โครินธ์ อาเหร่อเล๊อ ต๊าบ่า 3:12 - Eastern Kayah Shadaw Dialect

¹² ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤘꤣ ꤢ꤬ ꤤ꤬ꤞꤝꤢ ꤒꤢ꤭ꤒꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤢꤧꤟꤣꤧ ꤔꤢꤧ ꤢ꤬ ꤟꤢꤧ꤭ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤟꤤ꤬ꤓꤢꤦ꤬ꤊꤢꤧ꤭ꤘꤢꤩ꤭ ꤊꤢꤧ꤭ꤏꤢ ꤘꤣ ꤢꤨ꤭ ꤘꤢꤩꤜꤢꤧ꤬ ꤔꤢꤧ ꤜ꤫ꤢꤪ꤬ ꤣꤧ꤭ ꤢ꤬ꤜꤥ꤬ ꤔꤣꤧ꤬ ꤟꤣꤧ꤯ ꤢ꤬ ꤞꤢꤧꤟꤣꤧ ꤔꤢꤧ ꤢ꤬ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤟꤣꤧ ꤔꤢꤧ ꤓꤢꤩ꤭, ꤚꤢꤦ꤭, ꤗ꤫ꤢ꤬ꤒꤥ꤬ꤚꤣꤧ꤬ ꤜ꤫ꤢꤪ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤢ꤬ ꤟꤢꤧ꤭ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤞꤢꤪ꤬, ꤗꤤ꤬ꤞꤢꤩ꤬ꤗ꤫ꤢꤪ꤬ ꤗ꤫ꤢ꤬ꤒꤥ꤬ꤚꤣꤧ꤬ ꤙꤥꤕꤢꤨ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ꤜꤥ꤬ ꤣꤧ꤭ꤔꤣꤧ꤬ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹² แกแย เต๊เห่เห่ เด๊อ อา อิซว๊า ตาเต อู เร๊อ เตหมะเตจ๊อ เต๊เห่เนอ, อา แซ่เฮ๊อ เน๊อ อา แฮ ช๊อแถ่ แฮเง อี๊ถื่อแกเด แก่ช๊า เด๊อ อู เด๊อะแล เร๊อ หล่อ เออ อาลู เนอ เฮ๊อ. อา แซ่เฮ๊อ เน๊อ อา ช๊อแถ่ แฮเง เฮ๊อ เน๊อ เท, รือ, หม่าโต่เรอ หล่องูดุงูชอ เต๊เห่เนอ เฮ๊อ. หม่าแน๊เรอ เด๊อ อาโร เต๊เห่ เกอลาติ เรอ, อา แฮ ช๊อแถ่ แฮเง เน๊อ ส่อ, มีออ หม่าโต่เรอ โบ๊ปู เต๊เห่ เด๊อ อาลู เออเนอ เฮ๊อ.

โครินธ์ อาเหร่อเล๊อ ต๊าบ่า 3:12 ပူးပေါင်းရင်းမြစ်များ

ทิโมธี เนอบ่า ต๊าบ่า 4:3

ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤘꤣ ꤊꤣꤧ꤬ꤛꤢꤧ꤭ ꤔ꤫ꤤ꤬ꤘꤢ꤭ꤕꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤗ꤫ꤢ꤬ꤢ꤬ꤡꤢꤪ ꤣꤧ꤭ꤒꤥ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ ꤕꤢ꤭꤯ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤊꤣꤧ꤬ꤛꤢꤪ꤬ꤊꤣꤧ꤬ꤞꤢꤩ ꤜꤢ꤭ꤋꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤘꤢꤧ꤬ꤕꤜꤢꤪ ꤥ꤬ꤚ꤫ꤥ꤬ꤓꤢꤧ꤬ꤢꤩ ꤚꤣꤧꤘꤢꤦ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤊꤣꤧ꤬ꤛꤢꤪ꤬ꤊꤣꤧ꤬ꤞꤢꤩ ꤞꤤꤛ꤫ꤢꤦ꤬ ꤔ꤫ꤤ꤬ꤘꤢ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤕꤢ꤭꤯

