ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:15 - Eastern Kayah Shadaw Dialect

¹⁵ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤞꤤꤓꤢꤩ꤬ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤟꤢꤩꤔꤣꤧ꤬ꤗꤢ꤬, ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤟꤣꤧ꤯ ꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁵ อูเปเป๋ เบ่เบ่ อา เก่ ซิเถ่ แกแย หยื่อเอ่ ครี๊ เด๊อ อาโร เตเพรเพร เฮ๊เนอหม่า, อา เมเซอ แกแย เฮ๊อ. เร๊อ ซี ซิเง เร๊อ แกแย เด๊อ อา เมเซอ แกแย เตเพรเพร เนอ, อา พย๊าหนิ เกออู ซิปล่อเซอเพร ตูจูเพร แตแลเคร๊ โต่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:15 ပူးပေါင်းရင်းမြစ်များ

เตเด๊อะโลแถ่ 21:8

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤚꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤞꤤꤕꤜꤢꤪ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤞꤢꤚꤢ ꤢꤩ꤬ꤢꤨ꤭ꤛ꤫ꤢꤧ꤬ꤛꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ ꤖꤚꤢꤩ꤬ꤛꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤣꤧ꤬ꤟꤥ꤭ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤜ꤫ꤢꤩ꤬ꤥ꤬ꤜ꤫ꤢꤩ꤬ꤙꤢꤧ꤬ ꤗ꤫ꤢ꤬ꤟꤣꤧ ꤗꤤ꤬ꤖꤢꤩ꤬ ꤘꤣ ꤢ꤬ ꤗ꤫ꤢ꤬ ꤒꤢꤩ꤬ꤞꤣꤧ꤭ ꤔꤣꤧ꤭ꤖꤥꤒꤣ꤬ꤖꤥ ꤘꤣ ꤢꤨ꤭ ꤏꤢꤦꤢꤦ꤭ ꤢ꤬ ꤔꤢꤧ ꤛꤢ꤬ꤞꤢꤨꤙꤢꤧ꤭ ꤣꤧ꤭ꤒꤣ꤬ꤖꤢꤩ꤬ ꤔꤣꤧ꤬ ꤟꤣꤧ꤯”

ꤛꤥ꤭ꤟꤢ꤬ 8:44

ꤞꤤ꤭ꤖꤢꤩ꤭ ꤗꤢ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢꤨ꤭ ꤢꤩ ꤔꤢꤧ ꤎꤢꤩ꤬ꤓꤣ꤬ ꤔꤣꤧ꤬ꤒꤣ꤬ꤘꤥ꤭ ꤟꤣꤧ꤯ ꤞꤤ꤭ ꤞꤤꤛ꤫ꤢꤦ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤟꤢꤨ ꤞꤤ꤭ꤖꤢꤩ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤔꤣꤧ꤬ꤖꤢꤧ꤯ ꤞꤤ꤭ꤖꤢꤩ꤭ ꤗꤢ꤬ ꤢ꤬ ꤓꤝꤢ꤭ ꤖꤚꤢꤩ꤬ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤕꤢ꤬ ꤡꤣꤧ꤯ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤥ꤬ ꤘꤣ ꤜꤢꤨ꤭ꤊꤢꤨ꤭ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤢꤨ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤥ꤬꤯ ꤙꤣꤧ ꤢ꤬ ꤟꤢꤩꤙꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤒꤢꤩ꤬ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ ꤟꤣꤧ ꤜꤢꤨ꤭ ꤜ꤫ꤢꤩ꤬ꤊꤜꤥ꤭ ꤟꤣꤧ꤯ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤓꤝꤢ꤭ ꤟꤣꤧ ꤜꤢꤪ꤭ ꤒꤢꤩ꤬ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤖꤢꤩ꤭ ꤟꤣꤧ꤯

เพรโด่แนพู๊ เต๊เห่ 23:14

ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢ ꤘꤣ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤕꤢꤩ꤬ ꤙꤢꤧ꤭ꤞꤣꤧ꤭ ꤓꤥ꤭ꤟꤣꤧ ꤕꤢꤩ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤊꤢꤩ꤬ ꤗꤢꤩ꤬ꤞꤣꤧ꤭ꤔ꤫ꤤ꤬ ꤜꤢ꤭ꤟꤤ ꤋꤢꤨ꤭ꤕꤢꤪꤜꤢꤨ ꤒꤥ꤬ ꤟꤢꤩꤚꤣꤧ꤬ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤒꤣ꤬ꤡꤣ꤬꤮ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 1:15

ꤘꤣꤋꤛꤢ꤭ꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤩ꤬ꤟꤣꤧ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤗꤢꤨꤗ꤫ꤢꤧ꤬ ꤣꤧ꤭ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤓꤝꤢ꤭ꤓꤢꤧ꤬ ꤜꤢꤨ꤭ ꤒꤢꤩ꤬ꤞꤢꤦ, ꤣꤧ꤭ꤒꤣ꤬ꤖꤥꤚꤣꤧ꤬ ꤒꤢꤩ꤬ꤞꤢꤦ ꤣꤧ꤭ ꤕꤣꤒꤣꤧ꤬ꤚꤤ꤬ꤚꤣꤧ ꤜꤢꤪ꤭ꤕꤜꤤ꤭ ꤟꤣꤧ ꤜꤢꤨ꤭ꤞꤤꤕꤜꤢꤪ꤬ ꤚꤣꤧ꤬ ꤢ꤬ꤖꤢꤨꤥ꤬ꤜꤢꤧ꤬ ꤚꤣꤧꤘꤢꤦ꤬ꤟꤣꤧ ꤒꤢꤩ꤬ꤞꤣꤧ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤟꤣꤧ꤯

