เปโตร อาเหร่อเล๊อ ต๊าบ่า 1:6 - Eastern Kayah Shadaw Dialect

⁶ ꤟꤢꤨꤔꤣꤧ꤬ꤚꤣꤧ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤔꤢꤧ ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤤ, ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧ ꤢ꤬ꤊꤢꤨ꤭ꤔꤣꤧ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤢꤩꤗꤤ꤭ꤢꤩꤡꤣ꤬ ꤗꤢꤩ꤬ꤊ꤫ꤢꤨ꤬ꤗꤢꤩ꤬ꤊꤢꤧ꤭ ꤞꤤ꤭꤯

ลีเทส่อพ๊าอาเซ เร๊อ เห่ขุทวาลู๊

⁶ ฮู๊เนอเร๊อ ซิครือซิลอ แลแค เน๊อ ล๋อ เตเออเต๊เห่ นี๋, หม่าแน๊เรอ กู๊แหน่เออ แตแปล๊เตอเปล๊อ อากูเนอ เตแป่เตเช ปว๊าเต๊อเจ่อ เมกู่เมแก ซี.

เปโตร อาเหร่อเล๊อ ต๊าบ่า 1:6 ပူးပေါင်းရင်းမြစ်များ

มัทธิว 11:28

“ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤠꤤꤓꤥ꤬ꤛꤢꤧꤓꤥ꤬ ꤚꤣꤧ꤬ ꤢ꤬ ꤞꤤꤖꤚꤢ ꤜꤣꤧ꤬ꤘꤢꤧ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤟꤢꤧ꤭ ꤘꤣ ꤠꤢꤧ꤭ꤥ꤬ꤣꤧ꤭, ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤥ꤬ꤊꤥ ꤒꤣꤧ꤬ꤙꤢꤩꤞꤤꤖꤚꤢ ꤞꤤ꤭꤯

มัทธิว 26:37

ꤢ꤬ ꤢꤩꤋꤚꤝꤢ꤭ꤡꤝꤢꤔ꤫ꤤ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤖꤢꤩ꤭ꤞꤢꤩꤙꤢꤩ꤬ꤘꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤞꤤꤔꤣꤧ꤭ ꤚꤣꤧ꤬ ꤢ꤬ ꤞꤤꤕꤜꤢꤩ꤭ꤞꤤꤛꤢꤪ꤬ ꤟꤢꤧ꤭ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤟꤢꤧ꤭꤯

มัทธิว 5:12

ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭, ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤜꤢ꤭ꤋꤢꤧ꤭ ꤔꤤ꤮, ꤞꤤ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤢ꤬ꤘꤢꤨ꤬ ꤔꤢꤧ꤬ꤔꤢꤧ꤬ ꤡꤣꤧ꤯ ꤖꤚꤢꤩ꤬ꤖꤚꤥ꤬ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ꤟꤣꤧ꤯”

ꤜꤢꤨꤊꤢ꤬ 1:47

ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤠꤢꤧ꤭ ꤒꤣ꤬ꤖꤚꤢꤩ꤬ ꤓꤥ꤭ꤒꤥ꤬ ꤢ꤬ ꤗꤢ꤬ ꤠꤢꤧ꤭ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ꤯

ꤜꤢꤨꤊꤢ꤬ 10:20

ꤗꤢ꤬ꤔꤢꤧꤚꤣꤧ꤬, ꤜꤥ꤭ꤔꤢꤩꤜꤥ꤭ꤔꤢ꤬ ꤒꤣꤧ꤬ꤟꤢꤩ꤬ ꤡꤢꤨ꤭ꤢꤩ꤬ ꤞꤤ꤭ꤍ꤫ꤥ꤬ ꤋꤝꤢ꤬ꤋꤛꤢ꤭ꤚꤣꤧ꤬ ꤞꤤꤋꤚꤢꤦ꤭ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤꤋꤚꤢꤦ꤭ ꤜꤢ꤭ꤋꤢꤧ꤭ ꤘꤣ ꤢꤨ꤭ ꤚꤢ꤭ꤗꤢ ꤥ꤬ ꤟꤣꤧ ꤞꤤ꤭ꤗꤝꤤ꤭ ꤘꤣ ꤗꤢꤪꤋꤢꤨ꤬ ꤣꤧ꤭ꤔꤣꤧ꤬꤯”