ทิโมธี เนอบ่า ต๊าบ่า 3:7

ꤖꤚꤢꤩ꤬ꤗꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤤ꤬ꤞꤝꤢ ꤒꤣꤧ꤬ꤗꤥ꤭ꤒꤣꤧ꤬ꤗꤥ꤭ ꤊꤣꤧ꤭ ꤓꤥ꤭ꤟꤣꤧ ꤒꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤞꤤꤑꤢꤩ꤭ ꤙꤢꤩꤓꤢꤧ꤬ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣ꤬ꤖꤥ꤮ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ทิโมธี เนอบ่า ต๊าบ่า 2:20

ꤘꤣ ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ ꤟꤤ꤬ꤒꤣ꤬ꤗꤢꤩ꤭ ꤢ꤬ꤊꤢꤨ꤭ꤔꤣꤧ꤬ ꤘꤤ꤭ꤕꤢꤪ꤭ꤘꤤ꤭ꤘꤥ꤭ ꤥ꤬ ꤢ꤬ꤗꤤ꤭ꤗꤤ꤭ ꤢ꤬ꤡꤣ꤬ꤡꤣ꤬ ꤡꤣꤧ꤯ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤚꤢꤦ꤭ꤓꤢꤩ꤭, ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤞꤢꤪ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤟꤢꤩ꤬꤯ ꤒꤣꤧ꤬ꤟꤢꤩ꤬ꤟꤢꤩ꤬ ꤚꤣꤧ꤬ ꤢꤨ꤭ ꤔꤢꤪ꤭ꤢꤩ꤬ ꤢ꤬ ꤙꤣꤧ ꤢꤨ꤭ ꤜ꤫ꤥ꤬ꤘꤢꤨ꤬ ꤋꤥꤘꤢꤦ꤬ ꤢ꤬ ꤢ꤬ꤏꤣꤧꤋꤢꤩ꤭, ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢꤨ꤭ ꤘꤢꤧ꤬ ꤔꤢꤧ ꤜ꤫ꤢꤩ꤬ꤔꤢꤪ꤭ꤢꤩ꤬ ꤢ꤬ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ ꤢ꤬ꤑꤢꤩ꤭ ꤖꤢꤧ꤯

เตเด๊อะโลแถ่ 21:18

ꤠꤤ꤭ꤢꤨ꤭ ꤔꤣꤧ꤬ ꤢꤨ꤭ ꤙꤢꤧ ꤢ꤬ ꤔꤢꤧ ꤜ꤫ꤢꤪ꤬ꤞꤥ꤭ꤜꤤ꤬ꤞꤥ꤭ꤜꤢꤩ꤭ ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤠꤤ꤭ꤔꤣꤧ꤬ ꤢꤨ꤭ ꤙꤢꤧ ꤢ꤬ ꤔꤢꤧ ꤓꤢꤩ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤚꤣꤧ꤬ ꤢ꤬ ꤕꤜꤢꤧꤜꤤ꤬ꤏꤤ ꤗꤢꤧꤓ꤫ꤣꤧ꤬ ꤜꤢꤪꤕꤜꤢꤨ ꤔꤥ꤭ ꤡꤣꤧ ꤟꤢꤨ ꤜ꤫ꤢꤪ꤬ꤞꤢꤨꤙꤢꤨ꤭ ꤔꤣꤧ꤬ ꤡꤣꤧ꤯

