ꤋꤢꤨ꤭ꤕꤢꤪꤜꤢꤨ ꤡꤝꤢ ꤟꤢꤧ꤭ꤑꤢꤩ꤭ ꤕ꤫ꤥ꤬ ꤘꤣ ꤑꤢꤩ꤭ ꤚꤣꤧ꤬ ꤢ꤬ ꤡꤝꤢꤒ꤫ꤥ꤬ ꤘꤣ ꤠꤤ꤭ꤘꤢꤩ꤬ꤙꤢꤩ꤬ ꤔꤢꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬꤯ ꤙꤣꤧ ꤠꤤ꤭ꤜꤢꤨꤎꤢ꤬ꤒꤢ꤬ꤚꤢ꤬ ꤢ꤬ꤊꤢꤨ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤥ꤬ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬꤯ ꤚꤣꤧ꤬ ꤢ꤬ꤗ꤫ꤥ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤒꤣ꤬ꤖꤚꤢꤩ꤬, ꤗꤢ꤬ꤔꤢꤧꤚꤣꤧ꤬ ꤢ꤬ꤖꤢꤩ꤭ ꤗꤢ꤬ ꤊꤚꤤꤗꤤ꤭ꤡꤣ꤬ꤖꤢꤨ ꤒꤣ꤬ꤖꤚꤢꤩ꤬꤯
ทิโมธี อาเหร่อเล๊อ ต๊าบ่า 6:20 - Eastern Kayah Shadaw Dialect20 ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬꤮ ꤕ꤫ꤢꤦ꤬ꤗꤢ꤬ ꤚꤣꤧ꤬ ꤒꤣꤧ꤬ꤊꤢꤩ꤬ꤙꤤ ꤚꤢꤧ ꤚꤣꤧ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤛ꤫ꤢꤦ꤬ꤢꤩ꤬ꤚꤣꤧ ꤔꤢꤧ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤗꤢꤧꤡ꤫ꤢꤧ꤬ ꤚꤢꤧ ꤚꤣꤧ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤡꤝꤢꤠꤢꤪ꤬ ꤋꤢꤩ꤭ꤠꤢꤪ꤬ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤘꤥ꤬ꤔꤢꤧ꤭ ꤔꤢꤧ ꤢ꤬ ꤒꤢꤩ꤬ꤋꤚꤢꤩꤋꤚ꤫ꤢꤧ꤬ ꤊꤢꤧ꤭ꤘꤢꤩ꤭ ꤜꤢꤨ꤭ ꤘꤣ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤒꤣꤧ꤬ꤔꤢꤩ꤬ꤞꤢꤦ ꤡ꤫ꤢꤧ꤬ ꤡꤣꤧ ꤔꤢꤧ “ꤒꤢꤩ꤬ꤞꤤꤑꤢꤩ꤭” ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊20 คูทิโมธีซี๋ ปื่อหม่า เร๊อ เตเกบี๊แร๊หนิ เต เด๊อ จอแปแหร่ หยื่อเอ่หนิ เน เด๊อ เน เก่ แม๊ตู่ หนิ แร๊ เตเนอเต๊เห่ นี๋. จว๊าวอ เควอ แก แกแย เด๊อ อา แด่หยื่อแด่แหน่ เกออู จอแปแหร่ โต่ เนอเต๊เห่ อา เตโด่แน เน๊อ อา เตเคร๊แขระ แกเด ลู เด๊อ แกแย เต๊เห่เห่ เตเนซื๊อ แจ่ เจ๊อ เน๊อ “เตซิเง” เนอเต๊เห่ นี๋. အခန်းကိုကြည့်ပါ။ |
ทิโมธี อาเหร่อเล๊อ ต๊าบ่า 6:20
30 ပူးပေါင်းရင်းမြစ်များ
ꤞꤢꤚꤢ ꤘꤣ ꤢꤨ꤭ ꤢꤩ ꤔꤢꤧ, ꤢꤧ꤬ꤕꤤ꤬ꤊꤢꤨ꤬ꤚꤢꤨꤖꤢꤨ ꤔꤢꤧ ꤎꤢ꤬ꤒꤢꤪꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ꤘꤥ꤬ꤔꤢꤧ꤭ ꤋꤚꤢꤩꤋꤚ꤫ꤢꤧ꤬ ꤜꤢ꤭ꤋꤢꤧ꤭ ꤔꤢꤧ ꤋꤢꤨ꤭ꤕꤢꤪꤜꤢꤨ꤯ ꤛꤢꤩ꤬ꤞꤤ꤭ ꤢ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤋꤢꤨ꤭ꤕꤢꤪꤜꤢꤨ ꤔꤢꤧ, “ꤊꤣꤧ꤬ꤛꤢꤧ꤭ ꤒꤢꤩ꤬ꤞꤤꤑꤢꤩ꤭ ꤥ꤬ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬ ꤚꤣꤧ꤬ ꤢ꤬ ꤡꤝꤢꤊꤜꤝꤢꤗꤢꤩ꤬ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤡ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ꤣꤧ꤭ ꤢ꤬ ꤡꤝꤢ ꤟꤢꤩꤋꤚꤢꤧ꤮ ꤤ꤭ꤒꤢꤩ꤭ꤒꤢꤩ꤭?” ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤟꤢꤩ ꤜꤢ꤭ꤒꤢꤩ꤬ ꤔꤢꤧ, “ꤢ꤬ ꤞꤢꤧꤔꤢꤧ ꤢ꤬ ꤘꤥ꤬ꤔꤢꤧ꤭ ꤓꤣꤧ꤭ꤚꤥ꤬ꤊ꤫ꤢꤩ꤬ꤊꤜꤢꤪ꤭ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭ ꤡꤝꤢꤟꤢꤩꤒ꤫ꤥ꤬ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤒꤥ꤭ꤙꤣꤧ ꤋꤢꤨ꤭ꤕꤢꤪꤜꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤢ꤬ꤒꤢꤩ꤬ꤞꤣꤧ꤭ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯
ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤏꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤤꤒꤢꤩ꤬ꤖꤢꤩ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤥ꤬ ꤗ꤫ꤢ꤬ꤒꤥ꤬꤯ ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤗ꤫ꤢ꤬ꤒꤥ꤬ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤕꤛꤢꤊꤢꤧ꤭ ꤜꤢꤪ꤭ ꤕꤢ꤭꤯
ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤔꤢꤧ ꤣꤧ꤭ꤗꤢ꤬ ꤒꤢꤩ꤬ꤞꤤꤖꤢꤩ ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤔꤣꤧ꤬ꤗꤢ꤬ ꤢ꤬ ꤗꤢ꤬ ꤖꤢꤧ ꤒꤢꤩ꤬ꤥ꤬ꤜꤣꤥ꤬ꤊꤜꤢꤪ꤭ ꤖꤢꤧ꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤡ꤫ꤢꤧ꤬ ꤜꤢ꤭ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤕ꤫ꤢꤦ꤬ꤔ꤫ꤤ꤬ꤊꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤡ꤫ꤢꤧ꤬ ꤢ꤬ꤘꤢꤕꤢ꤭ ꤣꤧ꤭ꤔꤣꤧ꤬ꤟꤣꤧ꤯ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤗꤢꤩ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤘꤢꤕꤢ꤭ ꤖꤢꤧ꤯”
ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤏꤝꤢ꤬ ꤞꤤ꤭ ꤔꤢꤧ ꤞꤤ꤭ ꤙꤢꤩ꤬ ꤏꤢꤧ꤬ꤜꤢꤧ꤬ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤔꤢꤪ꤭ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤭ ꤞꤤ꤭ ꤔꤢꤧ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤟꤢꤨ ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ꤓꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤓꤥ꤭ꤟꤣꤧ ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤕꤢ꤬ ꤒꤥ꤬꤯ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤟꤢꤩ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤡꤣꤧ ꤢ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤧꤜꤝꤢ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤋꤥꤘꤢꤦ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤘꤢꤧꤓꤢꤩ꤬ꤜꤣꤓꤢꤩ꤬ꤊꤜꤢꤪ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯
ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤚꤣꤧ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ꤞꤢꤦ ꤘꤢꤦ꤬ꤑꤢꤩ꤭ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤊꤢꤧ꤭ꤘꤢꤩ꤭ ꤖꤢꤧ꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤗ꤫ꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤓꤢꤦ꤭ ꤓꤥ꤭ ꤒꤣ꤬ꤓꤢꤦ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤚꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤟꤢꤧ꤭ ꤘꤣ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤖꤢꤧ꤯ ꤒꤢꤩ꤬ꤤ꤬ꤞꤝꤢ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤥ꤬ ꤗ꤫ꤢ꤬ꤒꤥ꤬꤯
ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ꤕ꤫ꤢꤩ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤞꤤ꤭ꤚꤤ꤬ꤞꤤ꤭ꤊꤢꤧ꤭꤯ ꤙꤣꤧ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤚꤣꤧ꤬ ꤞꤤ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤖꤛꤢꤓꤢꤧ꤬ꤜꤥ꤭ ꤗꤥ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤕꤢꤩ꤬ ꤞꤤꤕꤜꤢꤪ꤬꤯
