ꤭ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤞꤤꤘꤥ꤭ꤞꤤꤍꤢ꤬ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤗꤥ꤬ ꤚꤣꤧꤘꤢꤦ꤬ꤜꤢꤨ꤭ ꤢ꤬ꤊꤢꤨ꤭ ꤔꤣꤧ꤬ ꤔꤤ꤮꤯

ꤊꤢ꤬ꤜꤢ꤬ꤒꤤ 5:22

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤣꤧ꤬ꤗꤢ꤬ ꤢ꤬ ꤘꤣꤧꤥ꤬ꤓꤢꤧ꤬ ꤒꤢꤩ꤬ꤗꤥ꤬, ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭, ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤒꤢꤩ꤬ꤋꤢꤧꤞꤤꤘꤥ꤭, ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬, ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤒꤢꤩ꤬ꤡꤢꤨ꤭ꤜꤢ꤭ꤖꤛꤢꤍ꤫ꤥ꤬,

ꤊꤢ꤬ꤜꤢ꤬ꤒꤤ 3:5

ꤟꤢꤨꤔꤣꤧ꤬ꤚꤣꤧ꤬ ꤘꤣ ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤚꤣꤧ꤬ ꤢ꤬ ꤗꤢꤩ꤬ ꤒꤢꤩ꤬ꤋꤥꤒꤣꤧ꤬ꤊꤜꤤ ꤘꤣ ꤞꤤ꤭ꤊꤜꤢꤩ꤭ ꤟꤢꤨꤔꤣꤧ꤬ ꤟꤢꤧ꤭? ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤘꤣ ꤞꤤ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤘꤣꤧ ꤖꤢꤧ ꤞꤤ꤭ ꤖꤢꤧ꤯ ꤘꤣ ꤞꤤ꤭ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ ꤢ꤬ꤋꤛꤢ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯

โครินธ์ เนอบ่า ต๊าบ่า 12:15

ꤠꤢꤧ꤭ꤜꤢꤪ꤭ꤠꤢꤧ꤭ꤊꤢꤧ꤭ ꤠꤢꤧ꤭ꤚꤢꤦ꤭ꤠꤢꤧ꤭ꤓꤢꤩ꤭, ꤠꤢꤧ꤭ꤟꤢꤧ꤭ꤠꤢꤧ꤭ꤚꤢꤩ꤬, ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤞꤤ꤭ꤑꤢꤩ꤭ ꤔꤣꤧ꤬, ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤢꤧ꤯ ꤠꤢꤧ꤭ ꤗꤥ꤬ ꤡꤣꤧ ꤞꤤ꤭ ꤙꤢꤣꤧ꤭ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤒꤢꤩ꤬ꤗꤥ꤬ ꤠꤢꤧ꤭ ꤔꤣꤧ꤬ ꤢ꤬ ꤡ꤫ꤣ꤬ ꤔꤢꤧ ꤢ꤬ꤕꤣꤧ꤬ꤒꤤ ꤊꤣꤧ꤬ꤜꤢꤧ꤬ ꤒ꤫ꤥ꤬ꤙꤛꤢ꤬ ꤟꤢꤨꤒꤢꤩ꤭?

โครินธ์ เนอบ่า ต๊าบ่า 11:11

ꤠꤢꤧ꤭ ꤟꤢꤩ ꤟꤢꤨꤣꤧ꤭ꤚꤣꤧ꤬ ꤠꤢꤧ꤭ ꤗꤥ꤬ ꤞꤤ꤭ ꤒꤥ꤬ ꤟꤢꤨꤔꤣꤧ꤬ ꤟꤢꤧ꤭? ꤠꤢꤧ꤭ ꤗꤥ꤬ ꤞꤤ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭꤯

โครินธ์ เนอบ่า ต๊าบ่า 11:6

ꤠꤢꤧ꤭ ꤟꤢꤩꤙꤢꤩ꤬ꤡ꤫ꤢꤧ꤬ ꤟꤢꤩꤙꤢꤩ꤬ꤕꤜꤥ꤭ ꤊꤣꤧ꤭ ꤔꤢꤧ ꤢꤨ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤠꤢ꤯ ꤕꤢꤩ꤬ ꤥ꤬ ꤔꤢꤧ ꤒꤢꤩ꤬ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ꤗꤢ꤬ ꤕꤢꤩ꤬ ꤘꤣꤧꤜꤥ꤭ ꤒꤢ꤭ꤒꤢꤩ꤬ ꤕ꤫ꤢꤩ꤬ ꤟꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤥ ꤟꤣꤧ꤯

โครินธ์ เนอบ่า ต๊าบ่า 11:4

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤘꤢ꤭ꤟꤢꤧ꤭ꤔꤥ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤕꤢꤩ꤬ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤟꤢꤩꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤢꤩꤏꤢꤦ꤬ ꤡꤣꤧ ꤜꤢꤨ꤭꤯ ꤚꤣꤧ꤬ ꤞꤤ꤭ ꤖꤛꤢꤏꤢꤦ꤬ ꤛꤢꤨ꤭ꤑꤢ꤮ ꤟ꤫ꤢꤨ꤬ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤞꤤ꤭ ꤖꤛꤢꤏꤢꤦ꤬ ꤓꤥ꤭ꤟꤣꤧ ꤔꤣꤧ꤬ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤛꤢꤨ꤭ꤑꤢ ꤖꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕꤢꤩ꤬ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 7:2

ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤘꤣꤧꤜꤥ꤭ꤊꤣꤧ꤭ ꤜꤢ꤭ꤋꤢꤧ꤭ ꤞꤤ꤭ ꤒꤢꤩ꤬ꤗꤥ꤬ ꤕꤢꤩ꤬ ꤒ꤫ꤢꤧ꤬꤮꤯ ꤕꤢꤩ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢꤔꤢꤪ ꤔꤢꤧ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤕꤢꤩ꤬ ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ꤔꤢꤪ ꤔꤢꤧ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤒꤥ꤬꤯ ꤕꤢꤩ꤬ ꤡꤝꤢꤢꤩ꤬ꤒꤢꤦ꤭ꤥ꤭ꤒꤢꤦ꤭ ꤔꤢꤪ ꤔꤢꤧ ꤢꤨ꤭ꤋꤢꤨ꤬ ꤒꤣ꤬ꤖꤚꤢꤩ꤬꤮ ꤒꤥ꤬ ꤒꤥ꤬꤯

โครินธ์ เนอบ่า ต๊าบ่า 4:6

ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤋꤤ ꤊ꤫ꤢꤦ꤬ ꤞꤢꤪꤞꤢꤦ ꤒꤣꤧ꤬ꤖꤢ꤭ ꤡꤝꤢꤊꤢꤧ꤭ ꤚꤣꤧ꤬ ꤒꤢꤩ꤬ꤜꤤ꤭ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤘꤢꤦ꤬ ꤔꤤ꤮,” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤥ꤭ ꤕ꤫ꤢꤩ꤬ ꤊꤣꤧ꤭ꤘꤢꤦ꤬ ꤟꤣꤧ ꤕꤢꤩ꤬ ꤟꤢꤨꤔꤣꤧ꤬ ꤟꤣꤧ꤯ ꤙꤣꤧ ꤕꤢꤩ꤬ ꤞꤤꤑꤢꤩ꤭ ꤒꤢꤧ꤬ꤜꤢ꤭ꤟꤤ ꤋꤚꤤ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ ꤢ꤬ ꤋꤤꤒꤣꤧ꤬ꤕꤢ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤤ꤭ꤊꤢ꤬ ꤕ꤫ꤢꤩ꤬ ꤕꤢꤩ꤬ ꤞꤤꤕꤜꤢꤪ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ꤚꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤘꤣ ꤢ꤬ ꤘꤣꤧꤜꤥ꤭ꤓꤢꤧ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤋꤚꤤ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤏꤤ꤭ꤜꤤ꤭ꤓꤢꤧ꤬ ꤕ꤫ꤢꤩ꤬ ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 3:3

ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤢ꤬ ꤞꤢꤧꤟꤣꤧꤔꤢꤧ ꤜꤤ꤬ ꤘꤣ ꤋꤚꤤ ꤚꤢ꤭ ꤚꤣꤧ꤬ ꤢ꤬ ꤞꤢꤨ꤭ꤟꤢꤧ꤭ ꤘꤤ꤭ꤒ꤫ꤢꤦ꤬ ꤔꤢꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤢ꤬ ꤚꤢ꤭ ꤔꤢꤧ ꤜꤤ꤬ꤙꤥ꤭ ꤔꤢꤧ ꤜꤤ꤬ꤙꤥ꤭ꤓꤣꤧ꤭ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤓꤥ꤭ꤒꤥ꤬ ꤢ꤬ ꤚꤢ꤭ ꤥ꤬ ꤘꤣ ꤜ꤫ꤢꤪ꤬ꤙꤢ꤬ꤜꤥ꤬ ꤟꤢꤨ ꤋꤢꤨ꤭ꤗꤢꤪꤎꤢꤧ ꤢ꤬ꤜ꤫ꤢꤪ꤬ꤙꤢ꤬ ꤔꤣꤧ꤬ ꤗ꤫ꤢ꤬ꤒꤥ꤬ꤒꤥ꤬꤯ ꤋꤚꤤ ꤔꤢꤪ꤭ꤚꤢ꤭ ꤘꤤ꤭ꤒ꤫ꤢꤦ꤬ ꤟꤣꤧ ꤜꤤ꤬ꤕꤜꤢꤪ꤬ꤣꤧ꤭ ꤘꤣ ꤞꤤ꤭ ꤞꤤꤕꤜꤢꤪ꤬ ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤔꤢꤧ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤪ꤭ꤟꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊ꤫ꤢꤦ꤬ ꤟꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤟꤣꤧ꤯

โครินธ์ เนอบ่า ต๊าบ่า 2:4

ꤙꤣꤧ ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤜꤤ꤬ ꤔꤣꤧ꤬ꤒꤣ꤬ꤙꤢ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤞꤤꤕꤜꤢꤪ꤬ꤗꤥ꤬ ꤡꤣꤧ ꤒꤣꤧ꤬ꤊꤤ꤬꤮ ꤒꤥ꤬, ꤢ꤬ꤊ꤫ꤢꤨ꤬ꤢ꤬ꤊꤢꤧ꤭ ꤔꤢꤧ꤬ꤡꤣꤧ ꤠꤢꤧ꤭꤯ ꤓꤥ꤭ꤒꤥ꤬ ꤠꤢꤧ꤭ ꤕꤣꤧꤞꤢꤩ꤬ꤓꤣꤧ꤭ ꤙꤢ꤭ꤒꤣꤧ꤬ꤕꤤ꤮ ꤡꤣꤧ꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ꤞꤤꤕꤜꤢꤩ꤭ ꤞꤤ꤭ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬, ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤞꤤ꤭ ꤔꤢꤧ ꤠꤢꤧ꤭ ꤗꤥ꤬ ꤡꤣꤧ ꤞꤤ꤭ ꤙꤢ꤮ ꤒꤢꤩ꤭ ꤟꤢꤨꤔꤣꤧ꤬ꤖꤢꤧ꤯

โครินธ์ อาเหร่อเล๊อ ต๊าบ่า 13:4

ꤕꤢꤩ꤬ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤟꤢꤩꤚꤣꤧ꤬, ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ, ꤕꤢꤩ꤬ ꤞꤤꤛꤢꤪ꤬ꤚꤣꤧ ꤢꤨ꤭, ꤕꤢꤩ꤬ ꤞꤤꤋꤝꤢꤩ ꤊꤣꤧ꤭ꤢꤨ꤭ ꤒꤢꤩ꤬ ꤒꤥ꤬, ꤕꤢꤩ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤕꤢꤩ꤬ꤍ꤫ꤥ꤬ ꤒꤥ꤬, ꤕꤢꤩ꤬ ꤖꤛꤢꤘꤢꤨ꤬ ꤖꤛꤢꤓꤢꤧ꤬ꤜꤥ꤭ ꤕꤢꤩ꤬ꤔ꤫ꤢꤩ꤬ ꤒꤥ꤬꤯