ꤜꤢꤨꤊꤢ꤬ 2:10

ꤗꤢ꤬ꤔꤢꤧꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬! ꤠꤢꤧ꤭ ꤖꤛꤢꤟꤢꤧ꤭ꤔ꤫ꤤ꤬ ꤟꤣꤧ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤞꤤꤋꤚꤢꤦ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤢꤨ꤭ꤕꤝꤢ꤭꤮ ꤖꤚꤢꤩ꤬ ꤕꤢ꤭ ꤣꤧ꤭ꤔꤣꤧ꤬ꤟꤣꤧ꤯

ꤛꤥ꤭ꤟꤢ꤬ 16:22

ꤒꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤞꤢꤧꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤟꤢꤨꤣꤧ꤭ꤔꤣꤧ꤬ ꤕꤢ꤭꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤋꤛꤢ꤭ꤞꤢꤧ ꤞꤤ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ ꤕꤢ꤭꤯ ꤓꤥ꤭ꤒꤥ꤬ ꤢꤨ꤭ ꤖꤛꤢꤊꤢꤧ꤭ ꤡ꤫ꤢꤧ꤬ ꤕꤢ꤬ ꤡꤣꤧ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭ ꤒꤣ꤬ꤖꤚꤢꤩ꤬꤮ ꤡꤣꤧꤒꤥ꤬ ꤕꤢ꤭꤯

ꤛꤥ꤭ꤟꤢ꤬ 16:33

“ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩ ꤕ꤫ꤢꤩ꤬ ꤓꤥ꤭ ꤜꤢꤪ꤭ ꤟꤣꤧ ꤞꤤ꤭ ꤜꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤔ꤫ꤤ꤬ꤙꤢꤩ꤬ꤟꤣꤧ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤟꤣꤧ꤯ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤘꤢꤧ꤬ꤏꤝꤢ꤬ꤘꤢꤧ꤬ꤏꤢꤪ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤔꤤ꤮꤯ ꤠꤢꤧ꤭ ꤗꤢꤩ꤬ꤕ꤫ꤢꤩ꤬ ꤓꤥ꤭ꤟꤣꤧ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯”

เพรโด่แนพู๊ เต๊เห่ 14:22

ꤞꤢꤧꤟꤢꤨ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤓꤢꤧ꤬ꤚꤣꤧ ꤛꤢꤩ꤬ꤞꤤ꤭, ꤓꤥ꤭ꤒꤥ꤬ ꤏꤢꤧ꤬ꤋꤚꤝꤢ꤭ꤚꤣꤧ ꤛꤢꤩ꤬ꤞꤤ꤭ꤋꤛꤢ꤭꤯ ꤛꤢꤩ꤬ꤞꤤ꤭ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ, “ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤔꤥ꤭ ꤜꤢꤪꤕꤜꤢꤨꤙꤢꤩ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤕꤢꤩ꤬ ꤙꤢꤩ꤬ ꤡꤝꤢꤒꤣꤧ꤬ꤜꤝꤢ ꤢꤩꤜꤥ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬ ꤡꤣꤧ꤯”

ꤚꤥꤗꤢꤩ꤬ 12:12

ꤞꤤ꤭ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕ꤫ꤢꤩ꤬ ꤞꤤ꤭ꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤔꤤ꤮꤯ ꤙꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤟꤢꤧ꤭ꤙꤢꤩ꤬ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤋꤢꤧꤞꤤꤘꤥ꤭ ꤜꤢ꤭ꤋꤢꤧ꤭, ꤊꤝꤤ꤭ꤡꤢꤪꤙꤢꤩ꤭ ꤜꤢ꤭ꤋꤢꤧ꤭ ꤕꤝꤢ꤭꤮ ꤖꤥ ꤔꤤ꤮꤯

