โครินธ์ อาเหร่อเล๊อ ต๊าบ่า 15:13 - Eastern Kayah Shadaw Dialect

¹³ ꤟꤢꤨ ꤞꤤ꤭ ꤟꤢꤩꤔꤣꤧ꤬ ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤩꤚꤣꤧ꤬, ꤋꤚꤤꤔꤣꤧ꤬, ꤢ꤬ ꤞꤣꤧ꤭ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤒꤥ꤬, ꤢ꤬ꤍ꤫ꤥ꤬ꤜꤣꤧ꤬ꤏꤢ ꤟꤢꤧ꤭ ꤟꤢꤨꤔꤣꤧ꤬ ꤟꤣꤧꤔꤣꤧ꤭꤯

ลีเทส่อพ๊าอาเซ เร๊อ เห่ขุทวาลู๊

¹³ ฮู๊ ซี เฮ๊เนอ อา เก่ หม่าแหน่ เฮ๊เรอ, ครี๊เนอ, อา เซอ ก๊อถ่อเซอเพร กาคยา โต่, อาโหง่แลช๊า แฮ ฮู๊เนอ เฮ๊อเนอ.

โครินธ์ อาเหร่อเล๊อ ต๊าบ่า 15:13 ပူးပေါင်းရင်းမြစ်များ

ꤚꤥꤗꤢꤩ꤬ 8:11

ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤛꤢꤩ꤬ꤏꤛꤢꤨꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤛ꤫ꤢꤧ꤬ꤛꤥ꤬ ꤊꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤟꤢꤩꤚꤣꤧ꤬, ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ꤣꤧ꤭ ꤢ꤬ ꤊ꤫ꤢꤦ꤬ ꤞꤣꤧ꤭ ꤡꤣꤧ ꤕꤢ꤭ ꤙꤢꤩ꤬ꤙꤢꤩ꤬, ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤊꤣꤧ꤭ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤕꤢ꤭꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

ꤕꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤞꤣꤧ꤭ꤓꤥ꤭ ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤏꤢ꤮ ꤛꤢꤩ꤬ꤏꤛꤢꤨ ꤟꤢꤧ꤭ꤜꤢꤧ꤬ ꤋꤛꤢ꤭ꤞꤢꤧ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤢꤩꤊꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤋꤛꤢ꤭ꤞꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤞꤣꤧ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤜꤢꤨ꤭ ꤕꤢ꤭꤯

เตเด๊อะโลแถ่ 1:18

ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤞꤣꤧ꤭ ꤓꤥ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ꤯ ꤠꤢꤧ꤭ ꤥ꤬ꤔꤢꤧ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤚꤣꤧ꤬ ꤠꤢꤧ꤭ ꤕꤣꤜꤢꤪ꤭ ꤒꤢꤩ꤬ꤞꤣꤧ꤭ ꤔꤢꤧ ꤜꤥ꤭ꤊ꤫ꤢꤩ꤬ꤔꤢꤩꤘꤢꤪ꤭ ꤒꤣꤧ꤬ꤟꤢꤩ꤬꤯

เปโตร อาเหร่อเล๊อ ต๊าบ่า 1:3

ꤕꤢꤩ꤬ ꤊ꤫ꤢꤦ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤚ꤫ꤥ꤬ꤜꤢꤨ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤕꤥ꤮꤯ ꤗ꤫ꤢ꤬ꤘꤣ ꤢ꤬ ꤒꤢꤩ꤬ꤞꤤꤛꤢꤪ꤬ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤕꤢꤩ꤬ ꤣꤧ꤭, ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤒꤢꤩ꤬ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤒꤢ꤭ ꤟꤣꤧ ꤕꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤟꤣꤧ꤯ ꤘꤣ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ꤟꤣꤧ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤟꤣꤧ꤯

