โครินธ์ อาเหร่อเล๊อ ต๊าบ่า 14:16 - Eastern Kayah Shadaw Dialect

¹⁶ ꤟꤢꤩꤊꤥꤚꤣꤧ, ꤔꤢꤧ꤬ ꤊꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤓꤢꤨ꤬ꤞꤢꤩꤓꤢꤧ꤬ ꤒꤢꤦꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤍ꤫ꤥ꤬ꤋꤥꤋꤛꤢ꤬ ꤣꤧ꤭ ꤊꤢꤩ꤬ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ꤡꤢꤪꤙꤢꤩ꤭ ꤊꤣꤧ꤭ ꤔꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤜꤢ꤭ ꤞꤤꤑꤢꤩ꤭ ꤊꤣꤧ꤭ ꤔꤢꤧ꤬ꤍ꤫ꤥ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤋꤚꤝꤢ꤭ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤡ꤫ꤢꤧ꤬ ꤊꤣꤧ꤭ ꤔꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁶ เฮ๊โก๊หลื่อ, เน เก่ เฮ๊บุ๊ยเฮ๊เตอเรอ ถู่เซ๊แถ่ ตื๊อแพ๊ จอแปแหร่ เร๊อ โหง่โค๊ตีกลี๊ เออ เก่เฮ๊เรอ, แกแย เด๊อ อา แฮจ๊อเบ เกอ เน เออเต๊เห่ อาเกล เตเพรเพร ย๋อ ซิเง เกอ เนโหง่ โต่ อาขว่าอาคยา, อา ครวา เฮ๊บุ๊ยเฮ๊เตอเรอแถ่ แจ่ เกอ เน จอแปแหร่ โต่.

โครินธ์ อาเหร่อเล๊อ ต๊าบ่า 14:16 ပူးပေါင်းရင်းမြစ်များ

เตเด๊อะโลแถ่ 5:14

ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤜꤝꤤ꤭ꤘꤥ꤭ ꤔꤣꤧ꤬ ꤢ꤬ ꤟꤢꤩꤏꤢꤦ꤬ ꤔꤢꤧ, “ꤢ꤬ꤗꤢꤩ꤬” ꤓꤥ꤭ꤚꤣꤧ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤘꤢꤧꤍꤢꤦ꤬ꤜꤢꤧ꤬ ꤚꤣꤧ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭꤯

โครินธ์ อาเหร่อเล๊อ ต๊าบ่า 11:24

ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬, ꤓꤥ꤭ꤚꤣꤧ꤬ ꤢ꤬ ꤙꤤ꤬ꤖꤢꤩꤊꤛꤢ꤭ ꤋꤢꤪꤗꤢꤨ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤣꤧ꤭ ꤗꤢ꤬ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤘꤣ ꤞꤤ꤭ꤑꤢꤩ꤭꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ ꤒ꤫ꤥ꤬ ꤠꤢꤧ꤭ ꤕꤝꤢ꤭꤮ ꤒꤣ꤬ꤖꤥ ꤔꤣꤧ꤬ꤚꤣꤧ꤬, ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯”

เตเด๊อะโลแถ่ 7:12

ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ꤗꤢꤩ꤬, ꤒꤢꤩ꤬ꤓꤢꤨ꤬ꤞꤢꤩꤓꤢꤧ꤬, ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭, ꤒꤢꤩ꤬ꤞꤤꤒꤢꤩ꤬ꤖꤢꤩ, ꤒꤢꤩ꤬ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭, ꤒꤢꤩ꤬ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬, ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬, ꤔꤢꤧ ꤒꤢꤩ꤬ꤟꤢꤧ꤭ꤒꤢꤩ꤬ꤚꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤘꤢꤦ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤤ꤮ ꤢ꤬ꤗꤢꤩ꤬꤯”

เตเด๊อะโลแถ่ 22:20

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤢꤪ꤬, ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ꤜꤢꤩ ꤕꤢ꤭,” ꤢ꤬ꤗꤢꤩ꤬, ꤊꤣ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ, ꤟꤢꤧ꤭ꤗꤣꤧ꤭ ꤒ꤫ꤢꤧ꤬꤮꤯

โครินธ์ อาเหร่อเล๊อ ต๊าบ่า 16:24

ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤚꤣꤧ꤬ ꤢ꤬ ꤓꤝꤢ꤭ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤒꤢꤩ꤬ꤗꤥ꤬ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤛꤢꤩ꤬ꤞꤤ꤭ ꤔꤤ꤮꤯

โครินธ์ อาเหร่อเล๊อ ต๊าบ่า 14:14

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤊꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤔꤢꤧ ꤍ꤫ꤥ꤬ꤋꤥꤋꤛꤢ꤬ ꤣꤧ꤭ ꤟꤢꤩꤚꤣꤧ꤬, ꤠꤢꤧ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ ꤢ꤬ ꤞꤤꤑꤢꤩ꤭ ꤔꤢꤧ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤒꤣꤧ꤬ꤔꤢꤩ꤬ꤕꤜꤥ꤭ ꤚꤣꤧꤘꤢꤦ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤥ꤬꤯

โครินธ์ อาเหร่อเล๊อ ต๊าบ่า 14:2

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤟꤢꤩꤙꤢꤩ꤬ ꤍ꤫ꤥ꤬ꤋꤥꤋꤛꤢ꤬ ꤘꤣ ꤢꤨ꤭ ꤞꤤꤑꤢꤩ꤭ꤓꤝꤢ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬, ꤢ꤬ ꤟꤢꤩꤙꤢꤩ꤬ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬, ꤢ꤬ ꤟꤢꤩꤙꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤖꤢꤧ꤯ ꤢꤨ꤭ ꤞꤤꤑꤢꤩ꤭ꤕꤜꤥ꤭ ꤊꤣꤧ꤭ ꤜꤢꤨ꤭ ꤒꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤢ꤬ ꤜꤢ꤭ ꤟꤢꤩꤙꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤍ꤫ꤥ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤞꤤꤑꤢꤩ꤭ꤓꤝꤢ ꤊꤣꤧ꤭ ꤜꤢꤨ꤭ ꤒꤥ꤬꤯

เพรโด่แนพู๊ เต๊เห่ 4:13

ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤓꤝꤢ꤭ꤘꤢꤨ꤬ꤓꤝꤢ꤭ꤓꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤞꤤꤕꤜꤢꤪ꤬ꤋꤢꤦ꤭ꤟꤢ꤭ ꤚꤣꤧ꤬ ꤢ꤬ ꤞꤤꤑꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤡ꤫ꤢꤧ꤬ꤜꤤ꤬ꤡ꤫ꤢꤧ꤬ꤜꤢ꤭ ꤗ꤫ꤢ꤬ꤒꤥ꤬ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ꤖꤢꤨ ꤖꤢꤧ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤋꤛꤢꤛꤢꤦ ꤜꤢ꤭ꤋꤢꤧ꤭ ꤡꤣꤧ꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤕ꤫ꤥ꤬ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤙꤢꤧꤞꤝꤢ ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨ ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 21:25

ꤊꤢꤨꤔ꤫ꤢꤧ꤬ꤣꤧ꤭, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤗꤢꤩ꤬ꤒꤢꤩ꤬ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ꤢꤩꤜꤥ꤬ꤕꤢ꤬꤯ ꤊꤢꤩ꤬ ꤚꤢ꤭ꤗꤢꤚꤢ꤭ꤒꤢꤩ꤭ ꤜꤢꤪ꤭ ꤜꤢꤪ꤭ ꤢ꤬ ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤠꤢꤧ꤭ ꤒꤣꤧ꤬ꤔꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ꤣꤧ꤭ ꤒꤣ꤬ꤙꤢ꤬ꤜꤢꤪ꤭ ꤡꤣꤧꤔꤣꤧ꤬, ꤜ꤫ꤢꤩ꤬ꤘꤢꤧ꤬ꤜꤤ꤬ ꤢ꤬ꤜ꤫ꤢꤩ꤬ꤥ꤬ ꤕ꤫ꤥ꤬ꤕꤢ꤬ ꤡꤣꤧꤒꤥ꤬ ꤟꤣꤧ꤯

ꤛꤥ꤭ꤟꤢ꤬ 7:15

ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤓꤢꤧ꤬ꤘꤢꤧꤔꤢꤪ ꤊꤣꤧ꤭ꤢꤨ꤭ ꤘꤣ ꤛꤢꤨꤘꤢ꤬ꤖꤢꤨ ꤞꤝꤢꤜꤤ꤭ꤟꤥ꤭ ꤢ꤬ ꤞꤢꤚꤢꤘꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤊꤣꤧ꤬ꤘꤢ꤭ꤊꤢꤨ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤡꤝꤢ ꤞꤤꤑꤢꤩ꤭ ꤢꤩꤔꤢꤧ꤬ꤡꤣꤧ ꤙꤢꤣꤧ꤭ ꤔꤣꤧ꤬ꤗꤢ꤬ ꤢ꤬ ꤡꤝꤢ ꤤ꤬ꤞꤝꤢꤔ꤫ꤤ꤬ꤒꤥ꤭ ꤙꤣꤧꤒꤢꤩ꤭ꤒꤢꤩ꤭?”

ꤗꤢ꤬ꤊꤢꤨ 16:20

ꤛꤢꤩ꤬ꤏꤛꤢꤨ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤡꤝꤢꤜꤢꤩ꤭ ꤘꤥ꤬ꤔꤢꤧ꤭ꤟꤢꤩꤏꤥ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬꤯ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤛꤢꤩ꤬ꤞꤤ꤭ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤘꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡ꤫ꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤢꤩꤔꤢꤧ꤬ꤡꤣꤧ꤯

มัทธิว 28:20

ꤓꤥ꤭ꤚꤣꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤡꤢꤨ꤭ꤢꤩ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤜꤢꤪ꤭ ꤟꤢꤨ ꤠꤢꤧ꤭ ꤗ꤫ꤢ꤬ꤊꤢꤧ꤭ ꤞꤤ꤭ ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤠꤢꤧ꤭ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤕꤝꤢ꤭꤮ ꤖꤥ ꤡꤣꤧ ꤕꤢ꤭, ꤒ꤫ꤥ꤬ ꤡꤣꤧ ꤘꤣ ꤟꤢꤩ꤬ꤋꤢꤨ꤬ ꤒꤣꤧ꤬ꤘꤢꤦ꤬ꤊꤢꤧ꤭ ꤡꤣꤧꤕꤢ꤭ ꤙꤢꤩ꤬ꤙꤢꤩ꤬ ꤠꤢꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤕꤢ꤭꤯”

มัทธิว 6:13

ꤔꤢꤪ꤭ꤡꤝꤢꤔꤥ꤭ ꤒ꤫ꤢꤧ꤬ ꤕꤢꤩ꤬ ꤘꤣ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤢ꤬ꤊꤜꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤚꤣꤧ ꤕꤢꤩ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤊꤢꤨꤛꤢ꤭ꤊꤢꤨ꤭ ꤣꤧ꤭ꤔꤣꤧ꤬ ꤔꤤ꤮꤯ (ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤓꤣꤧ꤭ꤊ꤫ꤢꤩ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤙꤢꤩ꤬ꤙꤢꤩ꤬ ꤗ꤫ꤢ꤬ꤘꤢꤦ꤬ꤟꤣꤧ ꤔꤢꤧ꤬ꤒꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤟꤣꤧ꤯ ꤢ꤬ꤗꤢꤩ꤬꤯)’

มัทธิว 15:36

ꤢ꤬ ꤖꤛꤢꤓꤢꤧ꤬ ꤋꤢꤪꤗꤢꤨ꤭ꤣꤧ꤭ ꤞꤥ꤭ꤞꤝꤢꤒꤣ꤬ꤊꤜ꤫ꤢꤪ꤬ ꤔꤢꤧ ꤒꤢꤩ꤭ꤟꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢ꤬ ꤙꤤ꤬ꤊꤛꤢ꤭ ꤋꤢꤪꤗꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤢ꤬ ꤘꤣꤧꤒꤢ꤭ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬꤯ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤡꤝꤢꤛ꤫ꤢꤨ꤬ꤢꤩ꤬ꤒꤢ꤭ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ꤜꤢꤪ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

โครินธ์ เนอบ่า ต๊าบ่า 1:20

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤜꤢꤪ꤭ ꤟꤣꤧ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤣꤧ꤭ꤔꤣꤧ꤬ꤗꤢ꤬, ꤕꤢꤩ꤬ ꤞꤤꤕꤜꤢꤪ꤬ꤒꤥ꤭ ꤊꤣꤧ꤭ ꤖꤢꤧ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤔꤢꤧ, “ꤢ꤬ꤗꤢꤩ꤬” ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ “ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ” ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