เปโตร อาเหร่อเล๊อ ต๊าบ่า 4:14 - Eastern Kayah Shadaw Dialect

¹⁴ ꤊꤢꤩ꤬ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤘꤣ ꤞꤤ꤭ ꤋꤚꤝꤢ꤭ꤊꤣꤧ꤭ ꤋꤚꤤ ꤢ꤬ꤋꤛꤢ꤭ ꤊꤢꤩ꤬ꤟꤢꤩꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤣꤧ꤭ꤔꤣꤧ꤬, ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁴ เก่ ซี ข่าเบ่ เตเป๊อเจ่ออิแช๊ เด๊อ ซี ครวาเกอ ครี๊ อาคยา เก่เฮ๊เรอ ซี พย๊าหนิ เตเด๊อะบุ๊ยเด๊อะเตอเรอ, เมเตเฮ๊เรอ จอแปแหร่ อา แหย่โยบูโพ๊ เด๊อ เตอเรอดุเตอเรอทู เออเนอ, อา โอ่เต่อเกอ เร๊อ ซี เฮ๊อ.

เปโตร อาเหร่อเล๊อ ต๊าบ่า 4:14 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:14

ꤗꤢ꤬ꤔꤢꤧꤚꤣꤧ꤬ ꤘꤣ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤊꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤊꤢꤩ꤬ꤟꤢꤩꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯ ꤛꤢꤩ꤬ꤞꤤ꤭ ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤞꤤ꤭ ꤒꤣꤧ꤬ꤘꤢꤦꤚꤣꤧ꤬ ꤞꤤꤤ꤬ꤏꤢꤩ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ꤜ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤜ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ꤗꤢꤩ꤬꤯

ꤜꤢꤨꤊꤢ꤬ 6:22

ꤞꤤ꤭ ꤜꤢ꤭ ꤛ꤫ꤢꤦ꤬ꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤚꤣꤧ꤬ ꤢꤨ꤭ ꤞꤤꤓꤢꤩ꤬ ꤞꤤ꤭, ꤢꤨ꤭ ꤢꤩꤗꤥ꤬ꤏꤢꤦ꤬ ꤞꤤ꤭ ꤒꤥ꤬, ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯

ꤡꤛꤢꤩ꤭ꤗꤢ꤬ꤎꤣ꤬ 1:12

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤏꤢ꤮ ꤢ꤬ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤓꤥ꤭ꤟꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤟꤢꤨꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤛꤢꤩ꤬ꤞꤤ꤭ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤏꤢ꤭ꤛ꤫ꤢꤨ꤬ ꤘꤣ ꤢ꤬ ꤢꤪꤜꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤥ꤬ꤚꤣꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

มัทธิว 5:11

“ꤙꤣꤧ ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭, ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭, ꤢꤨ꤭ ꤊꤢꤩ꤬ꤙꤢꤪ꤭ꤊꤢꤩ꤬ꤙꤛꤢ꤬ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯

เปโตร อาเหร่อเล๊อ ต๊าบ่า 3:16

ꤞꤤ꤭ ꤞꤤꤕꤜꤢꤪ꤬ ꤊꤢꤩ꤬ ꤟꤢꤩꤜꤢꤧ꤬ꤚꤣꤧ ꤞꤤ꤭ ꤔꤢꤧ ꤞꤤ꤭ꤒꤢꤩ꤬ꤞꤢꤦ ꤥ꤬ꤒꤥ꤬ ꤟꤢꤩꤔꤣꤧ꤬, ꤒꤣꤧ꤬ꤚꤢꤨ ꤗꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤪ꤭ꤟꤢꤩꤙꤛꤢ꤬, ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤒꤢꤩ꤬ꤥ꤬ꤞꤢꤧ꤭ꤚꤢꤧ꤭ ꤚꤢꤧ ꤘꤣ ꤋꤚꤤ ꤢ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤤꤒꤣꤧ꤬ꤚꤢꤩ꤭ ꤚꤣꤧꤘꤢꤦ꤬ ꤋꤛꤢ꤭ ꤔꤢꤧ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤢ꤬ꤋꤛꤢ꤭ ꤕꤢ꤭꤯

