ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21 - Eastern Kayah Shadaw Dialect

²¹ ꤡꤢꤩ꤭ꤗꤢꤧ ꤓꤥ꤭ꤜꤢꤪ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤚꤣꤧ꤬ ꤖꤛꤢꤏꤢꤦ꤬ꤊꤣꤧ꤭ ꤒꤢꤩ꤬ ꤘꤣ ꤢ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ลีเทส่อพ๊าอาเซ เร๊อ เห่ขุทวาลู๊

²¹ เจแม๊ โทลอ เตปว๋า เต๊อเจ่อ เร๊อ พย๊าฉื่อเกอ เต เด๊อ อาแร๊ เนอเต๊เห่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

ꤠꤢꤧ꤭ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤔꤢꤧ ꤕꤢꤩ꤬ ꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤛ꤫ꤢꤦ꤬ꤢꤩ꤬ ꤙꤢꤪ꤭ꤙꤛꤢ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤛ꤫ꤢꤧ꤬ꤛꤥ꤬ꤣꤧ꤭ ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤟꤢꤧ꤭, ꤗꤢ꤬ ꤢ꤬ ꤟꤢꤧ꤭ ꤗ꤫ꤢ꤬ꤒꤥ꤬ ꤟꤢꤧ꤭ ꤔꤣꤧ꤬ ꤡꤢꤩ꤭ꤗꤢꤧ ꤚꤣꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ꤔꤣꤧ꤬, ꤖꤚꤢꤩ꤬ꤖꤚꤥ꤬ ꤢ꤬ꤊꤢ꤬ꤢ꤬ꤕꤜꤢꤧ꤬ ꤥ꤬ꤜꤥ꤭ꤓꤢꤧ꤬ ꤢꤩꤜꤥ꤬ ꤟꤣꤧ꤯

ꤚꤥꤗꤢꤩ꤬ 12:2

ꤥ꤬ꤞꤣꤧ꤭ꤖꤚꤢꤩ꤬ ꤗꤢꤧꤙꤢꤦ꤭ꤊꤣꤧ꤭ ꤒ꤫ꤢꤧ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤥꤘꤢꤦ꤬ ꤔꤢꤧ ꤛꤢꤩ꤬ꤞꤤ꤭ꤔꤣꤧ꤬ ꤚꤣꤧ꤬, ꤔꤢꤪ꤭ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤞꤢꤩ꤭ ꤋꤥꤊꤢꤧ꤭ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤒꤢꤦꤗꤢ꤬ ꤞꤤ꤭ ꤞꤤꤑꤢꤩ꤭ꤟꤢꤧ꤭ꤙꤢꤩ ꤖꤢꤧ ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ ꤞꤤ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤒꤢꤦꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤒꤢꤩ꤬ꤚꤢꤧ, ꤒꤢꤩ꤬ꤗꤢꤩ꤬ꤗꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬, ꤔꤢꤧ ꤒꤢꤩ꤬ꤞꤤꤑꤢꤩ꤭ ꤜꤣꤙꤢ꤭ꤟꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬ ꤕꤢ꤭ ꤖꤢꤧ꤯

เอเฟซัส 5:10

ꤚꤣꤧ꤬ ꤗꤢꤧꤕꤢꤨ꤭ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤢ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

เพรโด่แนพู๊ เต๊เห่ 17:11

ꤛꤢꤨꤘꤢ꤬ꤖꤢꤨ ꤥ꤬ ꤙꤣꤧ ꤠꤤ꤭ꤙꤢꤩ꤬ꤚꤤ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤕꤜꤢꤪ꤬ꤓꤢꤨ꤭ ꤗꤢꤧꤓ꤫ꤣꤧ꤬ꤛꤢ꤬ꤜꤣ ꤔꤢꤧ ꤠꤤ꤭ꤞꤢꤩ꤬ꤎꤢ꤬ꤜꤢ꤬ꤔꤤꤖꤢꤨ ꤞꤤ꤭ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤔ꤫ꤤ꤬ꤘꤢ꤭ ꤏꤢ꤭ꤖꤚ꤫ꤢꤩ꤬ꤏꤢ꤭ꤗꤢꤧ꤬ ꤔꤢꤧ꤬ꤡꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤢ꤬ꤊꤢꤨ꤭ꤡꤣꤧ꤯ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤔꤢꤧ ꤋꤢꤨ꤭ꤕꤢꤪꤜꤢꤨ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ꤗ꤫ꤢ꤬ ꤟꤢꤧ꤭? ꤗꤢ꤬ ꤗ꤫ꤢ꤬ꤒꤥ꤬ ꤟꤢꤧ꤭? ꤔꤣꤧ꤬ ꤢ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤡꤣꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤕꤝꤢ꤭ꤔꤣꤧ꤭ꤔꤣꤧ꤭ ꤕꤝꤢ꤭ꤞꤢꤩ꤭ꤞꤢꤩ꤭ ꤡꤣꤧ꤯