ꤟꤤꤙꤚꤢꤨ 13:20

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤒꤥ꤭ꤗꤢꤩ꤬ꤙꤢꤩ꤬ ꤕ꤫ꤢꤩ꤬ꤘꤢꤦ꤬ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤞꤤꤕꤜꤢꤪ꤬ ꤔꤣꤧ꤬ꤚꤣꤧ꤬, ꤜꤢꤪ꤭ ꤒꤢꤩ꤬ꤚꤢꤧ ꤘꤣ ꤞꤤ꤭ ꤜ꤫ꤥ꤬ꤙꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤘꤢꤦ꤬ ꤞꤤ꤭ ꤔꤤ꤮꤯ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤘꤢꤦ꤬ꤒꤢꤩ꤬ ꤘꤣ ꤕꤢꤩ꤬ꤊꤢꤨ꤭ ꤟꤢꤨ ꤢ꤬ ꤒꤥ꤭ꤘꤢꤦ꤬ ꤔꤢꤧ ꤜꤢꤨ꤭ꤞꤤꤕꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤓꤥ꤭ꤟꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤒꤢꤩ꤬ꤞꤣꤧ꤭ ꤟꤣꤧ꤯ ꤚꤣꤧ꤬ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ꤞꤝꤤ꤬ ꤙꤢꤩ꤬ ꤓꤝꤤꤜꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤊꤜꤢꤪ꤬ꤗꤢꤩ꤬ꤗꤢ꤬ꤊꤢꤧ꤭ ꤓꤥ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤘꤣ ꤢ꤬ ꤥ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ꤒꤣ꤬ꤗꤢꤦ꤭ ꤟꤣꤧ꤯ ꤘꤣ ꤢ꤬ ꤗꤢꤩ꤬ꤟꤣꤧ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤛꤢꤩ꤬ꤏꤛꤢꤨ ꤓꤝꤢ꤭ ꤟꤣꤧ ꤕꤢꤩ꤬ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤘꤣ ꤢ꤬ꤘꤢꤨ꤬ꤜꤣꤢꤨ꤭ ꤒꤣ꤬ꤖꤚꤢꤩ꤬ ꤟꤣꤧ꤯ ꤕꤢꤩ꤬ ꤗꤢ꤬ ꤛꤢꤩ꤬ꤞꤤ꤭ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤘꤢꤦ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤡꤢꤨ꤬ꤡꤢꤨ꤬ ꤢ꤬ꤓꤢꤦ꤭ꤓꤢꤦ꤭ ꤔꤤ꤮꤯

ꤟꤤꤙꤚꤢꤨ 2:14

ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ ꤢꤩ ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤥ꤬ ꤔꤢꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤞꤝꤤ꤬ꤓꤣꤧ꤭ ꤘꤣ ꤢ꤬ ꤞꤣꤧ꤭ꤡ꤫ꤢꤧ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤜꤢꤧ꤬ ꤖꤛꤢꤚꤣꤧ ꤊꤣꤧ꤭ꤘꤢꤦ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ ꤞꤢꤧꤊꤣꤧ꤭ ꤘꤢꤦ꤬ ꤔꤢꤧ ꤛꤢꤩ꤬ꤞꤤ꤭ꤔꤣꤧ꤬꤯ ꤢ꤬ ꤓꤝꤢ꤭ꤓꤢꤧ꤬ ꤞꤢꤧꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤣꤧ꤭ ꤡ꤫ꤢꤧ꤬꤯ ꤞꤢꤧꤟꤢꤨ ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤗꤢꤩ꤬ꤕꤛꤢꤊꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢꤨ꤭ ꤢꤩ ꤔꤢꤧ ꤎꤢꤩ꤬ꤓꤣ꤬ ꤘꤣ ꤢ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤘꤣ ꤢ꤬ ꤊ꤫ꤢꤦ꤬ ꤕꤣꤒꤣꤧ꤬ꤚꤤ꤬ꤚꤣꤧ ꤒꤢꤩ꤬ꤞꤣꤧ꤭ ꤣꤧ꤭ꤒꤣ꤬ꤘꤥ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤋꤢꤧꤞꤣꤧ꤭ꤊꤢꤧ꤭ ꤢ꤬ꤔ꤫ꤢꤩ꤬꤯

ทิโมธี เนอบ่า ต๊าบ่า 4:8

ꤊꤢꤨꤔ꤫ꤢꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤘꤝꤢ ꤕ꤫ꤢꤩ꤬ꤟꤣꤧ ꤠꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤘꤣ ꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ ꤓꤥ꤭ꤚꤣꤧ꤬ ꤏꤢ꤮ ꤗ꤫ꤢꤪ꤬ꤔꤣꤧ꤭ ꤒꤣꤧ꤬ꤘꤢꤦ꤬ ꤕꤢ꤭ꤔꤣꤧ꤬, ꤖꤚꤢꤩ꤬ꤘꤣꤧꤡꤢ꤭ ꤡꤢꤪꤒꤢꤩ꤬ ꤢ꤬ ꤙꤢꤧ꤬ꤡꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤣꤧꤜꤢꤧ꤬ ꤠꤢꤧ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤣꤧ꤭ꤔꤣꤧ꤬ꤗꤢ꤬ ꤠꤢꤧ꤭ꤑꤢꤩ꤭ ꤒꤢꤦꤘꤢꤦ꤬ ꤗ꤫ꤢ꤬ꤒꤥ꤬꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ꤊꤣꤧ꤭ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤟꤢꤧ꤭ ꤥ꤬ꤜꤥ꤭ꤓꤢꤧ꤬ ꤋꤛꤢ꤭ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤗꤢ꤬ ꤢ꤬ ꤥ꤬ꤒ꤫ꤣ꤬ꤊꤣꤧ꤭ ꤕꤢ꤭ꤕꤢ꤭꤯

