โครินธ์ อาเหร่อเล๊อ ต๊าบ่า 14:6 - Eastern Kayah Shadaw Dialect

⁶ ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤠꤢꤧ꤭ ꤊꤢꤩ꤬ ꤟꤢꤧ꤭ ꤟꤢꤩꤙꤢꤩ꤬ ꤕ꤫ꤢꤩ꤬ ꤞꤤ꤭ ꤔꤢꤧ ꤍ꤫ꤥ꤬ꤋꤥꤋꤛꤢ꤬ ꤣꤧ꤭ ꤊꤢꤩ꤬ꤟꤢꤩꤚꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤꤑꤢꤩ꤭ ꤟꤢꤨꤒꤢꤩ꤭? ꤗꤢ꤬ꤔꤢꤧꤚꤣꤧ꤬, ꤠꤢꤧ꤭ ꤊꤢꤩ꤬ ꤖꤛꤢꤟꤢꤧ꤭ꤔ꤫ꤤ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤟꤢꤩꤖꤚꤥ꤬ꤟꤢꤩꤖꤚꤢꤧ꤬ ꤥ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤔꤢꤧ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤊꤢꤩ꤬ꤟꤢꤩꤔꤣꤧ꤬, ꤢ꤬ ꤊ꤫ꤢꤦ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤘꤣ ꤞꤤꤑꤢꤩ꤭ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

⁶ ฮู๊เนอเรอ แว โคแบ๊ซว๊า ซี, แว เก่ แฮ เฮ๊เบ่ เป่ ซี เร๊อ โหง่โค๊ตีกลี๊ เออ เก่เฮ๊เรอ อา เก่ หนิบุ๊ยหนิเตอเรอ เด๊อ ซิเง ฮู๊เต? หม่าแน๊เรอ, แว เก่ พย๊าแฮหนิ เป่ ซี เตหรี่เตแก เด๊อ จอแปแหร่ เด๊อะโล เป่ แว เต๊เห่เนอ เบ่เบ่, เตซิคว๊าซิเง เต๊เห่เนอ เบ่เบ่, เตเฮ๊โพรเฮ๊ลว๊า หนื่ออื่อ เต๊เห่เนอ เบ่เบ่, เร๊อ เตอิซว๊าอี๊แส่ เต๊เห่เนอ เบ่เบ่, เก่เฮ๊เนอ, อา เก่ ทวาบุ๊ยทวาเตอเรอ เด๊อ ซิเง ปา.

โครินธ์ อาเหร่อเล๊อ ต๊าบ่า 14:6 ပူးပေါင်းရင်းမြစ်များ

เอเฟซัส 1:17

ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤡꤢꤪꤗꤣꤧ꤬ꤚꤢꤧ꤬, ꤗ꤫ꤢ꤬ꤟꤣꤧ ꤕꤢꤩ꤬ꤖꤢꤩ꤭ ꤘꤣ ꤢ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤢ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤢ꤬ꤖꤚꤥ꤬ꤢ꤬ꤖꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬꤯ ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤒꤢ꤭ꤒꤢꤩ꤬ ꤚꤢꤧꤜꤣꤕ꤫ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤒꤢꤩ꤬ꤞꤤꤒꤢꤩ꤬ꤖꤢꤩ, ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤕꤢ꤭꤯

ทิโมธี เนอบ่า ต๊าบ่า 3:16

ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤜꤢꤪ꤭꤮ ꤕꤜꤤ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧ ꤕꤢꤩ꤬, ꤚꤣꤧ꤬ ꤢ꤬ ꤥ꤬ ꤔꤢꤧ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤘꤣ ꤢ꤬ ꤤ꤬ꤞꤝꤢ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬, ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ꤋꤛꤢ꤭ ꤒꤢꤩ꤬ꤛ꤫ꤢꤦ꤬ꤢꤩ꤬ꤞꤢꤦ ꤒꤣꤧ꤬ꤟꤢꤩ꤬, ꤢ꤬ ꤗꤢꤩ꤬ꤚꤢꤧ ꤒꤥ꤭ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤒꤢꤩ꤬ꤗꤢꤩ꤬ ꤘꤣ ꤢ꤬ꤞꤢꤦ ꤒꤣꤧ꤬ꤟꤢꤩ꤬, ꤔꤢꤧ ꤒꤢꤩ꤬ꤤ꤬ꤞꤝꤢ ꤘꤣ ꤢ꤬ ꤞꤢꤨ꤭ ꤊꤣꤧ꤬ꤛꤢꤧ꤭ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤡꤢꤪꤢ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤣꤧ,

ꤚꤥꤗꤢꤩ꤬ 6:17

ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤡꤢꤪꤗꤣꤧ꤬ꤚꤢꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤔꤣꤧ꤬ꤋꤢꤩ꤭ ꤞꤤ꤭ ꤓꤝꤢ꤭ꤔꤢꤪ ꤓꤥ꤭ꤟꤣꤧ ꤒꤢꤩ꤬ꤞꤢꤦ ꤢ꤬ꤡ꤫ꤢꤦ꤬ ꤒꤣ꤬ꤖꤥ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤔ꤫ꤤ꤬ꤘꤢ꤭ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤢ꤬ꤞꤢꤩ꤭ ꤘꤣ ꤞꤤ꤭ ꤔ꤫ꤤ꤬ꤙꤢꤩ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 14:1

ꤞꤤ꤭ ꤒꤥ꤭ꤙꤢꤩ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤢꤧꤡꤢꤦ ꤗꤥ꤬ꤚꤣꤧ ꤊꤣꤧ꤭ꤢꤨ꤭꤯ ꤓꤥ꤭ꤚꤣꤧ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤏꤢ꤭ꤛ꤫ꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧꤒꤢ꤭ꤋꤚꤢ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤏꤢ꤭ꤛ꤫ꤢꤨ꤬ ꤔ꤫ꤤ꤬ꤋꤚꤢ꤭ ꤘꤣ ꤢ꤬ꤚꤢꤧꤜꤣ ꤢꤨ꤭ ꤗꤢ꤬ ꤗ꤫ꤢ꤬ꤟꤣꤧ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤡ꤫ꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤟꤢꤨ ꤖꤚꤢꤩ꤬ꤖꤚꤥ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯

ยอห์น เนอบ่า ต๊าบ่า 1:9

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤊꤣꤧ꤭ꤢꤨ꤭ ꤘꤣ ꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤊꤢꤨ꤭ ꤒꤥ꤬, ꤚꤣꤧ꤬ ꤢ꤬ ꤏꤢꤨ꤬ꤔꤥ꤭ꤜꤣꤏꤢꤨ꤬ꤔꤥ꤭ꤊꤜꤢꤪ꤭ ꤕ꤫ꤥ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤋꤚꤤ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤖꤢꤩ꤭ꤔꤢꤧꤖꤢꤨ ꤞꤤꤔꤣꤧ꤭ꤜꤢꤪ꤭ ꤊ꤫ꤢꤦ꤬ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤖꤢꤧ꤯

เปโตร เนอบ่า ต๊าบ่า 3:18

ꤗ꤫ꤢ꤬ꤟꤢꤩꤗꤢ꤬, ꤘꤢꤨ꤬ꤓꤢꤧ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤔꤢꤧ ꤘꤣ ꤒꤢꤩ꤬ꤞꤤꤑꤢꤩ꤭ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤗ꤫ꤢ꤬ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤢ꤬ꤊꤢꤨ꤭ ꤔꤤ꤮꤯ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤤ꤮ ꤢ꤬ꤗꤢꤩ꤬꤯

เปโตร เนอบ่า ต๊าบ่า 1:5

ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤧꤡꤢꤦ ꤟꤢꤧ꤭ꤑꤢꤩ꤭ ꤚꤢꤧꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤑꤢꤩ꤭ ꤔꤤ꤮꤯ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤢꤨ꤬ꤔꤣꤧ꤬, ꤘꤢꤧ꤬ꤕꤜꤢꤪ ꤢꤩꤓꤢꤧ꤬ꤕ꤫ꤥ꤬ ꤒꤢꤩ꤬ꤘꤢꤧ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤚꤢꤧ, ꤘꤣ ꤒꤢꤩ꤬ꤘꤢꤧ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤚꤢꤧ ꤢ꤬ꤋꤢꤨ꤬ꤔꤣꤧ꤬, ꤘꤢꤧ꤬ꤕꤜꤢꤪ ꤢꤩꤓꤢꤧ꤬ꤕ꤫ꤥ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭,

ꤟꤤꤙꤚꤢꤨ 13:9

ꤔꤢꤪ꤭ꤢꤩꤜꤢ꤬ꤢꤩꤕꤜꤢꤩ ꤡꤝꤢꤞꤢꤦ ꤒ꤫ꤢꤧ꤬ ꤞꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ ꤋꤥꤋꤛꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤋꤚꤝꤢ꤭ꤡꤝꤢꤊꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤢ꤬ ꤒꤥ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ꤓꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤛꤢ꤭ ꤖꤢꤧ꤯ ꤘꤣ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ ꤟꤢꤧ꤭ꤏꤝꤢ꤬ꤚꤢꤩ꤬ꤏꤢꤪ꤭ꤓꤢꤧ꤬ ꤒ꤫ꤥ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤣꤧ꤭ꤔꤣꤧ꤬, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ꤑꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯

ꤒꤤꤒꤢꤨ 3:8

ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤡꤢꤪꤢ꤬ꤒꤢꤩ꤬꤯ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤚꤣꤧ꤬ ꤘꤣꤧꤜꤢꤧ꤬ꤊꤣꤧ꤭ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤤ꤬ꤞꤝꤢ ꤒꤢ꤭ꤒꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ꤚꤢꤧ ꤔꤢꤧ꤬ꤡꤣꤧ ꤚꤣꤧ꤬ ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤔꤢꤧ꤬ꤡꤣꤧ ꤘꤣ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤡꤣꤧ꤯

ทิโมธี เนอบ่า ต๊าบ่า 4:2

ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤔꤤ꤮꤯ ꤏꤣꤧꤋꤢꤩ꤭ ꤚꤢꤧ ꤙꤢꤩ꤬ꤙꤢꤩ꤬, ꤏꤣꤧꤋꤢꤩ꤭ ꤚꤢꤧꤒꤥ꤬ ꤙꤢꤩ꤬ꤙꤢꤩ꤬, ꤒꤣꤧ꤬ꤚꤢꤨ ꤘꤥ꤬ꤔꤢꤧ꤭ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤜꤢ꤭ꤕ꤫ꤥ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤔꤤ꤮, ꤓꤥ꤭ꤚꤣꤧ꤬ ꤞꤤꤖꤚꤝꤢ꤭ꤚꤣꤧ ꤛꤢꤩ꤬ꤞꤤ꤭ ꤔꤤ꤮, ꤤ꤬ꤞꤝꤢꤤ꤬ꤞꤢꤧ꤬ ꤚꤢꤧꤊꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤔꤤ꤮, ꤚꤣꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤛꤢꤩ꤬ꤞꤤ꤭, ꤤ꤬ꤞꤝꤢꤤ꤬ꤞꤢꤧ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤋꤢꤧꤞꤤꤘꤥ꤭ ꤔꤣꤧ꤬ ꤔꤤ꤮꤯

ทิโมธี เนอบ่า ต๊าบ่า 3:10

ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤔꤢꤧ꤬ ꤋꤚꤝꤢ꤭ꤊꤣꤧ꤭ꤟꤣꤧ ꤠꤢꤧ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤋꤛꤢ꤭, ꤔꤢꤧ ꤠꤢꤧ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤠꤢꤧ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤔꤢꤧ꤬ ꤗꤢꤧꤓ꤫ꤣꤧ꤬ꤟꤣꤧ ꤠꤢꤧ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬, ꤠꤢꤧ꤭ ꤒꤢꤩ꤬ꤋꤢꤧꤞꤤꤘꤥ꤭, ꤠꤢꤧ꤭ ꤒꤢꤩ꤬ꤗꤥ꤬, ꤠꤢꤧ꤭ ꤒꤢꤩ꤬ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤒꤣꤧ꤬ꤟꤢꤩ꤬ꤟꤣꤧ,

ทิโมธี เนอบ่า ต๊าบ่า 2:14

ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤋꤛꤢ꤭ꤞꤢꤧ ꤜꤢꤪ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮, ꤚꤣꤧ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ꤋꤚꤢꤩꤊ꤫ꤢꤦ꤬ꤋꤚ꤫ꤢꤧ꤬ ꤚꤣꤧꤘꤢꤦ꤬ ꤊꤣꤧ꤭ꤜꤢꤨ꤭ ꤔꤢꤧ ꤍ꤫ꤥ꤬ꤟꤢꤩꤙꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬ ꤔꤢꤪ꤭ꤚꤢꤪ꤬ꤔꤢꤪ꤭ꤚꤢꤩ꤭ ꤏꤢ꤭ꤖꤚ꤫ꤢꤩ꤬ ꤛꤢꤩ꤬ꤞꤤ꤭ ꤘꤣ ꤙꤢꤧ꤬ꤡꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ ꤔꤤ꤮꤯ ꤒꤢꤩ꤬ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤗꤢꤩ꤬ꤚꤢꤧ ꤒꤢꤩ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬ ꤢ꤬ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ ꤔ꤫ꤤ꤬ꤟꤥ꤭ ꤛꤢꤩ꤬ꤞꤤ꤭ ꤋꤚꤢꤩꤋꤚ꤫ꤢꤧ꤬ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤔꤢꤧ ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ฟีลิปปี 3:15

ꤜꤢꤪ꤭ ꤕꤢꤩ꤬ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤒꤥ꤭ꤙꤢꤩ꤬ ꤘꤢꤧ꤬ ꤞꤢꤧꤜꤢꤨ꤭ ꤕꤢꤩ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤟꤢꤨ ꤠꤢꤧ꤭ ꤟꤢꤩꤕ꤫ꤢꤩ꤬ꤟꤣꤧ ꤞꤤ꤭ ꤣꤧ꤭ꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤊꤢꤩ꤬ ꤘꤢꤧ꤬ ꤋꤥꤘꤢꤦ꤬ ꤢ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤊꤢꤩ꤬ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤꤑꤢꤩ꤭ꤕꤜꤥ꤭ꤚꤢꤧ ꤘꤢꤦ꤬ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤘꤣ ꤢ꤬ꤒꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

เอเฟซัส 3:4

ꤏꤢ꤮ ꤞꤤ꤭ ꤘꤢꤧ ꤠꤢꤧ꤭ꤜꤤ꤬ꤣꤧ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤔꤢꤧ ꤠꤢꤧ꤭ ꤞꤤꤑꤢꤩ꤭ꤕꤜꤥ꤭ꤙꤢꤩ ꤒꤢꤩ꤬ꤡ꤫ꤢꤪ꤬ꤛꤢꤧ꤭ ꤚꤣꤧ꤬ ꤒꤢꤩ꤬ꤡ꤫ꤢꤪ꤬ꤛꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯

โครินธ์ เนอบ่า ต๊าบ่า 12:7

ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤒ꤫ꤢꤧ꤬ ꤠꤢꤧ꤭ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤚꤢꤧ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤟꤣꤧ ꤠꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣ꤬ꤡꤣ꤬ ꤘꤣ ꤢ꤬ ꤡ꤫ꤣ꤬ ꤔꤢꤧ ꤞꤢꤪ꤬ꤏꤢꤧ ꤊꤤ꤭ꤏꤢꤧ ꤒꤣꤧ꤬ꤋꤥ꤬ ꤥ꤬ꤒ꤫ꤢꤧ꤬ ꤘꤣ ꤠꤢꤧ꤭ ꤖꤢꤜꤢꤩ꤭ꤔꤣꤧ꤬꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤢꤪ꤭ꤟꤢꤧ꤭ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣ꤬ꤘꤥ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤣꤧ꤭ꤒꤣ꤬ꤡꤣ꤬ ꤟꤣꤧ꤯ ꤘꤣ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤠꤢꤧ꤭ ꤖꤛꤢꤓꤢꤧ꤬ꤜꤥ꤭ꤡ꤫ꤢꤧ꤬ ꤕꤢ꤬ ꤠꤢꤧ꤭ꤔ꤫ꤢꤩ꤬ ꤒꤥ꤬ ꤟꤣꤧ꤯

โครินธ์ เนอบ่า ต๊าบ่า 12:1

ꤒꤢꤩ꤬ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤣꤧ꤭ꤔꤣꤧ꤬ ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤢꤨ꤭ꤑꤢꤩ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤒꤥ꤭ꤙꤢꤩ꤬ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤙꤢꤧ꤬ꤡꤢꤩ꤬ ꤘꤣꤧꤗꤢꤧꤓ꤫ꤣꤧ꤬ꤜꤝꤢ ꤥ꤬ꤔꤢꤩ꤬ ꤠꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤒꤢꤩ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

โครินธ์ เนอบ่า ต๊าบ่า 11:6

ꤠꤢꤧ꤭ ꤟꤢꤩꤙꤢꤩ꤬ꤡ꤫ꤢꤧ꤬ ꤟꤢꤩꤙꤢꤩ꤬ꤕꤜꤥ꤭ ꤊꤣꤧ꤭ ꤔꤢꤧ ꤢꤨ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤠꤢ꤯ ꤕꤢꤩ꤬ ꤥ꤬ ꤔꤢꤧ ꤒꤢꤩ꤬ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ꤔꤣꤧ꤬ꤗꤢ꤬ ꤕꤢꤩ꤬ ꤘꤣꤧꤜꤥ꤭ ꤒꤢ꤭ꤒꤢꤩ꤬ ꤕ꤫ꤢꤩ꤬ ꤟꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤥ ꤟꤣꤧ꤯

โครินธ์ อาเหร่อเล๊อ ต๊าบ่า 10:33

ꤗꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤟꤢꤨ ꤠꤢꤧ꤭ ꤗꤢꤩ꤬ ꤔꤣꤧ꤬꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤗꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤠꤢꤧ꤭ ꤢꤧꤡꤢꤦ ꤜꤢꤦ꤬ꤗꤢꤩ꤬ꤒꤥ꤭ ꤕ꤫ꤢꤩ꤬ ꤢꤨ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤒꤣꤧ꤬ꤔꤢꤩ꤬ ꤗꤢꤩ꤬ ꤖꤢꤧ ꤒꤢꤩ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ ꤘꤣ ꤢ꤬ꤚꤢꤧ ꤘꤣ ꤠꤢꤧ꤭ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤚꤣꤧꤘꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤗꤢꤧꤕꤢꤨ꤭ ꤗꤢꤩ꤬ ꤕ꤫ꤢꤩ꤬ ꤒꤢꤩ꤬ ꤘꤣ ꤢ꤬ꤚꤢꤧ ꤘꤣ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

ꤚꤥꤗꤢꤩ꤬ 16:17

ꤕ꤫ꤥ꤬ꤠ꤫ꤢꤧ꤬ ꤞꤤ꤭, ꤠꤢꤧ꤭ ꤞꤤꤏꤢꤧ꤬ꤋꤚꤝꤢ꤭ꤚꤣꤧ ꤞꤤ꤭ꤋꤛꤢ꤭ ꤔꤢꤧ, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ꤔꤥ꤭ꤗꤢꤩ꤬ ꤜꤢꤨ꤬ꤖꤚꤥꤜꤢꤨ꤬ꤖꤚꤢꤧ꤭ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤢꤩꤜꤢ꤬ ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤢꤧ ꤋꤚꤤ ꤕꤢ꤭꤯ ꤛꤢꤩ꤬ꤞꤤ꤭ ꤒꤢꤩ꤬ꤤ꤬ꤞꤝꤢ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤜꤢꤨ꤭ ꤋꤥꤘꤢꤦ꤬ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤢꤨ꤭ ꤤ꤬ꤞꤝꤢ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤥ꤬ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤛꤢꤩ꤬ꤞꤤ꤭ ꤔꤤ꤮꤯

ꤚꤥꤗꤢꤩ꤬ 15:14

ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤡꤣꤧ ꤞꤤ꤭ ꤔꤢꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤘꤣ ꤢ꤬ꤜꤣꤢ꤬ꤙꤢ꤭, ꤚꤣꤧ꤬ ꤞꤤ꤭ ꤤ꤬ꤞꤝꤢꤤ꤬ꤞꤢꤧ꤬ ꤡ꤫ꤢꤧ꤬ ꤚꤣꤧꤘꤢꤦ꤬ ꤟꤣꤧ ꤜꤢ꤭ꤋꤢꤧ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤣꤧ꤯

เพรโด่แนพู๊ เต๊เห่ 2:42

ꤛꤢꤩ꤬ꤞꤤ꤭ ꤖꤛꤢꤔ꤫ꤤ꤬ ꤜꤢ꤭ꤋꤢꤧ꤭ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤤ꤬ꤞꤝꤢ ꤞꤤꤑꤢꤩ꤭ꤓꤢꤧ꤬ꤚꤣꤧ ꤊꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤥ꤬, ꤚꤣꤧ꤬ ꤛꤢꤩ꤬ꤞꤤ꤭ ꤙꤢꤧꤞꤝꤢꤋꤢꤩꤋꤥ꤭ꤚꤣꤧ ꤜꤢꤨ꤭, ꤢꤩ꤬ꤥ꤭ ꤚ꤫ꤥ꤬ꤜꤢꤨ꤭ ꤚꤣꤧ꤬ ꤊꤝꤤ꤭ꤡꤢꤪꤙꤢꤩ꤭ ꤚ꤫ꤥ꤬ꤜꤢꤨ꤭꤯

มัทธิว 16:26

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ ꤡꤣꤧ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤢ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤊꤢꤩ꤬ ꤜꤣꤧ꤬ꤡ꤫ꤢꤨ꤬ꤊꤢꤧ꤭ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ ꤟꤢꤩꤔꤣꤧ꤬ ꤢ꤬ꤙꤝꤤꤥ꤬ ꤘꤣ ꤜꤢꤨ꤭ꤑꤢꤩ꤭ ꤤ꤬ꤒꤢꤩ꤭? ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤤ꤬ꤖꤚꤤ꤬ꤙꤢꤩ ꤔꤢꤧ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯

มัทธิว 16:17

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤖꤢꤩ꤭ꤡꤛꤥ꤬ꤔꤢ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤏꤛꤤꤗꤥ꤬, ꤡꤢꤪꤗꤣꤧ꤬ꤚꤢꤧ꤬ ꤏꤢꤪ꤭ꤚꤤ꤬ ꤟꤣꤧ ꤔꤢꤧ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤣꤧ꤭ꤗꤢ꤬ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤘꤣꤧꤞꤤꤑꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ ꤗ꤫ꤢ꤬ꤒꤥ꤬, ꤗ꤫ꤢ꤬ꤘꤢꤦ꤬ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤗꤢꤪꤋꤢꤨ꤬ ꤒꤣ꤬ꤖꤚꤢꤩ꤬ ꤘꤣꤧꤞꤤꤑꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ ꤖꤢꤧ꤯

มัทธิว 11:25

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ, “ꤊꤣ꤮ ꤗꤢꤪꤋꤢꤨ꤬ ꤙꤢꤧ꤬ꤡꤢꤩ꤬, ꤟꤢꤩ꤬ꤋꤢꤨ꤬ ꤙꤢꤧ꤬ꤡꤢꤩ꤬, ꤠꤢꤧ꤭ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬꤮ ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤔꤢꤧ꤬, ꤒꤢꤩ꤬ ꤘꤣ ꤔꤢꤧ꤬ ꤘꤢꤧ꤬ ꤘꤢꤪꤥꤘꤢꤪꤙꤤ ꤕ꤫ꤢꤩ꤬ ꤖꤚꤢꤩ꤬ꤞꤤꤖꤢꤩꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤗꤢꤧꤕꤢꤨ꤭ꤞꤤꤑꤢꤩ꤭ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤧ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ꤟꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ꤕꤣꤧ꤬ꤒꤤ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤞꤢꤧꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤔꤢꤧ꤬꤯

โครินธ์ อาเหร่อเล๊อ ต๊าบ่า 14:7

ꤗꤢꤧ ꤊꤥꤚꤣꤧ ꤜꤢ꤭ꤋꤢꤧ꤭ ꤒꤢꤩ꤬ꤘꤢꤪ꤬ꤒꤢꤩ꤬ꤥ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤢ꤬ ꤏꤥ꤭ꤘꤥ꤭ ꤞꤤꤕꤜꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊꤢꤩ꤬ ꤥꤕꤤ꤭ꤜꤥ, ꤗ꤫ꤢ꤬ꤒꤥ꤬ꤚꤣꤧ꤬ ꤊꤢꤩ꤬ ꤢ꤬ ꤘꤢꤪ꤬ꤒꤤ꤬ ꤗꤢ꤬ꤔꤢꤧꤚꤣꤧ꤬ ꤢ꤬ ꤘꤢꤪ꤬ꤖꤚꤢ꤬ ꤢ꤬ꤒꤣꤧ꤬ꤜꤢ꤭ ꤣꤧ꤭ꤔꤣꤧ꤬ ꤢ꤬ ꤊꤢꤩ꤬ ꤖꤚꤢ꤬ ꤚꤢꤩ꤭ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤘꤢꤪ꤬ꤖꤚꤢ꤬ ꤋꤚꤢꤧ꤮ ꤟꤢꤨꤒꤢꤩ꤭ꤔꤣꤧ꤬, ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ ꤡꤝꤢ ꤞꤤꤑꤢꤩ꤭ꤕꤜꤥ꤭ꤡ꤫ꤢꤧ꤬ ꤜꤢꤨ꤭ ꤒꤢꤩ꤬ꤘꤢꤪ꤬ꤖꤚꤢ꤬ ꤢ꤬ꤒꤣꤧ꤬ꤜꤢ꤭ ꤖꤚꤢ꤬ꤚꤢꤩ꤭ꤖꤚꤢ꤬ꤔ꤫ꤤ꤬ ꤣꤧ꤭ꤔꤣꤧ꤬ ꤟꤢꤨꤒꤢꤩ꤭?