ทิโมธี อาเหร่อเล๊อ ต๊าบ่า 5:24 - Eastern Kayah Shadaw Dialect

²⁴ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤔꤣꤧ꤬ ꤢ꤬ ꤥ꤬ꤜꤥ꤭ ꤜ꤫ꤢ꤬ꤜꤤ꤭ ꤚꤢꤧꤡꤣꤧ, ꤚꤣꤧ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤔꤣꤧ꤬, ꤊꤢꤨꤔ꤫ꤢꤧ꤬ꤋꤢꤩ꤭ꤣꤧ꤭ ꤢꤨ꤭ ꤗꤢꤧꤓ꤫ꤣꤧ꤬ꤡ꤫ꤢꤧ꤬ ꤢ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤔꤥ꤬ ꤢ꤬ ꤘꤣꤋꤛꤢ꤭ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

²⁴ แกแย เต๊เห่เห่ อา เตซื๊อเตปล๊า เนอ อา โอ่โล หล่าลี แร๊เจ๊อ, เร๊อ อู ปว๋า เตเพร แม๊เถอะ ซิเง ล๊อปลี เหย่ซี เตซื๊อ เออเนอ เน๊อ จอแปแหร่ เก่ เมจากาคยา เหย่ซี ปา หม่าแน๊เรอ แกแย เด๊อ อาโร เต๊เห่เห่ อา เตซื๊อเตปล๊า เนอ, กู๊แหน่เคเออ อู แม๊เถอะแจ่ อา โต่. หม่าแน๊เรอ อู เก่ แม๊เถอะเนอ อา เด๊อคยา ปา.

ทิโมธี อาเหร่อเล๊อ ต๊าบ่า 5:24 ပူးပေါင်းရင်းမြစ်များ

ทิโมธี เนอบ่า ต๊าบ่า 4:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤋꤢꤨ꤭ꤘꤢꤩ꤬ꤗꤢ ꤗꤥ꤬ꤚꤣꤧ ꤒꤢꤩ꤬, ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤟꤣꤧ ꤔꤢꤧ ꤠꤢꤧ꤭ ꤟꤣꤧ, ꤚꤣꤧ꤬ ꤢ꤬ ꤡꤝꤢꤟꤣꤧ ꤘꤣ ꤠꤤ꤭ꤞꤢꤩ꤬ꤎꤢ꤬ꤜꤢ꤬ꤔꤤ ꤟꤣꤧ꤯ ꤋꤢꤨ꤭ꤊꤚꤤꤎꤢ꤬ꤊꤤ꤬ ꤚꤣꤧ꤬ ꤢ꤬ ꤡꤝꤢꤟꤣꤧ ꤘꤣ ꤊꤢ꤬ꤜꤢ꤬ꤒꤤꤊ꤫ꤢꤩ꤬ ꤚꤣꤧ꤬ ꤋꤢꤨ꤭ꤒꤤꤒꤢꤨ ꤚꤣꤧ꤬ ꤢ꤬ ꤡꤝꤢꤜꤢ꤭ꤒꤢꤩ꤬ ꤘꤣ ꤘꤢ꤬ꤜꤢ꤬ꤗꤢꤒꤤ꤬ꤊ꤫ꤢꤩ꤬ ꤟꤣꤧ꤯

เพรโด่แนพู๊ เต๊เห่ 8:18

ꤙꤣꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤘꤢꤧ꤬ꤓꤢꤧ꤬ ꤢ꤬ꤊꤢꤨꤋꤢꤨ꤬ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤢꤩ꤭ꤔꤣꤧ꤬, ꤋꤢꤨ꤭ꤏꤛꤤꤗꤥ꤬ ꤗꤢꤧꤓ꤫ꤣꤧ꤬ ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤘꤣꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤚꤢꤦ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ ꤊꤣꤧ꤭ ꤠꤢꤧ꤭ ꤊꤢꤨꤋꤢꤨ꤬ ꤘꤣ ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤢ꤬ꤜꤥ꤬ ꤕꤢ꤭ ꤔꤣꤧ꤬ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤘꤣꤧꤕ꤫ꤢꤩ꤬ꤊꤣꤧ꤭ ꤠꤢꤧ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ꤔꤣꤧ꤬ꤒꤣ꤬ꤡꤣ꤬꤯”

ꤚꤥꤗꤢꤩ꤬ 3:7

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤊ꤫ꤢꤦ꤬ ꤋꤚ꤫ꤢꤧ꤬ꤏꤢꤦ꤬ ꤔꤢꤧ, “ꤠꤢꤧ꤭ ꤗꤢꤩ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤗꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤊꤢꤩ꤬ꤟꤢꤩꤚꤣꤧ꤬, ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤢ꤬ ꤡꤝꤢ ꤘꤣꤧꤡꤢ꤭ꤒ꤫ꤥ꤬ ꤖꤚꤢꤩ꤬ꤥ꤬ꤚꤢ꤬ꤖꤢꤨ, ꤟꤢꤨ ꤠꤢꤧ꤭ꤣꤧ꤭ ꤗꤢꤩ꤬ꤒꤢꤩ꤭?”

เตเด๊อะโลแถ่ 14:13

ꤓꤥ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤖꤚꤢ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤚꤢ꤭ꤗꤢꤊꤢꤧ꤭ ꤣꤧ꤭ꤔꤣꤧ꤬, ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯” ꤙꤢꤧ꤬ꤡꤢꤩ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤩ ꤔꤢꤧ, “ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤊꤥꤊꤢꤧ꤭ ꤜꤢ꤭ꤋꤢꤧ꤭ ꤟꤣꤧ ꤘꤣ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤔꤢꤧ ꤢ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤟꤣꤧ꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤞꤤ꤭ꤋꤛꤢ꤭ ꤕꤢ꤭꤯”