โครินธ์ อาเหร่อเล๊อ ต๊าบ่า 13:5 - Eastern Kayah Shadaw Dialect

⁵ ꤕꤢꤩ꤬ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤟꤢꤩꤚꤣꤧ꤬ ꤒꤢꤩ꤬ ꤘꤣ ꤢ꤬ꤊꤢꤪ꤬ꤢ꤬ꤙꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢꤩ꤬ꤟꤢꤩꤕꤢꤩ꤬ꤗꤢꤩ꤬ ꤢꤨ꤭ ꤒꤥ꤬꤯ ꤕꤢꤩ꤬ ꤗꤢꤧꤕꤢꤨ꤭ꤗꤢꤧꤠ꤫ꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ꤑꤢꤩ꤭ ꤒꤥ꤬꤯ ꤕꤢꤩ꤬ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤟꤢꤩꤔꤣꤧ꤬ ꤕꤢꤩ꤬ ꤞꤤꤕꤜꤢꤪ꤬ꤘꤢꤨ꤬ ꤛꤢꤨ꤭ꤑꤢ ꤢꤨ꤭ ꤒꤥ꤬꤯ ꤕꤢꤩ꤬ ꤕ꤫ꤢꤦ꤬ꤗꤢ꤬ ꤢꤨ꤭ꤒꤢꤩ꤬ꤞꤢꤦ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

⁵ เป เก่ โมเร๊อ อู เฮ๊เรอ เต เด๊อ อาโต โต่ เต๊เห่เนอ เปเฮ๊เปเม อู โต่. เป แม๊ปูแม๊แหว่ เกอเร๊อดื่อ เปเง โต่. เป เก่ โมเร๊อ อู เฮ๊เนอ เป ซิปล่อดุ ยูงย๊า อู โต่. เป ปื่อหม่า อูเตซื๊อ โต่.

โครินธ์ อาเหร่อเล๊อ ต๊าบ่า 13:5 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 10:24

ꤒꤢꤩ꤬ ꤘꤣ ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤖꤢꤧꤒꤢꤦ ꤞꤤ꤭ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤚꤣꤧꤘꤢꤦ꤬ ꤔꤣꤧ꤬, ꤞꤤ꤭ ꤒꤥ꤭ ꤗꤢꤧꤕꤢꤨ꤭ ꤗꤢꤩ꤬ꤔ꤫ꤤ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤞꤤ꤭ ꤒꤥ꤭ ꤗꤢꤧꤕꤢꤨ꤭ ꤗꤢꤩ꤬ ꤕ꤫ꤢꤩ꤬ ꤊꤣꤧ꤭ ꤒꤢꤩ꤬ ꤘꤣ ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤢꤨ꤭ꤚꤥ꤬ ꤢ꤬ꤑꤢꤩ꤭ꤔꤣꤧ꤬ ꤒꤣꤧ꤬ꤟꤢꤩ꤬꤯

ꤡꤛꤢꤩ꤭ꤗꤢ꤬ꤎꤣ꤬ 1:19

ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤘꤣ ꤠꤢꤧ꤭ ꤗꤥ꤬ꤚꤣꤧ ꤞꤤ꤭꤮, ꤒꤥ꤭ꤗꤢ ꤜꤢ꤭ꤋꤢꤧ꤭ ꤍ꤫ꤥ꤬ ꤣꤧ꤭ꤒꤣ꤬ꤗꤢꤦ꤭ ꤔꤤ꤮꤯ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤒꤢ꤭ꤒꤢꤩ꤬, ꤢ꤬ ꤒꤥ꤭ꤙꤢꤩ꤬ ꤒꤣꤧ꤬ꤔꤢꤩ꤬ꤟꤢꤩꤙꤢꤩ꤬ ꤜꤢ꤭ꤋꤢꤧ꤭ ꤚꤣꤧ꤬ ꤢ꤬ ꤒꤥ꤭ꤙꤢꤩ꤬ ꤞꤤꤕꤜꤢꤪ꤬ꤘꤢꤨ꤬ꤓꤢꤧ꤬ ꤖꤚꤢꤧ꤭ ꤔ꤫ꤤ꤬ ꤒꤥ꤬꤯

