ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17 - Eastern Kayah Shadaw Dialect

¹⁷ ꤓꤥ꤭ꤚꤣꤧ꤬ ꤕꤢꤩ꤬ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ꤕꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤗꤢꤧꤓ꤫ꤣꤧ꤬ꤏꤢꤦ꤬ ꤊꤣꤧ꤭ ꤔꤢꤧ ꤙꤢꤧ꤬ꤡꤢꤩ꤬ ꤘꤣ ꤗꤢꤪꤜꤢꤩ꤭ ꤕꤢ꤭ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤡꤢꤪ꤭ꤓꤢꤧ꤬ ꤒ꤫ꤣ꤬ꤊꤣꤧ꤭ ꤕ꤫ꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤘꤣ ꤢꤪꤜ꤫ꤥ꤬ꤊꤜꤢꤩ꤭ ꤕꤢ꤭꤯ ꤓꤥ꤭ꤕꤢ꤭ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤙꤢꤧ꤬ꤡꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

¹⁷ โทเรอ เป เด๊อ อา โอ่เซอเพรปา เออเต๊เห่เนอ, แซ่ฮู๊ เป เก่ จว๊า แม๊เถอะฉื่อ เกอ เร๊อ แบ่เจ่ เด๊อ ม๊อเล ปาเนอเรอ, จอแปแหร่ เก่ จอแถ่ เต่อเกอ เป เร๊อ เหย่ซี เด๊อ อ๊อโหล่เกล ปา. โทปาเรอ เป เก่ จว๊า โอ่เต่อเกอ เร๊อ แบ่เจ่ ตูจูเพร ตาแลเคร๊ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:52

ꤏꤢ꤮ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤕꤢ꤭ꤔꤣꤧ꤬, ꤢ꤬ꤖꤚꤢꤧ꤭ ꤔꤢꤧ꤬ꤡꤣꤧ ꤕꤢ꤭, ꤢ꤬ ꤊ꤫ꤢꤦ꤬ ꤖꤚꤢꤧ꤭ꤜꤣ ꤕꤢ꤬ ꤡꤣꤧ ꤔꤢꤧ ꤕꤢꤩ꤬ ꤙꤢꤪ꤬ꤊꤜꤢꤩ ꤕꤢꤩ꤬ꤕꤣꤧꤞꤢꤩ꤬ ꤔꤣꤧ꤬ ꤕꤢ꤭ ꤡꤣꤧ꤯ ꤗ꤫ꤢꤪ꤬ꤔꤣꤧ꤭ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤟꤣꤧ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤟꤥ꤭ ꤊꤝꤢ꤬ ꤖꤚꤢ꤬ꤓꤢꤧ꤬ ꤕꤢ꤭꤯ ꤙꤣꤧ ꤊꤝꤢ꤬ ꤖꤚꤢ꤬ꤓꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤜꤢ꤭ꤋꤢꤧ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤛꤢꤩ꤬ꤞꤤ꤭ ꤊꤣꤧ꤬ꤓꤢꤪ꤬ꤊꤢ꤬ ꤘꤣ ꤒꤢꤩ꤬ꤞꤣꤧ꤭ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤥ꤬ꤕꤢ꤬ ꤙꤣꤧꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤊꤢ꤬ꤜꤢꤪ꤭ ꤕꤢ꤭꤯

เตเด๊อะโลแถ่ 11:12

ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤣꤧ꤭ꤞꤤꤔꤣꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤟꤢꤧ꤭ꤓꤢꤧ꤬ ꤜꤢ꤭ꤋꤢꤧ꤭ ꤘꤣꤣꤧ꤭” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤥ꤬ꤕ꤫ꤢꤪ꤬ꤗꤢꤧ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤊꤢ꤬ꤊꤣꤧ꤬ꤓꤢꤧ꤬ ꤔꤥ꤭ ꤘꤣ ꤢꤪꤜ꤫ꤥ꤬ ꤒꤣ꤬ꤙꤢ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤓꤢꤧ꤬ꤜꤢ꤭ ꤘꤣ ꤗꤢꤪꤋꤢꤨ꤬꤯

