โครินธ์ เนอบ่า ต๊าบ่า 1:21 - Eastern Kayah Shadaw Dialect

²¹ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ ꤒꤣꤧ꤬ꤔꤢꤧ꤭ꤚꤢꤧꤚꤣꤧ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤢꤩ꤬ꤚꤣꤧ ꤋꤚꤤ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤣꤧ꤭ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤔꤝꤢꤓꤢꤧ꤬ ꤟꤣꤧ ꤕꤢꤩ꤬ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

²¹ เพร เด๊อ อา เมหม่าเมกลอ เป่ แร๊ เป เตหยื่อเอ่หนิ ครี๊ เออเนอหมา หม่าเฮ๊อ จอแปแหร่ อาเหน่แบ่เจ่ เร๊อดื่อ เออ เฮ๊อ. แซ่ฮู๊ เป เก่ ทวาแถ่ อาแกแย อาเงเนอ, อา นว๊าแถ่ เฮ๊อ เป เฮ๊อ.

โครินธ์ เนอบ่า ต๊าบ่า 1:21 ပူးပေါင်းရင်းမြစ်များ

ꤛꤥ꤭ꤟꤢ꤬ 3:34

ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤒꤢ꤭ ꤢ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤣꤙꤢ꤭ ꤟꤣꤧ ꤜꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤟꤢꤩꤙꤢꤩ꤬ꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ ꤖꤢꤧ꤯

เพรโด่แนพู๊ เต๊เห่ 10:38

ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤠꤤ꤭ꤔꤢ꤬ꤎꤢ꤬ꤚꤢꤧꤖꤢꤨ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤘꤣꤧ ꤜꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤟꤢꤨꤒꤢꤩ꤭ ꤔꤣꤧ꤬, ꤞꤤ꤭ ꤞꤤꤑꤢꤩ꤭ ꤓꤥ꤭ꤘꤢꤦ꤬ꤟꤣꤧ꤯ ꤛꤢꤩ꤬ꤏꤛꤢꤨ ꤜꤢꤩ꤭ꤡꤝꤢ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤚꤣꤧ꤬ ꤡꤝꤢ ꤗꤢꤩ꤬ꤙꤝꤤꤗꤢꤩ꤬ꤒꤣꤧ꤬ꤚꤣꤧ꤭ ꤕ꤫ꤢꤩ꤬ ꤢꤨ꤭, ꤛ꤫ꤢꤧ꤬ꤥ꤬ꤗ꤫ꤢꤩ꤬ꤊꤢ꤬ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤗꤢꤩ꤬ꤔꤢꤦ꤭ꤗꤢꤩ꤬ꤡꤢ ꤜꤢꤨ꤭ ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤊꤣꤧ꤭ ꤔꤢꤧ ꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ꤟꤣꤧ ꤒꤢꤩ꤬ ꤟꤢꤨꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 16:25

ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤏꤢꤪ꤭ꤓꤢꤧ꤬ꤙꤢꤩ ꤕ꤫ꤢꤩ꤬ ꤟꤣꤧ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤢ꤬ ꤕꤥ꤮꤯ ꤛꤢꤩ꤬ꤏꤛꤢꤨꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬, ꤢꤨ꤭ ꤘꤢꤧ꤬ꤥꤘꤢꤧ꤬ꤙꤤ ꤢ꤬ ꤑꤢ꤭ꤜꤥ꤬ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢꤨ꤭ ꤘꤣꤧꤜꤥ꤭ ꤓꤢꤧ꤬ꤟꤣꤧ ꤢ꤬ ꤟꤣꤧ꤯

ꤚꤥꤗꤢꤩ꤬ 8:9

ꤗꤢ꤬ꤔꤢꤧꤚꤣꤧ꤬, ꤞꤤ꤭ꤚꤣꤧ꤬, ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ ꤕꤣꤚꤣꤧꤊꤣꤧ꤭ ꤞꤤ꤭ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤟꤢꤩꤚꤣꤧ꤬, ꤢ꤬ ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ ꤊ꤫ꤢꤦ꤬ ꤕꤣꤚꤣꤧ ꤞꤤ꤭ ꤕꤢ꤭꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤋꤚꤤ ꤢ꤬ꤛ꤫ꤢꤧ꤬ꤛꤥ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ ꤋꤚꤤ ꤢ꤬ꤒꤢꤩ꤬ ꤗ꤫ꤢ꤬ꤒꤥ꤬꤯

โครินธ์ อาเหร่อเล๊อ ต๊าบ่า 1:8

ꤏꤢ꤮ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤕ꤫ꤢꤦ꤬ꤊꤜꤢꤪ꤬ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤞꤤ꤭ ꤒ꤫ꤥ꤬ꤘꤣ ꤢ꤬ ꤒꤣꤧ꤬ꤘꤢꤦ꤬ ꤕꤢ꤭꤯

