เปโตร อาเหร่อเล๊อ ต๊าบ่า 5:1 - Eastern Kayah Shadaw Dialect

¹ ꤠꤢꤧ꤭ ꤗꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚ꤫ꤢꤩ꤬ ꤊꤢꤨ꤬ꤊꤜꤢꤪ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤠꤢꤧ꤭ ꤗꤢ꤬ ꤖꤚꤢꤩ꤬ꤋꤢꤧꤜꤥ꤭ ꤕ꤫ꤢꤩ꤬ ꤋꤚꤤ ꤢ꤬ ꤒꤢꤩ꤬ꤋꤢꤧꤡꤢ꤭ꤋꤢꤧꤡꤢꤦ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣ꤬ꤖꤚꤢꤩ꤬꤯ ꤓꤥ꤭ꤒꤥ꤬ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤟꤣꤧ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤠꤢꤧ꤭ ꤙꤢꤩ꤬ꤙꤢꤩ꤬, ꤠꤢꤧ꤭ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ,

ลีเทส่อพ๊าอาเซ เร๊อ เห่ขุทวาลู๊

¹ แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

เปโตร อาเหร่อเล๊อ ต๊าบ่า 5:1 ပူးပေါင်းရင်းမြစ်များ

ꤜꤢꤨꤊꤢ꤬ 24:48

ꤞꤤ꤭ ꤗꤢ꤬ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤢ꤬ ꤓꤝꤢ꤭ ꤕ꤫ꤢꤩ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯

เพรโด่แนพู๊ เต๊เห่ 1:8

ꤗꤢ꤬ꤔꤢꤧꤚꤣꤧ꤬ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤜꤢꤧ꤬ꤟꤣꤧ ꤘꤣ ꤞꤤ꤭ꤜꤥ꤬ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤏꤝꤢ꤬ꤒꤢꤩ꤬ꤏꤢꤪ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤠꤢꤧ꤭ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭, ꤔꤢꤧ ꤛꤢꤨꤘꤢ꤬ ꤒꤣ꤬ꤊ꤫ꤢꤩ꤬ꤜꤢꤩ꤭, ꤔꤢꤧ ꤏꤛꤢ꤬ꤗꤢ꤬ꤚꤤꤊ꤫ꤢꤩ꤬ ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤒ꤫ꤥ꤬ ꤡꤣꤧꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤜꤢꤪ꤭ ꤡꤣꤧ ꤕꤢ꤭,” ꤢ꤬ ꤟꤢꤩꤟꤢꤨꤔꤣꤧ꤬꤯

เพรโด่แนพู๊ เต๊เห่ 11:30

ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤞꤢꤨ꤭ꤡꤝꤢꤔ꤫ꤤ꤬ ꤚꤢꤦ꤭ꤣꤧ꤭ ꤔꤢꤧ ꤋꤢꤨ꤭ꤎꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ꤯ ꤋꤢꤨ꤭ꤎꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤖꤛꤢꤡꤝꤢꤔ꤫ꤤ꤬ ꤚꤢꤦ꤭ꤣꤧ꤭ ꤚꤣꤧ꤬ ꤢ꤬ ꤡꤝꤢ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯

เพรโด่แนพู๊ เต๊เห่ 14:23

ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣ꤬ꤗꤢꤨ꤬ ꤔꤢꤧ ꤒꤣ꤬ꤗꤢꤨ꤬ ꤢ꤬ꤊꤢꤨ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤔꤝꤢꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤙꤢꤩ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭, ꤓꤥ꤭ꤚꤣꤧ꤬ ꤢ꤬ ꤘꤥ꤬ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭, ꤢ꤬ ꤗꤢꤩ꤬ꤓꤥ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤘꤣꤧꤒꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤘꤣ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯

เพรโด่แนพู๊ เต๊เห่ 15:4

ꤙꤣꤧ ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢꤩꤗꤥ꤬ꤏꤢꤦ꤬ ꤛꤢꤩ꤬ꤞꤤ꤭ ꤚꤣꤧ꤬ ꤟꤢꤩꤏꤥ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤘꤤ꤭ꤒ꤫ꤢꤦ꤬ ꤒꤢꤩ꤬ ꤘꤣ ꤛꤢꤩ꤬ꤞꤤ꤭ꤊꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 15:6

ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤞꤤ꤭ ꤥ꤬ꤊꤢꤨ ꤋꤛꤢ꤭ꤜꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤒꤣꤧ꤬ꤔꤢꤩ꤬ ꤚ꤫ꤥ꤬ꤋꤛꤢ꤭ꤜꤢꤨ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣ꤬ꤡꤣ꤬꤯

เพรโด่แนพู๊ เต๊เห่ 2:32

ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤓꤥ꤭ ꤛꤢꤩ꤬ꤏꤛꤢꤨ ꤣꤧ꤭ ꤘꤣ ꤒꤢꤩ꤬ꤞꤣꤧ꤭ ꤚꤣꤧ꤬ ꤜꤢꤪ꤭ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤕꤢꤩ꤬ ꤓꤝꤢ꤭ ꤕ꤫ꤢꤩ꤬ ꤜꤢꤨ꤭ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤋꤢꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ꤒꤢꤩ꤬ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭꤯

เพรโด่แนพู๊ เต๊เห่ 20:17

ꤙꤣꤧ ꤋꤢꤨ꤭ꤕꤢꤪꤜꤢꤨ ꤥ꤬ꤙꤣꤧ ꤠꤤ꤭ꤗꤤꤜꤢꤩꤒꤢꤨ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗ꤫ꤢ꤬ꤟꤢꤧ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤚꤣꤧ꤬ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤢ꤬ ꤥ꤬꤯ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤜꤢꤨ꤭ ꤙꤣꤧ ꤠꤤ꤭ꤗꤤꤜꤢꤩꤒꤢꤨ ꤢ꤬ꤊꤢꤨ꤭ꤣꤧ꤭꤯

เพรโด่แนพู๊ เต๊เห่ 20:28

ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤚꤣꤧ꤬ ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤪ꤭ ꤞꤤꤗꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧꤒꤢ꤭ꤊꤢꤧ꤭ ꤕ꤫ꤢꤩ꤬ ꤞꤤ꤭ ꤘꤣ ꤞꤤ꤭ ꤙꤢꤩ꤬ ꤗꤢꤧꤡꤢꤧ꤬ꤚꤣꤧ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤝꤢ꤭ ꤜꤢ꤭ꤋꤢꤧ꤭ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤘꤣ ꤢ꤬ ꤗꤢꤧꤡꤢꤧ꤬ꤚꤣꤧ ꤢ꤬ꤞꤤꤗꤤ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢꤧꤡꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤤ꤬ꤖꤚꤤ꤬ꤊꤢ꤬ ꤓꤥ꤭ꤟꤣꤧ ꤔꤢꤧ ꤢ꤬ꤞꤝꤤ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬ ꤔꤤ꤮꤯

เพรโด่แนพู๊ เต๊เห่ 21:18

ꤕꤣꤧꤚꤥ꤬ ꤒꤣ꤬ꤔꤣꤧ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤡꤝꤢꤊꤣꤧ꤭ ꤔꤢꤧ ꤕꤢꤩ꤬ ꤚꤣꤧ꤬ ꤕꤢꤩ꤬ ꤡꤝꤢꤥ꤬ꤜꤢꤩ꤭ ꤟꤢꤩꤙꤢꤩ꤬ꤊꤣꤧ꤭ ꤔꤢꤧ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤙꤣꤧꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 3:15

ꤞꤤ꤭ ꤗꤢꤩ꤬ꤞꤣꤧ꤭ꤊꤢꤧ꤭ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ, ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤘꤣ ꤒꤢꤩ꤬ꤞꤣꤧ꤭ ꤟꤣꤧ, ꤚꤣꤧ꤬ ꤒꤢꤩ꤬ꤓꤝꤢ꤭ꤓꤢꤧ꤬ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤕꤢꤩ꤬ ꤗꤢꤧꤓ꤫ꤣꤧ꤬ ꤡꤣꤧ ꤟꤣꤧ ꤔꤢꤧ ꤕꤢꤩ꤬ꤔ꤫ꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 5:1

ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤞꤢꤧꤔꤢꤧ ꤟꤤ꤬ ꤘꤣ ꤕꤢꤩ꤬ ꤥ꤬ ꤚꤣꤧꤘꤢꤦ꤬ ꤢ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬, ꤏꤢ꤮ ꤢꤨ꤭ ꤗꤢꤩ꤬ꤖꤚꤥꤊꤢꤧ꤭ ꤟꤣꤧ ꤢ꤬ ꤕꤢ꤭, ꤢ꤬ ꤞꤤ ꤟꤢꤩ ꤟꤣꤧ ꤏꤢ꤮ ꤕꤢꤩ꤬ ꤞꤣꤧ꤭ ꤕꤢ꤭ꤗꤢ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤥ꤬ꤕ꤫ꤢꤩ꤬ ꤟꤣꤧ ꤕꤢꤩ꤬ꤟꤤ꤬ꤞꤢꤩ꤭ ꤗ꤫ꤢ꤬ꤟꤣꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤟꤣꤧ꤯ ꤢ꤬ ꤊ꤫ꤢꤦ꤬ ꤗꤢꤩ꤬ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧ꤬ ꤟꤤ꤬ꤞꤢꤩ꤭ ꤗ꤫ꤢ꤬ꤟꤣꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬, ꤢ꤬ ꤞꤣꤧ꤭ꤡ꤫ꤢꤧ꤬ ꤕꤢ꤬ ꤒꤥ꤬, ꤢ꤬ ꤊ꤫ꤢꤦ꤬ ꤥ꤬ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

โครินธ์ เนอบ่า ต๊าบ่า 5:8

ꤠꤢꤧ꤭ ꤊ꤫ꤢꤦ꤬ ꤟꤢꤩ ꤔꤢꤧ, ꤕꤢꤩ꤬ ꤛ꤫ꤢꤦ꤬ꤢꤩ꤬ꤚꤣꤧ ꤙꤢꤧ꤬ꤡꤢꤩ꤬ ꤣꤧ꤭ꤔꤣꤧ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ ꤓꤢꤩ꤬ꤡꤝꤢꤊꤢꤧ꤭ ꤜꤢ꤭ ꤟꤣꤧ ꤔꤢꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ ꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ꤡꤝꤢ ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ ꤟꤣꤧ ꤔꤢꤧ ꤙꤢꤧ꤬ꤡꤢꤩ꤬ ꤘꤣ ꤗꤢꤪꤋꤢꤨ꤬ ꤟꤣꤧ꤯

ฟีลิปปี 1:19

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ ꤋꤝꤢ꤬ꤋꤛꤢ꤭, ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤛ꤫ꤢꤧ꤬ꤛꤥ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤠꤢꤧ꤭ ꤕꤢ꤭ ꤋꤝꤢ꤬ꤋꤛꤢ꤭ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤜꤣꤧ꤬ꤕꤜꤢꤩꤓꤢꤩ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤕꤢ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤖꤢꤧ꤯

ทิโมธี อาเหร่อเล๊อ ต๊าบ่า 5:1

ꤞꤤꤖꤚꤝꤢ꤭ ꤒ꤫ꤢꤧ꤬ ꤖꤚꤢꤩ꤬ꤋꤢꤨ꤭ ꤗ꤫ꤥ꤬ꤖꤚ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢ꤬ꤔꤢꤧꤚꤣꤧ꤬ ꤊꤝꤤ꤭ꤞꤤꤛꤢꤪ꤬ ꤟꤢꤩꤙꤢꤩ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤢ꤬ ꤟꤢꤨ ꤔꤢꤧ꤬ ꤊꤝꤤ꤭ꤞꤤꤛꤢꤪ꤬ ꤔꤢꤧ꤬ꤖꤢꤩ꤭ ꤔꤣꤧ꤬ ꤔꤤ꤮꤯ ꤖꤚꤢꤩ꤬ꤋꤢꤨ꤭ ꤘꤣ ꤢ꤬ꤔꤢ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤘꤢꤧ꤬ ꤢ꤬ ꤟꤢꤨ ꤔꤢꤧ꤬ꤕ꤫ꤥ꤬ ꤔꤢꤧ ꤔꤢꤧ꤬ꤔ꤫ꤢꤩ꤬ ꤔꤣꤧ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 5:19

