เปโตร อาเหร่อเล๊อ ต๊าบ่า 3:16 - Eastern Kayah Shadaw Dialect

¹⁶ ꤞꤤ꤭ ꤞꤤꤕꤜꤢꤪ꤬ ꤊꤢꤩ꤬ ꤟꤢꤩꤜꤢꤧ꤬ꤚꤣꤧ ꤞꤤ꤭ ꤔꤢꤧ ꤞꤤ꤭ꤒꤢꤩ꤬ꤞꤢꤦ ꤥ꤬ꤒꤥ꤬ ꤟꤢꤩꤔꤣꤧ꤬, ꤒꤣꤧ꤬ꤚꤢꤨ ꤗꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ ꤔꤤ꤮꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤪ꤭ꤟꤢꤩꤙꤛꤢ꤬, ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤒꤢꤩ꤬ꤥ꤬ꤞꤢꤧ꤭ꤚꤢꤧ꤭ ꤚꤢꤧ ꤘꤣ ꤋꤚꤤ ꤢ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤤꤒꤣꤧ꤬ꤚꤢꤩ꤭ ꤚꤣꤧꤘꤢꤦ꤬ ꤋꤛꤢ꤭ ꤔꤢꤧ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤢ꤬ꤋꤛꤢ꤭ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

¹⁶ ซี ซิปล่อ เก่ เฮ๊แลหนิ ซี เร๊อ ซีเตซื๊อ โอ่โต่ เฮ๊เนอ, ตูรู๊ เม แฮเง ลา นี๋. ซี เก่ เมฮู๊เนอ เฮ๊เรอ แกแย เด๊อ อา เฮ๊บูเฮ๊บย่า, อา เฮ๊ มู๊แหม่รีแจ่ ซี เตโอ่แซแร แร๊ เด๊อ ครี๊ อากู เออเต๊เห่เนอ, อา เก่ ซิเตเร เกอเร๊อ คยาดื่อ เร๊อ อา เตเฮ๊เบ่เฮ๊โช อาคยา ปา.

เปโตร อาเหร่อเล๊อ ต๊าบ่า 3:16 ပူးပေါင်းရင်းမြစ်များ

มัทธิว 5:11

“ꤙꤣꤧ ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭, ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭, ꤢꤨ꤭ ꤊꤢꤩ꤬ꤙꤢꤪ꤭ꤊꤢꤩ꤬ꤙꤛꤢ꤬ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯

เพรโด่แนพู๊ เต๊เห่ 24:16

ꤞꤢꤧꤟꤢꤨ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤣꤧ꤭ ꤢ꤬ ꤊ꤫ꤢꤦ꤬ ꤕꤜꤤ꤭ꤖꤥ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬, ꤠꤢꤧ꤭ ꤢꤧꤡꤢꤦ ꤗꤢꤩ꤬ꤒꤢꤩ꤬ ꤢ꤬ꤚꤢꤧ ꤒꤣꤧ꤬ꤘꤢꤦ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

เพรโด่แนพู๊ เต๊เห่ 28:22

ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤟꤥ꤭ ꤊꤣꤧ꤭ꤘꤢꤦ꤬ ꤔꤢꤧ꤬ ꤒꤢꤩ꤬ꤗꤢꤧꤓ꤫ꤣꤧ꤬ ꤔꤢꤧ ꤔꤢꤧ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬ ꤢ꤬ ꤟꤢꤩ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤜꤢꤪ꤭ꤕꤜꤤ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤗꤢꤨ꤬꤯”