ꤚꤥꤗꤢꤩ꤬ 5:11

ꤕꤢꤩ꤬ ꤜ꤫ꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤣꤧ꤬ ꤢ꤬ꤥ꤬ ꤒꤢꤦꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤕꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤙꤢꤧꤞꤝꤢꤚꤣꤧ ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤋꤥ꤭ꤙꤢꤧꤞꤝꤢ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤋꤛꤢ꤭ꤞꤢꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 5:2

ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢ꤬ ꤔꤢꤪ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤊꤣꤧ꤭ꤟꤣꤧ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤟꤣꤧ꤯ ꤚꤣꤧ꤬ ꤕꤢꤩ꤬ ꤞꤤꤋꤚꤢꤦ꤭ ꤗꤢꤧꤏꤢꤦ꤭ꤗꤢꤧꤒ꤫ꤢꤨ꤬ ꤊꤣꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 9:2

ꤠꤢꤧ꤭ ꤞꤤꤕꤜꤢꤩ꤭ꤞꤤꤛꤢꤪ꤬ ꤊꤣꤧ꤬ꤔꤥ꤮ ꤒꤥ꤬꤯ ꤢ꤬ꤏꤢꤩ꤭ ꤠꤢꤧ꤭ ꤞꤤꤕꤜꤢꤪ꤬ꤣꤧ꤭, ꤢ꤬ ꤥ꤬ꤗ꤫ꤢꤩ꤬ ꤕ꤫ꤢꤩ꤬ꤕꤢ꤬ ꤡꤣꤧꤒꤥ꤬ ꤟꤣꤧ꤯

โครินธ์ เนอบ่า ต๊าบ่า 4:17

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤕꤢꤩ꤬ ꤋꤢꤧꤙꤢꤩ꤬ ꤢ꤬ ꤙꤣꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤖꤢꤧ꤯ ꤕꤢꤩ꤬ ꤊꤢꤩ꤬ ꤒꤣꤧ꤬ꤜꤣꤧ꤬ꤗꤢꤧ ꤔꤢꤧ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ ꤘꤣ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢ꤬ ꤏꤢ꤮ ꤔꤥ꤬ꤕꤢ꤭ ꤒꤣ꤬ꤓꤢꤦ꤭ ꤕꤢ꤭ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤢ꤬ꤗ꤫ꤢ꤬ ꤔꤢꤧ ꤒꤣ꤬ꤡꤣ꤬꤮ ꤜꤢ꤭ꤟꤤ ꤒꤥ꤬꤯ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤕꤢꤩ꤬ ꤋꤢꤧꤙꤢꤩ꤬ ꤡꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤗꤢꤪꤋꤢꤨ꤬ ꤕꤢ꤭ꤔꤣꤧ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤢ꤬ꤒꤝ꤫ꤢ꤬ꤢ꤬ꤚꤢꤧ ꤜꤣ, ꤚꤣꤧ꤬ ꤢ꤬ꤘꤢꤨ꤬ꤢ꤬ꤓꤥ꤬ ꤜꤣ ꤡꤣꤧ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤘꤣ ꤕꤢꤩ꤬ ꤋꤢꤧꤙꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭꤯

โครินธ์ เนอบ่า ต๊าบ่า 6:10

ꤕꤢꤩ꤬ ꤗꤢꤧꤓ꤫ꤣꤧ꤬ ꤢꤩꤔꤢꤧ꤬ꤡꤣꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤢ꤬ ꤡ꤫ꤣ꤬ ꤔꤢꤧ ꤕꤢꤩ꤬ ꤏꤥ꤭ꤚꤢꤧ꤬ꤏꤥ꤭ꤖꤢ ꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤢꤪꤜꤢꤧ꤬ ꤔꤣꤧ꤬ ꤢ꤬ ꤥ꤬ ꤢꤩꤔꤢꤧ꤬ꤡꤣꤧ ꤟꤣꤧ꤯ ꤢ꤬ ꤡ꤫ꤣ꤬ ꤔꤢꤧ ꤕꤢꤩ꤬ꤒꤢꤩ꤬ ꤥ꤬ ꤊꤣꤧ꤭ꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 5:22