ꤛꤥ꤭ꤟꤢ꤬ 14:3

ꤠꤢꤧ꤭ ꤡꤝꤢ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕꤢꤩ꤬ ꤓꤥ꤭ ꤞꤤ꤭ ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬ ꤕꤢ꤭ ꤚꤣꤧ꤬ ꤠꤢꤧ꤭ ꤟꤢꤧ꤭ ꤋꤛꤢ꤭ꤞꤢꤧ ꤘꤣ ꤞꤤ꤭ꤥ꤬ ꤕꤢ꤭꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤊꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤠꤢꤧ꤭ ꤙꤣꤧ ꤠꤢꤧ꤭ ꤜ꤫ꤢꤩ꤬ꤊꤢ꤬ꤥ꤬ ꤢ꤬ꤜ꤫ꤢꤩ꤬ꤥ꤬ ꤣꤧ꤭ꤕꤢ꤭ꤔꤣꤧ꤬ ꤚꤣꤧ꤬, ꤠꤢꤧ꤭ ꤟꤢꤧ꤭ ꤢꤩꤊꤢ꤬ ꤋꤛꤢ꤭ꤞꤢꤧ ꤘꤢꤦ꤬ ꤞꤤ꤭ ꤕꤢ꤭ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

ꤒꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤟꤢꤩ ꤕ꤫ꤢꤩ꤬ ꤕ꤫ꤥ꤬ ꤞꤤ꤭ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤙꤢꤧ꤬ꤡꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ꤡꤣꤧ꤯ ꤢ꤬ ꤟꤢꤩ ꤔꤢꤧ, ꤏꤢ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ ꤋꤛꤢ꤭ꤞꤢꤧ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤕꤢꤩ꤬ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤊꤢ꤬ ꤊꤣꤧ꤬ꤓꤢꤧ꤬ꤚ꤫ꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤢ꤬ ꤞꤣꤧ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯

เตเด๊อะโลแถ่ 1:7

ꤗꤢꤧꤗꤣꤧ꤭ ꤜꤢ꤭ꤋꤢꤧ꤭, ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤒ꤫ꤣ꤬ꤟꤣꤧ ꤔꤢꤧ ꤢꤪꤜ꤫ꤥ꤬ ꤟꤣꤧ꤮꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤢꤪ꤭ ꤢ꤬ ꤕꤢ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤦ꤭ꤞꤣꤧ꤭ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤢꤨ꤭ ꤕꤢ꤭ꤕꤢ꤭꤯ ꤗꤤ꤭ꤡꤣ꤬ ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤊ꤫ꤢꤦ꤬ꤍ꤫ꤥ꤬ꤊ꤫ꤢꤦ꤬ꤟꤢꤩ꤬ ꤜꤢꤪ꤭ ꤔꤢꤧ ꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢ꤭꤯ ꤒꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨꤣꤧ꤭ꤔꤣꤧ꤬ ꤕꤢ꤭꤮ ꤢ꤬ꤗꤢꤩ꤬꤯

เพรโด่แนพู๊ เต๊เห่ 1:9

ꤛꤢꤩ꤬ꤏꤛꤢꤨ ꤟꤢꤩꤙꤢꤩ꤬ ꤓꤥ꤭ꤚꤣꤧ꤬ ꤙꤣꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤒ꤫ꤢꤨ꤬ꤓꤢꤧ꤬ꤗꤢꤧ ꤢ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢꤩꤊꤢ꤬ ꤊꤣꤧ꤬ꤓꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤗꤢꤪꤋꤢꤨ꤬꤯ ꤢꤪꤜ꤫ꤥ꤬ ꤒꤣ꤬ꤙꤢ꤬ ꤊꤥ꤭ꤙꤤꤊꤢꤧ꤭ ꤜꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤕꤢ꤬ ꤜꤢꤨ꤭ ꤒꤥ꤬꤯

ꤛꤥ꤭ꤟꤢ꤬ 17:24

“ꤊꤣ꤮ ꤖꤢꤩ꤭, ꤊꤣꤧ꤬ꤛꤢꤧ꤭ ꤘꤣ ꤔꤢꤧ꤬ ꤘꤣꤧ ꤔꤢꤧ ꤠꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤥ꤬ ꤙꤣꤧꤒꤢꤩ꤭ ꤒꤣ꤬ꤖꤥ꤬ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤢꤩ ꤥ꤬ꤊꤣꤧ꤭ ꤛꤢꤩ꤬ꤞꤤ꤭ ꤙꤣꤧꤔꤣꤧ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤘꤣ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤘꤣ ꤔꤢꤧ꤬ ꤘꤣꤧ ꤠꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤔꤢꤧ꤬ ꤗꤥ꤬ ꤕꤢ꤬ ꤠꤢꤧ꤭ ꤘꤣ ꤕꤢꤩ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ ꤢ꤬ꤋꤢꤩ꤭ ꤕꤢ꤬ ꤡꤣꤧ꤯”

