เปโตร อาเหร่อเล๊อ ต๊าบ่า 4:8 - Eastern Kayah Shadaw Dialect

⁸ ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ꤊꤜꤢꤩ꤭ꤔꤣꤧ꤬, ꤒꤢꤩ꤬ꤗꤥ꤬ ꤗ꤫ꤢ꤬ꤔꤤꤔꤢꤧ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤢꤨ꤭ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗꤥ꤬ꤔꤣꤧ꤬ ꤢ꤬ ꤗꤢꤩ꤬ꤙꤤꤊꤢꤧ꤭ꤡ꤫ꤢꤧ꤬ ꤢꤩꤔꤢꤧ꤬ꤡꤣꤧ ꤒꤢꤩ꤬ꤞꤢꤦ꤯

ลีเทส่อพ๊าอาเซ เร๊อ เห่ขุทวาลู๊

⁸ เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

เปโตร อาเหร่อเล๊อ ต๊าบ่า 4:8 ပူးပေါင်းရင်းမြစ်များ

โคโลสี 3:14

ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣꤢꤨ꤭ ꤒꤣ꤬ꤡꤣ꤬ꤗꤢ꤬, ꤗꤥ꤬ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤗꤢ꤬, ꤞꤤ꤭ ꤥ꤬ꤒ꤫ꤣ꤬ꤥ꤬ꤕꤜꤢꤪ ꤚ꤫ꤥ꤬ꤟꤣꤧ ꤜꤢꤨ꤭ ꤘꤣ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤢ꤬ꤊꤢꤨ꤭ ꤟꤣꤧ꤯

เปโตร อาเหร่อเล๊อ ต๊าบ่า 1:22

ꤊꤢꤨꤔ꤫ꤢꤧ꤬ꤚꤣꤧ꤬ ꤘꤣ ꤞꤤ꤭ ꤡꤢꤨ꤭ꤢꤩ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤕꤜꤤ꤭ꤖꤥ ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤞꤤ꤭ ꤓꤝꤢ꤭ ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

ꤡꤛꤢꤩ꤭ꤗꤢ꤬ꤎꤣ꤬ 5:20

ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤜꤢ꤭ꤋꤢꤧ꤭ ꤔꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤡꤝꤢ ꤢꤩꤊꤢ꤬ꤒꤥ꤭ ꤋꤛꤢ꤭ꤞꤢꤧ ꤖꤚꤢꤩ꤬ꤥ꤬ꤚꤢ꤬ꤖꤢꤨ ꤘꤣ ꤢ꤬ ꤋꤚꤝꤢ꤭ ꤡꤝꤢꤞꤢꤦꤔꤢꤪ ꤊꤜꤢꤧ ꤣꤧ꤭ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤞꤣꤧ꤭ ꤟꤣꤧ꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤞꤢꤦ ꤢꤩꤡꤣ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ꤟꤣꤧ ꤜꤢꤨ꤭ ꤟꤣꤧ꤯

โครินธ์ อาเหร่อเล๊อ ต๊าบ่า 13:1

ꤠꤢꤧ꤭ ꤊꤢꤩ꤬ ꤟꤢꤩꤙꤢꤩ꤬ꤡ꤫ꤢꤧ꤬ ꤜꤢꤪ꤭ ꤡꤣꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤜꤢꤪ꤭ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤒꤥ꤬ ꤟꤢꤩꤔꤣꤧ꤬, ꤠꤢꤧ꤭ ꤓꤝꤢ꤭ ꤖꤢꤧ ꤗꤥ꤬ ꤔꤢꤧ ꤡꤤꤡ꤫ꤢ꤬ ꤘꤣ ꤢ꤬ꤖꤚꤢ꤬ ꤒꤣꤧ꤬ꤠꤢꤪꤒꤣꤧ꤬ꤞꤢꤦ꤭ ꤊꤣꤧ꤬ꤢꤪ꤭ꤊꤣꤧ꤬ꤢꤧ ꤊꤢꤧ꤭ꤘꤢꤩ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤗꤢꤩ꤬ꤢꤩꤓꤢꤧ꤬ ꤕ꤫ꤢꤩ꤬ꤘꤢꤦ꤬ ꤞꤤ꤭ ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤚꤣꤧ꤬, ꤞꤤ꤭ ꤊꤢꤩ꤬ ꤗꤥ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤚꤣꤧꤘꤢꤦ꤬ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤥ꤬ꤢꤩꤓꤢꤧ꤬ ꤚꤣꤧꤊꤣꤧ꤭ꤕ꤫ꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤞꤢꤧꤔꤢꤧ ꤕꤢꤩ꤬ ꤗꤥ꤬ꤚꤣꤧ ꤞꤤ꤭ꤔꤣꤧ꤬ ꤔꤤ꤮꤯

ꤟꤤꤙꤚꤢꤨ 13:1

ꤗꤥ꤬ꤟꤢꤧ꤭ꤑꤢꤩ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤋꤚꤤꤖꤢꤨ ꤒꤥ꤭ꤙꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 1:5

