โครินธ์ เนอบ่า ต๊าบ่า 11:1 - Eastern Kayah Shadaw Dialect

¹ ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤜꤤ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤚꤢ꤭ ꤗꤢꤧꤓ꤫ꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤧꤞꤤꤘꤥ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚꤣꤧ ꤠꤢꤧ꤭ ꤔꤤ꤮꤯

ลีเทส่อพ๊าอาเซ เร๊อ เห่ขุทวาลู๊

¹ แว ราจว๊า เป่ ซี ลี กู๊แหน่เออ เต๊เห่เนอ, แว ราแซ๊เจ๊อเน๊อ แกแย ตีมุย เตเพร อาขว่าอาคยา, แด่ทูซิปล่อ เหร่อ แว นี๋.

โครินธ์ เนอบ่า ต๊าบ่า 11:1 ပူးပေါင်းရင်းမြစ်များ

โครินธ์ เนอบ่า ต๊าบ่า 11:4

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤘꤢ꤭ꤟꤢꤧ꤭ꤔꤥ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤕꤢꤩ꤬ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤟꤢꤩꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤢꤩꤏꤢꤦ꤬ ꤡꤣꤧ ꤜꤢꤨ꤭꤯ ꤚꤣꤧ꤬ ꤞꤤ꤭ ꤖꤛꤢꤏꤢꤦ꤬ ꤛꤢꤨ꤭ꤑꤢ꤮ ꤟ꤫ꤢꤨ꤬ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤞꤤ꤭ ꤖꤛꤢꤏꤢꤦ꤬ ꤓꤥ꤭ꤟꤣꤧ ꤔꤣꤧ꤬ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤛꤢꤨ꤭ꤑꤢ ꤖꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕꤢꤩ꤬ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 1:21

ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤗꤢ꤬ ꤢ꤬ꤘꤢꤨ꤬ꤢ꤬ꤛꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤕꤢꤨ꤭ꤞꤤꤑꤢꤩ꤭ꤙꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤋꤢꤧ꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ꤞꤢꤦ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

โครินธ์ เนอบ่า ต๊าบ่า 11:21

ꤕꤢꤩ꤬ ꤗꤢꤩ꤬ꤙꤢꤦ꤬ꤊꤣꤧ꤭ ꤜꤢ꤭ꤘꤢꤦ꤬ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ ꤞꤤ꤭ ꤔꤣꤧ꤬ ꤒꤥ꤬, ꤕꤢꤩ꤬ ꤒꤣꤧ꤬ꤚꤥ꤬ ꤞꤣꤧ꤭ꤊꤢꤧ꤭ ꤡꤣꤧꤘꤢꤦ꤬ ꤑꤢꤩ꤭ꤔ꤫ꤤ꤬, ꤓꤥ꤭ꤚꤣꤧ꤬ ꤕꤢꤩ꤬ ꤞꤤꤒꤣꤧ꤬ꤚꤢꤩ꤭ ꤘꤢꤦ꤬ꤑꤢꤩ꤭ ꤔ꤫ꤤ꤬꤯ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤊꤢꤩ꤬ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤙꤢꤦ꤬ ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤠꤢꤧ꤭ ꤊꤢꤩ꤬ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤊꤣꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤒꤣ꤬ꤖꤚꤢꤩ꤬ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤔꤣꤧ꤬ ꤟꤢꤩꤚꤣꤧ꤬ ꤠꤢꤧ꤭ ꤟꤢꤩꤙꤢꤩ꤬ꤙꤢꤩ ꤖꤢꤧꤖꤢꤧ ꤊꤢꤪ꤭꤯

โครินธ์ เนอบ่า ต๊าบ่า 11:19

ꤢꤪ꤭ꤢꤪ꤭꤮ ꤔꤢꤧ꤬ꤔ꤫ꤤ꤬, ꤞꤤ꤭ ꤜꤢ꤭ ꤥ꤬ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤡ꤫ꤢꤧ꤬ ꤚꤣꤧ꤬ ꤞꤤ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤔ꤫ꤤ꤬ꤘꤢ꤭ ꤕ꤫ꤢꤩ꤬ ꤜꤢ꤭ꤋꤢꤧ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤜꤢ꤭ꤘꤢꤦ꤬ ꤔ꤫ꤤ꤬꤯

โครินธ์ เนอบ่า ต๊าบ่า 5:13

ꤢꤨ꤭ ꤊꤢꤩ꤬ ꤟꤢꤩ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤊꤢꤩ꤬ꤟꤢꤩꤚꤣꤧ꤬, ꤜ꤫ꤢꤩ꤬ꤟꤢꤩꤥ꤬ ꤔꤢꤧ ꤒꤥ꤬, ꤜꤢꤪ꤭ ꤕꤢꤩ꤬ ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤖꤢꤧ꤯ ꤢꤨ꤭ ꤊꤢꤩ꤬ ꤟꤢꤩ ꤕ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤩ꤬ꤒꤢꤩ꤬ ꤒꤥ꤭ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤗ꤫ꤢ꤬ꤟꤣꤧ, ꤕꤢꤩ꤬ ꤗꤢꤩ꤬ ꤗ꤫ꤢ꤬ ꤕ꤫ꤢꤩ꤬ ꤔꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ꤔꤣꤧ꤭꤯