ꤚꤥꤗꤢꤩ꤬ 9:1

ꤠꤢꤧ꤭ ꤔꤢꤧ ꤋꤚꤤ ꤜꤢ꤭ ꤓꤝꤢ꤭ꤓꤢꤧ꤬ ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩꤙꤢꤩ꤬ꤡꤢꤪꤟꤢꤩꤙꤢꤩ꤬ꤒꤢꤩ꤬ ꤖꤢꤧ ꤞꤤ꤭ ꤖꤢꤧ꤯ ꤠꤢꤧ꤭ ꤜꤣꤧ꤬ꤟꤥ꤭ ꤔꤢꤧ ꤞꤤ꤭ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤣꤚꤣꤧ ꤞꤢꤨ꤭ꤚꤣꤧ ꤠꤢꤧ꤭ ꤞꤤꤕꤜꤢꤪ꤬ꤣꤧ꤭, ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤣꤧ꤭ ꤢ꤬ ꤟꤢꤩꤊꤜꤢꤪ꤬ꤗꤢ꤬ꤡꤝ꤫ꤢ꤬ ꤊꤣꤧ꤭ꤕ꤫ꤥ꤬ ꤔꤢꤧ ꤠꤢꤧ꤭ ꤟꤢꤩꤙꤢꤩ꤬ ꤒꤢꤩ꤬ꤣꤧ꤭ꤔꤣꤧ꤬ꤗꤢ꤬ ꤢ꤬ꤒꤥ꤭ ꤖꤢꤧ꤯

โครินธ์ เนอบ่า ต๊าบ่า 1:12

ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤕꤢꤩ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤙꤢꤦ꤬ ꤕꤢꤩ꤬ꤍ꤫ꤥ꤬ ꤟꤢꤩꤚꤣꤧ꤬, ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ꤣꤧ꤭ ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤔꤢꤧ ꤕꤢꤩ꤬ ꤗꤢꤩ꤬ꤞꤢꤦꤗꤢꤩ꤬ꤕꤜꤢ, ꤕꤢꤩ꤬ ꤟꤢꤩꤞꤢꤦꤟꤢꤩꤙꤢꤩ꤬ꤔꤢꤪ ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤓꤥ꤭ꤒꤥ꤬ ꤕꤢꤩ꤬ ꤘꤢꤧ꤬ ꤡꤢꤪꤡꤢꤦꤖꤢꤧ ꤕꤢꤩ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤞꤤ꤭ꤋꤢꤨ꤬ ꤖꤢꤧ꤯ ꤕꤢꤩ꤬ ꤗꤢꤩ꤬ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤗ꤫ꤢ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤖꤢꤧ, ꤗ꤫ꤢ꤬ꤘꤣ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯

โครินธ์ เนอบ่า ต๊าบ่า 4:2

ꤒꤢꤩ꤬ꤢꤩꤜꤢ꤬ ꤜꤣꤧ꤬ꤟꤥ꤭ꤢꤩ꤬ ꤢꤨ꤭, ꤒꤢꤩ꤬ꤗꤢꤩ꤬ ꤘꤢꤪꤥꤘꤢꤪꤙꤤ ꤤ꤭ꤒꤢꤩ꤭ꤒꤢꤩ꤭꤮ ꤒꤣꤧ꤬ꤟꤢꤩ꤬ ꤔꤣꤧ꤬ꤙꤢꤩ꤬ꤙꤢꤩ꤬, ꤒꤢꤩ꤬ꤗꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤞꤤꤒꤣꤧ꤬ꤚꤢꤩ꤭ ꤤ꤭ꤒꤢꤩ꤭ꤒꤢꤩ꤭꤮ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤗꤢꤩ꤬ꤕꤢ꤬ ꤒꤣꤧ꤬ꤊꤤ꤬꤮ ꤒꤥ꤬ ꤟꤣꤧ꤯ ꤙꤣꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤙꤢꤩ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤨ꤭ ꤒꤥ꤬, ꤕꤢꤩ꤬ ꤤ꤬ꤞꤝꤢꤜꤣꤧ꤬ꤟꤥ꤭ ꤕ꤫ꤢ꤬ꤔꤥ꤭ꤒ꤫ꤣ꤬ ꤍ꤫ꤥ꤬ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤒꤥ꤬꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭, ꤕꤢꤩ꤬ ꤟꤢꤩꤙꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤕꤢꤩ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤢ꤬ꤒꤥ꤭ ꤜꤢꤪ꤭ꤕꤜꤤ꤭ ꤖꤢꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ꤚꤣꤧ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤕꤢꤩ꤬ ꤟꤢꤩꤏꤥ꤬ꤡꤢꤪ, ꤕꤢꤩ꤬ ꤗꤢꤩ꤬ꤡꤢꤪ ꤟꤣꤧ ꤒꤢꤩ꤬ ꤟꤢꤨꤔꤣꤧ꤬ ꤟꤣꤧ꤯

ทิโมธี อาเหร่อเล๊อ ต๊าบ่า 1:19

ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤢꤧ ꤔꤢꤧ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤕꤜꤝꤢ꤭ꤊꤢꤧ꤭ ꤜꤢ꤭ꤋꤢꤧ꤭ ꤢ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤕꤛꤢꤊꤢꤧ꤭ ꤜꤢꤪ꤭ ꤖꤢꤧ꤯

ทิโมธี อาเหร่อเล๊อ ต๊าบ่า 1:5

ꤒꤢꤩ꤬ꤟꤢꤩꤒꤢ꤭ ꤍ꤫ꤥ꤬ꤣꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤧꤏꤢꤦ꤭ ꤗꤢ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤢꤨ꤬ꤚꤢꤧ꤭ꤓꤢꤧ꤬ ꤒꤢꤩ꤬ꤗꤥ꤬ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯ ꤒꤢꤩ꤬ꤗꤥ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤞꤤꤕꤜꤢꤪ꤬ ꤕꤜꤤ꤭ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤞꤤꤑꤢꤩ꤭ ꤒꤢꤩ꤬ꤚꤢꤧ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ ꤚꤣꤧ꤬ ꤢ꤬ ꤔꤝꤢꤖꤛꤢ ꤒꤢꤩ꤬ ꤘꤣ ꤢ꤬ꤚꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤢ꤬ ꤟꤢꤧ꤭ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭꤯

ทิโมธี เนอบ่า ต๊าบ่า 1:3

ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤔꤢꤧ꤬ꤑꤢꤩ꤭꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤗꤢꤩ꤬ ꤢ꤬ꤒꤢꤩ꤬ ꤔꤢꤧ ꤠꤢꤧ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤕꤜꤤ꤭ꤖꤥ ꤟꤢꤨ ꤠꤢꤧ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤔꤣꤧ꤬ꤟꤣꤧ꤯ ꤙꤣꤧ ꤠꤢꤧ꤭ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤔꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤘꤣ ꤔꤢꤧ꤬ꤑꤢꤩ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

ꤒꤤꤒꤢꤨ 2:8

ꤙꤣꤧ ꤔꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤕꤢꤨ꤭ ꤘꤢꤧ꤬ꤡ꤫ꤢꤧ꤬ ꤕꤢ꤬ ꤒ꤫ꤢꤧ꤬ ꤔꤢꤧ꤬ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤟꤢꤩꤙꤢꤩ꤬ꤡꤢꤪꤡꤢꤪ꤮ ꤔꤢꤧ꤬ꤍ꤫ꤥ꤬ ꤔꤤ꤮꤯ ꤔꤢꤧ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤜ꤫ꤢꤩ꤬ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤢꤩ꤬ꤚꤤ꤬ꤕꤢꤩ꤬ꤊꤢꤧ꤭ ꤢ꤬ ꤥ꤬ ꤕꤢ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤒꤣꤧ꤬ꤚꤢꤩ꤭ꤊꤢꤧ꤭ ꤖꤢꤧ꤯

ꤟꤤꤙꤚꤢꤨ 13:18

ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤕꤢꤩ꤬ꤑꤢꤩ꤭꤯ ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ ꤣꤧ꤭ꤔꤣꤧ꤬ ꤗꤥ꤬ꤗꤥ꤬꤮ ꤢ꤬ ꤗꤥ꤬ ꤖꤢꤧ, ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤔꤢꤧ ꤕꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯ ꤓꤥ꤭ꤚꤣꤧ꤬ ꤕꤢꤩ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤕꤢꤩ꤬ ꤞꤤꤛ꤫ꤢꤦ꤬ ꤗꤢꤩ꤬ꤏꤥ꤭ꤏꤢꤦꤖꤢꤧ ꤒꤢꤩ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

ꤟꤤꤙꤚꤢꤨ 9:14

ꤟꤢꤨꤔꤣꤧ꤬ꤚꤣꤧ꤬, ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤋꤚꤤ ꤢ꤬ꤞꤝꤤ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ ꤙꤢꤨ꤭ꤕꤜꤤ꤭ꤖꤥꤜꤣ ꤡꤣꤧ ꤕꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭ ꤡꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤚꤤ ꤜꤢꤨ꤭ꤓꤢꤧ꤬ꤟꤣꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤒꤢꤩ꤬ꤞꤢꤦ ꤥ꤬ ꤒꤣ꤬ꤡꤣ꤬꤮ ꤒꤥ꤬ ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤋꤚꤤ ꤊ꤫ꤢꤦ꤬ ꤞꤢꤨꤕꤜꤤ꤭ꤊꤢꤧ꤭ ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤞꤝꤤ꤬ ꤕꤢ꤭꤯