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤣꤧ꤬ꤗꤢ꤬ ꤢ꤬ ꤘꤣꤧꤥ꤬ꤓꤢꤧ꤬ ꤒꤢꤩ꤬ꤗꤥ꤬, ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭, ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤒꤢꤩ꤬ꤋꤢꤧꤞꤤꤘꤥ꤭, ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬, ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤒꤢꤩ꤬ꤡꤢꤨ꤭ꤜꤢ꤭ꤖꤛꤢꤍ꤫ꤥ꤬,

ฟีลิปปี 2:26

ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤞꤤ꤭ ꤔ꤫ꤤ꤬ꤟꤥ꤭ ꤔꤢꤧ ꤋꤢꤨ꤭ꤢꤩꤕꤢ꤬ꤖꤚꤢꤪꤘꤤꤒꤢꤨ ꤥ꤬ꤗꤥ꤬ꤥ꤬ꤚꤢꤧ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤞꤤꤔꤢꤩ꤬ꤞꤥ꤬ ꤗꤢꤧꤓ꤫ꤣꤧ꤬ ꤔꤢꤧ꤬ꤡꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ, ꤚꤣꤧ꤬ ꤢ꤬ ꤒꤣꤧ꤬ꤔꤢꤩ꤬ꤊ꤫ꤢꤨ꤬ ꤒꤣꤧ꤬ꤔꤢꤩ꤬ꤊꤢꤧ꤭ ꤕ꤫ꤢꤩ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ꤑꤢꤩ꤭ ꤡꤣꤧ, ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤔꤢꤪ꤭ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤘꤣ ꤞꤤ꤭ ꤥ꤬꤯

ฟีลิปปี 3:3

ꤕꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ, ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢꤩ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤕꤢꤩ꤬ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤒꤢꤩ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤞꤤꤜꤢꤩ꤬ꤓꤢꤧ꤬ ꤚꤣꤧꤘꤢꤦ꤬ ꤊꤣꤧ꤭ ꤒꤢꤩ꤬ꤘꤣ ꤕꤢꤩ꤬ ꤗꤢꤩ꤬ ꤟꤣꤧ ꤢ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤒꤥ꤬꤯

ฟีลิปปี 4:4

ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤢ꤬ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ ꤔꤤ꤮, ꤚꤣꤧ꤬ ꤠꤢꤧ꤭ ꤟꤢꤩ ꤋꤛꤢ꤭ꤞꤢꤧ ꤞꤤ꤭, ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

ꤞꤤ꤭ ꤗꤢꤧꤙꤢꤦ꤭ ꤕꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤚꤣꤧ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤔꤢꤧ꤬ꤡꤣꤧ ꤞꤤ꤭, ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤛꤢꤏꤢꤦ꤬ꤕꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬꤯ ꤙꤣꤧ ꤞꤤ꤭ ꤖꤛꤢꤏꤢꤦ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤕ꤫ꤢꤩ꤬ ꤞꤤ꤭ ꤟꤣꤧ꤯

ꤡꤛꤢꤩ꤭ꤗꤢ꤬ꤎꤣ꤬ 1:2

ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤙꤣꤧ ꤞꤤ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤕꤝꤢ꤭꤮ ꤒꤣ꤬ꤡꤣ꤬ ꤟꤢꤧ꤭ꤙꤢꤩ꤬ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤘꤢꤧ꤬ ꤢ꤬ ꤟꤢꤨ ꤒꤢꤩ꤬ꤞꤤꤋꤚꤢꤦ꤭ ꤢ꤬ꤘꤢꤨ꤬ ꤒꤣ꤬ꤡꤣ꤬ ꤘꤣ ꤞꤤꤑꤢꤩ꤭ ꤔꤣꤧ꤬ ꤔꤤ꤮꤯

ꤡꤛꤢꤩ꤭ꤗꤢ꤬ꤎꤣ꤬ 1:9

ꤋꤚꤤꤖꤢꤨ ꤘꤣ ꤢ꤬ ꤏꤥ꤭ꤖꤢꤏꤥ꤭ꤚꤢꤧ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤓꤢꤧ꤬ꤜꤥ꤭ ꤢ꤬ ꤕꤢ꤭, ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤙꤢꤩ꤬ ꤞꤤꤋꤚꤢꤦ꤭ꤞꤤꤜꤢꤪ꤭꤯