โครินธ์ อาเหร่อเล๊อ ต๊าบ่า 2:16

ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤞꤤꤑꤢꤩ꤭ꤓꤝꤢꤙꤢꤩ ꤙꤢꤧ꤬ꤡꤢꤩ꤬ ꤢ꤬ꤞꤤꤕꤜꤢꤪ꤬ ꤕꤢꤩ꤭? ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤣꤧꤞꤤꤑꤢꤩ꤭ꤡꤝ꤫ꤢ꤬ꤙꤢꤩ ꤕ꤫ꤢꤩ꤬ ꤊꤣꤧ꤭ ꤙꤢꤧ꤬ꤡꤢꤩ꤬ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤟꤢꤧ꤭?” ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤋꤚꤤ ꤢ꤬ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 12:9

ꤗꤥ꤬ꤋꤢꤗꤥ꤬ꤋꤥ꤬ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤꤛ꤫ꤢꤪ꤬ꤊꤢꤧ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤤ꤮꤯ ꤘꤤꤊꤜꤢ꤭ ꤗꤢ꤬ꤔ꤫ꤤ꤬ꤚꤢꤧ ꤜꤢ꤭ꤋꤢꤧ꤭ ꤒꤢꤩ꤬ꤚꤢꤧ ꤔꤤ꤮꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:18

ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤞꤤ꤭꤮, ꤕꤢꤩ꤬ ꤒꤢꤩ꤬ꤗꤥ꤬ ꤣꤧ꤭ꤔꤣꤧ꤬ ꤔꤢꤪ꤭ꤖꤚꤢ꤬ꤓꤢꤩ꤬ ꤒ꤫ꤢꤧ꤬ ꤒꤢꤦꤖꤢꤧ ꤘꤣ ꤞꤤ꤭ ꤊꤢꤨꤢꤨ꤬ꤊꤢꤨꤖꤢꤜꤥ꤬ ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤒꤥ꤭ꤙꤢꤩ꤬ ꤗꤢꤩ꤬ꤡꤝ꤫ꤢ꤬ ꤗ꤫ꤢ꤬ꤔꤤꤔꤢꤧ꤬ ꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤗ꤫ꤢ꤬ꤔꤤꤔꤢꤧ꤬ ꤕꤢꤩ꤬ ꤔꤣꤧ꤬꤯

เปโตร อาเหร่อเล๊อ ต๊าบ่า 1:22

ꤊꤢꤨꤔ꤫ꤢꤧ꤬ꤚꤣꤧ꤬ ꤘꤣ ꤞꤤ꤭ ꤡꤢꤨ꤭ꤢꤩ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤕꤜꤤ꤭ꤖꤥ ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤞꤤ꤭ ꤓꤝꤢ꤭ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 4:12

ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤢꤨ꤬ꤓꤢꤧ꤬ꤞꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤢꤪ꤭ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤒ꤫ꤢꤧ꤬ ꤢꤨ꤭ ꤔꤢꤧ ꤔꤢꤧ꤬ꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤔꤢꤧ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤔꤢꤧ꤬ ꤒꤢꤩ꤬ꤗꤥ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤕꤜꤤ꤭ꤖꤥ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤜ꤫ꤢꤩ꤬ꤗꤢꤧꤙꤢꤦ꤭ ꤘꤣ ꤢ꤬ꤚꤢꤧ ꤘꤣ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10