ฟีลิปปี 2:21

ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤜꤢꤪ꤭꤮ ꤕꤜꤤ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗꤢꤧꤕꤢꤨ꤭ ꤗꤢꤩ꤬ꤚꤣꤧ ꤜꤢ꤭ꤋꤢꤧ꤭ ꤖꤢꤧꤒꤢꤦ ꤒꤢꤩ꤬ ꤘꤣ ꤢ꤬ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤘꤣ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ ꤚꤣꤧꤘꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤢ꤬ ꤗꤢꤧꤕꤢꤨ꤭ ꤗꤢꤩ꤬ ꤕ꤫ꤢꤩ꤬ ꤜꤢ꤭ꤋꤢꤧ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤑꤢꤩ꤭ ꤒꤥ꤬꤯

ฟีลิปปี 4:8

ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤠꤢꤧ꤭ ꤒꤢꤩ꤬ꤟꤢꤩꤙꤢꤩ꤬ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤜꤣ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬ ꤞꤤ꤭ ꤒꤥ꤭ ꤒꤣꤧ꤬ꤔꤢꤩ꤬ ꤋꤚꤢꤧ꤮ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤞꤤ꤭ ꤒꤥ꤭ ꤒꤣꤧ꤬ꤔꤢꤩ꤬ ꤒꤢꤦꤖꤢꤧ ꤒꤢꤩ꤬ꤘꤣ ꤢ꤬ꤗ꤫ꤢ꤬ꤢ꤬ꤡꤢꤪ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ ꤕꤜꤤ꤭ꤖꤥ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤞꤤꤛ꤫ꤢꤦ꤬ꤗꤥ꤬ꤚꤣꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤢꤧ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤒꤝ꤫ꤢ꤬ꤢ꤬ꤚꤢꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢ꤬ꤚꤢꤧ ꤔꤢꤧ꤬ꤡꤣꤧ ꤒꤣꤧ꤬ꤟꤢꤩ꤬, ꤒꤢꤩ꤬ꤘꤣ ꤢꤨ꤭ ꤒꤥ꤭ꤙꤢꤩ꤬ ꤓꤢꤨ꤬ꤞꤢꤩꤓꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ ꤔꤤ꤮꤯

ꤊꤢ꤬ꤜꤢ꤬ꤒꤤ 5:13

ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤕꤣꤧ꤬ꤜꤢ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢꤩꤟꤣꤧ ꤞꤤ꤭ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤕꤣꤧ꤬ꤜꤢ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤔꤢꤪ꤭ꤕꤣ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤞꤤ꤭ ꤞꤝꤤ꤬ꤓꤣꤧ꤭ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤞꤤ꤭ ꤒꤥ꤭ ꤗꤥ꤬ ꤚꤣꤧꤘꤢꤦ꤬ꤜꤣ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤞꤤ꤭ ꤒꤥ꤭ ꤗꤢꤩ꤬ꤡꤝ꤫ꤢ꤬ꤖꤛꤢꤡꤝ꤫ꤢ꤬ ꤚꤣꤧꤘꤢꤦ꤬ꤜꤣ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬꤯

โครินธ์ อาเหร่อเล๊อ ต๊าบ่า 12:25

ꤞꤢꤧꤟꤢꤨ ꤞꤤ꤭ ꤞꤤꤕꤜꤢꤪ꤬ ꤊ꤫ꤢꤦ꤬ ꤜꤢꤨ꤬ꤋꤥ ꤒ꤫ꤢꤧ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤥ꤬ꤓꤢꤧ꤬ꤚꤣꤧ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤟꤢꤨꤔꤣꤧ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭, ꤔ꤫ꤢꤩ꤬ꤊꤜ꤫ꤢꤪ꤬ ꤋꤚꤢꤦ꤬ꤋꤚ꤫ꤢꤪ꤬ ꤒꤣ꤬ꤡꤣ꤬ ꤔꤢꤧ ꤒꤣ꤬ꤡꤣ꤬ ꤣꤧ꤭ ꤊ꤫ꤢꤦ꤬ ꤙꤢꤩ꤬ ꤗꤢꤩ꤬ꤚ꤫ꤥ꤬ꤜꤢꤨ꤭ ꤒꤢꤩ꤬ ꤚꤣꤧ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ꤖꤛꤢꤡꤝ꤫ꤢ꤬ ꤚꤣꤧ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬꤯

โครินธ์ เนอบ่า ต๊าบ่า 5:19

ꤕꤢꤩ꤬ ꤞꤤꤛ꤫ꤢꤦ꤬ ꤟꤢꤩꤔꤣꤧ꤬ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬, ꤘꤣ ꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤢ꤬ ꤋꤥ꤭ꤙꤢꤧꤞꤝꤢ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤕꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤒꤥ꤬ ꤟꤣꤧ꤯ ꤚꤣꤧ꤬ ꤢ꤬ ꤘꤣꤧꤒꤢ꤭ꤊꤢꤧ꤭ ꤟꤣꤧ ꤕꤢꤩ꤬ ꤒꤢꤩ꤬ꤗꤢꤩ꤬ꤣꤧ꤭ ꤘꤣ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤋꤥ꤭ꤙꤢꤧꤞꤝꤢ ꤟꤣꤧ꤯

โครินธ์ อาเหร่อเล๊อ ต๊าบ่า 10:33

ꤗꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤟꤢꤨ ꤠꤢꤧ꤭ ꤗꤢꤩ꤬ ꤔꤣꤧ꤬꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤗꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤠꤢꤧ꤭ ꤢꤧꤡꤢꤦ ꤜꤢꤦ꤬ꤗꤢꤩ꤬ꤒꤥ꤭ ꤕ꤫ꤢꤩ꤬ ꤢꤨ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤒꤣꤧ꤬ꤔꤢꤩ꤬ ꤗꤢꤩ꤬ ꤖꤢꤧ ꤒꤢꤩ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ ꤘꤣ ꤢ꤬ꤚꤢꤧ ꤘꤣ ꤠꤢꤧ꤭ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤚꤣꤧꤘꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤗꤢꤧꤕꤢꤨ꤭ ꤗꤢꤩ꤬ ꤕ꤫ꤢꤩ꤬ ꤒꤢꤩ꤬ ꤘꤣ ꤢ꤬ꤚꤢꤧ ꤘꤣ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 11:18

ꤢ꤬ꤚ꤫ꤣꤧ꤬ꤜꤣ ꤒꤣ꤬ꤡꤣ꤬ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤟꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤒ꤫ꤣ꤬ꤜꤢꤨ꤭ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤞꤤ꤭ ꤞꤤꤕꤜꤢꤪ꤬ ꤜꤢꤨ꤬ꤋꤥꤋꤛꤢ꤭ꤜꤢꤨ꤭, ꤢꤨ꤭ ꤟꤢꤩ ꤕ꤫ꤢꤩ꤬ ꤠꤢꤧ꤭ ꤟꤢꤨꤔꤣꤧ꤬꤯ ꤟꤢꤨ ꤢꤨ꤭ ꤟꤢꤩ ꤕ꤫ꤢꤩ꤬ ꤠꤢꤧ꤭ ꤔꤣꤧ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬ ꤔꤢꤧ ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤢ꤬ꤒꤥ꤭ ꤔꤢꤧ꤭ ꤖꤢꤧ꤯

มัทธิว 5:22

ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭ ꤔꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤘꤢꤨ꤬ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤒꤥ꤭ꤙꤢꤩ꤬ ꤘꤣꤧꤡꤢ꤭ ꤢ꤬꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤒꤥ꤭ꤙꤢꤩ꤬ ꤢꤩꤡꤝꤢ ꤘꤣꤧꤡꤢ꤭ ꤜꤢꤨ꤭ ꤘꤣ ꤛꤢꤨꤘꤢ꤬ꤖꤢꤨ ꤢ꤬ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤟꤢꤩ ꤢꤨ꤭ ꤔꤢꤧ, ‘ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭’ ꤟꤢꤨꤔꤣꤧ꤬ ꤟꤢꤩꤔꤣꤧ꤬ꤗꤢ꤬, ꤢ꤬ ꤒꤥ꤭ ꤚꤢꤪ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤟꤢꤧ꤭ꤒꤥ꤭ ꤖꤢꤦ꤬ꤟꤣꤧ ꤔꤢꤧ ꤗꤢꤪꤚꤢ꤬ꤕꤢꤪ꤬ꤒꤢꤧ꤬ ꤢ꤬ꤊꤢꤨ꤭ꤟꤣꤧ꤯

