ꤘꤣ ꤛꤢꤩ꤬ꤏꤛꤢꤨ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤙꤣꤧ ꤕꤢꤩ꤬ ꤞꤤꤑꤢꤩ꤭ꤟꤢꤧ꤭ ꤒ꤫ꤥ꤬ꤜꤣꤟꤣꤧ ꤜꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ꤊꤣꤧ꤭ ꤔꤢꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬, ꤓꤥ꤭ꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤊꤣꤧ꤭ꤟꤢꤨ ꤢ꤬ꤒꤥ꤭ ꤜꤢꤨ꤭ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤘꤣꤧꤒꤢ꤭ꤟꤣꤧ ꤕꤢꤩ꤬ ꤜꤢꤪ꤭ ꤕꤢꤩ꤬ ꤜ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ꤘꤢꤨ꤬ꤢ꤬ꤓꤢꤨ꤭ ꤔꤢꤧ ꤢ꤬ꤒꤢꤩ꤬ꤚꤢꤧ ꤗ꤫ꤢ꤬ꤔꤤꤔꤢꤧ꤬ ꤚꤣꤧꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤢꤩ ꤕꤢꤩ꤬ ꤟꤣꤧ꤯
โครินธ์ อาเหร่อเล๊อ ต๊าบ่า 2:7 - Eastern Kayah Shadaw Dialect7 ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤘꤣ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬꤯ ꤘꤣꤔꤢꤨ꤬ꤘꤣꤞꤢ꤬ ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤜꤢ꤭ꤟꤤ ꤢꤨ꤭ ꤔꤢꤧ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯ ꤘꤣ꤮ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ ꤢ꤬ꤋꤢꤩ꤭ ꤕꤢ꤬ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊7 แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ. အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 2:7
21 ပူးပေါင်းရင်းမြစ်များ
ꤙꤣꤧꤔꤣꤧ꤬ꤢ꤬ꤋꤢꤩ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ, “ꤊꤣ꤮ ꤗꤢꤪꤋꤢꤨ꤬ ꤙꤢꤧ꤬ꤡꤢꤩ꤬, ꤟꤢꤩ꤬ꤋꤢꤨ꤬ ꤙꤢꤧ꤬ꤡꤢꤩ꤬, ꤠꤢꤧ꤭ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬꤮ ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤔꤢꤧ꤬, ꤒꤢꤩ꤬ ꤘꤣ ꤔꤢꤧ꤬ ꤘꤢꤧ꤬ ꤘꤢꤪꤥꤘꤢꤪꤙꤤ ꤕ꤫ꤢꤩ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤗꤢꤧꤕꤢꤨ꤭ꤞꤤꤑꤢꤩ꤭ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤧ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ꤟꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ꤕꤣꤧ꤬ꤒꤤ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤞꤢꤧꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤔꤢꤧ꤬꤯
ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤜꤢꤪ꤭꤮ ꤕꤜꤤ꤬ ꤢ꤬ ꤙꤢꤧ꤬ꤡꤢꤩ꤬ ꤚꤣꤧ꤬ ꤢ꤬ ꤢꤩ ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤊꤣꤧ꤭ ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤙꤣꤧ ꤞꤤ꤭ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤣꤧ꤭ ꤊ꤫ꤢꤦ꤬ ꤒꤣꤧ꤬ꤜꤝꤢ ꤓꤥ꤭ꤟꤣꤧ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ ꤒꤣꤧ꤬ꤔꤢꤧ꤭ ꤚꤢꤧꤋꤛꤢ꤭ ꤞꤤ꤭ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤞꤤ꤭ꤟꤢꤧ꤭ꤞꤤ꤭ꤚꤢꤩ꤬ ꤕꤢ꤭꤯
ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢꤨ꤭ ꤕꤢ꤭꤯ ꤡꤢꤓꤢꤧ꤬ ꤘꤣ ꤢꤨ꤭ ꤙꤢꤧꤜꤢꤧ꤬ꤜꤢꤨ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤕꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢꤨ꤭ ꤚꤢ꤭ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤ ꤛꤢꤩ꤬ꤞꤤ꤭ꤗꤝꤤ꤭ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭꤯ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤗꤢ꤬ ꤗ꤫ꤢ꤬ꤟꤣꤧ ꤢꤨ꤭ ꤗꤢꤩ꤬ꤞꤣꤧ꤭ ꤢ꤬ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯
ꤋꤚꤤ ꤢ꤬ ꤛ꤫ꤢꤧ꤬ꤛꤥ꤬ ꤥ꤬ ꤘꤣ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩꤥ꤬ꤔꤢꤩ꤬ ꤚ꤫ꤣꤧ꤬ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤢ꤬ ꤊ꤫ꤢꤦ꤬ ꤋꤢꤧꤙꤢꤩ꤬ꤚ꤫ꤣꤧ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤕꤢ꤭, ꤓꤥ꤭ꤚꤣꤧ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ꤔꤥ꤬ ꤘꤣ ꤋꤛꤢ꤭ ꤕꤢ꤭, ꤛꤢꤩ꤬ꤞꤤ꤭ ꤗꤢꤧꤕꤢꤨ꤭ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤢ꤬ꤏꤣꤧꤢ꤬ꤋꤢꤩ꤭ ꤊ꤫ꤢꤦ꤬ ꤙꤢꤩ꤬ ꤙꤢꤪꤋꤢꤩ꤭ꤒꤢꤩ꤭ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ ꤢ꤬ꤔ꤫ꤢꤩ꤬ ꤟꤢꤨꤒꤢꤩ꤭ ꤕꤢ꤭ ꤟꤢꤨꤔꤣꤧ꤬꤯
ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤕꤢꤩ꤬ ꤟꤣꤧ, ꤚꤣꤧ꤬ ꤢ꤬ ꤢꤩ ꤟꤣꤧ ꤕꤢꤩ꤬ ꤟꤣꤧ, ꤘꤣ ꤕꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢ꤬ ꤢꤩ ꤕꤢꤩ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤣꤧ꤭ꤗꤢ꤬ ꤗ꤫ꤢ꤬ꤘꤢꤦ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤔꤢꤧ ꤢ꤬ꤙꤝꤤꤒꤣꤧ꤬ꤚꤣꤧ꤭ ꤚꤣꤧꤘꤢꤦ꤬ ꤖꤢꤧ꤯ ꤙꤣꤧ ꤢ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤒꤥ꤬ꤔꤣꤧ꤬ ꤢ꤬ ꤘꤣꤧꤜꤢꤧ꤬ ꤕꤢꤩ꤬ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤣꤧ꤭ꤔꤣꤧ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ꤟꤣꤧ꤯
ꤠꤢꤧ꤭ ꤗꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚ꤫ꤢꤩ꤬ ꤊꤢꤨ꤬ꤊꤜꤢꤪ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤠꤢꤧ꤭ ꤗꤢ꤬ ꤖꤚꤢꤩ꤬ꤋꤢꤧꤜꤥ꤭ ꤕ꤫ꤢꤩ꤬ ꤋꤚꤤ ꤢ꤬ ꤒꤢꤩ꤬ꤋꤢꤧꤡꤢ꤭ꤋꤢꤧꤡꤢꤦ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣ꤬ꤖꤚꤢꤩ꤬꤯ ꤓꤥ꤭ꤒꤥ꤬ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤟꤣꤧ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤠꤢꤧ꤭ ꤙꤢꤩ꤬ꤙꤢꤩ꤬, ꤠꤢꤧ꤭ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ,
ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤑꤢꤩ꤭ ꤥ꤬ꤔꤢꤩ꤬ ꤚ꤫ꤣꤧ꤬ꤘꤢꤦ꤬ꤟꤣꤧ꤯ ꤓꤥ꤭ꤒꤥ꤬ ꤢ꤬ ꤘꤢꤧ꤬ꤜꤢꤧ꤬ꤥ꤬ꤔꤢꤩ꤬ ꤚꤣꤧꤓꤥ꤭ꤘꤢꤦ꤬ꤟꤣꤧ ꤢ꤬ꤞꤤꤕꤜꤢꤪ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤔꤢꤧ ꤢ꤬ ꤊ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤞꤢꤧꤊꤣꤧ꤭ ꤛꤢꤩ꤬ꤞꤤ꤭ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤓꤝꤢ꤭ꤓꤢꤧ꤬ꤟꤣꤧ ꤖꤢꤨꤠ꤫ꤢꤧ꤬ꤖꤚ꤫ꤢꤩ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ꤕ꤫ꤥ꤬ꤗ꤫ꤢꤧ꤬ ꤢꤩꤖꤚꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤟꤣꤧ꤯