ꤙꤣꤧ ꤕꤢꤩ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤖꤥꤏꤣꤧ, ꤕꤢꤩ꤬ ꤥ꤬ꤡꤢꤪꤥ꤬ꤒꤢꤩ꤬, ꤓꤥ꤭ꤚꤣꤧ꤬ ꤕꤢꤩ꤬ ꤗꤢꤩ꤬ꤒꤢꤩ꤬ꤞꤢꤦ ꤒꤥ꤬ ꤔꤣꤧ꤬ ꤞꤤ꤭ ꤞꤤꤑꤢꤩ꤭ꤘꤢꤦ꤬ꤟꤣꤧ꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤟꤢꤨꤒꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤋꤢꤧꤟꤢꤩꤏꤥ꤭ꤜꤥ꤭ꤘꤢꤦ꤬ ꤒꤢꤩ꤬ ꤟꤣꤧ꤯

โคโลสี 3:12

ꤞꤤ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤕꤜꤤ꤭ꤖꤥ ꤚꤣꤧ꤬ ꤢ꤬ ꤗꤥ꤬ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤔꤝꤢꤓꤢꤧ꤬ ꤚꤣꤧꤘꤢꤦ꤬ ꤟꤣꤧ ꤞꤤ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤢꤦ꤭ꤞꤢꤧꤓꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬, ꤒꤢꤩ꤬ꤗꤢꤩ꤬ꤚꤢꤧꤒꤢꤩ꤬, ꤒꤢꤩ꤬ꤏꤢꤧ꤬ꤜꤢꤧ꤬ ꤞꤤꤕꤜꤢꤪ꤬, ꤒꤢꤩ꤬ꤞꤤꤘꤥ꤭ꤞꤤꤍꤢ꤬ ꤔꤢꤧ ꤒꤢꤩ꤬ꤋꤢꤧꤞꤤꤘꤥ꤭ ꤞꤤ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯

เอเฟซัส 3:4

ꤏꤢ꤮ ꤞꤤ꤭ ꤘꤢꤧ ꤠꤢꤧ꤭ꤜꤤ꤬ꤣꤧ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤔꤢꤧ ꤠꤢꤧ꤭ ꤞꤤꤑꤢꤩ꤭ꤕꤜꤥ꤭ꤙꤢꤩ ꤒꤢꤩ꤬ꤡ꤫ꤢꤪ꤬ꤛꤢꤧ꤭ ꤚꤣꤧ꤬ ꤒꤢꤩ꤬ꤡ꤫ꤢꤪ꤬ꤛꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 3:2

ꤟꤢꤩ ꤕ꤫ꤢꤩ꤬ꤗꤢꤧ ꤠꤢꤧ꤭ ꤒꤢꤦ ꤣꤧ꤭ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤔꤣꤧ꤬ꤖꤢꤧ꤯ ꤘꤣ ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭? ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤘꤣ ꤞꤤ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤨꤔꤣꤧ꤬ ꤟꤢꤧ꤭?

โครินธ์ อาเหร่อเล๊อ ต๊าบ่า 2:4

ꤓꤥ꤭ꤒꤥ꤬ ꤙꤣꤧ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤢꤩ꤬ ꤢꤩꤜꤢ꤬ꤢꤩꤕꤜꤢꤩꤔꤢꤪ ꤞꤤ꤭ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤒꤢꤩ꤬ꤡ꤫ꤢꤧ꤬ ꤒꤣ꤬ꤖꤥ꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤠꤢꤧ꤭ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ ꤢ꤬ ꤖꤚꤥ꤬ꤖꤚꤢꤧ꤬ꤏꤝꤢ꤬ꤏꤢꤪ꤭ ꤚꤣꤧ꤬ ꤢ꤬ ꤘꤣꤧꤞꤤꤑꤢꤩ꤭ꤕꤜꤥ꤭ ꤕ꤫ꤢꤩ꤬ ꤞꤤ꤭ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤟꤣꤧ꤯