ꤜꤢꤨꤊꤢ꤬ 12:57

“ꤒꤢꤩ꤬ ꤘꤣ ꤢ꤬ ꤊꤢꤪ꤬ꤗꤢꤩ꤬ ꤔꤢꤧ ꤢ꤬ ꤊꤢꤪ꤬ꤗꤢꤩ꤬ꤒꤥ꤬ ꤔꤣꤧ꤬, ꤞꤤ꤭ ꤙꤢꤩ꤬ ꤘꤣꤧꤟꤣꤧ꤭ꤜꤢꤧ꤬ ꤚꤣꤧꤘꤢꤦ꤬ ꤞꤤ꤭ ꤞꤤꤕꤜꤢꤪ꤬꤯

ฟีลิปปี 4:8

ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤠꤢꤧ꤭ ꤒꤢꤩ꤬ꤟꤢꤩꤙꤢꤩ꤬ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤜꤣ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬ ꤞꤤ꤭ ꤒꤥ꤭ ꤒꤣꤧ꤬ꤔꤢꤩ꤬ ꤋꤚꤢꤧ꤮ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤞꤤ꤭ ꤒꤥ꤭ ꤒꤣꤧ꤬ꤔꤢꤩ꤬ ꤒꤢꤦꤖꤢꤧ ꤒꤢꤩ꤬ꤘꤣ ꤢ꤬ꤗ꤫ꤢ꤬ꤢ꤬ꤡꤢꤪ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ ꤕꤜꤤ꤭ꤖꤥ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤞꤤꤛ꤫ꤢꤦ꤬ꤗꤥ꤬ꤚꤣꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤢꤧ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤒꤝ꤫ꤢ꤬ꤢ꤬ꤚꤢꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ꤚꤢꤧ ꤔꤢꤧ꤬ꤡꤣꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤒꤥ꤭ꤙꤢꤩ꤬ ꤓꤢꤨ꤬ꤞꤢꤩꤓꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ ꤔꤤ꤮꤯

ꤚꤥꤗꤢꤩ꤬ 12:9

ꤗꤥ꤬ꤋꤢꤗꤥ꤬ꤋꤥ꤬ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤꤛ꤫ꤢꤪ꤬ꤊꤢꤧ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤤ꤮꤯ ꤘꤤꤊꤜꤢ꤭ ꤗꤢ꤬ꤔ꤫ꤤ꤬ꤚꤢꤧ ꤜꤢ꤭ꤋꤢꤧ꤭ ꤒꤢꤩ꤬ꤚꤢꤧ ꤔꤤ꤮꤯

เตเด๊อะโลแถ่ 3:3

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤒꤣꤧ꤬ꤔꤢꤩ꤬ꤓꤢꤧ꤬ꤙꤢꤩ꤬ ꤚꤣꤧꤋꤛꤢ꤭ ꤒꤢꤩ꤬ꤘꤣ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤔꤢꤧ꤬ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤘꤣ ꤔꤢꤧ꤬ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤡꤢꤨ꤭ꤢꤩ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤛꤢꤧ꤬ ꤚꤣꤧ ꤔꤢꤧ꤬ꤔ꤫ꤢꤩ꤬ ꤔꤣꤧ꤬꤯ ꤊꤢꤩ꤬ ꤔꤢꤧ꤬ ꤥ꤬ꤗꤣꤧ꤭ ꤒꤣꤧ꤬ꤘꤢꤦ꤬ꤕꤢ꤬ ꤟꤢꤩꤔꤣꤧ꤬ꤗꤢ꤬ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤘꤣ ꤔꤢꤧ꤬ꤥ꤬ ꤟꤢꤨ ꤖꤚꤢꤩ꤬ꤢꤩ꤬ꤟꤥ꤬ ꤒꤣ꤬ꤖꤚꤢꤩ꤬ ꤔꤣꤧ꤬ ꤕꤢ꤭꤯ ꤠꤢꤧ꤭ ꤟꤢꤧ꤭ ꤙꤢꤪꤋꤢꤩ꤭ꤒꤢꤩ꤭ ꤕꤢ꤭ꤔꤣꤧ꤬ ꤔꤢꤧ꤬ ꤞꤤꤑꤢꤩ꤭ꤒꤥ꤬꤯