ꤡꤛꤢꤩ꤭ꤗꤢ꤬ꤎꤣ꤬ 4:9

ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤗꤣꤧ꤭ ꤜꤢ꤭ꤋꤢꤧ꤭, ꤍ꤫ꤥ꤬ꤟꤢꤩ꤬ ꤗꤣꤧ꤭ ꤜꤢ꤭ꤋꤢꤧ꤭꤯ ꤞꤤ꤭ ꤒꤢꤩ꤬ꤑꤢ꤭ꤟꤢ꤭ ꤣꤧ꤭ꤔꤣꤧ꤬ ꤓꤢꤨ꤬ꤜꤢꤧ꤬ꤊꤢꤧ꤭ ꤢ꤬ ꤔꤢꤧ ꤞꤤ꤭ ꤒꤢꤩ꤬ꤍ꤫ꤥ꤬ꤒꤢꤩ꤬ꤟꤢꤩ꤬ ꤣꤧ꤭ꤔꤣꤧ꤬, ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ ꤣꤧ꤭ꤔꤣꤧ꤬ ꤓꤢꤨ꤬ꤜꤢꤧ꤬ ꤊꤢꤧ꤭ꤗꤣꤧ꤭ ꤢ꤬ ꤔꤢꤧ ꤞꤤ꤭ ꤒꤢꤩ꤬ꤞꤤꤕꤜꤢꤩ꤭ ꤣꤧ꤭ꤔꤣꤧ꤬꤯

เปโตร อาเหร่อเล๊อ ต๊าบ่า 3:17

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤞꤤꤕꤜꤢꤪ꤬ꤥ꤬ ꤔꤢꤧ꤭ꤟꤣꤧ ꤔꤢꤧ, ꤘꤣ ꤕꤢꤩ꤬ ꤗꤢꤩ꤬ꤒꤢꤩ꤬ꤚꤢꤧꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤕꤢꤩ꤬ ꤙꤢꤩ꤬ ꤋꤢꤧꤙꤢꤩ꤬ ꤔꤢꤧ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤟꤢꤩꤔꤣꤧ꤬, ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤔꤢꤧ ꤕꤢꤩ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧ꤬ ꤕꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤡꤣꤧ꤯

เปโตร อาเหร่อเล๊อ ต๊าบ่า 4:7

ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤒꤣꤧ꤬ꤘꤢꤦ꤬ꤊꤢꤧ꤭ꤟꤣꤧ ꤔꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ ꤖꤢꤦ꤬ꤟꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ꤙꤢꤩ ꤊꤣꤧ꤭ꤢꤨ꤭ ꤔꤣꤧ꤬, ꤥ꤬ꤞꤢ꤬ꤞꤢꤩ꤭ ꤊꤣꤧ꤭ ꤜꤢ꤭ꤋꤢꤧ꤭ ꤚꤣꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬, ꤓꤥ꤭ꤒꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤏꤢ꤭ꤖꤚ꤫ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤔꤤ꤮꤯

เปโตร อาเหร่อเล๊อ ต๊าบ่า 5:10

ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤜꤢꤪ꤭꤮ ꤕꤜꤤ꤬ ꤢ꤬ ꤙꤢꤧ꤬ꤡꤢꤩ꤬ ꤚꤣꤧ꤬ ꤢ꤬ ꤢꤩ ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤙꤣꤧ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤣꤧ꤭ ꤊ꤫ꤢꤦ꤬ ꤒꤣꤧ꤬ꤜꤝꤢ ꤓꤥ꤭ꤟꤣꤧ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ ꤒꤣꤧ꤬ꤔꤢꤧ꤭ ꤚꤢꤧꤋꤛꤢ꤭ ꤞꤤ꤭ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤞꤤ꤭ꤟꤢꤧ꤭ꤞꤤ꤭ꤚꤢꤩ꤬ ꤕꤢ꤭꤯