เปโตร อาเหร่อเล๊อ ต๊าบ่า 1:12

ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤖꤚꤢꤩ꤬ꤖꤚꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤗꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤛꤢꤩ꤬ꤞꤤ꤭ꤑꤢꤩ꤭ ꤚꤣꤧꤘꤢꤦ꤬ ꤗ꤫ꤢ꤬ꤒꤥ꤬꤯ ꤟꤢꤩꤊꤜꤢꤧꤡꤢꤪꤗꤢ꤬ ꤞꤤ꤭ꤑꤢꤩ꤭ ꤖꤢꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤞꤤ꤭ ꤚꤣꤧ꤬ ꤞꤤ꤭ ꤔ꤫ꤤ꤬ꤟꤥ꤭ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤚꤣꤧ꤬, ꤢ꤬ ꤟꤢꤧ꤭ ꤗꤢꤩ꤬ꤒꤢꤩ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤟꤢꤧ꤭ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤟꤣꤧ꤯ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤡꤣꤧ ꤔꤣꤧ꤬꤮ ꤢ꤬ ꤞꤤꤛ꤫ꤢꤦ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ꤊꤣꤧ꤭ ꤔꤢꤧ꤬ꤡꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤡꤣꤧ꤯

ꤒꤤꤒꤢꤨ 2:7

ꤔꤢꤧ꤬ ꤊꤣꤧ꤭ꤜꤢ꤭ꤒꤢꤩ꤬ꤚꤣꤧ꤬, ꤔꤢꤧ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤖꤚꤢꤩ꤬ꤋꤢꤨ꤭ ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤙꤢꤦ꤭ꤊꤣꤧ꤭ ꤔꤢꤧ꤬ꤔꤣꤧ꤬ ꤚꤣꤧ꤬, ꤗꤢꤩ꤬ ꤖꤢꤧ ꤒꤢꤩ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤙꤣꤧ ꤔꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤘꤢꤧ꤬ꤡꤢꤪꤡꤢꤦ ꤔꤢꤧ꤬ ꤞꤤꤕꤜꤢꤪ꤬ ꤓꤥ꤭ꤚꤣꤧ꤬ ꤢꤧ ꤏꤢ꤭ꤖꤚ꤫ꤢꤩ꤬ꤏꤢ꤭ꤗꤢꤧ꤬ ꤔꤢꤧ꤬ꤔ꤫ꤢꤩ꤬ ꤔꤤ꤮꤯

ทิโมธี เนอบ่า ต๊าบ่า 4:2

ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤔꤤ꤮꤯ ꤏꤣꤧꤋꤢꤩ꤭ ꤚꤢꤧ ꤙꤢꤩ꤬ꤙꤢꤩ꤬, ꤏꤣꤧꤋꤢꤩ꤭ ꤚꤢꤧꤒꤥ꤬ ꤙꤢꤩ꤬ꤙꤢꤩ꤬, ꤒꤣꤧ꤬ꤚꤢꤨ ꤘꤥ꤬ꤔꤢꤧ꤭ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤜꤢ꤭ꤕ꤫ꤥ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤔꤤ꤮, ꤓꤥ꤭ꤚꤣꤧ꤬ ꤞꤤꤖꤚꤝꤢ꤭ꤚꤣꤧ ꤛꤢꤩ꤬ꤞꤤ꤭ ꤔꤤ꤮, ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤔꤤ꤮, ꤚꤣꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤛꤢꤩ꤬ꤞꤤ꤭, ꤤ꤬ꤞꤝꤢꤤ꤬ꤞꤢꤧ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤋꤢꤧꤞꤤꤘꤥ꤭ ꤔꤣꤧ꤬ ꤔꤤ꤮꤯

ทิโมธี เนอบ่า ต๊าบ่า 3:10

ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤔꤢꤧ꤬ ꤋꤚꤝꤢ꤭ꤊꤣꤧ꤭ꤟꤣꤧ ꤠꤢꤧ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤋꤛꤢ꤭, ꤔꤢꤧ ꤠꤢꤧ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤠꤢꤧ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤔꤢꤧ꤬ ꤗꤢꤧꤓ꤫ꤣꤧ꤬ꤟꤣꤧ ꤠꤢꤧ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬, ꤠꤢꤧ꤭ ꤒꤢꤩ꤬ꤋꤢꤧꤞꤤꤘꤥ꤭, ꤠꤢꤧ꤭ ꤒꤢꤩ꤬ꤗꤥ꤬, ꤠꤢꤧ꤭ ꤒꤢꤩ꤬ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤒꤣꤧ꤬ꤟꤢꤩ꤬ꤟꤣꤧ,