ꤓꤥ꤭ꤒꤥ꤬, ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤜꤢꤧ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤢ꤬ꤞꤤꤕꤜꤢꤪ꤬ ꤔꤢꤧ ꤛꤢꤩ꤬ꤞꤤ꤭ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤢꤩꤟꤣꤧ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤟꤣꤧ ꤢ꤬ꤊꤣꤧ꤬ꤛꤢꤧ꤭ ꤟꤣꤧ꤯ ꤓꤥ꤭ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ ꤚꤣꤧꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤓꤥ꤭ꤟꤣꤧ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤣꤧꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤟꤣꤧ꤯
ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤖꤛꤢ ꤓꤢꤧ꤬ꤜꤥ꤭ꤓꤢꤧ꤬ꤗꤢꤪ ꤒ꤫ꤢꤧ꤬ ꤞꤤꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤞꤤ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤘꤣ ꤢꤨ꤭ ꤞꤤꤑꤢꤩ꤭ꤕꤜꤥ꤭ꤔꤢꤪ ꤜꤢꤨ꤭ ꤒꤥ꤬ ꤣꤧ꤭ꤔꤣꤧ꤬ꤒꤣ꤬ꤡꤣ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ ꤊꤢꤨ꤬ꤊꤜꤢꤪꤖꤚꤣꤧ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤢ꤬ ꤊꤢꤨ꤬ꤊꤜꤢꤪꤖꤚꤣꤧ꤭ ꤑꤢ꤭ꤒꤣꤧ꤬ꤘꤢꤦ꤬ ꤒ꤫ꤥ꤬ꤖꤢꤧ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤥ꤬ꤔꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤙꤢ꤭ꤖꤚꤢꤩ꤬ ꤟꤣꤧ ꤕꤢ꤭ ꤙꤣꤧꤔꤣꤧ꤬ ꤖꤢꤧ꤯
ꤊꤢꤨꤔ꤫ꤢꤧ꤬ꤚꤣꤧ꤬ ꤞꤢꤧꤟꤢꤨ ꤖꤚꤢꤩ꤬ꤕꤣꤒꤢꤩ꤬ ꤘꤣ ꤗꤢꤪꤋꤢꤨ꤬ ꤔꤢꤧ ꤗꤢꤪꤋꤢꤨ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤔꤢꤧ ꤢ꤬ ꤒꤢꤩ꤬ꤡ꤫ꤢꤧ꤬ ꤙꤢ꤮ ꤒꤢꤩ꤭, ꤚꤣꤧ꤬ ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤗꤢꤩ꤬ꤓꤝꤢ꤭ ꤡ꤫ꤢꤩ꤬ꤡꤢꤦ꤭ ꤒ꤫ꤣ꤬ꤟꤣꤧ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤚꤣꤧ꤬ ꤢ꤬ ꤓꤝꤢ꤭ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤗꤢꤩ꤬ꤓꤝꤢ꤭ꤟꤣꤧ ꤜꤢꤨ꤭ ꤒꤣ꤬ꤗꤢꤨ꤬ꤡꤢꤦ꤭ ꤟꤢꤨ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣ꤬ꤗꤢꤨ꤬ꤡꤢꤦ꤭ꤜꤢꤨ꤭ ꤔꤣꤧ꤬ꤟꤣꤧ꤯
ꤗꤢ꤬ꤔꤢꤧꤚꤣꤧ꤬ ꤗ꤫ꤢꤪ꤬ꤔꤣꤧ꤭ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩꤙꤢꤩ꤬ꤒꤢ꤭ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤙꤢꤧꤒꤢ꤭ ꤘꤤ꤭ꤒ꤫ꤢꤦ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤔꤢꤧ ꤟꤢꤩ꤬ꤋꤢꤨ꤬ ꤗꤢꤪꤋꤢꤨ꤬ ꤔꤢꤧ ꤒꤢꤩ꤬ꤜꤢꤪ꤭꤮ ꤕꤜꤤ꤭꤯ ꤘꤣ ꤋꤛꤢ꤭ ꤒꤣꤧ꤬ꤘꤢꤦ꤬ ꤕꤢ꤭ꤔꤣꤧ꤬, ꤜꤢꤪ꤭ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤓꤝꤢ꤭ ꤜꤢꤪ꤭ ꤜꤢꤨ꤭ꤒꤢꤩ꤬ ꤕꤢ꤭ ꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ꤟꤣꤧ ꤜꤢꤨ꤭ ꤟꤣꤧ꤯
ကြော်ငြာတွေ