โครินธ์ อาเหร่อเล๊อ ต๊าบ่า 4:14 - Eastern Kayah Shadaw Dialect

¹⁴ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤒꤣꤧ꤬ꤚꤢꤩ꤭ ꤞꤤ꤭ ꤚꤣꤧ꤬ ꤠꤢꤧ꤭ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤜꤤ꤬ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤗꤥ꤬ꤚꤣꤧ ꤞꤤ꤭ ꤟꤢꤨ ꤠꤢꤧ꤭ꤖꤢꤨ ꤔꤢꤧ ꤠꤢꤧ꤭ꤔ꤫ꤢꤩ꤬ ꤔꤣꤧ꤬ ꤚꤣꤧ꤬ ꤠꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤡꤝꤢ ꤚꤣꤧꤘꤢꤦ꤬ ꤞꤤ꤭ ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁴ แว ซิหยื่อ นอซิเตเร ซี เร๊อ แว รา จว๊า เป่ ซี ลี เออเนอ หม่าโต่. แว โมเร๊อ ซี ฮู๊ แวพู๊ เร๊อ แวเหน่ เนอ เร๊อ แว อิซว๊าอี๊แส่ จว๊า เกอเร๊อ ซี แพ๊.

โครินธ์ อาเหร่อเล๊อ ต๊าบ่า 4:14 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:11

ꤕꤢꤩ꤬ ꤗꤢꤧꤡꤢꤧ꤬ꤚꤣꤧ ꤞꤤ꤭ ꤣꤧ꤭ꤔꤣꤧ꤬, ꤢ꤬ ꤞꤢꤧꤡꤣꤧꤔꤢꤧ ꤖꤢꤩ꤭ ꤒꤣ꤬ꤖꤚꤢꤩ꤬ ꤗꤢꤧꤡꤢꤧ꤬ ꤚꤣꤧꤘꤢꤦ꤬ ꤢ꤬ꤖꤢꤨ ꤡꤣꤧ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ꤘꤢꤦ꤬ꤟꤣꤧ꤯

ยอห์น โซบ่า ต๊าบ่า 1:4

ꤙꤣꤧ ꤠꤢꤧ꤭ ꤔ꤫ꤤ꤬ꤟꤥ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤢ꤬ꤞꤢꤧꤔꤢꤧ ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤒꤣꤧ꤬ꤟꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤞꤤꤋꤚꤢꤦ꤭ ꤡꤣꤧ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤞꤤꤋꤚꤢꤦ꤭ ꤜꤣ ꤠꤢꤧ꤭ ꤔꤢꤧ ꤣꤧ꤭ꤔꤣꤧ꤬ ꤢ꤬ꤥ꤬ ꤕꤢ꤬ ꤒꤣ꤬ꤡꤣ꤬꤮ ꤒꤥ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 9:15

ꤢ꤬ ꤊꤢꤪ꤬ ꤘꤣ ꤠꤢꤧ꤭ ꤒꤥ꤭ꤊꤝꤤ꤭ ꤡꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤊꤝꤤ꤭ ꤞꤤ꤭ ꤒꤣ꤬ꤡꤣ꤬꤮ ꤒꤥ꤬꤯ ꤓꤥ꤭ꤒꤥ꤬ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ꤡꤝ꤫ꤢ꤬ ꤞꤤ꤭ ꤔꤢꤧ ꤠꤢꤧ꤭ꤔ꤫ꤢꤩ꤬ ꤚꤣꤧ꤬ ꤠꤢꤧ꤭ ꤚꤢ꤭ ꤕ꤫ꤢꤩ꤬ ꤞꤤ꤭ ꤜꤤ꤬ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬ꤒꤥ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ꤘꤤꤘꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤒꤣꤧ꤬ꤊꤤ꤬꤮ ꤒꤥ꤬꤯ ꤠꤢꤧ꤭ ꤞꤣꤧ꤭ꤊꤢꤧ꤭ ꤔꤣꤧ꤬꤮ ꤗꤢ꤬ ꤢ꤬ ꤗꤥ꤬ꤜꤣ ꤒꤣꤧ꤬ꤕꤜꤢꤩ꤬꤮ ꤕꤢ꤬ ꤡꤣꤧ ꤔꤢꤧ ꤠꤢꤧ꤭ ꤗꤢꤩ꤬ꤟꤢꤨꤔꤣꤧ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 4:15