โครินธ์ อาเหร่อเล๊อ ต๊าบ่า 15:20

ꤗꤢ꤬ꤔꤢꤧꤚꤣꤧ꤬, ꤋꤚꤤ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤘꤣ ꤢ꤬ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤚ꤫ꤣꤧ꤬ꤜꤣ ꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤜꤥ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤕ꤫ꤢꤩ꤬ ꤡꤣꤧ ꤟꤣꤧ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤒꤣꤧ꤬ꤜꤝꤢ ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤜꤢꤪ꤭ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭ ꤕꤢ꤭꤯

ꤚꤥꤗꤢꤩ꤬ 8:23

ꤜꤢꤪ꤭ ꤒꤢꤩ꤬ꤙꤢꤧꤜꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ ꤒꤢꤦꤘꤢꤦ꤬ ꤗ꤫ꤢ꤬ꤒꤥ꤬, ꤕꤢꤩ꤬ ꤜꤢꤪ꤭꤮ ꤕꤜꤤ꤬ꤣꤧ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ ꤒ꤫ꤣ꤬ꤊꤣꤧ꤭ ꤜꤢꤪ꤭ ꤘꤢꤦ꤬ꤖꤢꤧ꤯ ꤕꤢꤩ꤬ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤋꤚꤢ꤭ ꤏꤢ꤭ꤛ꤫ꤢꤨ꤬ ꤘꤣ ꤢ꤬ꤚ꤫ꤣꤧ꤬ꤜꤣ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤕ꤫ꤢꤩ꤬ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ ꤚꤣꤧꤘꤢꤦ꤬ ꤘꤣ ꤞꤤꤕꤜꤢꤪ꤬ꤊꤢꤨ꤭ꤊꤢꤨ꤭꤯ ꤕꤢꤩ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤕꤣꤧ꤬ꤥ꤭ꤕꤣꤧ꤬ꤏꤢꤩ꤭ ꤊꤣꤧ꤭ꤘꤢꤦ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤏꤢ꤮ ꤢ꤬ ꤊ꤫ꤢꤦ꤬ ꤟꤢꤧ꤭ ꤤꤟꤣꤧ ꤕꤢꤩ꤬ ꤔꤢꤧ ꤢ꤬ꤖꤢꤨ ꤕꤢ꤭ ꤒꤣ꤬ꤔꤣꤧ꤭, ꤔꤢꤧ ꤏꤢ꤮ ꤢ꤬ ꤊ꤫ꤢꤦ꤬ ꤟꤢꤧ꤭ꤘꤣꤧꤟꤣꤧ ꤕꤢꤩ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤞꤢꤩ꤭ ꤕꤢ꤭ ꤣꤧ꤭ꤔꤣꤧ꤬ꤟꤣꤧ꤯

เพรโด่แนพู๊ เต๊เห่ 23:8

(ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤎꤢ꤬ꤘꤢꤨꤊꤢꤧꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ꤊꤣꤧ꤬ꤛꤢꤧ꤭ ꤞꤣꤧ꤭ ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤕꤢ꤬ꤒꤥ꤬꤯ ꤓꤥ꤭ꤒꤥ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤙꤢꤩ꤬ꤙꤢꤩ꤬, ꤛ꤫ꤢꤧ꤬ꤛꤥ꤬ ꤙꤢꤩ꤬ꤙꤢꤩ꤬, ꤢ꤬ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤜꤢ꤭ꤒꤢꤩ꤬ ꤚꤣꤧ꤬, ꤢ꤬ ꤛ꤫ꤢꤦ꤬ꤢꤩ꤬ ꤜꤢꤪ꤭ ꤜꤢ꤭ꤒꤢꤩ꤬ ꤔꤢꤧ ꤢ꤬ ꤥ꤬ꤜꤢꤪ꤭ ꤞꤥ꤭ꤡꤣ꤬꤯)

โครินธ์ อาเหร่อเล๊อ ต๊าบ่า 15:12

ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤓꤥ꤭ ꤟꤣꤧ ꤕ꤫ꤢꤩ꤬ ꤞꤤ꤭ ꤔꤢꤧ ꤋꤚꤤ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, “ꤊꤣꤧ꤬ꤛꤢꤧ꤭ ꤞꤣꤧ꤭ ꤓꤥ꤭ꤟꤣꤧ ꤒꤣꤧ꤬ꤊꤝꤢ꤬ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ꤡ꤫ꤢꤧ꤬ ꤕꤢ꤬ ꤒꤣꤧ꤬ꤋꤢꤧ꤮ ꤒꤥ꤬,” ꤢ꤬ ꤡꤝꤢꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ꤗꤢ꤬ ꤗꤢꤩ꤬ꤒꤢꤩ꤭?

โครินธ์ อาเหร่อเล๊อ ต๊าบ่า 15:14

ꤋꤚꤤ ꤊꤢꤩ꤬ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤗ꤫ꤢ꤬ꤔꤤꤔꤢꤧ꤬ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤒꤥ꤬꤯ ꤞꤤ꤭ ꤛ꤫ꤢꤦ꤬ꤢꤩ꤬ ꤔꤣꤧ꤬꤮ ꤗꤢ꤬ ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤒꤥ꤬ꤒꤥ꤬꤯