ฟีลิปปี 3:16

ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤕꤢꤩ꤬ ꤊ꤫ꤢꤦ꤬ ꤡꤝꤢ ꤚ꤫ꤥ꤬ꤜꤢꤨ꤭ ꤘꤣ ꤑꤢꤩ꤭ ꤟꤢꤨ ꤕꤢꤩ꤬ ꤞꤤꤑꤢꤩ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤥ꤮꤯

โครินธ์ อาเหร่อเล๊อ ต๊าบ่า 15:58

ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤊꤢꤨꤔ꤫ꤢꤧ꤬ꤚꤣꤧ꤬ ꤊꤣꤧ꤬ꤓꤢꤪ꤬ ꤒꤣꤧ꤬ꤔꤢꤧ꤭ꤚꤢꤧ ꤜꤢ꤭ꤋꤢꤧ꤭ ꤚꤣꤧ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤢ꤬ꤊꤢꤨ꤭ꤔꤣꤧ꤬ ꤔꤤ꤮꤯ ꤗꤢꤩ꤬ ꤏꤝꤢ꤬ꤏꤝꤢ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤗꤢꤩ꤬ ꤙꤢꤧ꤬ꤡꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤔꤣꤧ꤬ ꤢ꤬ ꤊꤢꤧ꤭ꤘꤢꤩ꤭ ꤘꤣ ꤞꤤ꤭ꤑꤢꤩ꤭ ꤒꤥ꤬꤯

ฟีลิปปี 1:10

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤒꤢ꤭ꤒꤢꤩ꤬ ꤚꤢꤧ ꤒꤢꤩ꤬ ꤘꤣ ꤢ꤬ꤚꤢꤧꤜꤣ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ ꤕꤜꤤ꤭ꤖꤥ, ꤓꤥ꤭ꤒꤥ꤬ ꤒ꤫ꤥ꤬ ꤏꤢ꤮ ꤋꤚꤤ ꤟꤢꤧ꤭ ꤋꤛꤢ꤭ꤞꤢꤧ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤢꤧ꤬ꤡ꤫ꤢꤧ꤬ ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤞꤤ꤭ꤑꤢꤩ꤭꤯

ꤛꤥ꤭ꤟꤢ꤬ 8:31

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, “ꤊꤢꤩ꤬ ꤞꤤ꤭ ꤡꤢꤨ꤭ꤢꤩ꤬ ꤕ꤫ꤢꤦ꤬ꤗꤢ꤬ꤚꤣꤧ ꤠꤢꤧ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤓꤝꤢ꤭ꤟꤣꤧ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬ ꤘꤣ ꤢ꤬ ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯

เตเด๊อะโลแถ่ 2:25

ꤗꤢ꤬ꤔꤢꤧꤚꤣꤧ꤬ ꤕ꤫ꤢꤦ꤬ꤊꤜꤢꤪ꤬ꤗꤢ꤬ ꤚꤢꤧ ꤚꤣꤧ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤢ꤬ꤥ꤬ ꤔꤢꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤥ꤬ꤘꤣ ꤠꤢꤧ꤭ ꤟꤢꤧ꤭ꤜꤢꤧ꤬ ꤕꤢ꤭ ꤒꤣ꤬ꤖꤥ ꤔꤣꤧ꤬ ꤔꤤ꤮꤯

ꤟꤤꤙꤚꤢꤨ 10:23

ꤕꤢꤩ꤬ ꤊ꤫ꤢꤦ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤕꤢꤩ꤬ ꤟꤢꤩ ꤕ꤫ꤢꤩ꤬ ꤓꤥ꤭ꤟꤣꤧ ꤢꤨ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤕꤥ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ ꤒꤢꤩ꤬ꤢꤪꤜꤢꤧ꤬ ꤚꤣꤧ꤬ ꤢ꤬ ꤗꤢꤩ꤬ꤟꤢꤨ ꤢ꤬ ꤟꤢꤩꤔꤣꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