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤕꤣꤧ꤬ꤒꤤꤒꤣꤧ꤬ꤘꤢꤦ꤬ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤊꤢꤩ꤬ꤥ꤬ ꤞꤤꤔꤣꤧ꤭ ꤒꤥ꤬ꤗꤢ꤬ꤔꤢꤧ ꤞꤤꤞꤥ꤭ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤢ꤬ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ทิโมธี เนอบ่า ต๊าบ่า 4:8

ꤊꤢꤨꤔ꤫ꤢꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤘꤝꤢ ꤕ꤫ꤢꤩ꤬ꤟꤣꤧ ꤠꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤘꤣ ꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ ꤓꤥ꤭ꤚꤣꤧ꤬ ꤏꤢ꤮ ꤗ꤫ꤢꤪ꤬ꤔꤣꤧ꤭ ꤒꤣꤧ꤬ꤘꤢꤦ꤬ ꤕꤢ꤭ꤔꤣꤧ꤬, ꤖꤚꤢꤩ꤬ꤘꤣꤧꤡꤢ꤭ ꤡꤢꤪꤒꤢꤩ꤬ ꤢ꤬ ꤙꤢꤧ꤬ꤡꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤣꤧꤜꤢꤧ꤬ ꤠꤢꤧ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤣꤧ꤭ꤔꤣꤧ꤬ꤗꤢ꤬ ꤠꤢꤧ꤭ꤑꤢꤩ꤭ ꤒꤢꤦꤘꤢꤦ꤬ ꤗ꤫ꤢ꤬ꤒꤥ꤬꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ꤊꤣꤧ꤭ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤟꤢꤧ꤭ ꤥ꤬ꤜꤥ꤭ꤓꤢꤧ꤬ ꤋꤛꤢ꤭ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤗꤢ꤬ ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤕꤢ꤭ꤕꤢ꤭꤯

ꤒꤤꤒꤢꤨ 1:5

ꤠꤢꤧ꤭ ꤘꤢꤧ꤬ꤊꤢꤧ꤭ ꤟꤣꤧ ꤔꤢꤧ꤬ ꤙꤣꤧ ꤊꤚꤢꤩ꤬ꤒꤢꤩ꤬ꤊꤜꤢꤦ ꤣꤧ꤭ꤔꤣꤧ꤬ꤗꤢ꤬ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤡꤝꤢ ꤒꤣꤧ꤬ꤚꤤ꤬ ꤗꤢꤩ꤬ꤒꤥ꤭ꤗꤢꤩ꤬ꤙꤢꤩ꤬ ꤓꤥ꤭ꤕꤜꤢꤦꤊꤢꤧ꤭ ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤗꤢꤩ꤬ꤕꤢ꤬ ꤘꤣ ꤠꤤ꤭ꤣꤧ꤭ ꤕꤝꤢ꤭꤮ ꤒꤣ꤬ꤠꤤ꤭ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤚꤣꤧ꤬ ꤔꤢꤧ꤬ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤟꤢꤨ ꤠꤢꤧ꤭ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤓꤥ꤭ꤟꤣꤧ ꤔꤢꤧ꤬ ꤔꤣꤧ꤬ ꤔꤤ꤮꤯