โครินธ์ เนอบ่า ต๊าบ่า 12:10

ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤥ꤬ ꤔꤢꤧ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬, ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤠꤢꤧ꤭ ꤒꤣꤧ꤬ꤟꤢꤩ꤬, ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤒꤣꤧ꤬ꤟꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ ꤒꤣꤧ꤬ꤟꤢꤩ꤬, ꤜꤢꤪ꤭ ꤒꤢꤩ꤬ ꤘꤣ ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤋꤚꤤ ꤢ꤬ꤑꤢꤩ꤭ ꤖꤢꤧ, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤗꤤ꤭ ꤞꤤꤕꤜꤢꤪ꤬ꤗꤥ꤬ ꤖꤢꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤠꤢꤧ꤭ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤒꤢꤦꤗꤢ꤬ ꤠꤢꤧ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤖꤢꤧ꤯

ꤛꤥ꤭ꤟꤢ꤬ 15:21

ꤞꤤ꤭ ꤓꤝꤢ꤭ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤩ꤬ꤡꤢ꤭ ꤞꤤ꤭ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤖꤢꤩ꤭ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 5:11

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤙꤢꤩ ꤔꤣꤧ꤬, ꤕꤢꤩ꤬ ꤟꤢꤩ ꤢ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯ ꤞꤤ꤭ ꤔ꤫ꤤ꤬ꤟꤥ꤭ ꤓꤥ꤭ꤘꤢꤦ꤬ꤟꤣꤧ ꤖꤢꤩ꤭ꤡꤛꤥꤙꤢ ꤢ꤬ ꤒꤢꤩ꤬ꤋꤢꤧꤞꤤꤘꤥ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ ꤚꤣꤧ꤬ ꤘꤣ ꤋꤛꤢ꤭ꤒꤣꤧ꤬ꤘꤢꤦ꤬ ꤚꤣꤧ꤬ ꤙꤢꤧ꤬ꤡꤢꤩ꤬ ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤏꤢꤪ꤭ꤚꤤ꤬ ꤜꤢꤨ꤭ ꤟꤢꤨꤒꤢꤩ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤔꤣꤧ꤬, ꤞꤤ꤭ ꤞꤤꤑꤢꤩ꤭ ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬ ꤣꤧ꤭ꤔꤣꤧ꤬ ꤢ꤬ꤜꤣꤢ꤬ꤙꤢ꤭ ꤔꤢꤧ꤬ꤡꤣꤧ꤯

เพรโด่แนพู๊ เต๊เห่ 13:45

ꤙꤣꤧ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤟꤢꤧ꤭ꤚ꤫ꤥ꤬ꤟꤢꤧ꤭ꤢꤩ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤞꤤꤋꤝꤢꤩ ꤚꤣꤧꤊꤣꤧ꤭ ꤔꤢꤧ꤬ꤡꤣꤧ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤢ꤬ ꤓꤢꤩꤏꤢꤦ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢꤊꤢꤧ꤭ ꤋꤢꤨ꤭ꤕꤢꤪꤜꤢꤨ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬꤯

เปโตร อาเหร่อเล๊อ ต๊าบ่า 2:12

ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤞꤤ꤭ ꤔꤢꤧ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ꤭ꤚꤢꤧ꤭ ꤚꤢꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤜꤢꤧ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤛ꤫ꤢꤦ꤬ ꤜꤢꤨ꤭ ꤕꤢ꤭꤯

ꤟꤤꤙꤚꤢꤨ 11:26

ꤋꤢꤨ꤭ꤗꤢꤪꤎꤢꤧ ꤘꤢꤧ꤬ꤜꤢꤧ꤬ ꤟꤣꤧ ꤢ꤬ꤞꤤꤕꤜꤢꤪ꤬ ꤔꤢꤧ, ꤋꤢꤧꤙꤢꤩ꤬ ꤒꤢꤩ꤬ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤘꤣ ꤋꤚꤤ ꤢ꤬ꤑꤢꤩ꤭ꤔꤣꤧ꤬, ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤜꤣꤕꤢ꤬ ꤡꤣꤧ ꤔꤢꤧ ꤤ꤬ꤡꤛꤤꤊ꤫ꤢꤩ꤬ ꤢ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤜꤢꤨ꤭ ꤢ꤬ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤏꤢ꤮ ꤔꤥ꤬ꤕꤢ꤭꤯