ทิโมธี อาเหร่อเล๊อ ต๊าบ่า 5:2

ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤜꤢ꤭ꤋꤢꤧ꤭ ꤖꤚꤢꤩ꤬ꤗꤢꤪ꤬ ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤢꤨ ꤔꤢꤧ꤬ꤗ꤫ꤥ꤬ ꤔꤣꤧ꤬ ꤔꤤ꤮꤯ ꤓꤥ꤭ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤛꤢꤩ꤬ꤞꤤ꤭ ꤚꤣꤧ꤬ ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤛꤢꤩ꤬ꤞꤤ꤭ ꤟꤢꤨ ꤔꤢꤧ꤬ ꤕ꤫ꤥ꤬ꤖꤚꤢꤩ꤬ꤗꤢꤪ꤬ ꤔꤣꤧ꤬ ꤔꤤ꤮꤯

โคโลสี 2:3

ꤒꤢꤩ꤬ꤡ꤫ꤢꤧ꤬ ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤜꤢꤪ꤭꤮ ꤕꤜꤤ꤭ ꤗ꤫ꤢ꤬ꤘꤢꤦ꤬ꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤥꤥ꤬ꤙꤤ ꤘꤣ ꤋꤚꤤ ꤢ꤬ꤊꤢꤨ꤭꤯

โครินธ์ อาเหร่อเล๊อ ต๊าบ่า 12:8

ꤘꤣ ꤕꤢꤩ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧꤒꤢ꤭ ꤛꤢꤩ꤬ꤞꤤ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤘꤣꤧꤒꤢ꤭ ꤛꤢꤩ꤬ꤞꤤ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤟꤢꤩ꤬꤯

โครินธ์ เนอบ่า ต๊าบ่า 1:23

ꤠꤢꤧ꤭ ꤞꤤꤒꤣꤧ꤬ꤊꤜꤢꤩ꤭ ꤟꤢꤧ꤭ ꤞꤤꤖꤚꤝꤢ꤭ ꤞꤤ꤭ ꤚꤣꤧ꤬ ꤠꤢꤧ꤭ ꤟꤢꤧ꤭ꤓꤝꤢ꤭ ꤕ꤫ꤢꤩ꤬꤮ ꤘꤣ ꤠꤤ꤭ꤊꤢ꤬ꤚꤤ꤬ꤞꤢꤨ꤬ ꤒꤥ꤬꤯ ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤚꤣꤧ꤬ ꤠꤢꤧ꤭ ꤜꤣꤧ꤬ꤟꤥ꤭ ꤞꤤ꤭ ꤒꤥ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤜꤢꤪ꤭ꤕꤜꤤ꤭ ꤖꤢꤧ꤯

โครินธ์ เนอบ่า ต๊าบ่า 2:10

ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤊꤢꤩ꤬ ꤕꤜꤝꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤞꤤ꤭ ꤗꤢꤩ꤬ꤛꤢꤧ꤬ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤞꤢꤦ ꤊꤢꤩ꤬ꤟꤢꤩꤚꤣꤧ꤬ ꤠꤢꤧ꤭ ꤗꤢ꤬꤮ ꤠꤢꤧ꤭ ꤕꤜꤝꤢ꤭ꤊꤢꤧ꤭ ꤊꤣꤧ꤭ ꤢ꤬ꤒꤢꤩ꤬ꤞꤢꤦ ꤖꤢꤧꤖꤢꤧ꤯ ꤟꤢꤩꤊꤥꤚꤣꤧ, ꤒꤢꤩ꤬ ꤘꤣ ꤠꤢꤧ꤭ ꤒꤥ꤭ꤙꤢꤩ꤬ ꤕꤜꤝꤢ꤭ꤊꤢꤧ꤭ ꤊꤢꤩ꤬ ꤥ꤬ ꤟꤢꤩꤚꤣꤧ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤊꤣꤧ꤭ ꤢ꤬ꤒꤢꤩ꤬ꤞꤢꤦ ꤕꤢ꤭꤯ ꤋꤚꤤ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤊꤣꤧ꤭ꤘꤢꤦ꤬ ꤠꤢꤧ꤭ ꤕꤜꤝꤢ꤭ꤊꤢꤧ꤭ ꤢ꤬ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤕꤢ꤭꤯