เพรโด่แนพู๊ เต๊เห่ 23:12

ꤏꤢꤕꤣꤧꤚꤥ꤬ ꤗ꤫ꤢꤪ꤬ꤜꤤ꤭ꤙꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤧ꤭ꤥ꤬ꤊꤢꤨ ꤟꤢꤩꤙꤢꤩ꤬ ꤜꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ ꤔꤥ꤭ꤊꤢꤨ꤭ ꤚꤣꤧꤘꤢꤦ꤬ ꤜꤢꤨ꤭ ꤍ꤫ꤥ꤬ ꤚꤣꤧ꤬ ꤢ꤬ ꤙꤢꤧ꤭ꤋꤛꤢ꤭ꤜꤢꤨ꤭ ꤔꤢꤧ, “ꤕꤢꤩ꤬ ꤊꤢꤩ꤬ ꤗꤢꤩ꤬ꤞꤣꤧ꤭ꤔ꤫ꤤ꤬ ꤜꤢ꤭ꤟꤤ ꤋꤢꤨ꤭ꤕꤢꤪꤜꤢꤨ ꤒꤥ꤬ ꤔꤣꤧ꤬, ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤒꤣ꤬ꤡꤣ꤬꤮ ꤒꤥ꤬꤯”

ꤛꤥ꤭ꤟꤢ꤬ 4:14

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤥ꤭ꤓꤣꤧ꤭ ꤘꤣ ꤠꤢꤧ꤭ ꤘꤣꤧꤥ꤭ ꤢ꤬ ꤕꤢ꤭ ꤣꤧ꤭ꤔꤣꤧ꤬, ꤢ꤬ ꤞꤤꤥ꤭ ꤕꤢ꤬ ꤓꤣꤧ꤭ ꤒꤣ꤬ꤖꤥ꤮ ꤒꤥ꤬꤯ ꤓꤣꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤘꤣꤧꤥ꤭ ꤢ꤬ ꤕꤢ꤭ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤓꤣꤧ꤭ꤓꤢꤩ꤬ꤋꤢꤨ꤬ ꤘꤣ ꤜꤢꤨ꤭ꤊꤢꤨ꤭ ꤕꤢ꤭꤯ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧ ꤜꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤕꤢ꤭꤯”

ꤗꤢ꤬ꤊꤢꤨ 6:19

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤋꤝꤤ ꤢ꤬ꤗꤢꤩ꤭ ꤗ꤫ꤥ꤬ꤟꤢꤩ꤬ꤚꤥ꤬ꤘꤤ ꤣꤧ꤭ꤔꤣꤧ꤬ ꤢ꤬ ꤕ꤫ꤢꤦ꤬ꤗꤢ꤬ ꤒꤣꤧ꤬ꤘꤢꤦ꤬ ꤋꤢꤨ꤭ꤛꤥ꤭ꤟꤢ꤬ ꤒꤢꤩ꤬ꤞꤢꤦ ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤗꤢꤩ꤬ꤡ꤫ꤢꤧ꤬ ꤒꤣ꤬ꤡꤣ꤬꤮ ꤒꤥ꤬꤯

มัทธิว 5:28

ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤗꤢꤧ ꤖꤚꤢꤩ꤬ꤗꤢꤪ꤬ ꤚꤣꤧ꤬ ꤢ꤬ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤢꤔꤣꤧ꤬, ꤢ꤬ ꤡꤝꤢꤞꤢꤦꤟꤣꤧ ꤔꤢꤧ ꤖꤚꤢꤩ꤬ꤗꤢꤪ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤟꤣꤧ꤯

เปโตร อาเหร่อเล๊อ ต๊าบ่า 1:23

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ꤔꤣꤧ꤬, ꤢ꤬ ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤥ꤬ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤋꤛꤢ꤭ꤞꤢꤧ ꤟꤣꤧ ꤒꤣ꤬ꤖꤥ ꤟꤣꤧ꤯ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤟꤢꤧ꤭ ꤘꤣ ꤞꤤ꤭ꤗ꤫ꤥ꤬ꤞꤤ꤭ꤖꤢꤩ꤭ ꤘꤣ ꤢ꤬ ꤞꤣꤧ꤭ꤡ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤟꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤡ꤫ꤢꤧ꤬ ꤒꤣꤧ꤬ꤋꤢꤧ꤮ ꤒꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ꤟꤢꤩꤔꤢꤧ ꤢ꤬ ꤥ꤬ ꤘꤣ ꤒꤢꤩ꤬ꤜꤤ꤭ ꤢ꤬ꤊꤢꤨ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤩ꤬ ꤢ꤬ ꤞꤤꤓꤢꤩ꤬ꤕꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤕꤢ꤬ꤖꤢꤧ ꤟꤢꤩꤔꤣꤧ꤬ꤗꤢ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤔꤣꤧ꤬ ꤢ꤬ ꤥ꤬ꤕꤢ꤬ꤖꤢꤧ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤢꤨ꤭ ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:11

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬, ꤢ꤬ ꤊꤢꤩ꤬ ꤞꤤꤓꤢꤩ꤬ ꤕꤢ꤬ ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤕꤢ꤬ꤖꤢꤧ ꤟꤢꤩꤔꤣꤧ꤬ ꤢ꤬ ꤥ꤬ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤒꤥ꤭ ꤙꤣꤧꤒꤢꤩ꤭ ꤒꤣ꤬ꤖꤥ꤬ꤒꤢꤩ꤭ ꤔꤣꤧ꤬ ꤢ꤬ ꤞꤤꤑꤢꤩ꤭ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤗꤢꤩ꤬ꤜꤢꤩ꤭ꤊꤢꤧ꤭ ꤜꤢꤨ꤭ ꤕꤣꤧꤞꤢꤩ꤬ꤕꤜꤢꤪ꤬꤯