ꤟꤢꤨꤔꤣꤧ꤬ꤚꤣꤧ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤓꤥ꤭ꤕ꤫ꤢꤩ꤬ꤟꤣꤧ ꤞꤤ꤭ ꤔꤢꤧ ꤕꤢꤩ꤬ ꤊꤢꤨꤢꤨ꤬ꤊꤢꤨꤖꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤓꤥ꤭ꤟꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤜꤤ꤬ ꤘꤣ ꤕꤢꤩ꤬ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤥ꤬ꤊꤜꤢꤪ꤬ꤏꤢꤪꤗꤢ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤚꤣꤧ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤔꤤ꤮꤯
ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤡꤢꤪꤢ꤬ꤒꤢꤩ꤬ ꤣꤧ꤭ꤔꤣꤧ꤬ꤗꤢ꤬, ꤗꤢꤧꤓ꤫ꤣꤧ꤬ ꤖꤢꤧ ꤘꤣ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤖꤢꤧ꤯ ꤡꤢꤪꤗꤣꤧ꤬ꤚꤢꤧ꤬ ꤛ꤫ꤢꤦ꤬ꤢꤩ꤬ꤚꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤙꤢꤩ꤬ ꤠꤣꤒꤢ꤭ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤡꤢꤪꤢ꤬ꤒꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤒꤢꤩ꤬ꤏꤢꤪ꤭ꤚꤤ꤬ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤨ꤬ ꤘꤣ ꤢꤨ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬꤯
ꤟꤢꤩꤏꤥ꤬ꤚꤣꤧ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤢꤪ꤭ ꤊꤢꤧ꤭ꤘꤢꤩ꤭ ꤒ꤫ꤢꤧ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤔꤢꤧ ꤒꤢꤩ꤬ꤘꤥ꤬ꤔꤢꤧ꤭ ꤊꤣꤧꤔꤤ꤭ꤊꤣꤧꤔ꤫ꤥ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤘꤢꤧꤊꤜꤝꤤ꤭ꤘꤢꤧꤜꤢꤧ꤭ ꤘꤣ ꤢ꤬ꤓꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬꤯ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤘꤣꤧꤥ꤬ꤓꤢꤧ꤬ ꤖꤢꤧ ꤒꤢꤩ꤬ꤋꤚꤢꤩꤋꤚ꤫ꤢꤧ꤬ ꤜꤢꤨ꤭, ꤓꤥ꤭ꤒꤥ꤬ ꤢ꤬ ꤗꤢꤩ꤬ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤒ꤫ꤣ꤬ꤊꤣꤧ꤭ꤕ꤫ꤥ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤘꤣ ꤕꤢꤩ꤬ ꤗꤢꤩ꤬ꤡ꤫ꤢꤧ꤬ ꤒꤢꤦꤖꤢꤧ ꤢ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤔꤣꤧ꤬ꤔꤣꤧ꤬꤯
ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤘꤣꤧꤥ꤬ꤓꤢꤧ꤬ ꤢ꤬ ꤘꤣ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤢꤨ꤭ ꤘꤣꤧꤥ꤬ꤓꤢꤧ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤡꤢꤪꤙꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤒꤣꤧ꤬ꤔꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤗꤢꤩ꤬ꤞꤣꤧ꤭ ꤢ꤬ꤖꤢꤩ꤭ ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ꤗ꤫ꤥ꤬ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬,
ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤘꤥ꤬ꤔꤢꤧ꤭ ꤘꤣ꤮ ꤑꤢꤔꤢꤨ꤬ ꤘꤣ ꤢ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤊꤣꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, ꤒꤢꤩ꤬ꤘꤥ꤬ꤔꤢꤧ꤭ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤊꤣꤧ꤭ꤢꤨ꤭ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤡꤝꤢꤠꤢꤪ꤬ ꤋꤢꤩ꤭ꤠꤢꤪ꤬ꤊꤢꤧ꤭ ꤜꤢ꤭ꤋꤢꤧ꤭ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤢ꤬ꤑꤢꤩ꤭ꤔꤣꤧ꤬ ꤤ꤬ꤞꤝꤢ ꤡ꤫ꤢꤧ꤬ꤓꤢꤧ꤬ ꤚꤣꤧꤋꤛꤢ꤭ ꤔꤢꤧ꤬ꤔ꤫ꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯
ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ ꤚꤣꤧ꤬ ꤔꤢꤧ꤬ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤜꤢꤧ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤜꤢꤪ꤭ ꤒꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤔꤤ꤮꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤥ꤬ ꤔꤢꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬, ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬, ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬, ꤒꤢꤩ꤬ꤗꤥ꤬ꤒꤢꤩ꤬ꤊꤜꤢꤩ꤭, ꤒꤢꤩ꤬ꤋꤢꤧ꤭ꤙꤢꤩꤒꤢꤩ꤬, ꤒꤢꤩ꤬ꤞꤤꤘꤥ꤭ꤞꤤꤍꤢ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤚꤣꤧ꤬ ꤢꤧꤡꤢꤦ ꤋꤚꤝꤢ꤭ꤜꤢꤦ꤬ꤕ꤫ꤢꤦ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯
ꤋꤢꤨ꤭ꤒꤤꤒꤢꤨ꤮, ꤠꤢꤧ꤭ ꤚꤢ꤭ꤡꤝꤢ ꤜꤤ꤬ ꤣꤧ꤭ꤒꤣ꤬ꤙꤢ꤬ ꤘꤣ ꤔꤢꤧ꤬ꤥ꤬꤯ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤜꤢ꤭ ꤞꤢꤧꤡꤣꤧꤔꤢꤧ ꤕꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤔꤢꤧ꤬ꤔꤣꤧ꤬ ꤢ꤬ ꤞꤢꤧꤡꤣꤧꤔꤢꤧ ꤠꤢꤧ꤭ꤖꤢꤨ ꤒꤣꤧ꤬ꤒ꤫ꤢꤪ꤬ ꤔꤢꤧ ꤠꤢꤧ꤭ꤔ꤫ꤢꤩ꤬ ꤡꤣꤧ꤯ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤊ꤫ꤢꤦ꤬ ꤘꤣꤧꤘꤢꤦ꤬ ꤔꤢꤧ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤔꤢꤧ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤔꤤ꤮꤯
ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ꤙꤢꤩ ꤢꤨ꤭ ꤔꤢꤧ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤤ꤬ꤞꤝꤢꤤ꤬ꤞꤢꤧ꤬ ꤊꤢ꤬ꤋꤛꤢ꤭ꤏꤢꤦ꤬ꤡ꤫ꤢꤧ꤬ ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ꤏꤢꤦ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤛ꤫ꤢꤦ꤬ꤢꤩ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤢꤨ꤭ ꤛ꤫ꤢꤦ꤬ꤢꤩ꤬ꤚꤣꤧ ꤢ꤬ ꤚꤣꤧ꤬ ꤟꤢꤨ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯
ꤗꤢ꤬ꤔꤢꤧꤚꤣꤧ꤬ ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤟꤢꤩꤙꤢꤩ꤬ ꤋꤚꤢꤩꤋꤚ꤫ꤢꤧ꤬ ꤊꤢꤧ꤭ꤘꤢꤩ꤭ ꤋꤛꤢ꤭ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤘꤢꤧꤊꤜꤝꤤ꤭ꤘꤢꤧꤜꤢꤧ꤭ ꤘꤣ ꤢ꤬ꤓꤢꤨ꤭ ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤒꤢꤩ꤬ꤋꤚꤢꤩꤋꤚ꤫ꤢꤧ꤬ ꤜꤢꤨ꤬ꤖꤚꤥꤜꤢꤨ꤬ꤖꤚꤢꤧ꤭ ꤋꤛꤢ꤭ꤜꤢꤨ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤙꤝꤤꤒꤣꤧ꤬ꤚꤣꤧ꤭ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯ ꤢ꤬ ꤊꤢꤧ꤭ꤘꤢꤩ꤭ ꤖꤢꤧ꤯
ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤒꤣꤧ꤬ꤔꤢꤩ꤬ꤓꤢꤧ꤬ꤙꤢꤩ꤬ ꤚꤣꤧꤋꤛꤢ꤭ ꤒꤢꤩ꤬ꤘꤣ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤔꤢꤧ꤬ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤘꤣ ꤔꤢꤧ꤬ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤡꤢꤨ꤭ꤢꤩ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤛꤢꤧ꤬ ꤚꤣꤧ ꤔꤢꤧ꤬ꤔ꤫ꤢꤩ꤬ ꤔꤣꤧ꤬꤯ ꤊꤢꤩ꤬ ꤔꤢꤧ꤬ ꤥ꤬ꤗꤣꤧ꤭ ꤒꤣꤧ꤬ꤘꤢꤦ꤬ꤕꤢ꤬ ꤟꤢꤩꤔꤣꤧ꤬ꤗꤢ꤬ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤘꤣ ꤔꤢꤧ꤬ꤥ꤬ ꤟꤢꤨ ꤖꤚꤢꤩ꤬ꤢꤩ꤬ꤟꤥ꤬ ꤒꤣ꤬ꤖꤚꤢꤩ꤬ ꤔꤣꤧ꤬ ꤕꤢ꤭꤯ ꤠꤢꤧ꤭ ꤟꤢꤧ꤭ ꤙꤢꤪꤋꤢꤩ꤭ꤒꤢꤩ꤭ ꤕꤢ꤭ꤔꤣꤧ꤬ ꤔꤢꤧ꤬ ꤞꤤꤑꤢꤩ꤭ꤒꤥ꤬꤯
ကြော်ငြာတွေ