เธสะโลนิกา เนอบ่า ต๊าบ่า 2:15

ꤟꤢꤨꤔꤣꤧ꤬ꤚꤣꤧ꤬ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤓꤥ꤭ꤕ꤫ꤢꤩ꤬ꤟꤣꤧ ꤞꤤ꤭ ꤔꤢꤧ ꤕꤢꤩ꤬ ꤊꤢꤨꤢꤨ꤬ꤊꤢꤨꤖꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤓꤥ꤭ꤟꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤜꤤ꤬ ꤘꤣ ꤕꤢꤩ꤬ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤥ꤬ꤊꤜꤢꤪ꤬ꤏꤢꤪꤗꤢ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤚꤣꤧ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤔꤤ꤮꤯

เพรโด่แนพู๊ เต๊เห่ 14:22

ꤞꤢꤧꤟꤢꤨ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤓꤢꤧ꤬ꤚꤣꤧ ꤛꤢꤩ꤬ꤞꤤ꤭, ꤓꤥ꤭ꤒꤥ꤬ ꤏꤢꤧ꤬ꤋꤚꤝꤢ꤭ꤚꤣꤧ ꤛꤢꤩ꤬ꤞꤤ꤭ꤋꤛꤢ꤭꤯ ꤛꤢꤩ꤬ꤞꤤ꤭ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ, “ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤔꤥ꤭ ꤜꤢꤪꤕꤜꤢꤨꤙꤢꤩ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤕꤢꤩ꤬ ꤙꤢꤩ꤬ ꤡꤝꤢꤒꤣꤧ꤬ꤜꤝꤢ ꤢꤩꤜꤥ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬ ꤡꤣꤧ꤯”

ꤛꤥ꤭ꤟꤢ꤬ 15:4

ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤠꤢꤧ꤭ꤊꤢꤨ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤞꤤ꤭ꤊꤢꤨ꤭ ꤕꤢ꤭꤯ ꤎꤢ꤬ꤕꤛꤤꤖꤢꤧ꤭ ꤒꤣ꤬ꤖꤢꤧ꤭ꤖꤢꤧ꤭ ꤘꤣ ꤢ꤬ ꤥ꤬ꤏꤢꤪꤡ꤫ꤢꤩ꤬ꤡꤢꤦ꤭ꤗꤢ꤬ ꤔꤢꤧ ꤠꤢꤧ꤭ ꤒꤥ꤬ ꤔꤣꤧ꤬, ꤢ꤬ ꤞꤢꤩ꤬ꤓꤢꤧ꤬ ꤡ꤫ꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤒꤣ꤬ꤖꤢꤧ꤭꤮ ꤒꤥ꤬꤯ ꤟꤢꤨꤔꤣꤧ꤬ꤟꤣꤧ ꤞꤤ꤭ ꤊꤢꤩ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤠꤢꤧ꤭ꤊꤢꤨ꤭ ꤒꤥ꤬ ꤟꤢꤩꤔꤣꤧ꤬, ꤞꤤ꤭ ꤞꤢꤩ꤬ꤓꤢꤩ꤬ꤙꤢꤩ ꤡ꤫ꤢꤧ꤬ ꤞꤢꤪ꤬ꤞꤢꤩ꤬ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤗꤢꤩ꤬ꤒꤢꤩ꤬ꤚꤢꤧ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

เตเด๊อะโลแถ่ 3:11

“ꤑꤢ꤭ꤒꤢꤧ꤬ꤒꤥ꤬ꤔꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤕꤢ꤭꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤖꤛꤢꤖꤢꤩ꤬ꤊꤢꤧ꤭ ꤒ꤫ꤢꤧ꤬ ꤔꤢꤧ꤬ ꤊꤢꤨꤊ꤫ꤥ꤬ꤓꤢꤩ꤭ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤕ꤫ꤢꤦ꤬ꤗꤢ꤬ ꤚꤢꤧ ꤚꤣꤧ ꤒꤢꤩ꤬ ꤘꤣ ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ, ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯

เตเด๊อะโลแถ่ 2:2

ꤔꤢꤧ꤬ ꤗꤢꤩ꤬ ꤒꤢꤩ꤬ꤣꤧ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭, ꤔꤢꤧ꤬ ꤗꤢꤩ꤬ ꤜꤣꤧ꤬ꤘꤢꤧꤜꤣꤧ꤬ꤘꤢ꤭ ꤡꤣꤧ ꤔꤢꤧ꤬ꤔ꤫ꤢꤩ꤬ ꤔꤣꤧ꤬ꤗꤢ꤬꤮ ꤠꤢꤧ꤭ ꤞꤤꤑꤢꤩ꤭ꤑꤢꤩ꤭, ꤓꤥ꤭ꤚꤣꤧ꤬ ꤔꤢꤧ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬꤮ ꤠꤢꤧ꤭ ꤞꤤꤑꤢꤩ꤭ꤑꤢꤩ꤭꤯ ꤔꤢꤧ꤬ ꤥ꤬ꤒ꤫ꤣ꤬ꤡ꤫ꤢꤧ꤬ꤊꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤒꤥ꤬ ꤔꤣꤧ꤬ꤗꤢ꤬꤮ ꤠꤢꤧ꤭ ꤞꤤꤑꤢꤩ꤭ꤑꤢꤩ꤭꤯ ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤚꤣꤧ꤬ ꤔꤢꤧ꤬ ꤡꤢꤩ꤭ꤗꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤔꤢꤧ꤬ ꤗꤢꤧꤓ꤫ꤣꤧ꤬ ꤔꤢꤧ ꤛꤢꤩ꤬ꤞꤤ꤭ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤗ꤫ꤢ꤬ꤒꤥ꤬, ꤗ꤫ꤢ꤬ꤖꤢꤧ ꤖꤚꤢꤩ꤬ꤟꤢꤩꤙꤢꤩ꤬ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤒꤣꤧ꤬ꤟꤢꤩ꤬ ꤖꤢꤧ ꤔꤣꤧ꤬ꤗꤢ꤬꤮ ꤠꤢꤧ꤭ ꤞꤤꤑꤢꤩ꤭ꤑꤢꤩ꤭꤯

ทิโมธี เนอบ่า ต๊าบ่า 4:14

ꤖꤚꤢꤩ꤬ꤘꤢ꤭ ꤒꤣꤧ꤬ꤜꤤ꤭ ꤋꤢꤨ꤭ꤢ꤬ꤜꤢꤧꤎꤢ꤬ꤘꤚꤢꤨ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢ꤬, ꤢ꤬ ꤗꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤢꤧ꤬ꤡꤣꤧ ꤠꤢꤧ꤭ ꤡꤣꤧ꤯ ꤜꤢꤪ꤭ ꤢ꤬ ꤗꤢꤩ꤬ꤓꤥ꤭ꤟꤣꤧ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧꤡꤢ꤭ ꤊꤣꤧ꤭ꤜꤢ꤭ꤒꤢꤩ꤬ ꤘꤢꤦ꤬ ꤜꤢꤨ꤭ ꤟꤢꤨꤔꤣꤧ꤬ ꤕꤢ꤭꤯

ทิโมธี เนอบ่า ต๊าบ่า 1:15

ꤔꤢꤧ꤬ ꤞꤤꤑꤢꤩ꤭ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤢ꤬ꤏꤛꤢꤊ꤫ꤢꤩ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤒꤣꤧ꤬ꤚꤤ ꤡꤝꤢꤋꤥꤊꤢꤧ꤭ ꤜꤢꤪ꤭ꤕꤜꤤ꤭ꤟꤣꤧ ꤠꤢꤧ꤭ ꤜ꤫ꤢꤩ꤬ ꤟꤣꤧ ꤚꤣꤧ꤬ ꤘꤣ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬, ꤋꤢꤨ꤭ꤖꤢꤨꤊꤢꤩꤜꤢꤨ ꤔꤢꤧ ꤋꤢꤨ꤭ꤢꤩꤚꤤ꤬ꤗꤥ꤬ꤊꤢꤩꤔꤢꤩ꤬ ꤥ꤬ꤒ꤫ꤣ꤬ꤊꤣꤧ꤭ꤘꤢꤦ꤬ ꤙꤣꤧ ꤔꤣꤧ꤬꤯