ꤊꤢ꤬ꤜꤢ꤬ꤒꤤ 1:24

ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯

ꤛꤥ꤭ꤟꤢ꤬ 9:34

ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤜꤢꤨ꤭ ꤔꤢꤧ, “ꤔꤢꤧ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤘꤢꤨ꤬ꤕꤢ꤬ ꤡꤣꤧ ꤘꤣ ꤔꤢꤧ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤢ꤬ꤋꤢꤩ꤭ ꤚꤣꤧ꤬ ꤔꤢꤧ꤬ ꤡꤝꤢ ꤤ꤬ꤞꤝꤢ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤕꤢꤩ꤬ ꤟꤢꤨꤒꤢꤩ꤭?” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤜꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤜꤢꤪ꤭꤯

ꤛꤥ꤭ꤟꤢ꤬ 9:28

ꤣꤧ꤭ꤒꤣ꤬ꤖꤥꤚꤣꤧ꤬, ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤘꤢꤨ꤬, ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤢ꤬ꤋꤥ꤭ꤖꤢꤨꤡ꤫ꤢꤩ꤬꤯ ꤕꤢꤩ꤬ ꤗꤢ꤬ ꤋꤢꤨ꤭ꤗꤢꤪꤎꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤘꤢꤦ꤬,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 8:48

ꤟꤢꤨꤔꤣꤧ꤬ꤚꤣꤧ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤧ, “ꤕꤢꤩ꤬ ꤟꤢꤩ ꤔꤢꤧ꤬ ꤔꤢꤧ, ꤔꤢꤧ꤬ ꤗꤢ꤬ ꤏꤛꤢ꤬ꤗꤢ꤬ꤚꤤꤖꤢꤨ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤜꤥ꤭ꤔꤢꤩ ꤗꤢꤩ꤬ꤙꤢꤩ꤬ ꤔꤢꤧ꤬, ꤕꤢꤩ꤬ ꤟꤢꤩꤟꤢꤨꤔꤣꤧ꤬ ꤗꤢ꤬ ꤢ꤬ꤗ꤫ꤢ꤬ꤔꤢꤧ꤭ꤒꤥ꤬ ꤟꤢꤧ꤭?”

มัทธิว 5:16

ꤟꤢꤨꤔꤣꤧ꤬ꤟꤣꤧ, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤕꤢꤩ꤬ꤖꤢꤩ꤭ ꤥ꤬ꤘꤣ ꤗꤢꤪꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤔꤢꤪ꤭ꤜꤤ꤭ꤒꤣꤧ꤬ꤋꤢꤩ꤭ ꤓꤢꤧ꤬ꤜꤥ꤭ ꤊꤣꤧ꤭ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬꤯”

เปโตร เนอบ่า ต๊าบ่า 2:2

ꤚꤣꤧ꤬ ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤋꤚꤝꤢ꤭ꤢꤩꤊꤣꤧ꤭ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤊꤜꤢꤧ ꤘꤣ ꤢ꤬ ꤜꤢꤦ꤬ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤙꤢꤩ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤡꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤊꤜꤢꤧ ꤕꤢ꤭꤯

เพรโด่แนพู๊ เต๊เห่ 18:6

ꤗꤢ꤬ꤔꤢꤧꤚꤣꤧ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤓꤢꤩꤏꤢꤦ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤋꤢꤨ꤭ꤕꤢꤪꤜꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤕꤢꤪꤜꤢꤨ ꤓꤢꤪꤖꤚꤥ ꤒꤢ꤭ꤊꤢꤧ꤭ ꤟꤢꤩ꤬ꤗꤢꤦ꤬ ꤘꤣ ꤢ꤬ ꤟꤣꤧ꤬ꤡꤢ꤬ꤜꤥ꤬꤯ ꤢ꤬ ꤓꤢꤪꤖꤚꤥ ꤒꤢ꤭ꤊꤢꤧ꤭ ꤟꤢꤩ꤬ꤗꤢꤦ꤬ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤢ꤬ ꤘꤣꤧꤜꤥ꤭ꤟꤣꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬ ꤘꤣ ꤢꤨ꤭ ꤓꤢꤩꤏꤢꤦ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯ ꤓꤥ꤭ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤊꤢꤩ꤬ ꤒ꤫ꤥ꤬ꤘꤣ ꤒꤢꤩ꤬ꤕꤛꤢꤒꤢꤩ꤬ꤜ꤫ꤢꤨ꤬ ꤟꤢꤩꤔꤣꤧ꤬ꤗꤢ꤬ ꤞꤤ꤭ꤔꤢꤧꤞꤤ꤭ ꤚꤣꤧꤘꤢꤦ꤬ꤟꤣꤧ꤯ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤥ꤬ꤕꤢ꤬ ꤘꤣ ꤠꤢꤧ꤭ꤜꤥ꤬ ꤒꤥ꤬ ꤟꤣꤧ꤯ ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤘꤢꤦ꤬ꤟꤣꤧ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤟꤣꤧ꤯”

