โครินธ์ อาเหร่อเล๊อ ต๊าบ่า 7:31 - Eastern Kayah Shadaw Dialect

³¹ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤢꤩ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤒꤣꤧ꤬ꤔꤢꤩ꤬ꤘꤢꤨ꤬ ꤚꤣꤧꤘꤢꤦ꤬ ꤒꤢ꤭ꤒꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤊꤜꤢꤪ꤬ꤗꤢ꤬ ꤑꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤗ꤫ꤢ꤬ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩ ꤞꤤ꤭ ꤟꤢꤨꤣꤧ꤭ ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

³¹ แกแย เด๊อ อา นอเอ่ ตาหมื่อตาเต เด๊อ เห่ขุ เออเต๊เห่เนอ, อา เบ่ เตเนดุ เกอเร๊อ ตาเต เด๊อ เห่ขุ เออเต๊เห่ โต่. เมเตเฮ๊เรอ ล๋อ เต เด๊อ อา โอ่ เด๊อ เห่ขุ เออ เต๊เห่เนอ, อา โอ่หม่าโอ่กลอ งยา ตูจูเพร หม่าโต่ อาขว่าอาคยา, แว เฮ๊ ซี ฮู๊เออ แพ๊.

โครินธ์ อาเหร่อเล๊อ ต๊าบ่า 7:31 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:17

ꤟꤢꤩ꤬ꤋꤢꤨ꤬ꤣꤧ꤭ ꤔꤢꤧ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤥ꤬ ꤘꤣ ꤜꤢꤨ꤭ꤊꤢꤨ꤭ ꤜꤢꤪ꤭꤮ ꤕꤜꤤ꤬ ꤘꤣ ꤊꤣꤧ꤬ꤛꤢꤧ꤭ ꤞꤤꤛ꤫ꤢꤦ꤬ꤞꤤꤜꤢꤪ꤭ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤜꤢꤪ꤭ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤕꤢ꤭꤯

เปโตร อาเหร่อเล๊อ ต๊าบ่า 4:7

ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤒꤣꤧ꤬ꤘꤢꤦ꤬ꤊꤢꤧ꤭ꤟꤣꤧ ꤔꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ ꤖꤢꤦ꤬ꤟꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ꤙꤢꤩ ꤊꤣꤧ꤭ꤢꤨ꤭ ꤔꤣꤧ꤬, ꤥ꤬ꤞꤢ꤬ꤞꤢꤩ꤭ ꤊꤣꤧ꤭ ꤜꤢ꤭ꤋꤢꤧ꤭ ꤚꤣꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬, ꤓꤥ꤭ꤒꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤏꤢ꤭ꤖꤚ꤫ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤔꤤ꤮꤯

ꤡꤛꤢꤩ꤭ꤗꤢ꤬ꤎꤣ꤬ 4:14

ꤕꤣꤧꤚꤥ꤬ꤕꤢ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤊ꤫ꤢꤦ꤬ꤚꤢꤩ꤭ ꤗꤢꤩ꤬ꤟꤢꤨꤒꤢꤩ꤭ ꤕꤢ꤭ ꤔꤣꤧ꤬, ꤞꤤ꤭ ꤞꤤꤑꤢꤩ꤭ ꤒꤥ꤬꤯ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤗꤢ꤬ꤒꤢꤩ꤭? ꤢ꤬ꤞꤢꤧꤔꤢꤧ ꤒꤢꤩ꤬ꤋꤥ꤬ꤓꤢꤧ꤬ ꤘꤣ ꤢ꤬ ꤥ꤬ꤜꤥ꤭ ꤒꤣꤧ꤬ꤕꤜꤣ꤬ꤟꤢꤨ ꤚꤣꤧ꤬ ꤢ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤋꤛꤢ꤭ ꤔꤣꤧ꤬ꤖꤢꤧ꤯

ꤜꤢꤨꤊꤢ꤬ 21:34

“ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤯ ꤙꤣꤧ ꤞꤤ꤭ ꤢꤩ꤬ꤗꤢꤦ꤬ꤥ꤭ꤗꤢꤦ꤬ ꤢ꤬ꤋꤢꤩ꤭ ꤞꤤ꤭ ꤗꤢꤩ꤬ꤙꤢꤪ꤭ꤗꤢꤩ꤬ꤙꤛꤢ꤬ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤞꤤ꤭ ꤊ꤫ꤢꤨ꤬ꤊꤢꤧ꤭ ꤜꤢ꤭ꤋꤢꤧ꤭ ꤔꤢꤧ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣ꤬ꤓꤢꤦ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤗꤢꤩ꤬ꤜꤢꤪ꤭ꤊꤢꤧ꤭ꤘꤢꤩ꤭ ꤒ꤫ꤢꤧ꤬ ꤞꤤ꤭ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤔꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤯ ꤕꤢ꤭ꤗꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤖꤚꤢꤦ ꤘꤣ ꤞꤤ꤭ ꤥ꤬ ꤙꤣꤧ ꤞꤤ꤭ ꤒꤣꤧ꤬ꤔꤢꤩ꤬ꤒ꤫ꤥ꤬ ꤒꤥ꤬ ꤔꤣꤧ꤬ꤒꤣ꤬ꤔꤣꤧ꤭ ꤔꤣꤧ꤬ꤒꤣ꤬ꤞꤢꤩ꤭ ꤕꤢ꤭꤯