ꤞꤢꤚꤢ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤞꤤ꤭ ꤔꤣꤧ꤬ ꤢ꤬ ꤥ꤬ ꤡꤣꤧ ꤢ꤬ꤖꤚꤢꤩ꤬ ꤒꤣ꤬ꤞꤢꤪ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ꤖꤢꤩ꤭ ꤗꤢ꤬ ꤢ꤬ ꤥ꤬ ꤖꤢꤧ ꤒꤣ꤬ꤖꤚꤢꤩ꤬ꤖꤚꤢꤩ꤬꤮ ꤟ꤫ꤢꤨ꤬ ꤖꤢꤧ꤯ ꤙꤣꤧ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤟꤢꤧ꤭ ꤟꤣꤧ ꤋꤚꤤ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤓꤝꤢ꤭ꤟꤣꤧ ꤞꤤ꤭ꤖꤢꤩ꤭ ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤕꤢꤩ꤬ ꤊꤝꤤ꤭ꤞꤤꤛꤢꤪ꤬ ꤋꤛꤢ꤭ꤞꤢꤧ ꤕ꤫ꤥ꤬ ꤞꤤ꤭ ꤔꤢꤧ, ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤚꤣꤧꤘꤢꤦ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤥ꤭ꤚꤣꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤚꤥ꤬ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯

โคโลสี 1:28

ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤢꤨ꤭ꤔꤥ꤭ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤕꤣꤧꤞꤢꤩ꤬ꤑꤢꤩ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤚꤣꤧ꤬ ꤢ꤬ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤒꤢ꤭ꤒꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ, ꤓꤥ꤭ꤒꤥ꤬ ꤕꤢꤩ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬, ꤚꤣꤧ꤬ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 12:19

ꤜꤢꤪ꤭ ꤕꤢꤩ꤬ ꤚꤢ꤭ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤟꤢꤩꤙꤢꤩ꤬ ꤒꤣꤧ꤬ꤊꤢꤩ꤬ꤙꤤ ꤚꤣꤧꤘꤢꤦ꤬ ꤜꤢꤪ꤭ ꤕꤢꤩ꤬ꤔ꤫ꤢꤩ꤬ ꤟꤢꤨꤔꤣꤧ꤬ ꤊꤣꤧ꤭ꤔꤢꤧꤊ꤫ꤢꤩ꤬꤯ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬, ꤕꤢꤩ꤬ ꤟꤢꤩꤙꤢꤩ꤬ꤖꤢꤧ ꤟꤢꤨ ꤋꤚꤤ ꤔꤢꤪ꤭ꤟꤢꤩꤙꤢꤩ꤬ ꤕꤢꤩ꤬ ꤔꤣꤧ꤬ ꤖꤢꤧ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ꤘꤢꤦ꤬ ꤟꤣꤧ꤯ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤜꤢꤪ꤭ ꤕꤢꤩ꤬ ꤗꤢꤩ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤕꤢꤩ꤬ ꤗꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ ꤖꤢꤧ꤯

โครินธ์ เนอบ่า ต๊าบ่า 11:11

ꤠꤢꤧ꤭ ꤟꤢꤩ ꤟꤢꤨꤣꤧ꤭ꤚꤣꤧ꤬ ꤠꤢꤧ꤭ ꤗꤥ꤬ ꤞꤤ꤭ ꤒꤥ꤬ ꤟꤢꤨꤔꤣꤧ꤬ ꤟꤢꤧ꤭? ꤠꤢꤧ꤭ ꤗꤥ꤬ ꤞꤤ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭꤯

โครินธ์ เนอบ่า ต๊าบ่า 7:3

ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤟꤢꤨ ꤠꤢꤧ꤭ ꤟꤢꤩꤓꤥ꤭ꤟꤣꤧ ꤞꤤ꤭ ꤔꤣꤧ꤬, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤕꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤢ꤬ ꤒꤣꤧ꤬ꤟꤢꤩ꤬꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤞꤣꤧ꤭ ꤡꤣꤧꤙꤢꤩ꤬ꤙꤢꤩ꤬, ꤕꤢꤩ꤬ ꤞꤣꤧ꤭ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤗꤥ꤬ꤒꤣꤧ꤬ꤘꤢꤦ꤬ ꤔꤢꤧ꤭ ꤞꤤ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 15:34

ꤒꤣꤧ꤬ꤔꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤋꤛꤢ꤭ꤞꤢꤧ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤠꤤ꤭ꤊꤢꤧ꤭ ꤊꤢꤧ꤭ ꤞꤤ꤭ ꤗꤢꤩ꤬ꤒꤢꤩ꤬ꤞꤢꤦ ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ ꤜꤢ꤭ꤟꤤ ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬꤯ ꤒꤢꤩ꤬ꤥ꤬ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤞꤤ꤭ ꤒꤥ꤭ꤙꤢꤩ꤬ ꤞꤤꤒꤣꤧ꤬ꤚꤢꤩ꤭ ꤔꤢꤧ꤬ꤡꤣꤧ꤯

