เปโตร อาเหร่อเล๊อ ต๊าบ่า 5:13 - Eastern Kayah Shadaw Dialect

¹³ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤗꤢ꤬ꤊꤢꤨ ꤔꤢꤧ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤠꤤ꤭ꤙꤢ꤬ꤙꤢꤨ꤬ꤜꤥ꤬ ꤢ꤬ꤊꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤊꤣꤧ꤭ ꤢ꤬ ꤞꤢꤧꤔꤢꤧ ꤞꤤ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬, ꤞꤢꤨ꤭ ꤡꤝꤢꤕ꤫ꤢꤩ꤬ ꤊꤣꤧ꤭ ꤞꤤ꤭ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤒꤣꤧ꤬ꤟꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹³ แวพู๊คู คูมาระโก เร๊อ ซี โป่แหว่ เพรหยื่อเอ่เต ตู๊หมู่ตอกล๊อ เด๊อ วีบาบิโลน อากู เด๊อ จอแปแหร่ นว๊าแถ่ เกอ อา แซ่เน๊อ ซี เออเนอเต๊เห่, ซู จว๊าเป่ เกอ ซี เตเฮ๊โมเฮ๊แร๊ เต๊เห่.

เปโตร อาเหร่อเล๊อ ต๊าบ่า 5:13 ပူးပေါင်းရင်းမြစ်များ

เพรโด่แนพู๊ เต๊เห่ 12:12

ꤙꤣꤧ ꤢ꤬ ꤞꤤꤑꤢꤩ꤭ꤟꤢꤧ꤭ꤟꤣꤧ ꤔꤢꤧ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ꤣꤧ꤭ ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢ ꤘꤣ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢꤨ꤭ ꤢꤩꤕ꤫ꤥ꤬ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤗ꤫ꤥ꤬ ꤗ꤫ꤥ꤬ꤗꤢ꤬ꤚꤤ ꤢ꤬ꤟꤤ꤬, ꤚꤣꤧ꤬ ꤙꤣꤧꤔꤣꤧ꤬ꤋꤢꤩ꤭ꤔꤣꤧ꤬, ꤢ꤬ ꤒꤥ꤭ꤒꤢꤦ ꤔꤢꤧ ꤢꤨ꤭ ꤟꤢꤧ꤭ ꤥ꤬ꤕꤜꤢꤪꤥ꤬ꤕꤜꤢꤨ꤬ ꤊꤝꤤ꤭ꤡꤢꤪꤙꤢꤩ꤭ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤙꤣꤧꤔꤣꤧ꤬꤯

เพรโด่แนพู๊ เต๊เห่ 12:25

ꤚꤣꤧ꤬ ꤋꤢꤨ꤭ꤙꤢ꤬ꤔꤢ꤬ꤙꤢ ꤔꤢꤧ ꤋꤢꤨ꤭ꤎꤢꤪꤜꤢꤨ ꤗꤢꤩ꤬ꤓꤥ꤭ ꤢ꤬ꤒꤢꤩ꤬ꤗꤢꤩ꤬ ꤙꤣꤧ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤔꤣꤧ꤬ꤚꤣꤧ꤬ ꤢ꤬ ꤢꤩꤔ꤫ꤤ꤬ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢꤨ꤭ ꤢꤩꤕ꤫ꤥ꤬ ꤜꤢꤨ꤭ꤗꤝꤤ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤓꤢꤩ꤬ꤊꤢ꤬ꤊꤢꤧ꤭꤯

เตเด๊อะโลแถ่ 18:2

ꤢ꤬ ꤢꤩꤓꤥ꤭ ꤒꤣꤧ꤬ꤠꤢꤪꤒꤣꤧ꤬ꤞꤢꤦ꤭ ꤏꤝꤢ꤬ ꤔꤢꤧ, “ꤢ꤬ ꤜꤣꤧ꤬ꤒꤢ꤭ꤖꤚꤢꤪ꤬ ꤟꤣꤧ, ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤜꤣꤧ꤬ꤒꤢ꤭ꤖꤚꤢꤪ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤓꤝꤢ꤭ꤊꤢꤧ꤭ ꤟꤣꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤢꤧ ꤜꤥ꤭ꤔꤢꤩ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ ꤜ꤫ꤢꤩ꤬ꤥ꤬ꤠꤢ ꤟꤣꤧ꤯ ꤢ꤬ ꤓꤝꤢ꤭ꤊꤢꤧ꤭ ꤟꤣꤧ ꤓꤢꤨ꤬ꤟꤢꤨ ꤘꤣ ꤢꤨ꤭ ꤜ꤫ꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭, ꤢꤨ꤭ ꤜ꤫ꤢꤩ꤬ꤞꤤꤓꤢꤩ꤬ꤞꤤꤟꤢ꤭ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤥ꤬ꤠꤢ ꤢ꤬ꤜ꤫ꤢꤩ꤬ꤥ꤬ ꤟꤣꤧ꤯

เตเด๊อะโลแถ่ 17:5

ꤘꤣ ꤢ꤬ ꤗꤢ꤭ꤓꤢꤩꤜꤥ꤬ ꤔꤣꤧ꤬, ꤢꤨ꤭ ꤚꤢ꤭ꤥ꤬ ꤜꤢꤨ꤭ꤗꤝꤤ꤭ ꤘꤣ ꤢ꤬ꤥ꤬ ꤔꤢꤧ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤘꤢꤪꤥꤘꤢꤪꤙꤤ ꤒꤣ꤬ꤕꤜꤢꤪ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤗ꤫ꤢ꤬ꤟꤣꤧ ꤜꤢꤪ꤭ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤗ꤫ꤥ꤬,” ꤢꤨ꤭ ꤚꤢ꤭ꤥ꤬ ꤟꤢꤨꤔꤣꤧ꤬꤯