โครินธ์ อาเหร่อเล๊อ ต๊าบ่า 2:11

ꤟꤢꤨꤔꤣꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤜꤢꤪ꤭ꤕꤜꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔꤢꤧ ꤢ꤬ ꤞꤤꤑꤢꤩ꤭ ꤚꤣꤧꤘꤢꤦ꤬ ꤖꤢꤧ꤯ ꤒꤣ꤬ꤖꤚꤢꤩ꤬꤮ ꤢꤨ꤭ ꤞꤤꤑꤢꤩ꤭ꤓꤝꤢ ꤊꤣꤧ꤭ ꤜꤢꤨ꤭ ꤒꤥ꤬꤯ ꤢ꤬ ꤞꤢꤧꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬ꤟꤣꤧ, ꤒꤢꤦꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤞꤤꤑꤢꤩ꤭ ꤜꤢꤪ꤭ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ꤓꤝꤢ ꤒ꤫ꤥ꤬ꤊꤣꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

เพรโด่แนพู๊ เต๊เห่ 11:23

ꤚꤣꤧ꤬ ꤙꤣꤧ ꤢ꤬ ꤡꤝꤢꤒ꤫ꤥ꤬ ꤢ꤬ꤋꤢꤩ꤭, ꤢ꤬ ꤡꤝꤢꤗꤢꤧꤓ꤫ꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤡꤢꤪ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤔꤢꤧ ꤙꤢꤧ꤬ꤡꤢꤩ꤬ ꤚꤣꤧ꤬, ꤢ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤏꤢꤧ꤬ꤋꤚꤝꤢ꤭ ꤊꤣꤧ꤭ꤕ꤫ꤥ꤬ ꤛꤢꤩ꤬ꤞꤤ꤭ ꤢ꤬ꤋꤛꤢ꤭꤯

ทิโมธี เนอบ่า ต๊าบ่า 3:6

ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤡꤝꤢ ꤔꤥ꤭ꤋꤢꤔꤥ꤭ꤋꤥ꤬ ꤘꤣ ꤢꤨ꤭ ꤟꤤ꤬ꤘꤢꤪꤊꤢꤪꤊꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤕꤣꤒꤣꤧ꤬ꤚꤤ꤬ ꤕ꤫ꤢꤦ꤬ꤗꤢ꤬ꤚꤣꤧ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤡꤢꤨ꤭ꤢꤩ꤬ꤛꤢꤨ꤭ꤑꤢ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ ꤒꤢꤩ꤬ꤠꤤꤒꤢꤩ꤬ꤛꤢꤧ ꤚꤣꤧ꤬ ꤢ꤬ ꤋꤚꤝꤢ꤭ꤊꤣꤧ꤭ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤢ꤬ꤗꤤ꤭ꤗꤤ꤭ ꤢ꤬ꤡꤣ꤬ꤡꤣ꤬ ꤢ꤬ꤋꤛꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤊꤢ꤬ꤜꤢ꤬ꤒꤤ 6:10

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤙꤣꤧ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤚꤢꤧ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ ꤗꤢꤩ꤬ꤚꤢꤧ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤩ꤬ꤒꤢꤩ꤬ꤚꤢꤧꤔꤣꤧ꤬ ꤗꤢꤧꤘꤢꤨ꤬ꤚ꤫ꤣꤧ꤬ꤜꤣ ꤋꤥ ꤕ꤫ꤢꤩ꤬ꤘꤢꤦ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

ꤔꤢꤪ꤭ꤗꤢꤩ꤬ꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ ꤒ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤗꤢꤩ꤬ꤞꤢꤦ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤢꤧꤡꤢꤦ ꤗꤢꤩ꤬ꤚꤢꤧ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤚꤣꤧ꤬ ꤢꤧꤡꤢꤦ ꤗꤢꤩ꤬ꤚꤢꤧ ꤚꤣꤧꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:22

ꤡꤝꤢꤠꤢꤪ꤬ ꤋꤢꤩ꤭ꤠꤢꤪ꤬ꤊꤢꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤝꤢ꤭꤮ ꤒꤣ꤬ꤡꤣ꤬ ꤔꤤ꤮꤯