ꤒꤢꤩ꤬ꤟꤢꤩꤒꤢ꤭ ꤍ꤫ꤥ꤬ꤣꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤧꤏꤢꤦ꤭ ꤗꤢ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤢꤨ꤬ꤚꤢꤧ꤭ꤓꤢꤧ꤬ ꤒꤢꤩ꤬ꤗꤥ꤬ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯ ꤒꤢꤩ꤬ꤗꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤞꤤꤕꤜꤢꤪ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤞꤤꤑꤢꤩ꤭ ꤒꤢꤩ꤬ꤚꤢꤧ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ ꤚꤣꤧ꤬ ꤢ꤬ ꤔꤝꤢꤖꤛꤢ ꤒꤢꤩ꤬ ꤘꤣ ꤢ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯

เธสะโลนิกา เนอบ่า ต๊าบ่า 1:3

ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭꤮, ꤕꤢꤩ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤞꤤ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤕꤢꤩ꤬ ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤞꤤꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤞꤤ꤭ ꤒꤢꤩ꤬ꤗꤥ꤬ꤚꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤘꤢꤨ꤬ꤓꤢꤧ꤬ ꤔꤢꤧ ꤘꤢꤨ꤬ꤓꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤒꤥ꤭ꤙꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤔꤢꤧ꤭ ꤟꤣꤧ꤯

ยอห์น โซบ่า ต๊าบ่า 1:2

ꤠꤢꤧ꤭ ꤋꤥ꤭ꤙꤢꤧꤞꤝꤢ ꤗꤥ꤬꤮, ꤞꤢꤧꤟꤢꤨ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤊ꤫ꤢꤦ꤬ ꤡꤝꤢ ꤚꤢꤧꤚꤢꤧ ꤔꤢꤧ ꤔꤢꤧ꤬ꤔꤣꤧ꤬ ꤚꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤘꤣ ꤔꤢꤧ꤬ꤑꤢꤩ꤭꤯ ꤟꤢꤨ ꤠꤢꤧ꤭ ꤞꤤꤑꤢꤩ꤭ꤟꤣꤧ ꤔꤢꤧ ꤔꤢꤧ꤬ ꤥ꤬ꤏꤝꤢ꤬ꤥ꤬ꤗꤥ꤬ ꤘꤣ ꤔꤢꤧ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤔꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤔꤢꤧ ꤔꤢꤧ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤒꤣ꤬ꤊꤛꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤏꤝꤢ꤬ꤥ꤬ꤗꤥ꤬ ꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬ ꤔꤤ꤮꤯

ꤡꤛꤢꤩ꤭ꤗꤢ꤬ꤎꤣ꤬ 5:12

ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ꤊꤜꤢꤩ꤭ꤔꤣꤧ꤬, ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣ꤮ ꤒꤣ꤬ꤡꤣ꤬ꤗꤢ꤬ ꤗ꤫ꤢ꤬ꤟꤣꤧ ꤙꤣꤧ ꤞꤤ꤭ ꤢꤪꤜꤢꤧ꤬ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤭ ꤒ꤫ꤢꤧ꤬ ꤞꤤꤔ꤫ꤢꤩ꤬ ꤔꤢꤧ ꤗꤢꤪꤋꤢꤨ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤟꤢꤩ꤬ꤋꤢꤨ꤬, ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤘꤣ ꤒꤢꤩ꤬ ꤢ꤬ꤚꤥ꤬ ꤒꤣ꤬ꤡꤣ꤬ꤡꤣ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤟꤢꤨꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤜꤣꤧ꤬ꤕꤜꤢꤩ ꤔꤢꤧ ꤒꤢꤩ꤬ꤘꤣꤧꤡꤢ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊꤢꤩ꤬ ꤗ꤫ꤢ꤬ ꤚꤣꤧ꤬ “ꤢ꤬ꤗ꤫ꤢ꤬,” ꤟꤢꤩ ꤟꤢꤨꤔꤣꤧ꤬, ꤢ꤬ ꤊꤢꤩ꤬ ꤗ꤫ꤢ꤬ꤒꤥ꤬ ꤟꤢꤩꤚꤣꤧ꤬ “ꤢ꤬ꤗ꤫ꤢ꤬ꤒꤥ꤬,” ꤟꤢꤩ ꤟꤢꤨꤔꤣꤧ꤬ ꤖꤢꤧ ꤔꤤ꤮꤯

โครินธ์ อาเหร่อเล๊อ ต๊าบ่า 13:4

ꤕꤢꤩ꤬ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤟꤢꤩꤚꤣꤧ꤬, ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ, ꤕꤢꤩ꤬ ꤞꤤꤛꤢꤪ꤬ꤚꤣꤧ ꤢꤨ꤭, ꤕꤢꤩ꤬ ꤞꤤꤋꤝꤢꤩ ꤊꤣꤧ꤭ꤢꤨ꤭ ꤒꤢꤩ꤬ ꤒꤥ꤬, ꤕꤢꤩ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤕꤢꤩ꤬ꤍ꤫ꤥ꤬ ꤒꤥ꤬, ꤕꤢꤩ꤬ ꤖꤛꤢꤘꤢꤨ꤬ ꤖꤛꤢꤓꤢꤧ꤬ꤜꤥ꤭ ꤕꤢꤩ꤬ꤔ꤫ꤢꤩ꤬ ꤒꤥ꤬꤯