เปโตร อาเหร่อเล๊อ ต๊าบ่า 2:12

ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭, ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ꤞꤢꤦ ꤞꤤ꤭ ꤔꤢꤧ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ꤭ꤚꤢꤧ꤭ ꤚꤢꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤ꤭ ꤒꤢꤩ꤬ꤗꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤜꤢꤧ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤛ꤫ꤢꤦ꤬ ꤜꤢꤨ꤭ ꤕꤢ꤭꤯

เปโตร อาเหร่อเล๊อ ต๊าบ่า 2:15

ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ ꤞꤤ꤭ ꤒꤢꤩ꤬ꤚꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤥ꤬ꤞꤥ꤬ꤥ꤬ꤋꤚꤢꤩ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤩ꤬ꤙꤢꤪ꤭ ꤟꤢꤩꤙꤢꤩ꤬ꤙꤛꤢ꤬ ꤚꤣꤧ꤬ ꤒꤣꤧ꤬ꤔꤢꤩ꤬ ꤊꤢ꤬ꤋꤛꤢ꤭ ꤟꤢꤧ꤭ꤑꤢꤩ꤭ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เปโตร อาเหร่อเล๊อ ต๊าบ่า 2:19

ꤞꤤ꤭ ꤊꤢꤩ꤬ ꤗꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ ꤚꤣꤧ꤬ ꤒꤢꤩ꤬ꤡꤢ꤭ ꤘꤣ ꤞꤤ꤭ ꤒꤥ꤭ꤙꤢꤩ꤬ ꤋꤢꤧ ꤗ꤫ꤢ꤬ꤒꤥ꤬꤯ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤊꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤟꤢꤩꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤧꤘꤢꤨ꤬ꤚꤣꤧ ꤞꤤ꤭ ꤕꤢ꤭꤯

เปโตร อาเหร่อเล๊อ ต๊าบ่า 3:21

ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤘꤣꤧꤜꤥ꤭ ꤙꤢꤧꤙꤢꤦ꤭ ꤟꤣꤧ ꤓꤣꤧ꤭ ꤘꤣ ꤖꤢꤩ꤭ꤔꤥꤢ꤬ ꤓꤢꤦ꤭ꤋꤢꤩ꤭ ꤔꤣꤧ꤬ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤞꤤ꤭ ꤊꤢꤨꤔ꤫ꤢꤧ꤬ꤣꤧ꤭ ꤔꤣꤧ꤬ꤖꤢꤧ꤯ ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤔꤣꤧ꤬ꤗꤢ꤬ ꤢ꤬ ꤞꤢꤨꤕꤜꤤ꤭ꤊꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤊꤢꤨꤋꤚꤣꤧ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤒꤢꤩ꤬ꤡꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤘꤢꤦ꤬ ꤒꤢꤩ꤬ꤢꤪꤜꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤢ꤬ꤒꤢꤩ꤬ ꤘꤣ ꤒꤢꤩ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ ꤢ꤬ꤊꤢꤨ꤭ ꤟꤢꤨꤔꤣꤧ꤬ꤖꤢꤧ꤯ ꤛꤢꤩ꤬ꤏꤛꤢꤨꤋꤚꤤ ꤜꤢ꤭ ꤞꤣꤧ꤭ ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤖꤢꤧ꤯

เปโตร อาเหร่อเล๊อ ต๊าบ่า 4:4

ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤙꤢꤧꤞꤝꤢꤙꤢꤧꤜꤢ꤬ ꤗꤢꤩ꤬ꤗꤝꤤ꤭ꤜꤢ꤬ꤕꤛꤢ ꤕꤢ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤜꤢ꤭ꤋꤢꤧ꤭ ꤚꤣꤧ꤬ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤜꤢꤪ꤭ꤕꤜꤤ꤭ ꤞꤤ꤭ ꤟꤣꤧ꤯