โครินธ์ เนอบ่า ต๊าบ่า 5:5

ꤖꤚꤢꤩ꤬ ꤘꤣ ꤢ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤞꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤓꤥ꤭ꤒꤥ꤬ ꤢ꤬ ꤘꤣꤧꤒꤢ꤭ ꤕ꤫ꤢꤩ꤬ ꤊꤣꤧ꤭ꤕ꤫ꤥ꤬ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧꤔꤢꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤘꤣ ꤢ꤬ꤊꤜꤢꤪ꤬ꤢ꤬ꤗꤢ꤬ ꤒꤣ꤬ꤡꤣ꤬ ꤚꤣꤧ꤬ ꤢ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤟꤣꤧ ꤕ꤫ꤢꤩ꤬ ꤕꤢꤩ꤬ ꤜꤢꤪ꤭ ꤢ꤬ ꤢꤪꤜꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โคโลสี 2:7

ꤤ꤬ꤏꤢꤪꤒꤢ꤭ ꤛꤢꤧ꤭ꤛꤢꤧ꤭ ꤜꤢ꤭ꤋꤢꤧ꤭ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤟꤢꤨ ꤞꤢꤪ꤬ꤚꤝ꤫ꤤ꤬ ꤏꤢꤪꤒꤢ꤭ꤛꤢꤧ꤭ ꤔꤣꤧ꤬꤯ ꤚꤣꤧ꤬ ꤘꤢꤨ꤬ꤓꤢꤧ꤬ ꤜꤢ꤭ꤋꤢꤧ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤔꤤ꤮꤯ ꤞꤤ꤭ ꤛ꤫ꤢꤦ꤬ꤢꤩ꤬ ꤣꤧ꤭ꤔꤣꤧ꤬ ꤢ꤬ ꤙꤢꤩ꤬ ꤏꤝꤢ꤬ꤏꤢꤪ꤭ꤟꤢꤧ꤭ ꤔꤢꤧ ꤏꤢꤪ꤭ꤟꤢꤧ꤭ ꤟꤢꤧ꤭ꤑꤢꤩ꤭ ꤟꤢꤨ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤞꤤ꤭ ꤔꤣꤧ꤬, ꤚꤣꤧ꤬ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤓꤢꤨ꤬ꤞꤢꤩ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤓꤢꤧ꤬ ꤜꤢ꤭ꤋꤢꤧ꤭ ꤜꤢꤨ꤭ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

ꤙꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤜꤢꤧ꤬ ꤒ꤫ꤣ꤬ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤜꤢꤪ꤭ꤕꤜꤤ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ꤖꤢꤩ꤭ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ ꤚꤣꤧꤘꤢꤦ꤬ ꤞꤤ꤭ ꤞꤤꤕꤜꤢꤪ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤔꤤ꤮꤯

เธสะโลนิกา เนอบ่า ต๊าบ่า 2:8

ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤞꤢꤩꤓꤢꤩ꤬ ꤘꤣ ꤢ꤬ꤊꤢꤧ꤭ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤕꤛꤢꤊꤢꤧ꤭ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯

เธสะโลนิกา เนอบ่า ต๊าบ่า 3:3

ꤗꤢ꤬ꤔꤢꤧꤚꤣꤧ꤬ ꤙꤢꤧ꤬ꤡꤢꤩ꤬ ꤣꤧ꤭ꤔꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤓꤢꤧ꤬ ꤞꤤ꤭ꤛ꤫ꤢꤧ꤬ꤛꤥ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤒꤣꤧ꤬ꤊꤢꤪ꤭ꤒꤣꤧ꤬ꤊꤢꤩ꤬ ꤒꤢ꤭ꤒꤢꤦ꤭ ꤕ꤫ꤢꤩ꤬ꤚꤣꤧ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤢ꤭꤯

ꤟꤤꤙꤚꤢꤨ 13:9

ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤡꤝꤢꤞꤢꤦ ꤒ꤫ꤢꤧ꤬ ꤞꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ ꤋꤥꤋꤛꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤋꤚꤝꤢ꤭ꤡꤝꤢꤊꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤢ꤬ ꤒꤥ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ꤓꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤛꤢ꤭ ꤖꤢꤧ꤯ ꤘꤣ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ ꤟꤢꤧ꤭ꤏꤝꤢ꤬ꤚꤢꤩ꤬ꤏꤢꤪ꤭ꤓꤢꤧ꤬ ꤒ꤫ꤥ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤣꤧ꤭ꤔꤣꤧ꤬, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯

เปโตร อาเหร่อเล๊อ ต๊าบ่า 5:10

ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤜꤢꤪ꤭꤮ ꤕꤜꤤ꤬ ꤢ꤬ ꤙꤢꤧ꤬ꤡꤢꤩ꤬ ꤚꤣꤧ꤬ ꤢ꤬ ꤢꤩ ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤙꤣꤧ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤣꤧ꤭ ꤊ꤫ꤢꤦ꤬ ꤒꤣꤧ꤬ꤜꤝꤢ ꤓꤥ꤭ꤟꤣꤧ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ ꤒꤣꤧ꤬ꤔꤢꤧ꤭ ꤚꤢꤧꤋꤛꤢ꤭ ꤞꤤ꤭ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤞꤤ꤭ꤟꤢꤧ꤭ꤞꤤ꤭ꤚꤢꤩ꤬ ꤕꤢ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:20

ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤞꤤ꤭ꤜꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ꤟꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:27

ꤞꤤ꤭ꤑꤢꤩ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤋꤚꤤ ꤘꤣꤧꤜꤢꤧ꤬ ꤓꤥ꤭ꤟꤣꤧ ꤢ꤬ ꤛ꤫ꤢꤧ꤬ꤛꤥ꤬ ꤘꤣ ꤞꤤ꤭ꤜꤥ꤬ ꤟꤣꤧ, ꤚꤣꤧ꤬ ꤢ꤬ ꤛ꤫ꤢꤧ꤬ꤛꤥ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤞꤤ꤭ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤜ꤫ꤥ꤬ ꤤ꤬ꤞꤝꤢ ꤕꤢ꤬ ꤞꤤ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤛ꤫ꤢꤧ꤬ꤛꤥ꤬ ꤤ꤬ꤞꤝꤢ ꤟꤣꤧ ꤞꤤ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬, ꤓꤥ꤭ꤒꤥ꤬ ꤢ꤬ ꤤ꤬ꤞꤝꤢ ꤞꤤ꤭ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ, ꤒꤢꤩ꤬ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤗ꤫ꤢ꤬ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤋꤚꤤ ꤢ꤬ꤊꤢꤨ꤭ ꤟꤢꤨ ꤢ꤬ ꤛ꤫ꤢꤧ꤬ꤛꤥ꤬ ꤤ꤬ꤞꤝꤢ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ ꤔꤤ꤮꤯

เตเด๊อะโลแถ่ 1:6

ꤓꤥ꤭ꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤘꤣꤧꤓꤝꤢ꤭ꤓꤢꤧ꤬ ꤕꤢꤩ꤬ ꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭꤯ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤊ꤫ꤢꤦ꤬ ꤥ꤬ ꤊꤣꤧ꤭ꤘꤢꤦ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤔꤤ꤮꤯ ꤢ꤬ꤗꤢꤩ꤬꤯

เตเด๊อะโลแถ่ 3:18

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤘꤣꤧꤞꤤꤑꤢꤩ꤭ ꤡꤝ꤫ꤢ꤬ ꤕ꤫ꤢꤩ꤬ꤊꤣꤧ꤭ ꤔꤢꤧ꤬ ꤔꤢꤧ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤊꤣꤧ꤭ꤢꤨ꤭ ꤔꤣꤧ꤬, ꤟꤢꤧ꤭ ꤤ꤬ꤖꤚꤤ꤬ꤊꤣꤧ꤭ ꤓꤢꤩ꤭ ꤘꤣ ꤠꤢꤧ꤭ꤥ꤬ ꤣꤧ꤭꤯ ꤓꤢꤩ꤭ ꤣꤧ꤭ꤔꤣꤧ꤬ꤗꤢ꤬ ꤢꤨ꤭ ꤜꤥ꤭ ꤓꤥ꤭ꤟꤣꤧ ꤔꤢꤧ ꤗꤤ꤬꤯ ꤓꤥ꤭ꤒꤥ꤬ ꤟꤢꤧ꤭ ꤤ꤬ꤖꤚꤤ꤬ ꤊꤣꤧ꤭ꤘꤢꤦ꤬ ꤟꤣꤧ꤬ꤡꤢ꤬ꤙꤢꤨ꤭ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤘꤣ ꤠꤢꤧ꤭ꤥ꤬ ꤣꤧ꤭ ꤚꤣꤧ꤬ ꤊꤢꤦ꤭ꤙꤤꤞꤢꤧꤙꤤ ꤚꤣꤧꤘꤢꤦ꤬ ꤊꤣꤧ꤭ꤔꤢꤧ ꤔꤢꤧ꤬ ꤥ꤬ꤊ꤫ꤢ꤬ꤊꤜꤥ꤬ ꤞꤤꤒꤣꤧ꤬ꤚꤢꤩ꤭ ꤘꤢꤦ꤬ꤑꤢꤩ꤭ ꤣꤧ꤭ꤔꤣꤧ꤬꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤤ꤭ꤖꤥꤚꤢꤧ ꤊꤣꤧ꤭ꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤟꤢꤧ꤭ ꤤ꤬ꤖꤚꤤ꤬ꤊꤣꤧ꤭ ꤒꤢꤩ꤬ꤋꤢꤨ꤬ ꤕꤣꤧꤞꤢꤩ꤬ꤏꤢꤩ꤭ ꤘꤣ ꤠꤢꤧ꤭ꤥ꤬ ꤣꤧ꤭ ꤚꤣꤧ꤬ ꤡꤤ꤭ꤔꤥ꤭ ꤘꤣ ꤔꤢꤧ꤬ ꤕꤣꤧꤞꤢꤩ꤬ꤕꤜꤢꤪ꤬ꤊꤢꤨ꤭ ꤔꤣꤧ꤬꤯