ฟีเลโมน 1:9

ꤕꤢꤩ꤬ ꤜꤢ꤭ ꤗꤥ꤬ ꤚꤣꤧꤘꤢꤦ꤬ ꤋꤛꤢ꤭ꤟꤣꤧꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ꤖꤢꤧ ꤔꤢꤧ꤬ ꤖꤢꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤗ꤫ꤢ꤬ꤟꤣꤧ ꤋꤢꤨ꤭ꤕꤢꤪꤜꤢꤨ ꤣꤧ꤭, ꤠꤢꤧ꤭ ꤗ꤫ꤥ꤬ꤖꤚ꤫ꤢꤩ꤬ꤟꤣꤧ, ꤓꤥ꤭ꤒꤥ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤜꤢ꤭꤮ ꤘꤢꤪꤒꤢ꤭ꤕꤢ꤬ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤚꤣꤧ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤔꤢꤧ꤬ ꤖꤢꤧ꤯

ꤟꤤꤙꤚꤢꤨ 12:1

ꤟꤢꤨꤔꤣꤧ꤬ꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤣꤧꤜꤥ꤭ꤚꤣꤧ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ ꤒꤣꤧ꤬ꤠꤢ꤬ꤕꤜꤢꤨ꤬ꤒꤣꤧ꤬ꤠꤢ꤬ꤖꤢꤩ꤬ ꤡꤣꤧ ꤔꤢꤧ ꤕꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤊ꤫ꤢꤦ꤬ ꤠꤤ꤭ꤊꤢꤧ꤭ ꤊꤢꤧ꤭ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤢ꤬ ꤗꤢꤩ꤬ ꤘꤤꤘꤢꤧ꤭ ꤒꤢ꤭ꤒꤢꤦ꤭ ꤕꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤞꤢꤦ ꤘꤣ ꤢ꤬ ꤗꤢꤩ꤬ ꤒꤣ꤬ꤖꤥ꤬ ꤜꤣꤧ꤬ꤋꤢꤦꤊꤢꤧ꤭ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤥ꤮! ꤚꤣꤧ꤬ ꤕꤢꤩ꤬ ꤗꤢꤧꤚ꤫ꤥ꤬ꤜꤢꤨ꤭ ꤢꤨ꤭ ꤘꤣꤧ ꤕ꤫ꤢꤩ꤬ ꤕꤢꤩ꤬ ꤗꤢꤙꤥ꤭ ꤘꤣ ꤕꤢꤩ꤬ꤙꤢꤩꤑꤢꤩ꤭ ꤣꤧ꤭ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤊꤜꤢꤧ꤬ꤟꤢꤧ꤭ꤒ꤫ꤥ꤬ ꤘꤣ ꤢ꤬ ꤥ꤬ ꤔꤣꤧ꤬ ꤕꤥ꤮꤯

เปโตร อาเหร่อเล๊อ ต๊าบ่า 1:12

ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤖꤚꤢꤩ꤬ꤖꤚꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤗꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤛꤢꤩ꤬ꤞꤤ꤭ꤑꤢꤩ꤭ ꤚꤣꤧꤘꤢꤦ꤬ ꤗ꤫ꤢ꤬ꤒꤥ꤬꤯ ꤟꤢꤩꤊꤜꤢꤧꤡꤢꤪꤗꤢ꤬ ꤞꤤ꤭ꤑꤢꤩ꤭ ꤖꤢꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤞꤤ꤭ ꤚꤣꤧ꤬ ꤞꤤ꤭ ꤔ꤫ꤤ꤬ꤟꤥ꤭ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤚꤣꤧ꤬, ꤢ꤬ ꤟꤢꤧ꤭ ꤗꤢꤩ꤬ꤒꤢꤩ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤟꤢꤧ꤭ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤟꤣꤧ꤯ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤡꤣꤧ ꤔꤣꤧ꤬꤮ ꤢ꤬ ꤞꤤꤛ꤫ꤢꤦ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ꤊꤣꤧ꤭ ꤔꤢꤧ꤬ꤡꤣꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤡꤣꤧ꤯