เพรโด่แนพู๊ เต๊เห่ 5:41

ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤥ꤬ ꤔꤢꤧ꤭ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊꤢꤪ꤬ ꤔꤢꤧ꤭ ꤟꤣꤧ ꤔꤢꤧ ꤢ꤬ ꤙꤢꤩ꤬ ꤋꤢꤧꤙꤢꤩ꤬ ꤢꤨ꤭ ꤗꤢꤩ꤬ꤞꤤꤒꤣꤧ꤬ꤚꤢꤩ꤭ ꤛꤢꤩ꤬ꤞꤤ꤭ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤢ꤬ ꤊꤢꤪ꤬ ꤔꤢꤧ꤭ ꤟꤣꤧ ꤟꤢꤨꤔꤣꤧ꤬ ꤖꤢꤧ꤯

เพรโด่แนพู๊ เต๊เห่ 28:22

ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤟꤥ꤭ ꤊꤣꤧ꤭ꤘꤢꤦ꤬ ꤔꤢꤧ꤬ ꤒꤢꤩ꤬ꤗꤢꤧꤓ꤫ꤣꤧ꤬ ꤔꤢꤧ ꤔꤢꤧ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤜꤢꤪ꤭ꤕꤜꤤ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤗꤢꤨ꤬꤯”

โครินธ์ เนอบ่า ต๊าบ่า 4:10

ꤕꤢꤩ꤬ ꤡꤝꤢ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤙꤢꤩ꤬ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤕꤝꤢ꤭꤮ ꤒꤣ꤬ꤖꤥ ꤞꤢꤧꤡꤣꤧꤔꤢꤧ ꤕꤢꤩ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤡꤣꤧ ꤔꤢꤧ ꤒꤢꤩ꤬ꤞꤣꤧ꤭ ꤔꤣꤧ꤬ ꤡꤣꤧ꤯ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧꤡꤣꤧꤔꤢꤧ ꤋꤚꤤ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬ ꤡꤣꤧ꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤕꤢꤩ꤬ꤊꤢꤨ꤭ ꤚꤣꤧ꤬ ꤢ꤬ ꤗꤢꤩ꤬ꤡꤝ꤫ꤢ꤬ ꤕꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ ꤢ꤬ꤑꤢꤩ꤭ꤔꤣꤧ꤬, ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤓꤝꤢ꤭ꤓꤢꤧ꤬ ꤖꤢꤧ꤯

โครินธ์ เนอบ่า ต๊าบ่า 4:16

ꤘꤣ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤕꤢꤩ꤬ ꤞꤤꤕꤜꤢꤪ꤬ꤕꤛꤢ ꤒꤣꤧ꤬ꤊꤤ꤬꤮ ꤒꤥ꤬꤯ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤒꤣ꤬ꤖꤥꤒꤣ꤬ꤊꤤ꤬, ꤒꤣ꤬ꤖꤥꤒꤣ꤬ꤊꤤ꤬ ꤢ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤟꤢꤧ꤭ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤒꤣ꤬ꤔꤣꤧ꤭ ꤔꤢꤧ ꤒꤣ꤬ꤔꤣꤧ꤭ ꤢ꤬ ꤟꤢꤧ꤭ꤏꤝꤢ꤬ꤟꤢꤧ꤭ꤏꤢꤪ꤭ꤓꤢꤧ꤬ ꤖꤢꤧ꤯

เปโตร อาเหร่อเล๊อ ต๊าบ่า 4:16

ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ ꤓꤝꤢ꤭ ꤋꤚꤤꤖꤢꤨ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤟꤢꤩꤔꤣꤧ꤬, ꤞꤤꤒꤣꤧ꤬ꤚꤢꤩ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤢꤨ꤭ ꤢꤩꤡꤣꤧ ꤟꤣꤧ ꤞꤤ꤭ ꤔꤢꤧ ꤋꤚꤤ ꤢ꤬ꤗꤝꤤ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤒꤣꤧ꤬ꤚꤢꤨ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤤ꤮꤯