ꤜꤢꤨꤊꤢ꤬ 7:39

ꤙꤣꤧ ꤖꤢ꤬ꤚꤤ꤬ꤏꤛꤢꤧꤖꤢꤨ ꤘꤣ ꤢ꤬ ꤢꤩꤗꤥ꤬ꤏꤢꤦ꤬ ꤛꤢꤩ꤬ꤏꤛꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤢ꤬ ꤗꤢꤩ꤬ꤟꤢꤨꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤖꤚꤢꤩ꤬ꤖꤚꤥ꤬ ꤒꤣ꤬ꤖꤚꤢꤩ꤬ ꤊꤢꤩ꤬ꤟꤢꤩꤚꤣꤧ꤬, ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤒꤥ꤬ꤙꤢꤩ꤬ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤗꤢꤪ꤬ ꤟꤢꤨꤒꤢꤩ꤭ ꤒꤣ꤬ꤡꤣ꤬ꤒꤢꤩ꤭, ꤚꤣꤧ꤬ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤗꤢꤩ꤬ꤋꤚꤢꤧ꤮ ꤟꤢꤨꤒꤢꤩ꤭ꤔꤣꤧ꤬ ꤢ꤬ ꤒꤥ꤭ ꤞꤤꤑꤢꤩ꤭ ꤠꤢ,”

ꤗꤢ꤬ꤊꤢꤨ 3:5

ꤢ꤬ ꤙꤢꤩ꤬ꤏꤢꤩ꤭ ꤛꤢꤩ꤬ꤏꤛꤢꤨ ꤢ꤬ꤞꤤꤕꤜꤢꤪ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤊꤢꤨꤜꤢꤩ꤬ꤊꤥ꤬ꤘꤥ꤭ ꤜꤢꤪ꤭ꤕꤜꤤ꤭ ꤡꤣꤧ ꤕꤝꤢ꤭꤮ ꤒꤣ꤬ꤖꤚꤢꤩ꤬, ꤒꤢꤩ꤬ꤞꤤꤛꤢꤪ꤬ꤚꤣꤧ ꤢꤨ꤭ꤔꤣꤧ꤬ ꤢ꤬ ꤥ꤬ ꤡꤣꤧ ꤒꤣꤧ꤬ꤊꤤ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤏꤛꤢꤨ ꤗꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤘꤢꤨ꤬ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤚꤣꤧ꤬ ꤢ꤬ ꤟꤢꤩ ꤊꤣꤧ꤬ꤛꤢꤧ꤭ꤖꤢꤩ꤭ ꤊꤢꤨꤋꤢꤨ꤬ꤞꤣꤧ꤭ ꤒꤣ꤬ꤋꤥ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ, “ꤙꤢꤪꤓꤢꤩ꤬ ꤔꤢꤧ꤬ ꤊꤢꤨꤋꤢꤨ꤬ꤔꤣꤧ꤬,” ꤚꤣꤧ꤬ ꤢ꤬ ꤙꤢꤪꤓꤢꤩ꤬ ꤢ꤬ꤊꤢꤨꤋꤢꤨ꤬, ꤚꤣꤧ꤬ ꤢ꤬ꤊꤢꤨꤋꤢꤨ꤬ ꤚꤢꤧꤊꤢ꤬ꤋꤛꤢ꤭ ꤕꤜꤢꤦꤜꤢꤪ꤭ ꤋꤛꤢ꤭ꤞꤢꤧ꤯