โครินธ์ เนอบ่า ต๊าบ่า 13:10

ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ꤊꤣꤧ꤭ ꤞꤤ꤭ ꤕꤢ꤭ ꤚꤣꤧ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤔꤢꤪ꤭ꤢꤩ꤬ ꤏꤢꤪ꤭ ꤒ꤫ꤢꤧ꤬ ꤠꤢꤧ꤭ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤙꤢꤧ꤬ꤡꤢꤩ꤬ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤙꤣꤧ ꤠꤢꤧ꤭ ꤥ꤬ ꤛꤢ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭, ꤠꤢꤧ꤭ ꤞꤤꤛ꤫ꤢꤦ꤬ ꤚꤢ꤭ꤡꤝꤢ ꤚ꤫ꤣꤧ꤬ ꤕ꤫ꤢꤩ꤬ ꤞꤤ꤭ ꤜꤤ꤬ꤣꤧ꤭ ꤖꤢꤧ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤘꤢꤨ꤬ꤓꤢꤧ꤬ꤓꤢꤨ꤭ꤓꤢꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤘꤣꤧ ꤠꤢꤧ꤭ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤔꤣꤧ꤬ ꤖꤢꤧ꤯ ꤢ꤬ ꤘꤣꤧ ꤠꤢꤧ꤭ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤞꤤ꤭ ꤢ꤬ꤑꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 3:17

ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ ꤟꤢꤩꤔꤣꤧ꤬ꤗꤢ꤬ ꤢ꤬ ꤕꤜꤤ꤭ꤖꤥ ꤚ꤫ꤣꤧ꤬ꤜꤣ ꤕꤢ꤭, ꤓꤥ꤭ꤕꤢ꤭ꤚꤣꤧ꤬ ꤢ꤬ ꤘꤣꤧ ꤥ꤬ꤓꤢꤧ꤬ꤘꤢꤦ꤬ ꤒꤢꤩ꤬ꤗꤥ꤬ꤒꤢꤩ꤬ꤊꤜꤢꤩ꤭, ꤒꤢꤩ꤬ꤒꤣꤧ꤬ꤔꤢꤩ꤬ ꤡ꤫ꤢꤧ꤬ꤕ꤫ꤢꤩ꤬ ꤘꤣ ꤢꤨ꤭ꤑꤢꤩ꤭, ꤞꤤꤕꤜꤢꤪ꤬ꤥ꤬ ꤔ꤫ꤤ꤬ꤘꤢ꤭ ꤢꤨ꤭ ꤒꤢꤩ꤬ꤟꤢꤩꤙꤢꤩ꤬, ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤛꤢꤪ꤬ ꤔꤢꤧ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬, ꤗꤢꤧꤘꤢꤨ꤬ ꤗꤢꤧꤕꤣꤧ꤬ꤒꤤ ꤢꤨ꤭ ꤒꤥ꤬, ꤓꤥ꤭ꤚꤣꤧ꤬ ꤒꤢꤩ꤬ꤊꤜꤝꤢ ꤗꤢꤩ꤬ꤋꤢꤗꤢꤩ꤬ꤋꤥ꤬ ꤒꤣꤧ꤬ꤟꤢꤩ꤬ ꤥ꤬ ꤒꤥ꤬꤯