เตเด๊อะโลแถ่ 3:18

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤘꤣꤧꤞꤤꤑꤢꤩ꤭ ꤡꤝ꤫ꤢ꤬ ꤕ꤫ꤢꤩ꤬ꤊꤣꤧ꤭ ꤔꤢꤧ꤬ ꤔꤢꤧ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤊꤣꤧ꤭ꤢꤨ꤭ ꤔꤣꤧ꤬, ꤟꤢꤧ꤭ ꤤ꤬ꤖꤚꤤ꤬ꤊꤣꤧ꤭ ꤓꤢꤩ꤭ ꤘꤣ ꤠꤢꤧ꤭ꤥ꤬ ꤣꤧ꤭꤯ ꤓꤢꤩ꤭ ꤣꤧ꤭ꤔꤣꤧ꤬ꤗꤢ꤬ ꤢꤨ꤭ ꤜꤥ꤭ ꤓꤥ꤭ꤟꤣꤧ ꤔꤢꤧ ꤗꤤ꤬꤯ ꤓꤥ꤭ꤒꤥ꤬ ꤟꤢꤧ꤭ ꤤ꤬ꤖꤚꤤ꤬ ꤊꤣꤧ꤭ꤘꤢꤦ꤬ ꤟꤣꤧ꤬ꤡꤢ꤬ꤙꤢꤨ꤭ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤘꤣ ꤠꤢꤧ꤭ꤥ꤬ ꤣꤧ꤭ ꤚꤣꤧ꤬ ꤊꤢꤦ꤭ꤙꤤꤞꤢꤧꤙꤤ ꤚꤣꤧꤘꤢꤦ꤬ ꤊꤣꤧ꤭ꤔꤢꤧ ꤔꤢꤧ꤬ ꤥ꤬ꤊ꤫ꤢ꤬ꤊꤜꤥ꤬ ꤞꤤꤒꤣꤧ꤬ꤚꤢꤩ꤭ ꤘꤢꤦ꤬ꤑꤢꤩ꤭ ꤣꤧ꤭ꤔꤣꤧ꤬꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤤ꤭ꤖꤥꤚꤢꤧ ꤊꤣꤧ꤭ꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤟꤢꤧ꤭ ꤤ꤬ꤖꤚꤤ꤬ꤊꤣꤧ꤭ ꤒꤢꤩ꤬ꤋꤢꤨ꤬ ꤕꤣꤧꤞꤢꤩ꤬ꤏꤢꤩ꤭ ꤘꤣ ꤠꤢꤧ꤭ꤥ꤬ ꤣꤧ꤭ ꤚꤣꤧ꤬ ꤡꤤ꤭ꤔꤥ꤭ ꤘꤣ ꤔꤢꤧ꤬ ꤕꤣꤧꤞꤢꤩ꤬ꤕꤜꤢꤪ꤬ꤊꤢꤨ꤭ ꤔꤣꤧ꤬꤯

เปโตร อาเหร่อเล๊อ ต๊าบ่า 1:7

ꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤧ꤭? ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤒꤥ꤬ ꤟꤢꤧ꤭? ꤔꤣꤧ꤬, ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤊ꤫ꤢꤦ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤕꤢ꤭꤯ ꤓꤢꤩ꤭ ꤘꤣ ꤢ꤬ ꤕꤛꤢꤡ꤫ꤢꤧ꤬ ꤡꤣꤧ ꤣꤧ꤭ꤔꤣꤧ꤬, ꤢꤨ꤭ ꤙꤢꤩ꤬ ꤒꤥ꤭ ꤗꤢꤩ꤬ꤗꤢꤧ ꤕꤢ꤬ ꤢ꤬ ꤔꤢꤧ ꤗꤤ꤬, ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤘꤣ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤜꤣ ꤔꤢꤧ ꤓꤢꤩ꤭ꤣꤧ꤭, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ ꤔꤢꤧ ꤒꤢꤩ꤬ꤛ꤫ꤢꤦ꤬ ꤗ꤫ꤢ꤬ꤔꤤꤔꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤢꤨ꤭ ꤒꤥ꤭ꤙꤢꤩ꤬ ꤗꤢꤩ꤬ꤗꤢꤧ ꤊꤣꤧ꤭ꤘꤢꤦ꤬ ꤢ꤬ ꤟꤢꤨꤔꤣꤧ꤬꤯ ꤓꤥ꤭ꤚꤣꤧ꤬ ꤏꤢ꤮ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤘꤣꤧꤜꤥ꤭ꤓꤢꤧ꤬ ꤟꤣꤧ ꤢ꤬ꤔ꤫ꤢꤩ꤬ ꤢ꤬ꤋꤢꤩ꤭ ꤕꤢ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤓꤢꤨ꤬ꤞꤢꤩꤓꤢꤧ꤬, ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤔꤢꤧ ꤒꤢꤩ꤬ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤞꤤ꤭ ꤕꤢ꤭꤯