โครินธ์ อาเหร่อเล๊อ ต๊าบ่า 6:5

ꤞꤤꤒꤣꤧ꤬ꤚꤢꤩ꤭ ꤒꤣꤧ꤬ꤘꤢꤦ꤬ ꤊ꤫ꤢꤩ꤬ ꤡꤣꤧ꤯ ꤘꤣ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤢ꤬ꤊꤜꤢꤩ꤭ ꤚꤣꤧꤘꤢꤦ꤬ ꤔꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤘꤣꤧꤡꤢ꤭ꤡ꤫ꤢꤧ꤬ ꤕ꤫ꤢꤩ꤬ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤊꤛꤢꤒꤣꤧ꤬ꤍꤢ꤭ ꤜꤢꤨ꤭ ꤣꤧ꤭ ꤙꤣꤧ ꤢ꤬ꤕꤜꤢꤩ꤬ꤊꤢꤨ꤭ ꤔꤣꤧ꤬ ꤕꤣꤧ꤬ꤒꤤꤒꤣꤧ꤬ꤘꤢꤦ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ꤊꤜꤢꤩ ꤥ꤬ ꤔꤢꤧ꤭ ꤖꤢꤧ꤯

เพรโด่แนพู๊ เต๊เห่ 20:31

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤚꤢꤪ꤬ꤚꤢꤩ꤭ꤚꤣꤧ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤔꤤ꤮꤯ ꤚꤣꤧ꤬ ꤠꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ꤚꤣꤧ ꤞꤤ꤭ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤞꤥ꤭ꤔꤢ꤬ ꤢ꤬ꤊꤢꤨ꤭ ꤡꤣꤧ꤯ ꤓꤥ꤭ꤒꤥ꤬ ꤕꤝꤢ꤭꤮ ꤖꤥꤖꤥ꤮ ꤠꤢꤧ꤭ ꤕꤣꤧꤞꤢꤩ꤬ꤓꤣꤧ꤭ꤒꤢ꤭ ꤘꤣ ꤞꤤꤑꤢꤩ꤭ ꤢꤩꤔꤢꤧ꤬ꤡꤣꤧꤔꤣꤧ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤜꤢ꤭ꤋꤢꤧ꤭ ꤘꤢꤦ꤬ꤔꤤ꤮꤯

โครินธ์ อาเหร่อเล๊อ ต๊าบ่า 4:17

ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤠꤢꤧ꤭ ꤔꤢꤪ꤭ꤟꤢꤧ꤭ ꤟꤣꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤘꤣ ꤞꤤ꤭ ꤥ꤬ ꤟꤣꤧ꤯ ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤠꤢꤧ꤭ꤖꤢꤨ ꤔꤢꤧ ꤠꤢꤧ꤭ꤔ꤫ꤢꤩ꤬ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤚꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤘꤣ ꤙꤢꤧ꤬ꤡꤢꤩ꤬ ꤢ꤬ꤊꤢꤨ꤭ ꤒꤣ꤬ꤖꤚꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨꤒꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤋꤛꤢ꤭ ꤞꤤ꤭ ꤟꤢꤨ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤣꤧ꤭ꤔꤣꤧ꤬ ꤕꤢ꤭꤯ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ ꤘꤣ ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯

เธสะโลนิกา เนอบ่า ต๊าบ่า 3:14

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤡꤢꤨ꤭ꤢꤩ꤬ ꤊꤣꤧ꤭ꤢꤨ꤭ ꤜꤤ꤬ ꤘꤣ ꤕꤢꤩ꤬ ꤞꤢꤨ꤭ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣ꤬ꤙꤢ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤗꤢꤧꤒꤥ꤭ꤗꤢꤊꤢꤧ꤭ ꤢ꤬ ꤔꤤ꤮꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤞꤤꤒꤣꤧ꤬ꤚꤢꤩ꤭ ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤕꤢ꤭ꤔꤣꤧ꤬ ꤚꤣꤧ꤬, ꤙꤢꤧꤞꤝꤢ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤢ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ฟีเลโมน 1:10

ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤔꤢꤧ꤬ ꤘꤣ ꤋꤢꤨ꤭ꤢꤪꤔꤢꤩ꤬ꤎꤢꤩꤗꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤖꤢꤧ꤯ ꤢ꤬ ꤗꤢ꤬ ꤢ꤬ ꤞꤢꤧꤡꤣꤧꤔꤢꤧ ꤠꤢꤧ꤭ ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤡꤣꤧ꤯ ꤙꤣꤧ ꤠꤢꤧ꤭ ꤒꤢ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭, ꤢ꤬ ꤓꤝꤢ꤭ꤓꤢꤧ꤬ꤟꤣꤧ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤋꤚꤤ ꤢ꤬ꤊꤢꤨ꤭ ꤒꤣ꤬ꤖꤚꤢꤩ꤬ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:1

ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤋꤚꤤꤖꤢꤨ ꤞꤤ꤭꤮, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤟꤢꤨꤔꤣꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤗꤢꤩ꤬ꤒꤢꤩ꤬ꤞꤢꤦ ꤟꤢꤩꤚꤣꤧ꤬, ꤕꤢꤩ꤬ ꤖꤚꤢꤩ꤬ꤡꤢꤪꤖꤚꤢꤩ꤬ꤒꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ ꤊꤝꤤ꤭ꤞꤤꤛꤢꤪ꤬ ꤕ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤘꤣ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤯