โครินธ์ อาเหร่อเล๊อ ต๊าบ่า 15:34 - Eastern Kayah Shadaw Dialect

³⁴ ꤒꤣꤧ꤬ꤔꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤋꤛꤢ꤭ꤞꤢꤧ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤠꤤ꤭ꤊꤢꤧ꤭ ꤊꤢꤧ꤭ ꤞꤤ꤭ ꤗꤢꤩ꤬ꤒꤢꤩ꤬ꤞꤢꤦ ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ ꤜꤢ꤭ꤟꤤ ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬꤯ ꤒꤢꤩ꤬ꤥ꤬ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤞꤤ꤭ ꤒꤥ꤭ꤙꤢꤩ꤬ ꤞꤤꤒꤣꤧ꤬ꤚꤢꤩ꤭ ꤔꤢꤧ꤬ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

³⁴ เตเน ตาโตตาเบ่ คยาแซ๊ แลแค ซี ซิปล่อ เร๊อ วีแก แก ซี เมเตซื๊อ เนอ เต๊เห่. เมเตเฮ๊เรอ เด๊อ ซีเกล เต๊เห่เห่เนอ โต่กู๊แหน่ อา ซิเง ตาเต เกอ ลา อู จอแปแหร่ อาหรี่อาแก โต่. เตโอ่ทวาแถ่ ฮู๊เออ เนอหม่า ซี โตเบ่ ซิเตเร แหน่ เจ๊อ.

โครินธ์ อาเหร่อเล๊อ ต๊าบ่า 15:34 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 6:5

ꤞꤤꤒꤣꤧ꤬ꤚꤢꤩ꤭ ꤒꤣꤧ꤬ꤘꤢꤦ꤬ ꤊ꤫ꤢꤩ꤬ ꤡꤣꤧ꤯ ꤘꤣ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤢ꤬ꤊꤜꤢꤩ꤭ ꤚꤣꤧꤘꤢꤦ꤬ ꤔꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤘꤣꤧꤡꤢ꤭ꤡ꤫ꤢꤧ꤬ ꤕ꤫ꤢꤩ꤬ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤊꤛꤢꤒꤣꤧ꤬ꤍꤢ꤭ ꤜꤢꤨ꤭ ꤣꤧ꤭ ꤙꤣꤧ ꤢ꤬ꤕꤜꤢꤩ꤬ꤊꤢꤨ꤭ ꤔꤣꤧ꤬ ꤕꤣꤧ꤬ꤒꤤꤒꤣꤧ꤬ꤘꤢꤦ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ꤊꤜꤢꤩ ꤥ꤬ ꤔꤢꤧ꤭ ꤖꤢꤧ꤯

ꤚꤥꤗꤢꤩ꤬ 13:11

ꤞꤤ꤭ ꤙꤢꤩ꤬ ꤗꤥ꤬ꤚꤣꤧ ꤢꤨ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤏꤣꤧꤋꤢꤩ꤭ ꤘꤣ ꤢ꤬ ꤜ꤫ꤥ꤬ꤘꤢꤨ꤬ ꤗ꤫ꤢ꤬ꤔꤤꤔꤢꤧ꤬ꤜꤣ ꤣꤧ꤭ꤒꤣ꤬ꤡꤣ꤬ꤔꤣꤧ꤬ ꤢ꤬ ꤖꤢꤦ꤬꤮ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ꤯ ꤊꤣꤧ꤬ꤓꤢꤪ꤬ꤗꤣꤧ꤭ ꤜꤢ꤭ꤋꤢꤧ꤭, ꤏꤣꤧꤋꤢꤩ꤭ ꤒꤥ꤭ ꤥ꤬ꤗꤣꤧ꤭ꤥ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ꤯ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤣꤧ꤭ꤔꤣꤧ꤬, ꤢ꤬ ꤟꤢꤧ꤭ꤒ꤫ꤥ꤬ ꤖꤢꤦ꤬ꤜꤣ ꤟꤣꤧ ꤔꤢꤧ ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤜꤢꤨ ꤋꤢꤩ꤭ ꤔꤣꤧ꤬ꤟꤣꤧ꤯

เอเฟซัส 5:14

ꤒꤢꤩ꤬ ꤘꤣ ꤢ꤬ ꤘꤣꤧ ꤗꤢꤧꤓ꤫ꤣꤧ꤬ꤜꤥ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤚꤢꤧ ꤢꤨ꤭ ꤗꤢ꤬ ꤒꤢꤦꤖꤢꤧ ꤒꤢꤩ꤬ꤜꤤ꤭ ꤖꤢꤧ꤯ ꤟꤢꤨꤔꤣꤧ꤬ꤚꤣꤧ꤬ ꤢꤨ꤭ ꤟꤢꤩ ꤔꤢꤧ, “ꤖꤢꤩ꤭ ꤥ꤬ꤗꤣꤧ꤭ꤏꤝꤢ꤬, ꤞꤤꤔ꤫ꤢꤩ꤬ꤊꤣꤧ꤭ ꤗꤣꤧ꤭ ꤢꤨ꤭, ꤊꤣꤧ꤬ꤓꤢꤪ꤬ꤊꤢ꤬ ꤊꤣꤧ꤭ꤗꤣꤧ꤭ꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤢ꤬ ꤜ꤫ꤢꤩ꤬ꤥ꤬ꤣꤧ꤭ ꤔꤣꤧ꤬꤯ ꤋꤚꤤ ꤢ꤬ ꤒꤢꤩ꤬ꤜꤤ꤭ꤣꤧ꤭ ꤊ꤫ꤢꤦ꤬ ꤒꤣꤧ꤬ꤋꤢꤩ꤭ꤒꤢ꤭ ꤘꤣ ꤔꤢꤧ꤬ꤜꤥ꤬ ꤕꤢ꤭꤯”

โครินธ์ อาเหร่อเล๊อ ต๊าบ่า 8:7

ꤗꤢ꤬ꤔꤢꤧꤚꤣꤧ꤬, ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ꤟꤢꤩ꤬ ꤘꤣ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤜꤢꤪ꤭ ꤊꤣꤧ꤭ ꤜꤢ꤭ꤟꤤ ꤒꤢꤩ꤬ꤞꤤꤑꤢꤩ꤭ ꤘꤣ ꤠꤢꤧ꤭ ꤚꤢ꤭ ꤕ꤫ꤢꤩ꤬ ꤞꤤ꤭ ꤊꤢꤨꤔ꤫ꤢꤧ꤬ꤣꤧ꤭ ꤒꤥ꤬ ꤔꤣꤧ꤬ ꤢ꤬ꤥ꤬ ꤒꤣꤧ꤬ꤟꤢꤩ꤬꤯ ꤙꤣꤧ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤒꤢꤧ꤬ꤜꤢ꤭ꤟꤤ ꤛꤢꤩ꤬ꤏꤛꤢꤨ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤒꤣꤧ꤬ꤔꤢꤩ꤬ ꤔꤢꤧ ꤖꤚꤢꤩ꤬ꤛꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤊ꤫ꤢꤦ꤬ꤚꤢꤩ꤭ ꤠꤤ꤭ꤊꤢꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤕ꤫ꤢꤧ꤬ꤢ꤬ꤏꤢꤩ꤭ ꤔꤢꤧ꤬ꤡꤣꤧ ꤘꤣ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ ꤡꤣꤧ꤯ ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤢꤩ꤬ꤏꤢꤩ꤬ꤢꤩ꤬ ꤘꤣ ꤢꤨ꤭ ꤜꤢꤨ꤭ꤒꤢꤧ꤭ꤓꤢꤧ꤬ ꤔꤢꤧ ꤖꤚꤢꤩ꤬ꤛꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤥ꤬ ꤜꤢꤨ꤭ꤞꤤꤕꤜꤢꤪ꤬ ꤒꤥ꤬, ꤚꤣꤧ꤬ ꤢ꤬ ꤗꤢꤩ꤬ꤞꤢꤦ ꤟꤣꤧ ꤒꤢꤩ꤬ ꤟꤣꤧ ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 1:28

ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤘꤢꤦꤚꤣꤧ꤬, ꤢ꤬ ꤖꤛꤢꤏꤢꤦ꤬ ꤜꤢ꤭ꤋꤢꤧ꤭ ꤒꤥ꤬, ꤢ꤬ ꤘꤢꤧ꤬ ꤒꤢꤩ꤬ꤒꤣ꤬ꤡꤣ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤕꤣꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤕꤜꤝꤢ꤭ꤗꤢꤩ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ ꤘꤣ ꤢ꤬ ꤊꤢꤪ꤬ ꤗꤢꤩ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 8:11

ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤢ꤬ ꤥ꤬ꤕꤢ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯” ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬꤮ ꤠꤢꤧ꤭ ꤘꤣꤧꤡꤢ꤭ ꤔꤢꤧ꤬ ꤒꤥ꤬ꤒꤥ꤬꤯ ꤊꤢ꤬ꤗꤣꤧ꤭ ꤚꤣꤧ꤬ ꤗꤢꤩ꤬ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬ ꤔꤤ꤮,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 5:14

ꤢ꤬ꤔꤥ꤬ꤔꤣꤧ꤬, ꤛꤢꤩ꤬ꤏꤛꤢꤨ ꤗꤢꤧꤓ꤫ꤣꤧ꤬ ꤋꤛꤢ꤭ꤞꤢꤧ ꤢ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤔ꤫ꤤ꤬ꤘꤢ꤭, ꤠꤢꤧ꤭ ꤟꤢꤩ ꤔꤢꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤔꤢꤧ꤬ ꤒꤢꤩ꤬ꤏꤝꤤ ꤥ꤬ꤗ꤫ꤢꤩ꤬ꤟꤣꤧ꤯ ꤞꤢꤧꤟꤢꤨ ꤔꤢꤧ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤕꤢ꤬ ꤒ꤫ꤢꤧ꤬ ꤔꤢꤧ ꤒꤢꤩ꤬ ꤘꤣ ꤢ꤬ꤡꤢ꤭ ꤜꤣ ꤡꤣꤧ ꤔꤢꤧ ꤣꤧ꤭ ꤕꤢ꤭ ꤒ꤫ꤢꤧ꤬ꤗꤢꤩ꤬ꤔꤣꤧ꤬ ꤗꤢꤩ꤬ꤕꤢ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤒ꤫ꤢꤧ꤬ꤗꤢꤩ꤬ ꤔꤤ꤮꤯”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:5

ꤔꤢꤪ꤭ꤕꤣ ꤜꤢꤧ꤬ꤚꤣꤧ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤜꤢꤦ꤬ꤗꤢꤩ꤬ꤗꤥ꤬ꤚꤣꤧ ꤔ꤫ꤢꤩ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤕꤣꤧ꤬ꤒꤤ꤭ꤕꤣꤧ꤬ꤒꤢ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

มัทธิว 22:29

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤞꤢꤦ ꤜꤢꤪ꤭ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ꤢꤨ꤭ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤗꤢꤩ꤬ꤡ꤫ꤢꤧ꤬ ꤒꤢꤩ꤬ ꤒꤣꤧ꤬ꤟꤢꤩ꤬ ꤒꤥ꤬꤯

เพรโด่แนพู๊ เต๊เห่ 26:8

ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ꤡ꤫ꤢꤧ꤬ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤙꤣꤧꤣꤧ꤭ ꤒꤣꤧ꤬ꤟꤢꤩ꤬ ꤡꤝꤢꤒꤣꤧ꤬ꤔꤢꤩ꤬ ꤒ꤫ꤥ꤬ ꤜꤢ꤭ꤋꤢꤧ꤭ ꤔꤢꤧ ꤢ꤬ ꤗꤢꤩ꤬ꤡ꤫ꤢꤧ꤬ ꤊꤣꤧ꤭ꤢꤨ꤭ ꤒꤥ꤬ ꤟꤢꤨꤒꤢꤩ꤭?

โครินธ์ อาเหร่อเล๊อ ต๊าบ่า 4:14

ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤒꤣꤧ꤬ꤚꤢꤩ꤭ ꤞꤤ꤭ ꤚꤣꤧ꤬ ꤠꤢꤧ꤭ ꤚꤢ꤭ ꤡꤝꤢ ꤕ꤫ꤢꤩ꤬ ꤞꤤ꤭ ꤜꤤ꤬ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤗꤥ꤬ꤚꤣꤧ ꤞꤤ꤭ ꤟꤢꤨ ꤠꤢꤧ꤭ꤖꤢꤨ ꤔꤢꤧ ꤠꤢꤧ꤭ꤔ꤫ꤢꤩ꤬ ꤔꤣꤧ꤬ ꤚꤣꤧ꤬ ꤠꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤡꤝꤢ ꤚꤣꤧꤘꤢꤦ꤬ ꤞꤤ꤭ ꤖꤢꤧ꤯