เปโตร อาเหร่อเล๊อ ต๊าบ่า 1:7

ꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤧ꤭? ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤒꤥ꤬ ꤟꤢꤧ꤭? ꤔꤣꤧ꤬, ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤕꤢ꤭꤯ ꤓꤢꤩ꤭ ꤘꤣ ꤢ꤬ ꤕꤛꤢꤡ꤫ꤢꤧ꤬ ꤡꤣꤧ ꤣꤧ꤭ꤔꤣꤧ꤬, ꤢꤨ꤭ ꤙꤢꤩ꤬ ꤒꤥ꤭ ꤗꤢꤩ꤬ꤗꤢꤧ ꤕꤢ꤬ ꤢ꤬ ꤔꤢꤧ ꤗꤤ꤬, ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤜꤣ ꤔꤢꤧ ꤓꤢꤩ꤭ꤣꤧ꤭, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ ꤔꤢꤧ ꤒꤢꤩ꤬ꤛ꤫ꤢꤦ꤬ ꤗ꤫ꤢ꤬ꤔꤤꤔꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤢꤨ꤭ ꤒꤥ꤭ꤙꤢꤩ꤬ ꤗꤢꤩ꤬ꤗꤢꤧ ꤊꤣꤧ꤭ꤘꤢꤦ꤬ ꤢ꤬ ꤟꤢꤨꤔꤣꤧ꤬꤯ ꤓꤥ꤭ꤚꤣꤧ꤬ ꤏꤢ꤮ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤘꤣꤧꤜꤥ꤭ꤓꤢꤧ꤬ ꤟꤣꤧ ꤢ꤬ꤔ꤫ꤢꤩ꤬ ꤢ꤬ꤋꤢꤩ꤭ ꤕꤢ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤓꤢꤨ꤬ꤞꤢꤩꤓꤢꤧ꤬, ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤔꤢꤧ ꤒꤢꤩ꤬ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤞꤤ꤭ ꤕꤢ꤭꤯

เปโตร อาเหร่อเล๊อ ต๊าบ่า 4:13

ꤗ꤫ꤢ꤬ꤟꤢꤩꤗꤢ꤬, ꤏꤢ꤮ ꤋꤚꤤ ꤟꤢꤧ꤭ꤜꤢꤧ꤬ ꤥ꤬ꤜꤥ꤭ꤓꤢꤧ꤬ ꤟꤣꤧ ꤔꤢꤧ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤕꤢ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤢꤩꤓꤥ꤭ꤢꤩꤗꤥ꤬ ꤊꤣꤧ꤭ꤢꤨ꤭ ꤕꤢ꤭ ꤢ꤬ꤑꤢꤩ꤭ ꤔꤣꤧ꤬ꤚꤣꤧ꤬, ꤒꤢꤩ꤬ ꤘꤣ ꤞꤤ꤭ ꤋꤢꤧꤡꤢ꤭ꤋꤢꤧꤡꤢꤦ꤬ ꤒ꤫ꤣ꤬ꤊꤣꤧ꤭ ꤔꤢꤧ ꤋꤚꤤ ꤟꤢꤨꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤒꤣꤧ꤬ꤚꤢꤨ ꤞꤤꤋꤚꤢꤦ꤭ ꤜꤢ꤭ꤋꤢꤧ꤭ ꤔꤤ꤮꤯

เปโตร อาเหร่อเล๊อ ต๊าบ่า 5:4

ꤚꤣꤧ꤬ ꤙꤣꤧ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤢ꤬ꤊꤢꤨ꤬ꤊꤜꤢꤪ ꤘꤢꤨ꤬ꤜꤣ ꤋꤚꤤ ꤣꤧ꤭ ꤊ꤫ꤢꤦ꤬ ꤟꤢꤧ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤢ꤬ꤊꤢꤨꤊ꤫ꤥ꤬ ꤘꤣ ꤢ꤬ꤒꤣꤧ꤬ꤚꤣꤧ꤭ ꤥ꤬ꤗ꤫ꤢꤩ꤬ꤊꤢꤧ꤭ ꤕ꤫ꤢꤩ꤬ꤕꤢ꤬ ꤒꤣ꤬ꤖꤥ꤮ ꤒꤥ꤬ ꤣꤧ꤭ꤔꤣꤧ꤬ ꤕꤢ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