ยอห์น เนอบ่า ต๊าบ่า 1:13

ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤖꤚꤢꤩ꤬ꤗꤢꤪ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤢ꤬ ꤒꤣ꤬ꤖꤚꤢꤩ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ ꤞꤤ꤭ ꤢ꤬ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 15:37

ꤋꤢꤨ꤭ꤙꤢ꤬ꤔꤢ꤬ꤙꤢ ꤞꤤꤛ꤫ꤢꤦ꤬ ꤢꤩꤡꤝꤢꤔ꤫ꤤ꤬ ꤊꤣꤧ꤭ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤟꤢꤩ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 15:39

ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤋꤚꤢꤩꤋꤚ꤫ꤢꤧ꤬ ꤋꤛꤢ꤭ꤜꤢꤨ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤋꤛꤢ꤭ ꤣꤧ꤭ꤔꤣꤧ꤬ꤗꤢ꤬ ꤊꤣꤧ꤬ꤔꤥ꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤡꤝꤢꤋꤥꤡꤝꤢꤕꤢꤩ꤭ꤊꤢꤧ꤭ ꤜꤢꤨ꤭꤯ ꤋꤢꤨ꤭ꤙꤢ꤬ꤔꤢ꤬ꤙꤢ ꤢꤩꤔ꤫ꤤ꤬ ꤋꤢꤨ꤭ꤗꤢ꤬ꤊꤢꤨ ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢꤘꤢꤧꤔ꤫ꤤ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤚꤣꤧ꤬ ꤓꤢꤩ꤬ꤡꤝꤢ ꤜꤢ꤭ꤋꤢꤧ꤭ ꤘꤣ ꤊꤢꤨꤕꤚꤢꤨꤊꤜꤢꤦ꤯

โคโลสี 4:10

ꤋꤢꤨ꤭ꤢ꤬ꤚꤤꤎꤢ꤬ꤒꤢ꤬ꤊꤢꤨ ꤘꤣ ꤢꤨ꤭ ꤘꤢꤪꤒꤢ꤭ ꤒ꤫ꤣ꤬ꤊꤣꤧ꤭ ꤢ꤬ ꤔꤢꤧ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ, ꤓꤥ꤭ꤚꤣꤧ꤬ ꤋꤢꤨ꤭ꤙꤢ꤬ꤔꤢ꤬ꤙꤢ ꤒꤣ꤬ꤕ꤫ꤥ꤬ꤙꤢꤨ꤭ ꤋꤢꤨ꤭ꤗꤢ꤬ꤊꤢꤨ ꤞꤢꤨ꤭ꤟꤢꤧ꤭ ꤕ꤫ꤢꤩ꤬ꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤘꤣ ꤞꤤ꤭ ꤥ꤬ꤥ꤬꤮꤯ (ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤜꤤ꤬ ꤘꤣ ꤢꤨ꤭ ꤚꤢ꤭ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤋꤢꤨ꤭ꤗꤢ꤬ꤊꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤟꤣꤧ꤯ ꤢ꤬ ꤊꤢꤩ꤬ ꤟꤢꤧ꤭ꤒ꤫ꤥ꤬ꤊꤣꤧ꤭ ꤘꤣ ꤞꤤ꤭ ꤥ꤬ ꤕꤢ꤭ ꤚꤣꤧ꤬ ꤢꤩꤗꤥ꤬ꤏꤢꤦ꤬ꤚꤢꤧ ꤜꤢꤨ꤭ ꤔꤤ꤮꤯)

ฟีเลโมน 1:24

ꤟꤢꤨꤔꤣꤧ꤬ꤟꤣꤧ ꤖꤚꤢꤩ꤬ꤗꤢꤩ꤬ꤒ꤫ꤣ꤬ꤒꤢꤩ꤬ ꤔꤢꤧ ꤠꤢꤧ꤭ ꤋꤢꤨ꤭ꤗꤢ꤬ꤊꤢꤨ, ꤋꤢꤨ꤭ꤢ꤬ꤚꤤꤎꤢ꤬ꤒꤢ꤬ꤊꤢꤨ, ꤋꤢꤨ꤭ꤘꤢꤩ꤬ꤗꤢ ꤔꤢꤧ ꤋꤢꤨ꤭ꤜꤢꤨꤊꤢ꤬ ꤞꤤ꤭ꤒꤣꤧ꤬ꤟꤢꤩ꤬ ꤞꤢꤨ꤭ꤟꤢꤧ꤭ ꤊꤣꤧ꤭ꤏꤢꤜ꤫ꤢꤩ꤬ ꤢ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤒꤣꤧ꤬ꤟꤢꤩ꤬ ꤘꤣ ꤞꤤ꤭ꤥ꤬꤯

ยอห์น เนอบ่า ต๊าบ่า 1:1

ꤠꤢꤧ꤭ ꤗꤢ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ ꤚꤣꤧ꤬ ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤗ꤫ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤢ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤔꤢꤧ ꤢ꤬ꤖꤢꤨ ꤞꤤ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤠꤢꤧ꤭ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤒꤣ꤬ꤖꤚꤢꤩ꤬ ꤗꤥ꤬ꤚꤣꤧ ꤒꤢꤦꤘꤢꤦ꤬ ꤞꤤ꤭ ꤔꤣꤧ꤬ ꤗ꤫ꤢ꤬ꤒꤥ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤗꤥ꤬ꤚꤣꤧ ꤊꤣꤧ꤭ꤘꤢꤦ꤬ ꤞꤤ꤭ꤞꤤ꤭꤯