เปโตร อาเหร่อเล๊อ ต๊าบ่า 1:24

ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤜꤢꤪ꤭꤮ ꤕꤜꤤ꤬ ꤔꤣꤧ꤬ ꤢ꤬ꤞꤢꤧꤔꤢꤧ ꤗꤤ꤬ꤞꤢꤩ꤬ꤠꤢꤩ꤬ꤖꤥ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ꤯ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤞꤢꤧꤔꤢꤧ ꤒꤢꤩ꤬ꤖꤥ꤭ꤒꤢꤩ꤬ꤊ꤫ꤤ꤬ ꤘꤢꤧꤓꤢꤧ꤬ ꤘꤣ ꤊ꤫ꤢꤩ꤬ꤘꤢꤦ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤗꤤ꤬ꤞꤢꤩ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤞꤣꤧ꤭ꤋꤚꤢ꤭ꤊꤢꤧ꤭ ꤜꤢꤪ꤭ ꤕꤢ꤭ ꤚꤣꤧ꤬ ꤒꤢꤩ꤬ꤖꤥ꤭ꤒꤢꤩ꤬ꤊ꤫ꤤ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤒꤢ꤭ꤞꤥ꤭ꤊꤢꤧ꤭ ꤜꤢꤪ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 9:18

ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤢ꤬ꤋꤝꤢꤢ꤬ꤊꤢꤩ꤬ ꤤ꤬ꤒꤢꤩ꤭ ꤕꤢ꤭? ꤢ꤬ꤋꤝꤢꤢ꤬ꤊꤢꤩ꤬ ꤘꤣ ꤠꤢꤧ꤭ ꤔ꤫ꤤ꤬ꤙꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤟꤣꤧ, ꤢ꤬ ꤊꤢꤪ꤬ ꤡꤣꤧ ꤘꤣ ꤠꤢꤧ꤭ ꤒꤥ꤭ ꤊꤝꤤ꤭ ꤊꤣꤧ꤭ꤢꤨ꤭ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤖꤛꤢ ꤊꤣꤧ꤭ꤢꤨ꤭ ꤢ꤬ꤋꤝꤢꤢ꤬ꤊꤢꤩ꤬ ꤒꤥ꤬ ꤣꤧ꤭ꤔꤣꤧ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 7:29

ꤋꤥ꤭ꤙꤢꤧꤞꤝꤢ ꤞꤤ꤭꤮, ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤞꤤ꤭ ꤗꤢ꤬ ꤟꤢꤨꤣꤧ꤭: ꤗ꤫ꤢꤪ꤬ꤔꤣꤧ꤭ ꤒꤣꤧ꤬ꤘꤢꤦ꤬ ꤖꤢꤦ꤬ꤓꤢꤧ꤬ ꤟꤣꤧ꤯ ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤢꤩ꤭ꤥ꤬ ꤢ꤬ꤠꤢꤩ꤬ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤢꤩ꤭ ꤥ꤬ꤒꤥ꤬ ꤢ꤬ꤠꤢꤩ꤬ ꤥ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬꤯

โครินธ์ อาเหร่อเล๊อ ต๊าบ่า 7:30

ꤊꤣꤧ꤬ꤛꤢꤧ꤭ ꤘꤣ ꤢ꤬ꤍ꤫ꤥ꤬ꤢ꤬ꤟꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤛꤢꤩ꤬ꤞꤤ꤭ ꤍ꤫ꤥ꤬ ꤒꤥ꤬ ꤔꤣꤧ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤋꤚꤢꤦ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤛꤢꤩ꤬ꤞꤤ꤭ ꤞꤤꤋꤚꤢꤦ꤭ ꤒꤥ꤬ ꤔꤣꤧ꤬꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤖꤚꤤ꤬ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤞꤤꤕꤜꤢꤪ꤬ ꤒꤥ꤭ꤙꤢꤩ꤬ ꤡ꤫ꤢꤩ꤬ꤡꤢꤦ꤭ꤔ꤫ꤤ꤬ ꤔꤢꤧ ꤒꤢ꤭ꤒꤢꤩ꤬ ꤘꤣ ꤢ꤬ ꤤ꤬ꤖꤚꤤ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯

ꤟꤤꤙꤚꤢꤨ 12:27

ꤢ꤬ ꤟꤢꤩ ꤔꤢꤧ, “ꤕ꤫ꤥ꤬ꤋꤛꤢ꤭ꤞꤢꤧ ꤕꤢ꤭,” ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬, ꤢ꤬ ꤟꤢꤩꤜꤥ꤭ꤕꤜꤥ꤭ ꤡꤣꤧꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ ꤊꤣꤧ꤬ꤛꤥ꤭ꤓꤢꤧ꤬ ꤜꤢꤪ꤭ ꤜꤢꤪ꤭ ꤒꤢꤩ꤬ꤙꤢꤩ꤬ꤙꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤗ꤫ꤢꤩ꤬ꤊꤢꤧ꤭ꤜꤢ꤭ ꤜꤢꤪ꤭ ꤕꤢ꤭꤯ ꤢ꤬ ꤊꤣꤧ꤬ꤛꤥ꤭ ꤡ꤫ꤢꤧ꤬ꤒꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ꤊꤢꤧ꤭ ꤒꤢꤦꤘꤢꤦ꤬ꤖꤢꤧ ꤢ꤬ꤑꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤊꤣꤧ꤬ꤛꤥ꤭ ꤟꤢꤨꤔꤣꤧ꤬ꤖꤢꤧ꤯