เตเด๊อะโลแถ่ 2:14

“ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤠꤢꤧ꤭ ꤜ꤫ꤢꤩ꤬ꤘꤢꤧ꤬ꤒꤢꤩ꤬ꤞꤢꤦ ꤘꤣ ꤔꤢꤧ꤬ꤜꤥ꤬ ꤔꤣꤧ꤬ꤗꤢ꤬ ꤢ꤬ꤥ꤬ ꤒꤣꤧ꤬ꤊꤤ꤬, ꤗꤢ꤬ꤤ꤭ꤒꤢꤩ꤭ ꤒꤣꤧ꤬ꤟꤢꤩ꤬ꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤊꤣꤧ꤬ꤛꤢꤧ꤭ ꤥ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤋꤢꤨ꤭ꤙꤢꤩꤜꤢ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬꤯ ꤋꤢꤨ꤭ꤙꤢꤩꤜꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤋꤝꤤꤙꤢ꤬ꤜꤢꤧ ꤔꤢꤧ ꤢ꤬ ꤊ꤫ꤢꤦ꤬ ꤢꤩꤜꤢ꤬ꤢꤩꤕꤜꤢꤩ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤞꤤ꤭ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤘꤣ ꤢꤨ꤭ ꤜꤢꤨ꤭ꤓꤢꤧ꤬ ꤔꤢꤧ ꤖꤚꤢꤩ꤬ꤛꤥ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢꤞꤢꤦ ꤜꤢ꤭ꤋꤢꤧ꤭ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤟꤢꤨꤔꤣꤧ꤬꤯

ꤟꤤꤙꤚꤢꤨ 13:9

ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤡꤝꤢꤞꤢꤦ ꤒ꤫ꤢꤧ꤬ ꤞꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ ꤋꤥꤋꤛꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤋꤚꤝꤢ꤭ꤡꤝꤢꤊꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤢ꤬ ꤒꤥ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ꤓꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤛꤢ꤭ ꤖꤢꤧ꤯ ꤘꤣ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ ꤟꤢꤧ꤭ꤏꤝꤢ꤬ꤚꤢꤩ꤬ꤏꤢꤪ꤭ꤓꤢꤧ꤬ ꤒ꤫ꤥ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤣꤧ꤭ꤔꤣꤧ꤬, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯

ทิโมธี เนอบ่า ต๊าบ่า 3:13

ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤑꤢ꤭ꤏꤝꤢ꤭ꤏꤝꤢ꤭ ꤢ꤬ꤗꤢꤨꤗ꤫ꤢꤧ꤬ꤟꤢꤧ꤭ ꤏꤝꤢ꤬ꤏꤝꤢ꤬ ꤕꤢ꤭꤯ ꤚꤣꤧ꤬ ꤢ꤬ ꤊ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤨ꤭ꤚꤥ꤬ ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤜꤢ꤭ꤒꤢꤩ꤬ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤕꤢ꤭꤯

ทิโมธี อาเหร่อเล๊อ ต๊าบ่า 6:3

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤞꤢꤦ ꤜꤢ꤭ꤋꤢꤧ꤭ ꤢꤨ꤭꤯ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤔꤣꤧ꤬, ꤢ꤬ꤒꤥ꤭ ꤊꤣꤧ꤭ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤗ꤫ꤢ꤬ꤢ꤬ꤡꤢꤪ ꤣꤧ꤭ꤔꤣꤧ꤬ ꤒꤥ꤬꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤔꤢꤪ꤭ ꤥ꤬ꤞꤣꤧ꤭ꤖꤚꤢꤩ꤬ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤩ꤬ꤞꤤ꤭ ꤤ꤬ꤞꤝꤢ ꤕ꤫ꤢꤩ꤬ꤊꤣꤧ꤭ ꤢꤨ꤭ ꤒꤥ꤬ꤒꤥ꤬꤯