เธสะโลนิกา เนอบ่า ต๊าบ่า 3:7

ꤞꤤ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤞꤤ꤭ ꤒꤥ꤭ ꤋꤚꤝꤢ꤭ꤗꤢꤧꤙꤢꤦ꤭ ꤗꤢꤩ꤬ꤊꤣꤧ꤭ ꤕꤢꤩ꤬ ꤟꤢꤨꤒꤢꤩ꤭ꤔꤣꤧ꤬ ꤞꤤ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤓꤥ꤭ꤘꤢꤦ꤬ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤕꤢꤩ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ ꤔꤢꤧ ꤒꤥ꤬꤯

โครินธ์ อาเหร่อเล๊อ ต๊าบ่า 7:36

ꤟꤢꤩꤊꤥꤚꤣꤧ, ꤖꤚꤢꤩ꤬ꤗꤢꤪ꤬ ꤘꤣ ꤔꤢꤧ꤬ ꤟꤢꤧ꤭ꤘꤣꤧꤟꤣꤧ꤭ ꤓꤥ꤭ꤟꤣꤧ ꤢ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤔꤢꤧ꤬ ꤞꤤꤛ꤫ꤢꤦ꤬ꤏꤝꤢ꤬ ꤔꤢꤧ꤬ꤡꤣꤧ ꤜꤢꤨ꤭ ꤚꤣꤧ꤬ ꤔꤢꤧ꤬ ꤒꤣꤧ꤬ꤔꤢꤩ꤬ ꤏꤥ꤭ꤏꤢꤦ ꤖꤢꤧ ꤔꤢꤧ ꤔꤢꤧ꤬ ꤊ꤫ꤢꤦ꤬ ꤖꤛꤢ ꤔꤢꤧ ꤜꤢꤨ꤭ ꤊꤢꤩ꤬ꤟꤢꤩꤚꤣꤧ꤬, ꤖꤛꤢꤊꤢꤧ꤭ ꤢ꤬ ꤔꤣꤧ꤬꤯ ꤔꤢꤧ꤬ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤗꤢ꤬ ꤒꤢꤩ꤬ꤞꤢꤦ ꤥ꤬ ꤒꤥ꤬꤯

มัทธิว 9:4

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤤꤑꤢꤩ꤭ ꤜꤢꤪꤕꤜꤢꤨ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤞꤤ꤭ ꤡꤝꤢ ꤒꤣꤧ꤬ꤔꤢꤩ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒ꤫ꤥ꤬ ꤒꤢꤩ꤬ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤗꤢꤩ꤬ꤒꤢꤩ꤭?

ทิโมธี เนอบ่า ต๊าบ่า 2:10

ꤟꤢꤨꤔꤣꤧ꤬ꤚꤣꤧ꤬ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤔꤢꤧ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤚꤣꤧ꤬, ꤠꤢꤧ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤖꤢꤧ꤯

ทิโมธี เนอบ่า ต๊าบ่า 4:16

ꤙꤣꤧ ꤠꤢꤧ꤭ ꤟꤢꤩꤙꤢꤩ꤬ ꤒꤣꤧ꤬ꤊꤢꤩ꤬ꤙꤤ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤔꤢꤧ ꤢꤨ꤭ ꤘꤣꤧꤡꤢ꤭ ꤠꤢꤧ꤭ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤥ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤥ꤬ꤊꤣꤧ꤭ ꤘꤣ ꤠꤢꤧ꤭ ꤊꤢꤧ꤭ꤏꤢ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤢꤨ꤭ ꤊꤜꤢꤧ꤬ ꤒꤣꤧ꤬ꤖꤢ꤭ꤊꤢꤧ꤭ ꤜꤢꤪ꤭ꤕꤜꤤ꤭ ꤠꤢꤧ꤭ꤜ꤫ꤢꤩ꤬꤯ ꤊꤣ꤮ ꤡꤢꤪꤗꤣꤧ꤬ꤚꤢꤧ꤬, ꤘꤢꤧ꤬ ꤒ꤫ꤢꤧ꤬ ꤒꤢꤩ꤬ꤞꤢꤦ ꤘꤣ ꤛꤢꤩ꤬ꤞꤤ꤭ ꤢ꤬ꤜꤥ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