ทิโมธี อาเหร่อเล๊อ ต๊าบ่า 3:8 - Eastern Kayah Shadaw Dialect

⁸ ꤞꤢꤧꤟꤢꤨꤔꤣꤧ꤬ꤟꤣꤧ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤘꤣ ꤢ꤬ ꤗꤢꤩ꤬ꤡꤝ꤫ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤘꤢꤧ꤬ꤘꤢꤨ꤬ ꤛꤢꤩ꤬ꤞꤤ꤭, ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤟꤢꤩꤙꤢꤩ꤬ꤡꤢꤪ ꤍ꤫ꤥ꤬, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤥ꤭ ꤒꤣꤧ꤬ꤜꤝꤢꤒꤢ꤭ꤊꤢꤧ꤭ꤔ꤫ꤤ꤬ ꤎꤢ꤬ꤕꤛꤤꤓꤣꤧ꤭ꤛꤢꤧ꤭ ꤒꤥ꤬, ꤓꤥ꤭ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤜꤣꤧ꤬ꤟꤥ꤭ ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ꤔ꤫ꤤ꤬ ꤚꤢꤦ꤭ ꤘꤣ ꤢꤨ꤭ꤋꤢꤨ꤬ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

⁸ แซ่ฮู๊เนอเฮ๊อ แกแย ทวา ทวาดุทวาเต เด๊อ อา เมจว่า เพรหยื่อเอ่ตู๊หมู่ตอกล๊อ เต๊เห่เนอ, อู ปว๋า เตเพร โตเบ่ แด่ดุ เหย่ซี, เร๊อ เหย่ซี โตเบ่ เฮ๊เบ่จ๊อ โหง่, เหย่ซี โตเบ่ โอ ตาลว๊าตาแกหนิ แท๊ทือเส่เทอแย โต่, โทเรอ อา โตเบ่ แลโฮ กู๊หว่ากู๊เว เอ่หนิ รือ เด๊อ อูขุ โต่.

ทิโมธี อาเหร่อเล๊อ ต๊าบ่า 3:8 ပူးပေါင်းရင်းမြစ်များ

ฟีลิปปี 1:1

ꤕꤢꤩ꤬ ꤗꤢ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬꤯ ꤕꤢꤩ꤬ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ ꤣꤧ꤭ꤒꤣ꤬ꤙꤢ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤖꤤꤜꤤ꤬ꤕꤤ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤕꤢꤩ꤬ ꤚꤢ꤭ꤡꤝꤢꤕ꤫ꤢ꤬ꤒ꤫ꤣ꤬ ꤕ꤫ꤢꤩ꤬ꤊꤣꤧ꤭ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬꤯

ꤒꤤꤒꤢꤨ 2:3

ꤟꤢꤨꤔꤣꤧ꤬ꤟꤣꤧ, ꤞꤢꤧꤟꤢꤨ ꤖꤚꤢꤩ꤬ꤗꤢꤪ꤬ ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ ꤔꤣꤧ꤬ꤚꤣꤧ꤬, ꤤ꤬ꤞꤝꤢꤤ꤬ꤞꤢꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤤ꤮꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤘꤢꤧꤔ꤫ꤤ꤬ ꤢꤨ꤭ꤛ꤫ꤢꤧ꤬ꤛꤥ꤬ ꤒꤥ꤬, ꤢ꤬ ꤒꤥ꤭ꤙꤢꤩ꤬ ꤓꤝꤢ꤭ꤔ꤫ꤤ꤬ ꤓꤣꤧ꤭ꤞꤤꤖꤚ꤫ꤢꤩ꤬ ꤢ꤬ꤡ꤫ꤢꤦ꤬ ꤒꤥ꤬꤯ ꤢꤨ꤭ ꤒꤥ꤭ꤙꤢꤩ꤬ ꤗꤢꤩ꤬ꤒꤢꤩ꤬ꤚꤢꤧ ꤟꤢꤨꤒꤢꤩ꤭ꤟꤢꤨꤒꤢꤩ꤭ ꤔꤣꤧ꤬, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤤ꤬ꤞꤝꤢ ꤢꤨ꤭꤯

ทิโมธี อาเหร่อเล๊อ ต๊าบ่า 5:23

ꤥ꤭ꤒꤢꤦꤓꤣꤧ꤭ ꤒ꤫ꤢꤧ꤬ꤗꤢꤩ꤬, ꤥ꤭ꤏꤤ꤭ꤜꤢꤧ ꤒ꤫ꤣ꤬ꤔꤢꤧ ꤎꤢ꤬ꤕꤛꤤꤓꤣꤧ꤭ ꤒꤣꤧ꤬ꤊꤤ꤬ ꤒꤣꤧ꤬ꤊꤤ꤬ ꤔꤤ꤮꤯ ꤔꤢꤧ꤬ ꤏꤝꤤ ꤒꤣꤧ꤬ꤗꤥ꤭ꤗꤥ꤭ ꤘꤢꤦ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤊ꤫ꤢꤦ꤬ ꤗꤢꤩ꤬ꤚꤢꤧꤡꤝ꤫ꤢ꤬ꤊꤣꤧ꤭ ꤔꤢꤧ꤬ꤟꤢꤪꤊꤢꤨ꤭ ꤢ꤬ꤒꤢꤩ꤬ꤏꤢꤩ꤭ ꤣꤧ꤭ꤔꤣꤧ꤬ ꤕꤢ꤭꤯

ทิโมธี อาเหร่อเล๊อ ต๊าบ่า 3:3

ꤓꤥ꤭ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤢꤩ꤬ꤗꤢꤦ꤬ꤥ꤭ꤖꤚꤢꤧ ꤔ꤫ꤤ꤬ ꤒꤥ꤬, ꤢ꤬ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤖꤥ꤬ ꤔ꤫ꤤ꤬ ꤒꤥ꤬, ꤗ꤫ꤢ꤬ꤟꤢꤩꤗꤢ꤬ ꤢ꤬ ꤒꤥ꤭ꤙꤢꤩ꤬ ꤗ꤫ꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤘꤥ꤭ꤞꤤꤍꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤋꤚꤢꤩꤢ꤬ꤋꤚ꤫ꤢꤧ꤬ ꤊꤣꤧ꤭ꤢꤨ꤭ ꤒꤥ꤬, ꤢ꤬ ꤙꤢꤩ꤬ꤗꤥ꤬ꤚꤣꤧ ꤚꤢꤦ꤭ꤓꤢꤩ꤭ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 3:10

ꤘꤣ ꤊꤢꤧ꤭ꤊꤢꤨ꤭ ꤒꤣ꤬ꤊꤢꤨ꤭ꤊꤢꤨ꤭꤮ ꤟ꤫ꤢꤨ꤬ ꤖꤢꤧ ꤣꤧ꤭ꤢ꤬ꤊꤢꤨ꤭ꤔꤣꤧ꤬ ꤒꤢꤩ꤬ꤓꤢꤨ꤬ꤞꤢꤩꤓꤢꤧ꤬ ꤚꤣꤧ꤬ ꤢ꤬ ꤓꤢꤩ꤬ꤓꤢꤩ꤬, ꤒꤢꤩ꤬ꤤ꤬ꤏꤢꤪ꤭ꤟꤢ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤓꤢꤩ꤬ꤓꤢꤩ꤬꤯ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤢ꤬ ꤒꤥ꤭ꤙꤢꤩ꤬ ꤓꤢꤩ꤬ ꤟꤢꤨꤔꤣꤧ꤬ ꤒꤥ꤬꤯

ꤒꤤꤒꤢꤨ 1:7

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤒꤢꤩ꤬ꤗꤢꤩ꤬ ꤜꤢꤧ꤬ꤙꤢꤩ꤬ ꤢ꤬ ꤘꤣ ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤜ꤫ꤢꤩ꤬ꤘꤢꤧ꤬ ꤢ꤬ ꤒꤢꤩ꤬ꤞꤢꤦ ꤗꤢ꤬ ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤊꤢꤨ꤬ꤊꤜꤢꤪꤖꤚꤣꤧ꤭ ꤔꤢꤧ ꤞꤤꤕꤜꤢꤪ꤬ ꤘꤢꤨ꤬ꤓꤢꤧ꤬ꤖꤚꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤙꤢꤩ꤬ ꤢꤩ꤬ꤗꤢꤦ꤬ꤥ꤭ꤖꤚꤢꤧ ꤔ꤫ꤤ꤬ ꤒꤥ꤬, ꤙꤢꤩ꤬ꤗꤢꤦ꤭ꤙꤢꤩ꤬ꤕꤢꤪ꤭ꤔ꤫ꤤ꤬ ꤢꤨ꤭ꤚꤥ꤬ ꤒꤥ꤬, ꤙꤢꤩ꤬ ꤗꤢꤧꤕꤢꤨ꤭ꤢꤩ꤬ꤔ꤫ꤤ꤬ ꤚꤢꤦ꤭ ꤘꤣ ꤢꤨ꤭ꤋꤢꤨ꤬ ꤒꤥ꤬꤯

ทิโมธี อาเหร่อเล๊อ ต๊าบ่า 3:12

ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ꤗꤢꤩ꤭ ꤒꤥ꤭ꤙꤢꤩ꤬ ꤥ꤬ꤖꤢꤧ ꤒꤣ꤬ꤖꤚꤢꤩ꤬ꤒꤥ꤬, ꤢ꤬ ꤒꤥ꤭ꤙꤢꤩ꤬ ꤕꤣꤡ꤫ꤢꤧ꤬ ꤚꤢꤧ ꤚꤣꤧꤘꤢꤦ꤬ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ꤯

เปโตร อาเหร่อเล๊อ ต๊าบ่า 5:2

ꤞꤤ꤭ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤘꤣ ꤢ꤬ꤞꤢꤧꤔꤢꤧ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤗꤢꤧꤡꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤗꤤ꤬ꤗꤢꤨ꤬ ꤘꤣ ꤢ꤬ ꤘꤣꤧ ꤞꤤ꤭ ꤣꤧ꤭ꤔꤣꤧ꤬ꤒꤣ꤬ꤗꤢꤨ꤬, ꤚꤣꤧ꤬ ꤥ꤬ꤕ꤫ꤢꤪ꤬ꤗꤢꤧꤚꤢꤧ ꤜꤢ꤭ꤋꤢꤧ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬, ꤚꤣꤧ꤬ ꤞꤤꤕꤜꤢꤪ꤬ ꤥ꤬ ꤗꤢꤧꤚꤢꤧ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤧ ꤞꤤ꤭ ꤔꤣꤧ꤬ ꤔꤤ꤮꤯ ꤗꤢꤩ꤬ ꤒ꤫ꤢꤧ꤬ ꤟꤢꤨ ꤢꤨ꤭ ꤔꤢꤪ꤭ꤏꤝꤢ꤬ ꤞꤤ꤭ ꤚꤣꤧ꤬ ꤞꤤ꤭ ꤗꤢꤩ꤬ꤖꤢꤧꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤗꤢꤧꤘꤢꤨ꤬ ꤜꤢ꤭ꤋꤢꤧ꤭ ꤋꤝꤢꤊꤢꤩ꤬ ꤚꤣꤧ꤬ ꤗꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤋꤥꤘꤢꤦ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤔꤤ꤮꤯

ꤚꤥꤗꤢꤩ꤬ 3:13

ꤛꤢꤩ꤬ꤞꤤ꤭ ꤒꤢꤩ꤬ꤟꤢꤩꤙꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤜ꤫ꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭ ꤞꤢꤧꤡꤣꤧꤔꤢꤧ ꤔꤢꤧ꤬ ꤗꤢꤩ꤬ꤗꤥ꤭ ꤜꤥ꤭ꤊꤢꤨ꤭ ꤚꤣꤧ꤬ ꤢ꤬ ꤔꤥ꤬ꤞꤢꤪ꤭ ꤓꤢꤩ꤬ꤜꤥ꤭ ꤔꤣꤧ꤬ ꤡꤣꤧ꤯ ꤛꤢꤩ꤬ꤞꤤ꤭ ꤗꤢꤧꤕꤢꤨ꤭ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬꤯ ꤢ꤬ꤞꤢꤧꤔꤢꤧ ꤚ꤫ꤢꤨ꤬ꤞꤤ ꤤ꤬ꤖꤥ꤭ ꤢꤨ꤭ ꤚꤣꤧ꤬ ꤢ꤬ꤚꤢꤧ꤭ ꤔꤣꤧ꤬, ꤛꤢꤩ꤬ꤞꤤ꤭ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤜꤢꤪ꤭ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤒꤣꤧ꤬ꤟꤢꤩ꤬꤯

ทิโมธี อาเหร่อเล๊อ ต๊าบ่า 3:2

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢꤨ꤭ ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤜꤢꤨ꤭ꤜꤥ꤬ ꤔꤣꤧ꤬ ꤢ꤬ ꤙꤢꤩ꤬ ꤥ꤬ꤔ꤫ꤤ꤬ ꤒꤥ꤬, ꤢ꤬ ꤙꤢꤩ꤬ ꤗꤢꤩ꤭ꤥ꤬ꤖꤢꤧ ꤒꤣ꤬ꤖꤚꤢꤩ꤬ꤒꤥ꤬, ꤢ꤬ ꤙꤢꤩ꤬ ꤢꤧꤞꤢꤧ꤭ꤚꤢꤧ꤭ꤏꤢ꤭ꤖꤚ꤫ꤢꤩ꤬ ꤢ꤬ꤔ꤫ꤢꤩ꤬, ꤢ꤬ ꤙꤢꤩ꤬ ꤕꤣꤜꤢꤧ꤬ꤡ꤫ꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬, ꤢ꤬ ꤙꤢꤩ꤬ ꤊꤣꤧ꤬ꤓꤢꤪ꤬ꤥ꤬ꤔꤢꤧ꤭ ꤒꤢ꤭ꤒꤥ꤭ꤒꤢ꤭ꤙꤢꤩ꤬ꤚꤢꤧ, ꤢ꤬ ꤒꤥ꤭ꤙꤢꤩ꤬ ꤢꤩꤗꤥ꤬ꤏꤢꤦ꤬ ꤞꤤꤖꤚ꤫ꤢꤩ꤬ꤞꤤꤗꤢꤧ꤬ ꤘꤣ ꤢ꤬ꤟꤤ꤬, ꤢ꤬ ꤒꤥ꤭ꤙꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ꤡ꤫ꤢꤧ꤬ ꤒꤢꤩ꤬꤯