โคโลสี 2:8

ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤚꤣꤧ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ꤞꤢꤦ ꤘꤢꤦ꤬ꤑꤢꤩ꤭ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤊꤢꤧ꤭ꤘꤢꤩ꤭ ꤖꤢꤧ꤯ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤗ꤫ꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤓꤢꤦ꤭ ꤓꤥ꤭ ꤒꤣ꤬ꤓꤢꤦ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤚꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤟꤢꤧ꤭ ꤘꤣ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤖꤢꤧ꤯ ꤒꤢꤩ꤬ꤤ꤬ꤞꤝꤢ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤥ꤬ ꤗ꤫ꤢ꤬ꤒꤥ꤬꤯

โครินธ์ เนอบ่า ต๊าบ่า 2:17

ꤊꤣꤧ꤬ꤛꤢꤧ꤭ ꤗꤢꤩ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤚꤣꤧ꤬ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤣꤧ꤬ ꤢ꤬ ꤥ꤬ ꤢꤩꤜꤥ꤬ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤗꤢꤧꤙꤢꤦ꤭ ꤗꤢꤩ꤬ꤊꤣꤧ꤭ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤔꤣꤧ꤬ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤚꤢꤦ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤓ꤫ꤣꤧ꤬, ꤕꤢꤩ꤬ ꤓꤝꤢ꤭ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤚꤣꤧ꤬ ꤕꤢꤩ꤬ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤘꤣ ꤢ꤬ ꤞꤤꤕꤜꤢꤪ꤬ꤡꤢꤪꤡꤢꤦ ꤒꤣꤧ꤬ꤟꤢꤩ꤬ ꤟꤣꤧ꤯

ꤚꤥꤗꤢꤩ꤬ 16:17

ꤕ꤫ꤥ꤬ꤠ꤫ꤢꤧ꤬ ꤞꤤ꤭, ꤠꤢꤧ꤭ ꤞꤤꤏꤢꤧ꤬ꤋꤚꤝꤢ꤭ꤚꤣꤧ ꤞꤤ꤭ꤋꤛꤢ꤭ ꤔꤢꤧ, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ꤔꤥ꤭ꤗꤢꤩ꤬ ꤜꤢꤨ꤬ꤖꤚꤥꤜꤢꤨ꤬ꤖꤚꤢꤧ꤭ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤢꤩꤜꤢ꤬ ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤢꤧ ꤋꤚꤤ ꤕꤢ꤭꤯ ꤛꤢꤩ꤬ꤞꤤ꤭ ꤒꤢꤩ꤬ꤤ꤬ꤞꤝꤢ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤜꤢꤨ꤭ ꤋꤥꤘꤢꤦ꤬ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤥ꤬ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤛꤢꤩ꤬ꤞꤤ꤭ ꤔꤤ꤮꤯

เพรโด่แนพู๊ เต๊เห่ 20:30

ꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤕꤢ꤭꤯ ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤤ꤬ꤜꤢꤪ꤭ꤤ꤬ꤜꤢꤨ꤬ ꤡꤝꤢꤔ꤫ꤤ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤚꤣꤧ꤬, ꤢ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤡꤝꤢ ꤛꤢꤩ꤬ꤞꤤ꤭ ꤕꤢ꤭꤯

