Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




โครินธ์ เนอบ่า ต๊าบ่า 1:14 - Eastern Kayah Shadaw Dialect

14 ꤊꤢꤨꤔ꤫ꤢꤧ꤬ꤚꤣꤧ꤬ ꤞꤤ꤭ ꤞꤤꤑꤢꤩ꤭ꤕꤜꤥ꤭ ꤕꤝꤢ꤭ ꤜꤢꤪ꤭ ꤜꤢ꤭ꤟꤤ ꤕꤢꤩ꤬ꤚꤤ꤬ꤕꤢꤩ꤬ꤊꤢꤧ꤭ ꤒꤥ꤬, ꤗꤢ꤬ꤔꤢꤧꤚꤣꤧ꤬ ꤘꤣꤋꤛꤢ꤭ꤕꤢ꤭ꤔꤣꤧ꤬ ꤕꤢꤩ꤬ ꤗꤢꤧꤏꤢꤦ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤜꤢꤪ꤭ ꤡꤣꤧ ꤕꤢꤩ꤬ꤚꤤ꤬ꤕꤢꤩ꤬ꤊꤢꤧ꤭ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬, ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤋꤛꤢ꤭ꤞꤢꤧ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤘꤣ ꤕꤢꤩ꤬ꤋꤝꤢ꤬ꤕꤢꤩ꤬ꤋꤛꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤟꤢꤨ ꤕꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤘꤣ ꤞꤤ꤭ꤋꤝꤢ꤬ꤞꤤ꤭ꤋꤛꤢ꤭ ꤔꤣꤧ꤬ ꤕꤢ꤭꤯

အခန်းကိုကြည့်ပါ။ ကော်ပီ

ลีเทส่อพ๊าอาเซ เร๊อ เห่ขุทวาลู๊

14 กู๊แหน่เรอ ซี ซิเงโปล ปว๊า ลอ ล๋าย เปหรี่เปแก โต่, หม่าแน๊เรอ เด๊อคยาปาเนอ เป แม๊ชือ เร๊อ ซี เก่ ซิเงโปล ลอหล่าตี๊กลิ ลอ เจ๊อ เปหรี่เปแก ปา. ฮู๊เนอเรอ, เบ๊อะแบ่เจ่ เหย่ซู่ แฮคยาแซ๊ ปา เตอเนอเนอ, เด๊อ เปขว่าเปคยา เร๊อ ซี เก่ ซิครือซิลอ ฮู๊ เป ซิครือซิลอ เด๊อ ซีขว่าซีคยา เนอ ปา.

အခန်းကိုကြည့်ပါ။ ကော်ပီ




โครินธ์ เนอบ่า ต๊าบ่า 1:14
16 ပူးပေါင်းရင်းမြစ်များ  

ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤖꤛꤢ ꤓꤢꤧ꤬ꤜꤥ꤭ꤓꤢꤧ꤬ꤗꤢꤪ ꤒ꤫ꤢꤧ꤬ ꤞꤤꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤞꤤ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤘꤣ ꤢꤨ꤭ ꤞꤤꤑꤢꤩ꤭ꤕꤜꤥ꤭ꤔꤢꤪ ꤜꤢꤨ꤭ ꤒꤥ꤬ ꤣꤧ꤭ꤔꤣꤧ꤬ꤒꤣ꤬ꤡꤣ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ ꤊꤢꤨ꤬ꤊꤜꤢꤪꤖꤚꤣꤧ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤢ꤬ ꤊꤢꤨ꤬ꤊꤜꤢꤪꤖꤚꤣꤧ꤭ ꤑꤢ꤭ꤒꤣꤧ꤬ꤘꤢꤦ꤬ ꤒ꤫ꤥ꤬ꤖꤢꤧ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤥ꤬ꤔꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤙꤢ꤭ꤖꤚꤢꤩ꤬ ꤟꤣꤧ ꤕꤢ꤭ ꤙꤣꤧꤔꤣꤧ꤬ ꤖꤢꤧ꤯


ꤏꤢ꤮ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤕ꤫ꤢꤦ꤬ꤊꤜꤢꤪ꤬ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤞꤤ꤭ ꤒ꤫ꤥ꤬ꤘꤣ ꤢ꤬ ꤒꤣꤧ꤬ꤘꤢꤦ꤬ ꤕꤢ꤭꤯


ꤢ꤬ꤚ꤫ꤣꤧ꤬ꤜꤣ ꤒꤣ꤬ꤡꤣ꤬ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤟꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤒ꤫ꤣ꤬ꤜꤢꤨ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤞꤤ꤭ ꤞꤤꤕꤜꤢꤪ꤬ ꤜꤢꤨ꤬ꤋꤥꤋꤛꤢ꤭ꤜꤢꤨ꤭, ꤢꤨ꤭ ꤟꤢꤩ ꤕ꤫ꤢꤩ꤬ ꤠꤢꤧ꤭ ꤟꤢꤨꤔꤣꤧ꤬꤯ ꤟꤢꤨ ꤢꤨ꤭ ꤟꤢꤩ ꤕ꤫ꤢꤩ꤬ ꤠꤢꤧ꤭ ꤔꤣꤧ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬ ꤔꤢꤧ ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤢ꤬ꤒꤥ꤭ ꤔꤢꤧ꤭ ꤖꤢꤧ꤯


ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭꤮, ꤠꤢꤧ꤭ ꤗꤢꤧꤓ꤫ꤣꤧ꤬ꤙꤢꤩ꤬ ꤔꤢꤧ ꤒꤢꤩ꤬ꤞꤣꤧ꤭ ꤕꤝꤢ꤭꤮ ꤒꤣ꤬ꤔꤣꤧ꤭ ꤡꤣꤧ꤯ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤞꤤꤋꤚꤢꤦ꤭ ꤔꤢꤧ꤬ꤡꤣꤧ ꤠꤢꤧ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤖꤢꤧ꤯ ꤓꤥ꤭ꤒꤥ꤬, ꤠꤢꤧ꤭ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤊꤣꤧ꤭ꤘꤢꤦ꤬ ꤖꤢꤧ꤯


ꤊꤢꤨꤔ꤫ꤢꤧ꤬ꤚꤣꤧ꤬, ꤊꤢꤩ꤬ ꤟꤢꤩ ꤊꤣꤧ꤬ꤛꤢꤧ꤭ ꤗꤢꤩ꤬ꤞꤢꤦꤒꤢꤩ꤬ ꤘꤣ ꤞꤤ꤭ꤊꤜꤢꤩ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤗꤢꤩ꤬ꤞꤤꤕꤜꤢꤩ꤭ ꤒꤢꤦ ꤠꤢꤧ꤭ ꤗ꤫ꤢ꤬ꤒꤥ꤬, ꤢ꤬ ꤗꤢꤩ꤬ꤞꤤꤕꤜꤢꤩ꤭ ꤒ꤫ꤥ꤬ꤊꤣꤧ꤭ ꤜꤢꤪ꤭ꤟꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤜꤣꤟꤢꤩꤊꤜꤢꤪ꤭ ꤔꤢꤧꤒꤥ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩ ꤔꤢꤧ ꤢ꤬ ꤖꤢꤦ꤬ ꤗꤢꤩ꤬ꤞꤤꤕꤜꤢꤩ꤭ ꤜꤢꤪ꤭ ꤡꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯


ꤒꤣꤧ꤬ꤔꤢꤩ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤙꤢꤩ꤬ ꤓꤢꤧ꤬ꤗꤢꤪꤓꤢꤧ꤬ꤖꤥ꤬ ꤚꤣꤧ ꤋꤛꤢ꤭ꤞꤢꤧ ꤕꤢꤩ꤬ꤔ꤫ꤢꤩ꤬ ꤟꤢꤨꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤕꤢꤩ꤬ ꤟꤢꤩ ꤞꤤ꤭ ꤟꤢꤨꤔꤣꤧ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤟꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤡ꤫ꤢꤧ꤬ ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ ꤞꤤ꤭ ꤔꤢꤧ ꤕꤢꤩ꤬ ꤗꤢꤩ꤬ꤋꤚꤢꤧ꤮ ꤤ꤭ꤒꤢꤩ꤭ꤒꤢꤩ꤭ ꤟꤢꤨꤔꤣꤧ꤬ ꤖꤢꤧ꤯ ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤘꤢꤧ꤬ꤘꤢꤨ꤬ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ꤑꤢꤩ꤭ ꤖꤢꤧ ꤒꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤥ꤬ꤜꤥ꤭ ꤘꤣ ꤢ꤬ꤊꤜꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ, ꤢ꤬ ꤘꤢꤧ꤬ꤘꤢꤨ꤬ ꤊꤣꤧ꤭ꤢꤨ꤭ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤥ꤬꤯


ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤛꤢꤩ꤬ꤞꤤ꤭ ꤙꤢ꤮ ꤒꤢꤩ꤭ ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭꤯ ꤠꤢꤧ꤭ ꤓꤢꤨ꤬ꤞꤢꤩꤚꤣꤧ ꤕ꤫ꤢꤩ꤬ ꤕꤢꤩ꤬ ꤋꤥ꤭ꤙꤢꤧꤞꤝꤢ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤞꤤ꤭ꤚꤤ꤬ꤞꤤ꤭ꤊꤢꤧ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤠꤢꤧ꤭ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤋꤢꤩ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤚꤢꤦ꤭ ꤘꤣ ꤔꤢ꤬ꤟꤢꤩꤔꤢꤨ꤬ ꤕꤢ꤬ ꤡꤣꤧ꤯ ꤞꤤ꤭ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤣꤧ꤭ꤔꤣꤧ꤬, ꤢ꤬ ꤓꤢꤨ꤬ꤚꤢꤧ꤭ꤓꤢꤧ꤬ ꤢꤩꤔꤢꤧ꤬ꤡꤣꤧ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ ꤊ꤫ꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤊꤣꤧ꤭ꤢꤨ꤭ ꤟꤢꤨꤔꤣꤧ꤬ ꤕꤢ꤭ ꤟꤣꤧ꤯


ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤒꤢ꤭ꤒꤢꤩ꤬ ꤚꤢꤧ ꤒꤢꤩ꤬ ꤘꤣ ꤢ꤬ꤚꤢꤧꤜꤣ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ ꤕꤜꤤ꤭ꤖꤥ, ꤓꤥ꤭ꤒꤥ꤬ ꤒ꤫ꤥ꤬ ꤏꤢ꤮ ꤋꤚꤤ ꤟꤢꤧ꤭ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤢꤧ꤬ꤡ꤫ꤢꤧ꤬ ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤞꤤ꤭ꤑꤢꤩ꤭꤯


ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤚꤣꤧ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ ꤕ꤫ꤢꤩ꤬ ꤒꤢꤩ꤬ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤊꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤋꤛꤢ꤭ꤞꤢꤧ ꤔꤢꤧ ꤞꤤ꤭ ꤕꤢ꤭꤯


ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤡꤢꤓꤢꤧ꤬ ꤓꤢꤨ꤬ꤜꤢꤧ꤬ ꤚꤢꤧꤊꤢ꤬ ꤓꤥ꤭ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤚꤢꤧ ꤟꤢꤧ꤭ꤑꤢꤩ꤭ ꤕꤜꤢꤦꤜꤢ꤭ ꤒ꤫ꤥ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗ꤫ꤢꤪ꤬ꤔꤣꤧ꤭ ꤟꤢꤧ꤭ꤒ꤫ꤥ꤬ ꤕꤢ꤭ꤔꤣꤧ꤬ ꤒꤣ꤬ꤖꤥ ꤕꤢ꤭꤯


ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤙꤣꤧ ꤋꤚꤤ ꤟꤢꤧ꤭ꤜꤢꤧ꤬ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤜꤢꤪ꤭ ꤠꤢꤧ꤭ ꤒꤢꤩ꤬ꤢꤧꤡꤢꤦ ꤒꤣꤧ꤬ꤟꤢꤩ꤬ ꤔꤢꤧ ꤠꤢꤧ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤊꤢꤧ꤭ꤘꤢꤩ꤭ ꤕꤢ꤬ꤒꤥ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤘꤣ ꤞꤤ꤭ꤋꤝꤢ꤬ꤞꤤ꤭ꤋꤛꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤕꤢ꤭꤯


ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤠꤢꤧ꤭ ꤞꤤꤔꤢꤩ꤬ꤞꤥ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤒꤣꤧ꤬ꤟꤢꤩ꤬, ꤞꤤ꤭ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ ꤠꤢꤧ꤭ ꤚꤣꤧ꤬ ꤠꤢꤧ꤭ ꤖꤛꤢꤓꤢꤧ꤬ꤜꤥ꤭ꤗꤥ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤠꤢꤧ꤭ꤔ꤫ꤢꤩ꤬ ꤔꤢꤧ ꤞꤤ꤭ꤋꤛꤢ꤭ ꤡꤣꤧ꤯ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮ ꤣꤧ꤭ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤒꤥ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤢ꤬ꤊꤢꤨ꤭ ꤟꤢꤨꤒꤢꤩ꤭ꤔꤣꤧ꤬ ꤟꤣꤧ꤯


ꤙꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤜꤢꤧ꤬ ꤒ꤫ꤣ꤬ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤜꤢꤪ꤭ꤕꤜꤤ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ꤖꤢꤩ꤭ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ ꤚꤣꤧꤘꤢꤦ꤬ ꤞꤤ꤭ ꤞꤤꤕꤜꤢꤪ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤔꤤ꤮꤯


ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤘꤣꤧ ꤕꤢꤩ꤬ ꤒꤢꤩ꤬ꤞꤥ꤬ꤒꤢꤩ꤬ꤋꤚꤢꤩ꤭ ꤣꤧ꤭ꤒꤣꤧ꤬ꤖꤚꤢꤩ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤊ꤫ꤢꤦ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤚꤣꤧꤘꤢꤦ꤬ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤢꤩ꤬ꤒꤥ꤭ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤚꤣꤧꤘꤢꤦ꤬ ꤜꤢꤨ꤭ ꤞꤤꤕꤜꤢꤪ꤬꤯ ꤓꤥ꤭ꤒꤥ꤬ ꤏꤢ꤮ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤟꤢꤧ꤭ ꤋꤛꤢ꤭ꤞꤢꤧ ꤕꤢ꤭ꤔꤣꤧ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤡ꤫ꤢꤧ꤬ꤕꤢ꤬ ꤒ꤫ꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤧꤡꤢꤧ꤬ꤚꤣꤧ ꤜꤢꤪ꤭ꤊꤣꤧ꤭ ꤕ꤫ꤥ꤬ꤘꤢꤦ꤬ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤔꤢꤧ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤕꤢ꤭ ꤔꤤ꤮꤯


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