ꤟꤤꤙꤚꤢꤨ 5:2

ꤛꤢꤩ꤬ꤞꤤ꤭ ꤜꤢ꤭ ꤓꤝꤢ꤭ꤖꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢ ꤜꤢ꤭ꤋꤢꤧ꤭ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤥ꤬ ꤚꤣꤧ꤬ ꤢ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢ ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤒꤣꤧ꤬ꤔꤢꤩ꤬ ꤞꤤꤛꤢꤪ꤬ꤡ꤫ꤢꤧ꤬ ꤕ꤫ꤢꤩ꤬ꤊꤣꤧ꤭ꤢꤨ꤭ ꤒꤥ꤬꤯

โครินธ์ เนอบ่า ต๊าบ่า 12:11

ꤠꤢꤧ꤭ ꤟꤢꤩꤙꤢꤩ꤬ ꤓꤢꤨ꤬ꤞꤢꤩꤚꤣꤧ ꤠꤢꤧ꤭ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤡ꤫ꤣ꤬ ꤡꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤩ꤬ꤒꤣꤧ꤬ꤗꤝꤤ꤭ ꤠꤢꤧ꤭ ꤖꤢꤧ꤯ ꤞꤤ꤭ ꤒꤥ꤭ ꤓꤝꤢ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤒꤥ꤭ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤠꤢꤧ꤭꤯ ꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ, ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤒ꤫ꤥ꤬ ꤜꤣꤧ꤬ꤛ꤫ꤢꤦ꤬ ꤜꤣꤔꤢꤧ ꤢ꤬ ꤓꤝꤢ꤭ ꤜꤢ꤭ꤋꤢꤧ꤭ ꤞꤢꤚꤢꤘꤢꤨ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣꤧ꤬ꤊꤤ꤬꤮ ꤒꤥ꤬꤯

โครินธ์ อาเหร่อเล๊อ ต๊าบ่า 4:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤕꤢꤩ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤟꤢꤩ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤞꤤ꤭ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤡꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤖꤚꤢꤩ꤬ꤡ꤫ꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ꤯ ꤕꤢꤩ꤬ ꤚꤣꤧ꤬ ꤕꤢꤩ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤘꤢꤦ꤬ ꤕꤢꤩ꤬ꤑꤢꤩ꤭ ꤖꤢꤧ, ꤞꤤ꤭ ꤚꤣꤧ꤬ ꤞꤤ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤔꤢꤧ꤬ꤡꤣꤧ ꤜꤢ꤭ꤘꤢꤦ꤬ ꤔ꤫ꤤ꤬꤯ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤘꤢꤦ꤬ꤑꤢꤩ꤭ ꤕꤢꤩ꤬ ꤖꤢꤧ꤯ ꤞꤤ꤭ ꤚꤣꤧ꤬ ꤢꤨ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤡꤣꤧ ꤜꤢ꤭ꤘꤢꤦ꤬ ꤞꤤ꤭ ꤔ꤫ꤤ꤬꤯

โครินธ์ อาเหร่อเล๊อ ต๊าบ่า 4:8

ꤞꤤ꤭ ꤒꤣꤧ꤬ꤔꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ ꤘꤣ ꤞꤤ꤭ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ ꤜꤢꤪ꤭ꤕꤜꤤ꤭ ꤟꤣꤧ, ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤟꤣꤧ, ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤞꤤ꤭ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ ꤞꤤ꤭ ꤓꤝꤢ꤭ ꤡꤣꤧꤘꤢꤦ꤬ ꤟꤣꤧ ꤋꤝꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤡꤣꤧꤟꤣꤧ ꤔ꤫ꤤ꤬, ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤚꤣꤧ꤬ ꤕꤢꤩ꤬ ꤓꤝꤢ꤭ꤙꤢꤩ ꤊꤣꤧ꤭ ꤜꤢ꤭ꤟꤤ ꤢꤨ꤭ ꤋꤝꤤ ꤒꤥ꤬꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ ꤒ꤫ꤣ꤬ꤊꤣꤧ꤭ ꤋꤝꤤ ꤔꤢꤧ ꤞꤤ꤭ ꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ ꤊꤣꤧ꤭ ꤜꤢ꤭ ꤟꤣꤧ ꤞꤤ꤭ ꤋꤝꤤ ꤟꤣꤧ꤯

โครินธ์ อาเหร่อเล๊อ ต๊าบ่า 3:18

ꤜꤣꤧ꤬ꤟꤥ꤭ꤜꤢꤧ꤬ ꤚꤣꤧꤘꤢꤦ꤬ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬꤯ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤒꤣꤧ꤬ꤔꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤩꤔꤣꤧ꤬, ꤢ꤬ ꤙꤢꤩ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤔꤣꤧ꤬ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤢ꤬ ꤊꤢꤩ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤗ꤫ꤢ꤬ꤔꤤꤔꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬ ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯

เพรโด่แนพู๊ เต๊เห่ 26:29

ꤋꤢꤨ꤭ꤕꤢꤪꤜꤢꤨ ꤟꤢꤩꤏꤢꤦ꤬ ꤔꤢꤧ, “ꤘꤣ ꤒꤣꤧ꤬ꤕꤜꤣ꤬ꤟꤢꤨ ꤢ꤬ꤊꤢꤨ꤭ ꤙꤢꤩ꤬ꤙꤢꤩ꤬, ꤢ꤬ꤑꤢ꤭ ꤡꤣꤧ ꤙꤢꤩ꤬ꤙꤢꤩ꤬, ꤢ꤬ ꤜ꤫ꤥ꤬ꤘꤢꤨ꤬ ꤔꤢꤧꤒꤥ꤬꤯ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ꤒꤢꤦ ꤔꤢꤧ꤬ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤗ꤫ꤢ꤬ꤒꤥ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤚꤣꤧꤕ꤫ꤢꤩ꤬ꤜꤢꤪ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤠꤢꤧ꤭ ꤒꤢꤩ꤬ꤟꤢꤩꤙꤢꤩ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤊꤣꤧ꤭ ꤋꤚꤤꤖꤢꤨ ꤞꤢꤧꤔꤢꤧ ꤠꤢꤧ꤭ꤣꤧ꤭, ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ꤊꤣꤧ꤭ ꤞꤤ꤭ ꤒꤥ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤒꤢꤦꤖꤢꤧ ꤟꤢꤨ ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤚꤣꤧ꤬ ꤢꤨ꤭ ꤡꤢꤪ꤭ꤗꤢ꤬ ꤠꤢꤧ꤭ ꤔꤢꤧ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤣꤧ꤭ꤔꤣꤧ꤬ꤖꤢꤧ꤯”

เพรโด่แนพู๊ เต๊เห่ 18:14

ꤙꤣꤧ ꤋꤢꤨ꤭ꤕꤢꤪꤜꤢꤨ ꤊ꤫ꤢꤦ꤬ꤚꤢꤩ꤭ ꤟꤢꤩꤙꤢꤩ꤬ꤓꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤋꤝꤤꤘꤢꤨ꤬ ꤊꤢꤜꤤ꤬ꤛꤥ꤬ ꤟꤢꤩ ꤛꤢꤨꤘꤢ꤬ꤖꤢꤨ ꤞꤤ꤭ꤒꤣꤧ꤬ꤟꤢꤩ꤬ ꤔꤢꤧ, “ꤛꤢꤨꤘꤢ꤬ꤖꤢꤨ ꤞꤤ꤭꤮, ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ꤟꤣꤧ ꤒꤢꤩ꤬ ꤘꤣ ꤢ꤬ ꤒꤣꤧ꤬ꤜꤝꤢꤒꤣꤧ꤬ꤕꤜꤢꤩ꤬ ꤡꤣꤧ ꤓꤣꤧ꤭ꤊ꤫ꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤡꤣꤧꤙꤢꤩ꤬ꤙꤢꤩ꤬, ꤠꤢꤧ꤭ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤓꤢꤨ꤭ ꤔ꤫ꤤ꤬ꤘꤢ꤭ ꤘꤢꤦ꤬ ꤞꤤ꤭ ꤒꤢꤩ꤬ꤘꤢꤧ꤬ꤜꤥ꤭ꤓꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬꤯

มัทธิว 17:17

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤏꤥ꤭ꤘꤥ꤭ ꤒꤢꤩ꤬ꤛ꤫ꤢꤦ꤬ ꤞꤤ꤭꤮, ꤔꤢꤧ ꤊꤣꤧ꤬ꤛꤢꤧ꤭ ꤡꤝꤢꤞꤢꤦꤊꤜꤢꤧ ꤞꤤ꤭꤮, ꤠꤢꤧ꤭ ꤙꤢꤩ꤬ ꤥ꤬ꤑꤢ꤭ ꤒ꤫ꤣ꤬ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤙꤢꤒꤢꤩ꤭? ꤠꤢꤧ꤭ ꤒꤥ꤭ꤙꤢꤩ꤬ ꤋꤢꤧꤞꤤꤘꤥ꤭ ꤑꤢ꤭ꤕ꤫ꤢꤩ꤬ꤊꤣꤧ꤭ꤕꤢ꤬ ꤞꤤ꤭ ꤙꤢꤒꤢꤩ꤭?” ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤟꤢꤩꤜꤢ꤭ꤒꤢꤩ꤬ ꤊꤣꤧ꤬ꤛꤢꤧ꤭ꤖꤢꤩ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤢꤩꤟꤢꤧ꤭ ꤔꤢꤧ꤬ꤖꤢꤨꤖꤚꤢꤩ꤬ꤋꤢꤨ꤭ ꤙꤣꤧꤣꤧ꤭꤯”