โครินธ์ เนอบ่า ต๊าบ่า 4:2

ꤒꤢꤩ꤬ꤢꤩꤜꤢ꤬ ꤜꤣꤧ꤬ꤟꤥ꤭ꤢꤩ꤬ ꤢꤨ꤭, ꤒꤢꤩ꤬ꤗꤢꤩ꤬ ꤘꤢꤪꤥꤘꤢꤪꤙꤤ ꤤ꤭ꤒꤢꤩ꤭ꤒꤢꤩ꤭꤮ ꤒꤣꤧ꤬ꤟꤢꤩ꤬ ꤔꤣꤧ꤬ꤙꤢꤩ꤬ꤙꤢꤩ꤬, ꤒꤢꤩ꤬ꤗꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤒꤢꤩ꤬ꤞꤤꤒꤣꤧ꤬ꤚꤢꤩ꤭ ꤤ꤭ꤒꤢꤩ꤭ꤒꤢꤩ꤭꤮ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤗꤢꤩ꤬ꤕꤢ꤬ ꤒꤣꤧ꤬ꤊꤤ꤬꤮ ꤒꤥ꤬ ꤟꤣꤧ꤯ ꤙꤣꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤙꤢꤩ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤨ꤭ ꤒꤥ꤬, ꤕꤢꤩ꤬ ꤤ꤬ꤞꤝꤢꤜꤣꤧ꤬ꤟꤥ꤭ ꤕ꤫ꤢ꤬ꤔꤥ꤭ꤒ꤫ꤣ꤬ ꤍ꤫ꤥ꤬ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤒꤥ꤬꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭, ꤕꤢꤩ꤬ ꤟꤢꤩꤙꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤕꤢꤩ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤢ꤬ꤒꤥ꤭ ꤜꤢꤪ꤭ꤕꤜꤤ꤭ ꤖꤢꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ꤚꤣꤧ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤕꤢꤩ꤬ ꤟꤢꤩꤏꤥ꤬ꤡꤢꤪ, ꤕꤢꤩ꤬ ꤗꤢꤩ꤬ꤡꤢꤪ ꤟꤣꤧ ꤒꤢꤩ꤬ ꤟꤢꤨꤔꤣꤧ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 3:11

ꤟꤤ꤬ꤓꤢꤦ꤬ꤊꤢꤧ꤭ꤘꤢꤩ꤭ ꤊꤢꤧ꤭ꤏꤢ ꤘꤣ ꤠꤢꤧ꤭ ꤘꤢꤩꤜꤢꤧ꤬ ꤓꤥ꤭ꤟꤣꤧ ꤔꤢꤧ ꤜ꤫ꤢꤪ꤬ ꤗ꤫ꤢ꤬ꤟꤣꤧ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤔꤣꤧ꤬ ꤗꤢ꤬ ꤢ꤬ ꤥ꤬ ꤖꤢꤧ ꤒꤣ꤬ꤖꤥ꤬ꤒꤥ꤬꤯ ꤒꤢꤩ꤬ ꤘꤣ ꤕꤢꤩ꤬ ꤒꤥ꤭ꤙꤢꤩ꤬ ꤛ꤫ꤢꤦ꤬ꤢꤩ꤬ꤚꤣꤧ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ ꤖꤢꤧꤒꤢꤦ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤒꤣ꤬ꤖꤚꤢꤩ꤬ ꤖꤢꤧ꤯ ꤢꤨ꤭ ꤘꤢꤩꤜꤢꤧ꤬ ꤋꤥ ꤘꤣ ꤢ꤬ꤚꤥ꤬ ꤔꤣꤧ꤬ ꤢ꤬ ꤥ꤬ ꤕꤢ꤬ ꤒꤣ꤬ꤖꤥ꤮ ꤒꤥ꤬꤯

โครินธ์ อาเหร่อเล๊อ ต๊าบ่า 3:13

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤤ꤬ꤏꤢꤪꤓꤢꤧ꤬ ꤟꤤ꤬ ꤢ꤬ ꤒꤢꤩ꤬ꤡ꤫ꤢꤧ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤏꤢ꤮ ꤙꤢꤧ꤬ꤡꤢꤩ꤬ ꤋꤚꤤ ꤟꤢꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤩ꤬ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤗꤢꤩ꤬ꤗꤢꤧ ꤢ꤬ ꤔꤢꤧ ꤗꤤ꤬ ꤕꤢ꤭꤯ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤡ꤫ꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤔꤣꤧ꤬, ꤗꤤ꤬ ꤊ꤫ꤢꤦ꤬ ꤜꤢꤢꤦ꤭ ꤗꤢꤧ ꤜꤢꤪ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧ ꤓꤢꤩ꤬ꤜꤥ꤭ ꤜꤢꤪ꤭ ꤕꤢ꤭꤯