ꤠꤢꤧ꤭ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤓꤝꤢ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤟꤢꤨꤒꤢꤩ꤭ ꤕꤢ꤭ ꤒꤣ꤬ꤡꤣ꤬ꤒꤢꤩ꤭ ꤔꤣꤧ꤬, ꤢꤨ꤭ ꤘꤣꤧꤞꤤꤑꤢꤩ꤭ ꤥ꤬ꤔꤢꤩ꤬ꤜꤢ꤭ꤟꤤ ꤕꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤒꤢꤩ꤬ꤣꤧ꤭ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭ ꤓꤥ꤭ꤟꤣꤧ ꤔꤢꤧ, ꤏꤢ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤥ꤬ꤜꤥ꤭ꤓꤢꤧ꤬ ꤢ꤬ꤋꤢꤩ꤭ ꤕꤢ꤭ꤔꤣꤧ꤬ ꤕꤢꤩ꤬ ꤊ꤫ꤢꤦ꤬ ꤞꤢꤧꤔꤢꤧ ꤢ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤗ꤫ꤢ꤬ ꤡꤣꤧ ꤢ꤬ ꤟꤢꤨ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ ꤕꤢ꤭꤯

ยอห์น เนอบ่า ต๊าบ่า 1:1

ꤠꤢꤧ꤭ ꤗꤢ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ ꤚꤣꤧ꤬ ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤗ꤫ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤢ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤔꤢꤧ ꤢ꤬ꤖꤢꤨ ꤞꤤ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤠꤢꤧ꤭ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤒꤣ꤬ꤖꤚꤢꤩ꤬ ꤗꤥ꤬ꤚꤣꤧ ꤒꤢꤦꤘꤢꤦ꤬ ꤞꤤ꤭ ꤔꤣꤧ꤬ ꤗ꤫ꤢ꤬ꤒꤥ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤗꤥ꤬ꤚꤣꤧ ꤊꤣꤧ꤭ꤘꤢꤦ꤬ ꤞꤤ꤭ꤞꤤ꤭꤯

ยอห์น โซบ่า ต๊าบ่า 1:1

ꤠꤢꤧ꤭ ꤗꤢ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣ꤬ꤖꤚꤢꤩ꤬ ꤚꤣꤧ꤬ ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ꤒꤣ꤬ꤙꤢ꤬ ꤘꤣ ꤋꤢꤨ꤭ꤊꤢ꤬ꤛꤢꤨ ꤢ꤬ ꤥ꤬꤯ ꤋꤢꤨ꤭ꤊꤢ꤬ꤛꤢꤨ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤠꤢꤧ꤭ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤢ꤬ ꤒꤣ꤬ꤖꤚꤢꤩ꤬ ꤡꤣꤧ꤯

เตเด๊อะโลแถ่ 1:9

ꤠꤢꤧ꤭ ꤗꤢ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤞꤢꤧꤊꤣꤧ꤭ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤗꤢ꤬ ꤞꤤ꤭ ꤋꤥ꤭ꤙꤢꤧꤞꤝꤢ ꤘꤣ ꤢ꤬ ꤋꤢꤧꤡꤢ꤭ꤋꤢꤧꤡꤢꤦ꤬ ꤚ꤫ꤥ꤬ꤊꤣꤧ꤭ꤒꤢꤩ꤬ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬, ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤞꤢꤧꤊꤣꤧ꤭ ꤔꤢꤧ ꤞꤤ꤭ꤞꤤ꤭, ꤚꤣꤧ꤬ ꤠꤢꤧ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚ꤫ꤥ꤬ꤊꤣꤧ꤭ꤒꤢꤩ꤬ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬ ꤖꤢꤧ꤯ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤔꤢꤧ ꤒꤢꤩ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤋꤢꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤡꤝꤢ ꤘꤢꤧ꤬ꤥ꤬ꤊꤢꤧ꤭ ꤠꤢꤧ꤭ ꤘꤣ ꤕꤢ꤬ꤗꤢꤨꤊꤜꤢꤦꤋꤢꤨ꤬ ꤟꤣꤧ꤯