ꤛꤥ꤭ꤟꤢ꤬ 12:26

ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤗꤢꤩ꤬ ꤠꤢꤧ꤭ ꤒꤢꤩ꤬ꤗꤢꤩ꤬ ꤔꤣꤧ꤬, ꤢ꤬ ꤙꤢꤩ꤬ꤋꤚꤝꤢ꤭ ꤠꤢꤧ꤭ꤋꤛꤢ꤭꤯ ꤒꤢꤦꤗꤢ꤬, ꤠꤢꤧ꤭ ꤥ꤬ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬, ꤢ꤬ ꤊ꤫ꤢꤦ꤬ ꤥ꤬ꤊꤣꤧ꤭ ꤙꤣꤧꤔꤣꤧ꤬ ꤕꤢ꤭꤯ ꤠꤢꤧ꤭ꤖꤢꤩ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤠꤢꤧ꤭ ꤒꤢꤩ꤬ꤗꤢꤩ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤢ꤭꤯

เพรโด่แนพู๊ เต๊เห่ 8:39

ꤙꤣꤧ ꤛꤢꤩ꤬ꤞꤤ꤭ ꤥ꤬ ꤘꤣ ꤓꤣꤧ꤭ꤊꤢꤨ꤭ ꤊꤢ꤬ꤊꤣꤧ꤬ꤓꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤡꤢꤪ꤭ꤡꤝꤢ ꤗ꤫ꤢꤩ꤬ꤊꤢꤧ꤭ ꤋꤢꤨ꤭ꤖꤤꤜꤤ꤬ꤕꤢꤨ꤬꤯ ꤊꤣꤧ꤬ꤛꤢꤧ꤭ ꤓꤝꤢ꤭ ꤊꤢꤨ꤬ꤊꤜꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤕꤢ꤬ ꤜꤢꤨ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤚꤣꤧ꤬ ꤢ꤬ ꤊꤢ꤬ ꤟꤢꤧ꤭ꤑꤢꤩ꤭ ꤜꤢ꤭ ꤘꤣ ꤢ꤬ꤘꤢꤪ꤭꤯

มัทธิว 26:64

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤢꤪ꤬, ꤔꤢꤧ꤬ ꤟꤢꤩꤔꤣꤧ꤬ꤗꤢ꤬ ꤢ꤬ꤗ꤫ꤢ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩ ꤜꤢꤪ꤭ ꤕ꤫ꤢꤩ꤬ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤔꤥ꤬ꤕꤢ꤭ꤔꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤊ꤫ꤢꤦ꤬ ꤥ꤬ꤔꤢꤧ꤭ ꤙꤣꤧ ꤖꤚꤢꤩ꤬ ꤘꤣ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤢꤨ꤬ꤜꤣꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤕꤢ꤭꤯ ꤓꤥ꤭ꤚꤣꤧ꤬ ꤠꤢꤧ꤭ ꤘꤢꤧꤟꤢꤧ꤭ ꤢꤪꤜ꤫ꤥ꤬ ꤕꤢ꤭ ꤔꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤕꤢ꤭꤯”

เตเด๊อะโลแถ่ 12:5

ꤣꤧ꤭ꤒꤣ꤬ꤖꤥꤚꤣꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ ꤖꤢꤨꤥ꤬ ꤚꤣꤧꤘꤢꤦ꤬ ꤟꤣꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤕꤣꤓꤣꤧ꤭ꤊ꤫ꤢꤩ꤬ ꤕꤝꤢ꤭ꤒꤣ꤬ꤙꤢ꤬ ꤔꤢꤧ ꤤ꤬ꤕꤢꤪ꤬ ꤒ꤫ꤢꤪ꤬ꤓꤢꤩ ꤔꤣꤧ꤬ꤒꤣ꤬ꤙꤥ꤭ ꤕꤢ꤭꤯ ꤚꤣꤧ꤬ ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢꤨ꤭ ꤖꤛꤢꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤜꤢꤨ꤭ ꤚꤣꤧ꤬ ꤢꤨ꤭ ꤡꤢꤪ꤭ꤓꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤥ꤬ ꤚꤣꤧ꤬ ꤢ꤬ ꤖꤛꤢꤓꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬꤯

โครินธ์ เนอบ่า ต๊าบ่า 5:8

ꤠꤢꤧ꤭ ꤊ꤫ꤢꤦ꤬ ꤟꤢꤩ ꤔꤢꤧ, ꤕꤢꤩ꤬ ꤛ꤫ꤢꤦ꤬ꤢꤩ꤬ꤚꤣꤧ ꤙꤢꤧ꤬ꤡꤢꤩ꤬ ꤣꤧ꤭ꤔꤣꤧ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ ꤓꤢꤩ꤬ꤡꤝꤢꤊꤢꤧ꤭ ꤜꤢ꤭ ꤟꤣꤧ ꤔꤢꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ ꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ꤡꤝꤢ ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ ꤟꤣꤧ ꤔꤢꤧ ꤙꤢꤧ꤬ꤡꤢꤩ꤬ ꤘꤣ ꤗꤢꤪꤋꤢꤨ꤬ ꤟꤣꤧ꤯

ꤗꤢ꤬ꤊꤢꤨ 14:62

ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤢꤪ꤬, ꤠꤢꤧ꤭ ꤟꤣꤧ꤯ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤊ꤫ꤢꤦ꤬ ꤥ꤬ꤔꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤏꤝꤢ꤬ꤢ꤬ꤏꤢꤪ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤕꤢ꤭, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤘꤢꤧꤟꤢꤧ꤭ꤔ꤫ꤤ꤬ ꤗꤢꤪꤋꤢꤨ꤬ ꤢ꤬ ꤢꤪꤜ꤫ꤥ꤬ ꤕꤢ꤭꤯”

ฟีลิปปี 1:23

ꤠꤢꤧ꤭ ꤒꤥ꤭ ꤔꤝꤢꤖꤛꤢ ꤙꤣꤧꤒꤢꤩ꤭ ꤒꤣ꤬ꤡꤣ꤬ꤒꤢꤩ꤭ ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤒꤥ꤬, ꤢ꤬ꤛ꤫ꤢꤧ꤬ ꤔꤢꤧ꤬ꤡꤣꤧ ꤘꤣ ꤠꤢꤧ꤭ꤑꤢꤩ꤭ ꤡꤣꤧ꤯ ꤠꤢꤧ꤭ ꤞꤤꤛ꤫ꤢꤦ꤬ ꤘꤢꤧ꤬ꤊꤢꤧ꤭ ꤠꤢꤧ꤭ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤓꤢꤦ꤭ ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤊꤢ꤬ꤥ꤬ ꤒ꤫ꤣ꤬ꤊꤣꤧ꤭ ꤟꤣꤧ ꤔꤢꤧ ꤋꤚꤤ ꤟꤣꤧ, ꤟꤢꤨꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤘꤣ ꤢ꤬ꤚꤢꤧꤜꤣꤟꤣꤧ ꤘꤣ ꤠꤢꤧ꤭ꤑꤢꤩ꤭ ꤟꤣꤧ꤯

เปโตร เนอบ่า ต๊าบ่า 3:13

ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤚꤣꤧ꤬, ꤕꤢꤩ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤟꤣꤧ ꤒꤢꤩ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤓꤥ꤭ ꤕ꤫ꤢꤩ꤬ꤟꤣꤧ ꤕꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤙꤢꤧꤒꤣꤧ꤬ꤕꤜꤢꤩ꤬ ꤕ꤫ꤢꤩ꤬ ꤕꤢꤩ꤬ ꤗꤢꤪꤋꤢꤨ꤬ꤞꤢꤩ꤭ ꤔꤢꤧ ꤟꤢꤩ꤬ꤋꤢꤨ꤬ꤞꤢꤩ꤭ ꤕꤢ꤭, ꤚꤣꤧ꤬ ꤜ꤫ꤢꤩ꤬ꤥ꤬ ꤙꤣꤧꤔꤣꤧ꤬ꤒꤣ꤬ꤖꤥ꤬ ꤕꤢ꤭ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤕꤢ꤭꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

ꤙꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤜꤢꤧ꤬ ꤒ꤫ꤣ꤬ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤜꤢꤪ꤭ꤕꤜꤤ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ꤖꤢꤩ꤭ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ ꤚꤣꤧꤘꤢꤦ꤬ ꤞꤤ꤭ ꤞꤤꤕꤜꤢꤪ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:18

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤘꤥ꤬ꤔꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤋꤛꤢ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ꤕꤢꤩ꤬ ꤞꤣꤧ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤞꤣꤧ꤭ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤢ꤬ꤔꤣꤧ꤬ꤚꤣꤧ꤬, ꤢ꤬ ꤋꤢꤧꤞꤣꤧ꤭ ꤕ꤫ꤢꤩ꤬ꤟꤣꤧ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